ឆូវ វិន
រហ្សនាម: D4
សំណុំរឿង: សំណុំរឿង ០០១
ប្រភេទ: សាក្សី
សាវតារ និង តួនាទី
ឆូវ វិន បានផ្តល់សក្ខីកម្មនៅចំពោះមុខអង្គជំនុំជម្រះសាលាដំបូង ក្នុងសំណុំរឿង ០០១ អំពីអត្តចរិតរបស់ជនជាប់ចោទ កាំង ហ្កេកអ៊ាវ ហៅ “ឌុច”
1
។ នៅពេលផ្តល់សក្ខីកម្មក្នុងឆ្នាំ២០០៩ គាត់គឺជាគ្រូបង្រៀន មានអាយុ ៥០ឆ្នាំ និងកំពុងរស់នៅក្នុងខេត្តបន្ទាយមានជ័យ
2
។ ពីឆ្នាំ១៩៩៥ ដល់ ១៩៧៧ គាត់ជាមិត្តរួមការងារ និងជាប្រធានរបស់ ឌុច
3
។ នៅពេលនោះ សាក្សីគឺជាអនុប្រធានរដ្ឋបាលទទួលបន្ទុកផ្នែកបុគ្គលិក និងជាគណនេយ្យករ នៅមន្ទីរអប់រំស្រុកស្វាយចេកផងដែរ
4
។ គាត់បានផ្តល់សក្ខីកម្មថា ឌុច មានអត្តចរិតរាបសារ ម៉ត់ចត់ មានសមត្ថភាព ឧស្សាហ៍ព្យាយាម រួសរាយរាក់ទាក់ និងមានប្រជាប្រិយ៍ក្នុងវិស័យអប់រំ
5
។
ចំណេះដឹងរបស់ ឆូវ វិន អំពី ឌុច
សាក្សីដឹងថា ឌុច ជា គ្រូតា
6
ដែលហៅខ្លួនឯងថាឈ្មោះ “ហង់ ពិន” និងស្ថិតនៅក្នុងកម្មវិធីសិក្សា
7
។ ឌុច បង្រៀនរូបវិទ្យា និងគីមីវិទ្យា នៅវិទ្យាល័យផ្គាំ និងបង្រៀនភាសាបារាំងនៅសាលាបឋមសិក្សាស្វាយចេក និងជាជំនួយការរបស់សាក្សី នៅមន្ទីរអប់រំស្រុកស្វាយចេក
8
។
នៅពេល ឆូវ វិន ដឹងថា “ហង់ ពិន” តាមពិតគឺជា ឌុច ដែលជាអតីតប្រធាន [គុក] ស-២១ គាត់មានការភ្ញាក់ផ្អើលយ៉ាងខ្លាំងចំពោះ ឌុច ដែលបានរក្សាការសម្ងាត់អំពីសាវតារផ្ទាល់ខ្លួនរបស់គាត់បានយ៉ាងយូរ ហើយគាត់សឹងតែមិនជឿទេថា ឌុច មានមុខតំណែងខ្ពស់បែបនេះនៅក្នុងរបបខ្មែរក្រហម
9
។ អង្គជំនុំជម្រះសាលាដំបូង បានផ្អែកលើភ័ស្តុតាងនេះ និងបានសន្និដ្ឋានថាសាក្សីផ្សេងទៀត ដូចជា ហ៊ុន ស្មៀន និង ប៉េង ពាន់ ដែលមានទំនាក់ទំនងជាមួយជនជាប់ចោទ នៅពេលដែលគាត់កំពុងបង្រៀននៅ ផ្គាំ និងក្រោយមកទៀតនៅ ស្វាយចេក ក្នុងទសវត្សន៍ឆ្នាំ១៩៩០ មានការភ្ញាក់ផ្អើលខ្លាំងដូចគ្នា នៅពេលដឹងថា ឌុច មានតួនាទីប្រធាន ស-២១
10
។
ឆូវ វិន បានផ្តល់សក្ខីកម្មថា ដោយសារខ្វះគ្រូក្នុងឆ្នាំ១៩៩៥ អ្នកដែលចេះដឹងតិចតួច ត្រូវបានជ្រើសរើសឲ្យបង្រៀនអ្នកមិនចេះ ហើយអ្នកដែលចេះដឹងច្រើន ត្រូវជ្រើសរើសឲ្យបង្រៀនអ្នកដែលចេះតិចតួច
11
។ ឌុច ត្រូវបានជ្រើសរើសតាមរបៀបនេះ ឲ្យធ្វើជាគ្រូបង្រៀនក្រោមមន្ទីរអប់រំស្រុកស្វាយចេក
12
។ គាត់បានអះអាងថា ចំពោះប្រវត្តិរូបរបស់ ជនជាប់ចោទវិញ ឌុច មានកូន និងជាពោះមាយ ជាគ្រូបង្រៀនពីមុន និងក្រោយរបបខ្មែរក្រហម និងជាអ្នកនិពន្ធសៀវភៅសម្រាប់កម្មវិធីសិក្សារបស់សាលាក្នុងអំឡុងពេលរបបខ្មែរក្រហម
13
។
ដោយសារតែក្នុងអំឡុងឆ្នាំ១៩៩៥-១៩៩៧ ស្ថានភាពមិនមានសុវត្ថិភាព ឆូវ វិន ក្នុងនាមជាថ្នាក់ដឹកនាំ ត្រូវទទួលខុសត្រូវចំពោះសុខមាលភាពគ្រូបង្រៀនរបស់គាត់ និងមានកាតព្វកិច្ចមើលខុសត្រូវ និងការពារគ្រូៗ
14
។ គាត់បានអនុញ្ញាតឲ្យ ឌុច ស្នាក់នៅក្នុងមន្ទីរអប់រំស្រុកស្វាយចេក ដើម្បីសន្តិសុខផ្ទាល់ខ្លួនគាត់ បន្ទាប់ពី ឌុច ត្រូវបានចោរប្លន់ ដែលបានធ្វើឲ្យប្រពន្ធគាត់ស្លាប់
15
។ នៅពេលនោះ មិនមានការគោរពច្បាប់ទេ ស្ថានភាពគ្រោះថ្នាក់ខ្លាំង មានការគំរាមកំហែង និងបាញ់បោះ និងអំពើប្លន់កើតមានឡើងស្ទើតែរាល់ថ្ងៃ ហើយមិនមែនមានតែ ឌុច ប៉ុណ្ណោះទេ អ្នកមានទ្រព្យទាំងអស់ត្រូវបានគេប្លន់
16
។ សាក្សីក៏បានអនុញ្ញាតឲ្យអ្នកផ្សេងទៀត ដូចជាប្រធានភូមិ និងមេឃុំ ស្នាក់នៅក្នុងមន្ទីរអប់រំស្រុកផងដែរ ដើម្បីរក្សាសុវត្ថិភាព និងការការពាររបស់ពួកគេ
17
។
វីដេអូ
