ចាន់ ម៉ន
រហ្សនាម: 2-TCW-975
សំណុំរឿង: សំណុំរឿង ០០២/០២
ប្រភេទ: សាក្សី
សាវតារ និងតួនាទី
លោក ចាន់ ម៉ន ចូលបដិវត្តន៍ក្នុងខែមីនា ឆ្នាំ១៩៧០
1
។ នៅក្នុងរបបខ្មែរក្រហម គេចាត់តាំងគាត់ឲ្យគ្រប់គ្រងទំនិញដឹកពីចិនមកការដ្ឋានព្រលានយន្តហោះកំពង់ឆ្នាំង
2
។ ចាប់ពីដើមឆ្នាំ១៩៧៦ គាត់ធ្វើការជាមួយគណៈប្រតិភូចិន និងដឹកនាំក្រុមការងារកាប់ឈើក្នុងព្រៃធ្វើការដ្ឋាន
3
។ គាត់ផ្តល់សក្ខីកម្មក្នុងនាមជាសាក្សីនៅចំពោះមុខអង្គជំនុំជម្រះសាលាដំបូង ក្នុងសំណុំរឿង ០០២/០២ ស្តីពីការឃុំខ្លួនគាត់នៅ ស-២១ លក្ខខណ្ឌការងារនៅព្រលានយន្តហោះកំពង់ឆ្នាំង និងការមកដល់នៃជំនួយពីប្រទេសចិន។
ជំនួយគាំទ្រ និងវត្តមានរបស់ចិន
ក្រោយខែមេសា ឆ្នាំ១៩៧៥ ល្វៃ ដែលជាមេបញ្ជាការវរៈសេនាធំលេខ ១៣០ របស់កងពលលេខ ៥០២ បានចាត់តាំងលោក ចាន់ ម៉ន
4
ឲ្យគ្រប់គ្រងការប្រមូលជំនួយពីប្រទេសចិនដែលមកដល់ផែកំពង់សោម
5
។ ជំនួយទាំងនោះមានចំនួនប្រមាណ ១០០ ឬ ២០០ ឡាន
6
រួមមានម៉ាស៊ីនឈូសដី បង្គី និងរថយន្ត សម្រាប់ធ្វើកសិកម្ម និងសាងសង់ប្រព័ន្ធធារាសាស្ត្រ
7
។ សម្ភារៈមួយចំនួនត្រូវបញ្ជូនទៅទំនប់ ឬការដ្ឋានប្រព័ន្ធស្រោចស្រព ហើយសម្ភារៈផ្សេងទៀតបញ្ជូនទៅព្រលានយន្តហោះកំពង់ឆ្នាំង
8
។
កងពលលេខ ៥០២ និងប្រតិបត្តិការព្រលានយន្តហោះកំពង់ឆ្នាំង
កងពលលេខ ៥០២ គឺជាកងពលជើងអាកាស ដែលស្ថិតក្រោមការគ្រប់គ្រងរបស់ ស៊ូ ម៉េត
9
។ ភារកិច្ចសំខាន់របស់កងពលនេះគឺការពារដែនអាកាសរបស់ប្រទេសកម្ពុជា
10
។ កងពលនេះដឹកនាំការសាងសង់ព្រលានយន្តហោះកំពង់ឆ្នាំង
11
។ ទាហានដែលស្ថិតក្រោមកងពល ៥០២ ត្រូវបានចាត់ឲ្យធ្វើការនៅទីនោះ ចំណែកឯអ្នកផ្សេងទៀតត្រូវបានបង្គាប់ឲ្យយាមនៅព្រលានយន្តហោះពោធិ៍ចិនតុង
12
។
ព្រលានយន្តហោះមានទីតាំងស្ថិតនៅក្នុងស្រុកលេខ ២០ តំបន់ ៣១ ភូមិភាគបស្ចិម
13
។ គាត់បានឮថា ព្រលានយន្តហោះនេះត្រូវបានសាងសង់ឡើងសម្រាប់ប្រតិបត្តិការយោធា
14
។ សម្ភារៈ និងវិស្វករ មកពីប្រទេសចិន ចំណែកឯកម្លាំងពលកម្មសុទ្ធតែជាទាហានខ្មែរ មានទាំងស្រីទាំងប្រុស មកពីកងពល ៥០២ និងអង្គភាពផ្សេងៗជាច្រើនទៀត រួមទាំងភូមិភាគបូព៌ាផង
15
។ គាត់បានឃើញបុគ្គលសំខាន់ៗទស្សនៈកិច្ចចំនួនបីដង ប៉ុន្តែគាត់មិនស្គាល់បុគ្គលទាំងនោះ និងមុខតំំណែងរបស់ពួកគេទេ
16
។
លោក ចាន់ ម៉ន ស្ថិតក្នុងក្រុមទីមួយដែលបានមកដល់ការដ្ឋានជាមួយជំនាញការជនជាតិចិន មុនពេលការសាងសង់ចាប់ផ្តើម
17
។ គេចាត់ឲ្យគាត់បើកឡានដឹកជំនាញការចិនធ្វើការវាស់វែង និងខួងសាងសង់ព្រលានយន្តហោះនោះ
18
។ អ្នកជំនាញការចិនប្រើម៉ាស៊ីនវាស់ស្ទង់ ចំណែកឯកម្មករខ្មែរដើរតាមចិន និងធ្វើការវាស់វែងដោយដៃ
19
។ អង្គជំនុំជម្រះសាលាដំបូងបានផ្អែកលើសក្ខីកម្មរបស់លោក ចាន់ ម៉ន ក្នុងការសន្និដ្ឋានថា ការងារបឋមអាចចាប់ផ្តើមធ្វើមុន តែសកម្មភាពសាងសង់ចាប់ផ្តើមនៅពាក់កណ្តាលឆ្នាំ១៩៧៦
20
។
លក្ខខណ្ឌការងារនៅព្រលានយន្តហោះកំពង់ឆ្នាំង
កម្មករនៅទីតាំងនេះមានចំនួនដល់ទៅមួយពាន់នាក់
21
ដែលធ្វើការងារខុសៗគ្នា រួមមាន វាយថ្ម ដំណើរការម៉ាស៊ីន ប្រមូលកាកសំណល់ និងកាប់ឈើ
22
។ ជំនាញការចិន អ្នកត្រួតពិនិត្យ និងកម្មករ ស្នាក់នៅកន្លែង ខុសៗគ្នា ហើយទទួលបានរបបអាហារ និងថ្ងៃសម្រាកខុសគ្នាផងដែរ
23
។ ប្រធានកងអាចអនុញ្ញាតឲ្យកម្មករសម្រាកមួយភ្លែត ប្រសិនបើឃើញថា កម្មករទាំងនោះអស់កម្លាំងពេក
24
។ កងនីមួយៗទទួលខុសត្រូវសង់កន្លែងដេកដោយខ្លួនឯង និងផ្គត់ផ្គង់ស្បៀងអាហារសម្រាប់កម្មកររបស់ខ្លួន
25
។ លោក ចាន់ ម៉ន បានផ្តល់អាហារគ្រប់គ្រាន់ដល់កងរបស់គាត់ ប៉ុន្តែគាត់មិនបានដឹងអំពីកន្លែងផ្សេងទៀតទេ
26
។ អង្គជំនុំជម្រះសាលាដំបូងបានយោងសក្ខីកម្មរបស់លោក ចាន់ ម៉ន ក្នុងការសន្និដ្ឋានថា លក្ខខណ្ឌរស់នៅ រួមទាំងអាហារូបត្ថម្ភមិនគ្រប់គ្រាន់ កង្វះអនាម័យនិងភាពកខ្វក់ខ្លាំង មិនអាចឲ្យអ្នកធ្វើការបន្តធ្វើការងារដែលដាក់ឱ្យធ្វើនោះឡើយ
27
។
កម្មករភាគច្រើនក្នុងកងរបស់គាត់កើតជំងឺគ្រុនចាញ់ នៅពេលកំពុងធ្វើការក្នុងព្រៃ ហើយអ្នកជំងឺត្រូវដឹកតាមរថយន្តពេទ្យទៅកាន់មន្ទីរពេទ្យភូមិភាគ
28
។ កម្មករនៅក្នុងកងរបស់គាត់មកពីភូមិភាគបូព៌ា បានប្រាប់គាត់ថា កម្លាំងរបស់ពួកគេពាក់កណ្តាលបាត់ខ្លួន ភាគច្រើនគឺជាអ្នកគ្រប់គ្រង ឬជាប្រធាន ហើយនៅសល់តែទាហានធម្មតាប៉ុណ្ណោះ
29
។
លោក ចាន់ ម៉ន ទទួលការណែនាំពី ស៊ូ ម៉េត និង ល្វៃ
30
ហើយគាត់រាយការណ៍ត្រឡប់ទៅកាន់ ស៊ូ ម៉េត អំពីការងារដែលចាត់តាំងនោះរៀងរាល់ពីរ ឬបីខែម្តង
31
។ ល្វៃ ណែនាំផ្ទាល់មាត់មកគាត់អំពីការងារដែលត្រូវបំពេញ ចំនួនមនុស្សដែលត្រូវចាត់ឲ្យធ្វើការ របបអាហារ និងថ្នាំសង្កូវដែលត្រូវផ្តល់ឲ្យកម្មករ
32
។ អង្គជំនុំជម្រះសាលាដំបូងសន្និដ្ឋានថា ការណែនាំទាក់ទងនឹងផែនការការងារ ត្រូវបញ្ជូនតាមរយៈខ្សែចង្វាក់នៃការបញ្ជាដោយ ស៊ូ ម៉េត ទៅ ល្វៃ និងបញ្ជូនបន្តទៅកាន់ប្រធានកង ដែលណែនាំ និងដឹកនាំកម្មករក្នុងកងរបស់ខ្លួន
33
។
ការស្លាប់ និងការបាត់ខ្លួនមនុស្សនៅព្រលានយន្តហោះកំពង់ឆ្នាំង
កម្មកររងរបួសពីបំណែកថ្មដែលខ្ទាតចេញពីការបំផ្ទុះនៅតាមការដ្ឋានវាយថ្ម
34
។ មានករណីមួយដែលគាត់បានឃើញសាកសពស្ត្រីម្នាក់ត្រូវម៉ាស៊ីនកិនបង្ហាប់ដីកិនលើ ហើយគេប្រាប់គាត់ថាស្ត្រីនោះធ្វើអត្តឃាត
35
។ យោធាឃ្លាំមើលកម្មករ និងឈរយាម
36
។ គេប្រាប់កម្មករនៅក្នុងអង្គប្រជុំឲ្យមានអាកប្បកិរិយាល្អ និងអនុវត្តតាមមាគ៌ាបដិវត្តន៍ បើមិនដូច្នោះទេពួកគេនឹងត្រូវសម្លាប់
37
។ អ្នកដែលគេចោទថាជាខ្មាំង ត្រូវគេចាប់ខ្លួន ភ្លាមៗ
38
។ គាត់បានឃើញគេចាប់មនុស្សយកចេញដោយផ្ទាល់ភ្នែក
39
។ រថយន្តពីភ្នំពេញមកប្រមូលដឹកអ្នកដែលគេចាប់ទាំងនោះ
40
។ គាត់ឮសម្រែកចេញពីកន្លែងមួយនៅពេលយប់ញឹកញាប់ណាស់ ធំក្លិនស្អុយចេញពីកន្លែងនោះ និងបានឃើញរណ្តៅ
41
។ ប៉ុន្តែ គាត់មិនដែលឃើញសាកសពមនុស្សទេ
42
។
អង្គជំនុំជម្រះសាលាដំបូងបានផ្អែកលើសក្ខីកម្មរបស់លោក ចាន់ ម៉ន ក្នុងការសន្និដ្ឋានថា កម្មករត្រូវបានបង្ខំឲ្យធ្វើការ
43
និងស្លាប់ ដែលជាបច្ច័យពីលក្ខខណ្ឌនានានៅព្រលានយន្តហោះ រួមទាំងមកពីការបំផ្ទុះថ្ម គ្រោះថ្នាក់ដល់អាយុជីវិត ការងារហួសកម្លាំង និងកង្វះអាហារ
44
។ អង្គជំនុំជម្រះបានរកឃើញថា មានការបាត់ខ្លួនមនុស្ស និងបង្កើតឲ្យមានបរិយាកាសនៃការភ័យខ្លាចជាទូទៅសម្រាប់កម្មករ
45
និងថាមនុស្សជាច្រើនត្រូវបានចាប់ខ្លួន និងយកចេញពីព្រលានយន្តហោះ
46
។ ទោះជាយ៉ាងណា អង្គជំនុំជម្រះសាលាដំបូង សន្និដ្ឋានថា មិនមានការធ្វើអត្តឃាតបានកើតឡើងទេ ផ្អែកតាមភ័ស្តុតាងចរចាមអារាមរបស់គាត់
47
និងថាកម្មករត្រូវបានសម្លាប់នៅទីនោះទេ
48
។
ការចាប់ខ្លួន និងការឃុំខ្លួននៅ ស-២១
ពេលកំពុងធ្វើការនៅព្រលានយន្តហោះ លោក ចាន់ ម៉ន ត្រូវបានចោទប្រកាន់ថាបានដឹកស្រូវយកទៅឲ្យ ខ្មាំង
49
។ ដោយមូលហេតុនេះ គេបានចាប់ខ្លួនគាត់ និងបញ្ជូនគាត់ទៅមន្ទីរសន្តិសុខ ស-២១ នៅភ្នំពេញ
50
។ ពេលគាត់បានមកដល់ភ្លាម គាត់បានរត់គេចរួច
51
។ ពេលគាត់ទៅដល់ស្ពានជ្រោយចង្វា គេបាននាំគាត់ទៅជួប ស៊ូ ម៉េត នៅពោធិ៍ចិនតុង
52
។
គាត់បានរៀបរាប់នៅក្នុងសក្ខីកម្មរបស់គាត់ថា ពេលមកដល់ ស-២១ មេឃងងឹតទៅហើយ ហើយគេចងបិទមុខគាត់
53
គេទាត់គាត់ បន្ទាប់មកគេយកគាត់ទៅបន្ទប់ទឹកក្នុង ស-២១ ជាកន្លែងដែលបុរសម្នាក់បង្ហាញក្រដាសមួយសន្លឹកឲ្យគាត់មើលទិសដៅរត់គេច
54
។ អង្គជំនុំជម្រះសាលាដំបូង បានសន្និដ្ឋានថាការរត់គេចដែលគាត់បានបង្ហាញនេះ មិនស៊ីចង្វាក់គ្នាទៅនឹងភ័ស្តុតាងផ្សេងទៀត ហើយអង្គជំនុំជម្រះនឹងផ្អែកលើ ភ័ស្តុតាងរបស់គាត់ តែក្នុងករណីណាមានការគាំទ្រដោយភ័ស្តុតាងផ្សេងទៀតប៉ុណ្ណោះ
55
។
វីដេអូ
