ជុំ សាមឿន
រហ្សនាម: 2-TCCP-247
សំណុំរឿង: សំណុំរឿង ០០២/០២
ប្រភេទ: ដើមបណ្តឹងរដ្ឋប្បវេណី
អ្នកស្រី ជុំ សាមឿន បានផ្តល់សក្ខីកម្មក្នុងនាមជាដើមបណ្តឹងរដ្ឋប្បវេណីក្នុងសំណុំរឿង ០០២/០២
1
អំពីបទពិសោធន៍របស់គាត់ធ្វើការនៅទីតាំងសាងសង់ព្រលានយន្តហោះកំពង់ឆ្នាំង ជាកន្លែងដែលគេចាត់តាំងគាត់ឲ្យរែកដីនិងថ្មសាងសង់ផ្លូវ
2
និងត្រូវគេបង្ខំឲ្យរៀបការ
3
។ អ្នកស្រី ជុំ សាមឿន ធ្វើស្រែនៅវត្តក្តុរ នៅស្ទឹងមានជ័យ ក្រុងភ្នំពេញ ក្នុងឆ្នាំ១៩៧៥
4
មុនពេលផ្លាស់ទីលំនៅទៅព្រលានយន្តហោះកំពង់ឆ្នាំងនៅពាក់កណ្តាលឆ្នាំ១៩៧៨ ជាកន្លែងដែលគេបង្ខំគាត់ឲ្យធ្វើការបីដងក្នុងមួយថ្ងៃ ដោយស្ទើរតែគ្មានពេលសម្រាក
5
និងសូម្បីតែពេលឈឺ
6
។ “ពេលយើងឈឺ គេឱ្យថ្នាំអាចម៍ទន្សាយ ហើយពេលខ្ញុំសុំគេឈប់ គេអត់ឱ្យខ្ញុំឈប់ទេ គេថា ដៃម្ខាងឈឺ ក៏នៅដៃម្ខាងដែរ អ៊ីចឹងទៅធ្វើការ”
7
។ របបអាហារប្រចាំថ្ងៃសម្រាប់ក្រុមគាត់គ្នា ១១ នាក់ បន្ទាប់ពីធ្វើការធ្ងន់នោះគឺ អង្កពីរកំប៉ុងលាយជាមួយពោត ១០ កំប៉ុង សម្រាប់ពេលថ្ងៃត្រង់ និងពេលល្ងាច ដែលមិនសមមាត្រទៅនឹងការងារដ៏លំបាកនោះទេ។ ទឹកដែលកម្មករផឹកគ្មានអនាម័យ ដោយសារពួកគេត្រូវផឹកទឹកអូរ ដែលពួកគេងូតនៅទីនោះដែរ
8
។ “ពេលនោះពេលធ្វើការឡើងមកវិញ គឺគ្មានជាសាប៊ូ ឬគ្មានជាអ្វីដើម្បីដុសសម្អាតកាយទេចាស មានតែអត់ទាំងអស់។ ពេលនោះ ពួកខ្ញុំយកអាដូចជាននោងសាញ ននោងព្រៃហ្នឹងយកមកដុសក្បាលចាស។ ហើយពេលនោះគ្មានអ្នកណាមួយដែលមានសាប៊ូដុសទេ គឺចៃកើតពេញក្បាលទាំងអស់។ កើតរមាស់ក៏កើតរមាស់ ចៃក៏ចៃដែរចាស”។ អ្នកស្រី ជុំ សាមឿន ត្រូវគេបង្ខំឲ្យរៀបការជាមួយបុរសម្នាក់ នៅក្នុងពិធីមួយដែលមានប្រាំគូ។ គេបានគំរាមគាត់ គេប្រាប់គាត់ថា បើសិនគាត់ប្រកែកមិនព្រមរៀបការ គាត់មិនអាចស្រឡាញ់បុរសណាម្នាក់ក្នុងមួយជីវិតរបស់គាត់បានទេ ហើយប្រសិនបើគាត់ត្រូវបានគេមើលឃើញញញឹមដាក់បុរសណាម្នាក់ គាត់អាចនឹងប្រឈមនឹងការយកទៅសម្លាប់ចោល
10
។ “ខ្ញុំភ័យក៏ខ្ញុំ - ទុកខ្ញុំមិនបានស្រឡាញ់បុរសនោះ - ក៏ខ្ញុំត្រូវតែរៀបការដែរចាស ដើម្បីខ្ញុំខ្លាចៗស្លាប់។ ដល់ពេលគេការហើយ គេបង្ខំឲ្យខ្ញុំទៅរៀងៗខ្លួន។ ខ្ញុំក៏ទៅបន្ទប់ហ្នឹងក៏ខ្ញុំញ័រដូចកូនកណ្តុរអ៊ីចឹងចាស។ ពេលដែលគេនេះហើយ ក៏ខ្ញុំអត់បានប្រាប់អ្នកដែលស្រឡាញ់ខ្ញុំថា “ពូអើយអាណិតខ្ញុំទៅ ពូឯងកុំអាលធ្វើអីខ្ញុំ ខ្ញុំខ្លាចណាស់”។ ដល់ហើយអ្នកនោះក៏គេអត់បានធ្វើអ្វីខ្ញុំដែរ។ ដល់ពេលនោះក៏មាន មិនដឹងជាឈ្លបគេ ឬគេធ្វើអ្វី ឮសូរជើងគេដើរនៅខាងក្រៅហ្នឹង ខ្ញុំក៏ភ័យញ័រ ខ្ញុំខ្លាចៗគេចាស”
11
។ ឈ្លបប្រដាប់អាវុធ មកតាមដានគូស្រករដែលរៀបការថ្មីៗ ដើម្បីពិនិត្យមើលថាតើពួកគេបានរួមដំណេកឬទេ។ គេបានបំបែកគាត់ពីប្តីគាត់បីថ្ងៃបន្ទាប់ពីរៀបការរួច ដោយសារគាត់ត្រូវគេចាត់ឱ្យទៅធ្វើការនៅកន្លែងផ្សេង
12
។ អង្គជំនុំជម្រះសាលាដំបូងផ្អែកលើភ័ស្តុតាងពីសាក្សីប្រាំពីរនាក់ និងដើមបណ្តឹងរដ្ឋប្បវេណីចំនួនពីរនាក់ រួមទាំងអ្នកស្រី ជុំ សាមឿន ក្នុងការសន្និដ្ឋានថា កម្មករទទួលរងទុក្ខលំបាកនៅការដ្ឋានព្រលានយន្តហោះកំពង់ឆ្នាំង ដោយសារការងារលំបាក អាហារូបត្ថម្ភមិនគ្រប់គ្រាន់ កង្វះអនាម័យ និងភាពកខ្វក់ខ្លាំង និងការបង្ខំឲ្យរៀបការ ដែលមានខ្មែរក្រហមតាមដានប្តីប្រពន្ធទើបរៀបការថ្មីថ្មោង ដើម្បីធ្វើឲ្យប្រាកដថាពួកគេបានរួមដំណេក
13
។
វីដេអូ
