វ៉ាន់ រិត

ឈ្មោះក្រៅ : មឿន¹, វ៉ាន់ រិត²

វ៉ាន់ រិត (១៩៣៨-២០០៨) ជាសមាជិក គណៈកម្មាធិការពាណិជ្ជកម្មកម្ពុជាប្រជាធិបតេយ្យ និងក្រោយមករដ្ឋមន្រ្តីក្រសួងពាណិជ្ជកម្ម។ គាត់ទទួលមរណភាពនៅក្នុងឆ្នាំ២០០៨ ដោយជរាពាធ។

ស្វែងយល់ពីឋានានុក្រមខ្មែរក្រហម ដើម្បីយល់ដឹងអំពីតួនាទីរបស់គាត់នៅក្នុងប្រព័ន្ធសម្ងាត់។

ការរកឃើញសំខាន់ៗ

អង្គជំនុំជម្រះសាលាដំបូងនៅក្នុងសំណុំរឿង ០០២/០២ បានរកឃើញថា វ៉ាន់ រិត:

រាយការណ៍ជូន វន វ៉េត និង ខៀវ សំផន ដែលជាប្រធានគណៈកម្មាធិការពាណិជ្ជកម្ម ⁷ ។
ចុះពិនិត្យឃ្លាំងរដ្ឋជាមួយ ខៀវ សំផន ដែលនៅទីនោះ ខៀវ សំផន បានពិនិត្យផលិតផលសម្រាប់នាំចេញ រៀបចំប្រជុំជាមួយកម្មករ និងកម្មាភិបាលពាណិជ្ជកម្ម ណែនាំអំពីការដឹកនាំ វិន័យ និងសីលធម៌ និងថ្កោលទោសខ្មាំងបក្ស ⁸ ។

កំណត់សម្គាល់

វ៉ាន់ រិត មិនមែនជាជនសង្ស័យ ជនត្រូវចោទ ឬ ជនជាប់ចោទនៅក្នុងកិច្ចដំណើរការនីតិវិធីចំពោះមុខ អ.វ.ត.ក។ ដូច្នេះ សំអាងហេតុរបស់អង្គជំនុំជម្រះវិសាមញ្ញមិនអាចចាត់ទុកជាសំអាងហេតុនៃពិរុទ្ធភាពប្រឆាំងនឹងគាត់នោះឡើយ។

ព័ត៌មានខ្លះអាចយកចេញពីចម្លើយសារភាពដែលទទួលបានក្រោមទារុណកម្ម។ ដូច្នេះ ភាពអាចទុកចិត្តបាននៃព័ត៌មានបែបនេះគួរពិនិត្យដោយប្រុងប្រយ័ត្ន។ សូមមើលសេចក្តីសម្រេចស្តីពីភស្តុតាងទទួលបានតាមរយៈទារុណកម្ម។

អូស

១៩៣៨

ថ្ងៃខែឆ្នាំកំណើត³។

១៩៧៦

ក្រោយថ្ងៃទី១៣ ខែមេសា ឆ្នាំ១៩៧៦

តែងតាំងជាសមាជិកគណៈកម្មាធិការពាណិជ្ជកម្ម⁴។

ចុងឆ្នាំ ១៩៧៦ ដល់ឆ្នាំ១៩៧៨

ជាប្រធានគណៈកម្មាធិការពាណិជ្ជកម្ម (រដ្ឋមន្រ្តីពាណិជ្ជកម្ម)⁵។

២០០៨

ចុងឆ្នាំ២០០៨

មរណភាពដោយជរាពាធ⁶។