ប៊ិត បឿន
រហ្សនាម: 2-TCW-953
សំណុំរឿង: សំណុំរឿង ០០២/០២
ប្រភេទ: សាក្សី
សាវតារ និង តួនាទី
អ្នកស្រី ប៊ិត បឿន ចូលបដិវត្តន៍ខ្មែរក្រហមក្នុងឆ្នាំ ១៩៧១
1
។ ក្នុងខែមេសា ឆ្នាំ១៩៧៥ ខ្មែរក្រហមប្រគល់ ភារកិច្ចឲ្យគាត់ដឹកជញ្ជូនគ្រាប់ឲ្យពួកគេប្រយុទ្ធជាមួយទាហាន លន់ នល់
2
។ ក្រោយរបប លន់ នល់ ដួលរលំនៅថ្ងៃទី១៧ ខែមេសា ឆ្នាំ១៩៧៥ គាត់មានមូលដ្ឋាននៅស្តាតអូរឡាំពិក ក្នុងទីក្រុងភ្នំពេញ
3
ជាកន្លែងដែលគាត់បានចូលរួមវគ្គរៀនសូត្រនយោបាយ ដែលធ្វើឡើងដោយថ្នាក់ដឹកនាំខ្មែរក្រហម
4
។ ក្នុងខែកក្កដា ឆ្នាំ១៩៧៧ គាត់ត្រូវបានបញ្ជូនទៅក្រសួងពាណិជ្ជកម្មនៅទួលទំពូង
5
ក្រោយមកផ្លាស់ទៅការដ្ឋានព្រលានយន្តហោះកំពង់ឆ្នាំង បន្ទាប់ពីថ្នាក់លើរបស់គាត់នៅក្រសួងនោះត្រូវបានចាប់ខ្លួន ដោយចោទប្រកាន់ថាក្បត់អង្គការ
6
។ អ្នកស្រី ប៊ិត បឿន បានផ្តល់សក្ខីកម្មនៅចំពោះមុខអង្គជំនុំជម្រះក្នុងសំណុំរឿង ០០២/០២ ក្នុងនាមជាសាក្សី អំពីវគ្គរៀនសូត្រនយោបាយ ដែលធ្វើឡើងដោយថ្នាក់ដឹកនាំខ្មែរក្រហម និង បទពិសោធន៍របស់គាត់ ពេលធ្វើការនៅការដ្ឋានព្រលានយន្តហោះកំពង់ឆ្នាំង ជាកន្លែងដែលគាត់ត្រូវ “លត់ដំ”
7
។
វគ្គរៀនសូត្រនយោបាយធ្វើឡើងដោយថ្នាក់ដឹកនាំខ្មែរក្រហមនៅបុរីកីឡា
អ្នកស្រី ប៊ិត បឿន បានចូលរួមវគ្គរៀនសូត្រសំខាន់ៗរយៈពេលបីថ្ងៃចំនួន ពីរដង ដែលធ្វើឡើងដោយថ្នាក់ដឹកនាំជាន់ខ្ពស់ខ្មែរក្រហមនៅបុរីកីឡា ក្នុងទីក្រុងភ្នំពេញ ក្នុងឆ្នាំ១៩៧៧៖ “បងលេខ ១” ប៉ុល ពត “បងលេខ ២” នួន ជា និង ខៀវ សំផន
8
។ អ្នកចូលរួមបានរៀនអំពីការចាត់តាំងនយោបាយ ថ្នាក់ដឹកនាំការងារ ខ្លឹមសារទស្សនាវដ្តី ទង់បដិវត្តន៍ និង សកម្មភាពខ្មាំង
9
។ ប៉ុល ពត និយាយច្រើនជាងគេនៅក្នុងអំឡុងពេលព្រឹត្តិការណ៍ទាំងនេះ
10
។ គាត់បានកំណត់ឈ្មោះវៀតណាមថាជាខ្មាំងរបស់អង្គការ និង បានណែនាំកម្មាភិបាលខ្មែរក្រហមឲ្យស្វែងរកខ្មាំងបង្កប់ក្នុងជួរបដិវត្តន៍របស់គាត់
11
។ ប៉ុល ពត បាននិយាយថា ពេលខ្លះ ខ្មាំងគឺជាឪពុកម្តាយ និង ជាសាច់ញាតិរបស់អ្នកចូលរួម និង បានសួរអ្នកចូលរួមថាហ៊ាន “កម្ទេច” ខ្មាំងទាំងនោះឬទេ
12
។ ក្រោយពេល ប៉ុល ពត បញ្ចប់សុន្ទរកថានយោបាយរបស់ខ្លួន នួន ជា និង ខៀវ សំផន ត្រូវបានអនុញ្ញាតឲ្យមានយោបល់បន្ថែមលើបទបង្ហាញរបស់ ប៉ុល ពត
13
។ ប៉ុល ពត និង នួន ជា និយាយអំពីខ្មាំងរបស់អង្គការក្នុងវគ្គរៀនសូត្រនៅបុរីកីឡា
14
។ ខៀវ សំផន បានចូលរួមយ៉ាងសកម្មជាមួយ ប៉ុល ពត និង នួន ជា នៅក្នុងវគ្គនយោបាយ
15
។ បន្ទាប់ពីព្រឹត្តិការណ៍នៅបុរីកីឡា ខៀវ សំផន បានធ្វើការប្រជុំជាមួយកម្មាភិបាលពាណិជ្ជកម្មនៅក្រសួងពាណិជ្ជកម្ម ដោយបានណែនាំពួកគេឲ្យស្វែងរកខ្មាំងផ្ទៃក្នុង
16
។ អ្នកស្រី ប៊ិត បឿន និង ប្រធានផ្នែកពាណិជ្ជកម្មរបស់គាត់មួយក្រុមតូច បានចូលរួមប្រជុំបន្ថែមទៀតជាមួយ ខៀវ សំផន ជារៀងរាល់ខែ ឬរៀងរាល់ ពីរ ឬ បី ខែម្តង សរុបប្រហែលជាបួនដង
17
។ ការប្រជុំទាំងនេះនិយាយអំពីថ្នាក់ដឹកនាំការងារ ការប្រកាន់វិន័យ និង សីលធម៌ ហើយក៏ពិភាក្សាអំពី “ខ្មាំងសតិអារម្មណ៍” ផងដែរ គឺអ្នកទាំងឡាយណាដែលខ្ជិលធ្វើការ
18
។ អង្គជំនុំជម្រះសាលាដំបូងផ្អែកលើសក្ខីកម្មរបស់អ្នកស្រី ប៊ិត បឿន ក្នុងចំណោមភ័ស្តុតាងផ្សេងទៀត ក្នុងការសន្និដ្ឋានថា៖ (i) វគ្គរៀនសូត្រនយោបាយត្រូវបានធ្វើឡើងមុនពេល និង អំឡុងពេលរបបកម្ពុជាប្រជាធិបតេយ្យនៅថ្នាក់តំបន់ ស្រុក ភូមិភាគ ឬ មជ្ឈិម នៅទូទាំងប្រទេស និង ក្នុងទីក្រុងភ្នំពេញ ជាពិសេសនៅស្តាតអូរឡាំពិក និង នៅបុរីកីឡា ដើម្បីពិភាក្សាអំពីគោលនយោបាយបដិវត្តន៍ និង សេដ្ឋកិច្ច សហករណ៍ និង ខ្លួនទីពឹងខ្លួន និង ភាពម្ចាស់ការ ព្រមទាំងការប្រុងប្រយ័ត្នចំពោះខ្មាំងខាងក្នុង និង ខាងក្រៅ
19
(ii) ខៀវ សំផន បានធ្វើការប្រជុំជាមួយកម្មករ និង កម្មាភិបាលពាណិជ្ជកម្ម ហើយបានណែនាំពួកគេអំពីការដឹកនាំ វិន័យ និង សីលធម៌ និង បានប្រកាសថាខ្មាំងរបស់បក្ស គឺជាអ្នកទាំងឡាយណាដែលខ្ជិលធ្វើការ
20
និង (iii) ទស្សនាវដ្តីទង់បដិវត្តន៍ជាញឹកញាប់ត្រូវបានប្រើសម្រាប់គោលបំណងអប់រំនៅវគ្គរៀនសូត្រនយោបាយរបស់បក្សកុម្មុយនីស្តកម្ពុជា ឬវគ្គបណ្តុះបណ្តាលផ្សេងៗ
21
។
លក្ខខណ្ឌនៃការរស់នៅ និង ការងារនៅការដ្ឋានព្រលានយន្តហោះកំពង់ឆ្នាំង
ប្រជាជនដែលគេបញ្ជូនទៅ “លត់ដំ” នៅការដ្ឋានសាងសង់ព្រលានយន្តហោះកំពង់ឆ្នាំងជាមួយអ្នកស្រី ប៊ិត បឿន ក៏ត្រូវបានគេចោទថាក្បត់អង្គការផងដែរ
22
។ ពេលគាត់ទៅដល់ការដ្ឋាននោះ គាត់បានឃើញកម្មកររាប់សិបពាន់នាក់ ដែលភាគច្រើនជាទាហាន
23
។ បុរសត្រូវបានចាត់តាំងឲ្យវាយ ឬ ជញ្ជូនថ្ម ចំណែកស្រ្តីវិញត្រូវធ្វើស្រែប្រាំង
24
។ ក្រោយពីធ្វើការលំបាក កម្មករទទួលបានបបររាវៗហូបធ្វើជាអាហារ និង សម្រាកនៅក្នុងទីជម្រកវែងមួយរួមគ្នា
25
។ ប្រជាជនមានរូបរាងស្គមស្គាំង ដែលក្បាលជង្គង់ និង ក្បាលមានទំហំប៉ុនគ្នា
26
។ អង្គជំនុំជម្រះសាលាដំបូងបានយោងសក្ខីកម្មរបស់អ្នកស្រី ប៊ិត បឿន ក្នុងចំណោមភ័ស្តុតាងផ្សេងទៀត ក្នុងការសន្និដ្ឋានថា កម្មករនៅការដ្ឋានព្រលានយន្តហោះកំពង់ឆ្នាំងទទួលរងទុក្ខលំបាក ដោយសារការងារធ្ងន់ កង្វះ អាហារូបត្ថម្ភ កង្វះអនាម័យ និង ភាពកខ្វក់ខ្លាំង
27
។ អង្គជំនុំជម្រះតុលាការកំពូលយល់ឃើញថា ការខកខានរបស់អ្នកស្រី ប៊ិត បឿន ក្នុងការរៀបរាប់អំពី ខៀវ សំផន នៅក្នុងបទសម្ភាសន៍ដំបូងរបស់គាត់ជាមួយមជ្ឈមណ្ឌលឯកសារកម្ពុជា ពុំអាចលុបលើឆន្ទានុសិទ្ធិរបស់អង្គជំនុំជម្រះសាលាដំបូងក្នុងការទទួលយកសក្ខីកម្មផ្ទាល់របស់អ្នកស្រីនៅក្នុងតុលាការអំពីមេដឹកនាំជាន់ខ្ពស់ខ្មែរក្រហមឡើយ
28
។
វីដេអូ
