បេង បឿន
រហ្សនាម: 2-TCCP-981
សំណុំរឿង: សំណុំរឿង ០០២/០២
ប្រភេទ: ដើមបណ្តឹងរដ្ឋប្បវេណី
លក្ខខណ្ឌរស់នៅ និងធ្វើការនៅថ្មកែវ
គាត់បានប្រាប់អង្គជំនុំជម្រះអំពីព្រឹត្តិការណ៍ដែលគាត់បានជួបប្រទះនៅក្នុងភូមិថ្មកែវ ដែលប្រជាជនត្រូវបានបែងចែកទៅតាមជនជាតិ
1
។ ដំបូងឡើយ ប្រជាជនស្នាក់នៅជាមួយគ្រួសាររៀងខ្លួន ប៉ុន្តែក្រោយមកពួកគេត្រូវបានបំបែកទៅនៅជាមួយក្រុមខ្មែរ ចិន និងវៀតណាម
2
។ គាត់ត្រូវបានដាក់នៅជាមួយក្រុមចិន និងវៀតណាម ចំណែកជនជាតិខ្មែររស់នៅភូមិផ្សេង
3
។ ប្រធានក្រុមទាំងនោះសុទ្ធតែជាប្រជាជនមូលដ្ឋានទាំងអស់
4
។ ទោះបីជាម្តាយ និងឪពុកក្មេករបស់គាត់ជាប្រជាជនមូលដ្ឋានក៏ដោយ ក៏លោក បេង បឿន អះអាងថា ពួកគាត់ជាកូនកាត់ចិន ហើយធ្លាប់លក់គុយទាវ ដូច្នេះគាត់ត្រូវគេដាក់នៅក្នុងក្រុមខ្មែរកាត់ចិន
5
។
លោក បេង បឿន រៀបរាប់ពីឧប្បត្តិហេតុមួយ ពេលដែលគាត់កំពុងភ្ជួរដី គាត់ឃើញកូនគាត់ត្រូវគេវាយព្រោះយកជីទៅឆ្ងាយពេក ប៉ុន្តែគាត់មិនអាចជួយអន្តរាគមន៍បានទេ
6
។
ការដោះដូរជនជាតិវៀតណាម និងខ្មែរក្រហម
គាត់បានរំឭកពីការដោះដូរជនជាតិវៀតណាមនៅព្រំដែន ពេលគ្រួសារវៀតណាមមួយបានចាកចេញពីភូមិរបស់គាត់ ហើយត្រូវបានអនុញ្ញាតឲ្យត្រឡប់ទៅប្រទេសវិញ
7
។
អង្គជំនុំជម្រះសាលាដំបូង បានពឹងផ្អែកលើភ័ស្តុតាងឯកសារ និងសក្ខីកម្មរបស់សាក្សីចំនួន ១៧ នាក់ រួមទាំង លោក បេង បឿន ដើមបណ្តឹងរដ្ឋប្បវេណី ១៣ នាក់ ផ្សេងទៀត និងអ្នកជំនាញ ១ នាក់ ក្នុងការសន្និដ្ឋានថា ជនជាតិវៀតណាមមួយចំនួនធំ ត្រូវបានប្រមូលផ្តុំនៅស្រុកត្រាំកក់ ចាប់ពីចុងឆ្នាំ១៩៧៥ ដល់ដើមឆ្នាំ១៩៧៦ ដោយមានមនុស្សជាច្រើននាក់ត្រូវបានបណ្តេញចេញ និង/ ឬបាត់ខ្លួន
8
។ បន្ទាប់មក មានដំណើរការដោះដូរមួយដែលខ្មែរក្រោមមួយចំនួនធំបានមកដល់ស្រុកត្រាំកក់នៅពាក់កណ្តាលឆ្នាំ១៩៧៦ ហើយត្រូវបានបែងចែកទៅកាន់ឃុំផ្សេងៗ
9
។ ទោះបីជាយ៉ាងណាក៏ដោយ ចាប់ពីប្រហែលជាខែមេសា ឆ្នាំ១៩៧៧ តទៅ ប្រជាជនខ្មែរក្រោមទាំងនេះត្រូវគេសង្ស័យកាន់តែខ្លាំងឡើងហើយត្រូវបានចាប់ខ្លួនជាច្រើននាក់
10
។
ការស្លាប់របស់បងប្អូនប្រុសរបស់គាត់
លោក បេង បឿន បានបាត់បង់បងប្អូនថ្លៃប្រុសពីរនាក់៖ ម្នាក់ត្រូវខ្មែរក្រហមសម្លាប់ដោយសារ “ចេះសព្វគ្រប់ពេក” ហើយម្នាក់ទៀតដោយសារឲ្យដូងមួយផ្លែមកគាត់៖
“ការបាត់នោះមកពីមេកងគាត់ចេះតែសួរដេញដោល ហើយនិយាយលេងៗ ក៏ប្អូនខ្ញុំវាចេះតែថា ខ្ញុំក៏ចេះដែរបើកឡាន ខ្ញុំក៏ចេះដែរបើកកប៉ាល់ហោះ ខ្ញុំក៏ចេះវ៉ៃដាក់ទីឡូ ចេះសព្វគ្រប់ពេក ដល់ប៉ុន្មានថ្ងៃប្រហែលជា ៤, ៥ ថ្ងៃក្រោយមកស្រាប់តែ បាត់សូន្យឈឹងតែម្តង” គាត់បានអះអាងដូច្នេះនិងបានបន្ថែមទៀតថា “[…] ខ្ញុំក៏ដើរទៅមើលគោ ដេញគោក៏ប្អូនថ្លៃមួយទៀត ប្អូនថ្លៃ ខាងប្រពន្ធបង្កើតនឹងក៏វាឡើងបេះដូងៗ ពេលនោះ វាឃើញខ្ញុំក៏បោះដូងឲ្យខ្ញុំមួយ ថា បង គ្រាន់តែបងហ្នឹង បោះឲ្យមកៗស្រាប់តែ វាចុះដល់ក្រោមមានគេដឹកដៃទៅទៀត។ ដឹកដៃទៅ ខ្ញុំអត់ដឹងថា ទៅណាទេ ដល់ខ្ញុំមកដល់សហករណ៍វិញបានមើលឃើញទៅ គេចងស្លាបសេកពីក្រោយអូសទាញទៅទាំងថ្ងៃត្រង់។ […] ប្រពន្ធ បង នោះស្ទុះៗទៅឃើញ ក៏ស្រែកយំអង្វរសុំគេមកទាំងកូនខ្ញុំទាំងអីហ្នឹងថា កុំឲ្យយំ អញយកតែខ្មាំងទេ អ្ហែងចង់រួមដៃជាមួយនឹងខ្មាំងឬអី? ហើយពេលនោះ ក៏ម្តាយក្មេកនោះបោះភួយឲ្យមក ឲ្យយកទៅឲ្យ ក៏អ្នកបណ្តើរប្អូនថ្លៃខ្ញុំនោះ ទាញភួយបោះចោលវិញ ហើយច្រានឲ្យដួលមកក្រោយមក ហើយក៏គេនាំយកទៅ ទៅបាត់ទៅ មិនដឹងទៅទីកន្លែងណា”។
វីដេអូ
