ហ៊ីម ហ៊ុយ
រហ្សនាម: KW-09
សំណុំរឿង: សំណុំរឿង ០០១
ប្រភេទ: សាក្សី
សាវតារ និង តួនាទី
ហ៊ីម ហ៊ុយ ចូលបម្រើកងទ័ពខ្មែរក្រហមនៅដើមឆ្នាំ១៩៧៣
1
។ នៅថ្ងៃទី១៧ ខែមេសា ឆ្នាំ១៩៧៥ គាត់ឈរជើងនៅព្រៃតូច គាត់ស្ថិតនៅក្នុងផ្នែកមួយនៃកងពិសេសមានគ្នា ៦០ នាក់
2
។ គាត់មកធ្វើការនៅមន្ទីរសន្តិសុខ ស-២១ នៅចុងឆ្នាំ១៩៧៦ ក្នុងឋានៈជាសមាជិកនៃអង្គភាពការពារ
3
ហើយនៅក្នុងឆ្នាំ១៩៧៧ គាត់ទទួលបន្ទុកអង្គភាពទទួលអ្នកជាប់ឃុំ និងបញ្ជូនអ្នកដែលសួរចម្លើយរួចទៅជើងឯក
4
។ ក្នុងឆ្នាំ១៩៧៨ គាត់ត្រូវបញ្ជូនទៅធ្វើស្រែនៅជិតជើងឯក
5
។
រចនាសម្ព័ន្ធ ស-២១ និងតួនាទីរបស់ ឌុច
ឌុច គឺជាប្រធាន និងជាអ្នកមានឋានៈខ្ពស់ជាងគេនៅ ស-២១ ហើយមេរបស់ ឌុច គឺ សុន សេន
6
។ បន្ទាប់ពី ឌុច មានអនុប្រធានគាត់ឈ្មោះ តាហ៊ ដែលជាមេផ្ទាល់របស់ ហ៊ីម ហ៊ុយ
7
។ យោងតាម ហ៊ីម ហ៊ុយ ហ៊ មិនអាចជំទាស់ទៅនឹងការសម្រេចរបស់ ឌុច បានទេ
8
។ ហ៊ីម ហ៊ុយ ក៏រាយការណ៍ទៅកាន់ ប៉េង ដែលជាប្រធានទទួលបន្ទុករួមអង្គភាពការពារផងដែរ
9
។
ឌុច ណែនាំ និងបណ្តុះបណ្តាលបុគ្គលិក ស-២១ នៅផ្ទះរបស់គាត់រាល់ពីរសប្តាហ៍ម្តង
10
។ ហ៊ីម ហ៊ុយ បានឮ ឌុច និយាយថា “សម្លាប់ឲ្យអស់” និងថាទុកមនុស្សតែបួនលាននាក់ប៉ុណ្ណោះ
11
។ បុគ្គលិកនៅ ស-២១ ទទួលការងារដោយផ្ទាល់មាត់ ដំឡើងតួនាទីដោយផ្ទាល់មាត់ គ្មានការគ្រោងទុក និងគ្មានយន្តការណាច្បាស់លាស់ទេ
12
។ គ្មានការត្រួតពិនិត្យបែបតុលាការទេ - អ្នកណាក៏ដោយដែលមានឈ្មោះក្នុងបញ្ជី ស-២១ ត្រូវបានសម្លាប់ចោល
13
។ មានអ្នកយាមចំនួន ៣០០ នាក់ នៅ ស-២១
14
។
ផ្អែកលើសក្ខីកម្មរបស់ ហ៊ីម ហ៊ុយ អង្គជំនុំជម្រះសាលាដំបូងបានសន្និដ្ឋានថា ឌុច ជាជនដែលមានឋានៈខ្ពស់ជាងគេនៅ ស-២១ ដែលសម្រេចថាអ្នកណាត្រូវចាប់ និងសម្លាប់ចោល
15
។ អង្គជំនុំជម្រះក៏បានដកស្រង់សក្ខីកម្មរបស់គាត់ ក្នុងកាសន្និដ្ឋានថា ហ៊ ទទួលបន្ទុកគ្រប់គ្រងប្រតិបត្តិការប្រចាំថ្ងៃ និងការងាររបស់អ្នកយាម និងអ្នកសួរចម្លើយ និងថា ឌុច ប្រើ ហ៊ ឲ្យចេញបញ្ជាទៅកាន់បុគ្គលិក ស-២១
16
។
ការចាប់ខ្លួន និង ការមកដល់ ស-២១
មុនពេលបញ្ជូនទៅ ស-២១ មនុស្សត្រូវគេចាប់ខ្លួនសិនបន្ទាប់ពី “បានអង្គុយៗបានបន្តិច”
17
ចងក្រណាត់បិទភ្នែកឲ្យជិត ដាក់ខ្នោះអូតូម៉ាទិក និងចងស្លាបសេកទៅក្រោយ
18
។ ពេលគេមិនចាប់មនុស្សនៅនឹងកន្លែង គេប្រាប់អ្នកនោះថា ពួកគេត្រូវបញ្ជូនទៅធ្វើការកន្លែងផ្សេង
19
។ ពួកគេនឹងត្រូវចាប់ខ្លួនពេលមកដល់ ស-២១
20
។ បើគេចាប់មនុស្សច្រើន គេចងដោយខ្សែពួរភ្ជាប់ដៃគ្នា ហើយបណ្តើរចូលទៅក្នុងគុកដោយចងក្រណាត់បិទភ្នែក
21
។ អ្នកទោសច្រើនបំផុតដែលចាប់ក្នុងពេលម្តងគឺមានចំនួន ៦០ នាក់
22
។
ពេលមកដល់ ស-២១ អ្នកទោសត្រូវបញ្ជូនទៅឲ្យ សួស ធី ដែលកត់ឈ្មោះ ថតរូបពួកគេ
23
និងឲ្យលេខរៀងពួកគេ
24
។ បន្ទាប់មក សួស ធី បញ្ជូនពួកគេទៅឲ្យ ប៉េង ដែលដាក់អ្នកទោសទាំងនោះទៅតាមបន្ទប់ឃុំឃាំង
25
។
អង្គជំនុំជម្រះសាលាដំបូងផ្អែកលើសក្ខីកម្មរបស់ ហ៊ីម ហ៊ុយ ក្នុងការសន្និដ្ឋានថា អ្នកទោសខ្លះត្រូវបានគេបញ្ឆោតមុនពេលចាប់ខ្លួន
26
និងថា ហ៊ីម ហ៊ុយ បានជំនួស ប៉េង ក្នុងឋានៈជាប្រធានកងពិសេស
27
។
លក្ខខណ្ឌឃុំខ្លួននៅ ស-២១
អ្នកដែលត្រូវបញ្ជូនទៅ ស-២១ ត្រូវដោះសម្លៀកបំពាក់ចេញ ទុកតែខោខ្លីតែប៉ុណ្ណោះ
28
។ អ្នកទោសនៅក្នុងបន្ទប់ឃុំខ្លួនដាច់ដោយឡែកពីគ្នាត្រូវដាក់ខ្នោះជើង
29
។ បន្ទប់ឃុំឃាំងនីមួយៗមានបីជួរ ដោយជួរនីមួយៗមានអ្នកទោសយ៉ាងហោចណាស់ ១០ នាក់ ដាក់ខ្នោះជើងជាប់ទៅនឹងរបាដែក
30
។
បន្ទប់ឃុំខ្លួនទាំងនោះមិនមានការថែទាំបានល្អទេ - មានធំខ្លិនស្អុយចេញពីបន្ទប់ទាំងនោះ
31
។ គេឲ្យអ្នកទោសលាងសំអាតខ្លួន តែជាធម្មតាដោយបាញ់ទឹកតាមទុយោ ខណៈពួកគេនៅជាប់ខ្នោះជើង
32
។
អ្នកទោសនារីត្រូវឃុំខ្លួនរួមជាមួយនឹងកូនៗ នៅក្នុងបន្ទប់រួមធំមួយ ដោយមិនមានដាក់ខ្នោះជើង ឬខ្នោះដៃអ្វីឡើយ
33
។ ពួកគេអាចបន្ទោរបង់តែនៅក្នុងបន្ទប់នោះប៉ុណ្ណោះ
34
។ យ៉ាងហោចណាស់មាននារីម្នាក់ត្រូវគេរំលោភនៅក្នុងកន្លែងឃុំឃាំង
35
។
អ្នកទោសមកពីបន្ទប់សួរចម្លើយវិញ មានរបួសជាប់នៅលើខ្នងរបស់ពួកគេ
36
។ អ្នកយាមត្រូវបានបង្គាប់ឲ្យបង្កើតសំឡេងឮ ដើម្បីកុំឲ្យគេស្តាប់ឮសំឡេងជនរងគ្រោះស្រែកនៅក្នុងបន្ទប់សួរចម្លើយ
37
។
ផ្អែកលើភ័ស្តុតាងរបស់ ហ៊ីម ហ៊ុយ អង្គជំនុំជម្រះសាលាដំបូង បានសន្និដ្ឋានថា៖ (i) បុគ្គលិក ស-២១ បានប្រែប្រួលពីសុភាពរាបសារទៅជាសាហាវឃោរឃៅបន្ទាប់ពីការបណ្តុះបណ្តាល
38
(ii) កុមារក្មេងៗត្រូវបានសម្លាប់ចោលភ្លាមៗ បន្ទាប់ពីត្រូវបានបំបែកចេញពីឪពុកម្តាយរបស់ខ្លួន ហើយកុមារមួយចំនួនត្រូវបញ្ជូនទៅសម្លាប់នៅ ស-២៤ ឬ ជើងឯក
39
(iii) អ្នកទោសត្រូវសម្រាតខោអាវចេញ ដាក់ខ្នោះដៃ ចងបិទមុខ និងដាក់ខ្នោះជើង នៅក្នុងបន្ទប់ឃុំខ្លួនដាច់ដោយឡែក ឬបន្ទប់រួមធំមួយ
40
(iv) អ្នកទោសមានស្នាមរបួសក្រោយពេលសួរចម្លើយ ហើយអ្នកទោសខ្លះបានស្លាប់នៅក្នុងបន្ទប់ឃុំរបស់ខ្លួន ដោយសារការធ្វើបាប
41
និង (v) មិនមានអាហារបរិភោគគ្រប់គ្រាន់ឡើយ
42
។
ការធ្វើមនុស្សឃាត និងការសម្លាប់រង្គាលនៅ ស-២១
មិនមានអ្នកណាអាចរត់ចេញពី ស-២១ ទាំងរស់បានទេ៖ បន្ទាប់ពីសួរចម្លើយរួច អ្នកទោសនឹងត្រូវសម្លាប់ចោល
43
។ ការសម្លាប់ជាធម្មតាធ្វើឡើងមួយ ឬពីរសប្តាហ៍ បន្ទាប់ពីអ្នកជាប់ឃុំបានបញ្ចប់ចម្លើយសារភាពរបស់ពួកគេ
44
។
បន្ទាប់ពីអ្ននកយាមទទួលបានបញ្ជីឈ្មោះអ្នកទោសត្រូវសម្លាប់នៅពេលព្រលប់ម៉ោង ៦ ទៅម៉ោង ៦ កន្លះ ល្ងាច អ្នកទោសទាំងនោះនឹងត្រូវយកចេញពីបន្ទប់ឃុំខ្លួន ហើយបណ្តើរពីគុក ទៅកាន់រថយន្ត ដែលចតរង់ចាំជាប់ក្លោងទ្វាធំ
45
។ នៅពេលល្ងាចម៉ោងប្រហែល ៨ ឬ ៩ យប់ អ្នកទោសត្រូវគេយកទៅសម្លាប់នៅខាងត្បូង និងខាងជើងបរិវេណគុក
46
។ គេប្រាប់អ្នកទោសថា គេយកពួកគាត់ទៅផ្ទះថ្មី ហើយអ្នកទោសមិនដឹងថាពួកគេត្រូវសម្លាប់ចោលនោះទេ
47
។ ក្នុងការដឹកមួយជើងៗមានអ្នកទោសពី ៦០, ៧០ ឬ ដល់ទៅ ១០០ នាក់
48
។
អ្នកទោសដែលត្រូវយកទៅកន្លែងសម្លាប់ ស្លៀកតែខោខ្លីប៉ុណ្ណោះ
49
។ អ្នកទោសដែលជាអតីតបុគ្គលិក ស-២១ ត្រូវបណ្តើរចេញទៅដោយមានរុំភួយ ដើម្បីបិទបាំងកុំឲ្យបុគ្គលិក ស-២១ ផ្សេងទៀតឃើញ
50
។
គេណែនាំអ្នកសម្លាប់ឲ្យសម្លាប់អ្នកទោសដោយឲ្យពួកគេលុតជង្គង់ចុះជិតមាត់រណ្តៅ
51
។ បន្ទាប់មក គេប្រើដែកភ្លៅរទេះវាយត្រង់កញ្ចឹងក។ បន្ទាប់ពីវាយអ្នកទោសរួចហើយ អ្នកសម្លាប់អាកអ្នកទោសជាមួយនឹងកូនកាំបិតស្នៀត ដែលគេប្រើសម្រាប់ចិតផ្លែត្នោត
52
។ អ្នកសម្លាប់បន្ទាប់មកស្រាយចំណងសាកសព ហើយដោះខោអាវពួកគេចេញ
53
មុនពេលកប់សាកសពទាំងនោះភ្លាមៗចូលក្នុងរណ្តៅរួម
54
។
ការសម្លាប់ទ្រង់ទ្រាយធំចំណាយពេលច្រើនម៉ោង ចាប់ផ្តើមម៉ោង ៩ យប់ និងបញ្ចប់នៅម៉ោង ១ ឬ ២ ព្រឹក
55
។ ការងារនេះត្រូវបញ្ចប់មុនថ្ងៃរះ ដើម្បីរក្សាការសម្ងាត់កុំឲ្យគេដឹង
56
។ ការសម្លាប់បែបនេះធ្វើឡើងនៅ ស-២១ ហើយក្រោយឆ្នាំ១៩៧៧ ធ្វើនៅបឹងជើងឯក
57
។
មានអ្នកទោសបរទេសបួននាក់ត្រូវបានសួរចម្លើយ
58
និងសម្លាប់នៅ ស-២១
59
។ ជំនួសឲ្យការកប់ សាកសពជនបរទេសទាំងនោះត្រូវដុតនៅចំហៀងផ្លូវ
60
។ ក្នុងចំណោមអ្នកដែលសម្លាប់នៅ ស-២១ មានកុមារប្រហែល ១០០ នាក់ អាយុពី ១ ឆ្នាំ ដល់ ៨ ឆ្នាំ
61
។
មន្ត្រីយោធាវៀតណាមប្រមាណ ៣៤៥ នាក់ ត្រូវបានសម្លាប់នៅ ស-២១
62
។ នៅពេលដែល ហ៊ីម ហ៊ុយ ទៅទទួលឈ្លើយសឹកវៀតណាមពីខេត្តស្វាយរៀង ដែលត្រូវបានឃុំខ្លួនរួចហើយ ពួកគេស្លៀកពាក់ឯកសណ្ឋានយោធា ជាមួយនឹងឋានៈរបស់ពួកគេ
63
។ នៅពេលដែលពួកគេបានមកដល់ ស-២១ ពួកគេត្រូវបានគេតម្រូវឱ្យស្លៀកពាក់ឯកសណ្ឋានរបស់ពួកគេ នៅពេលថតរូប ដែលក្រោយមកត្រូវបានផ្សព្វផ្សាយសម្រាប់គោលបំណងឃោសនា
64
។ ពួកគេត្រូវឃុំនៅក្នុងបន្ទប់ឃុំខ្លួនម្នាក់ៗដាច់ដោយឡែក
65
។ ចម្លើយសារភាពរបស់អ្នកទោសវៀតណាម ត្រូវចាក់ផ្សាយតាមវិទ្យុ
66
។
ផ្អែកលើ ហ៊ីម ហ៊ុយ និងភ័ស្តុតាងផ្សេងទៀត អង្គជំនុំជម្រះសាលាដំបូងបានសន្និដ្ឋានថា (i) អ្នកយាមមួយក្តាប់តូចនៅ ស-២១ ទទួលបន្ទុករក្សាការសម្ងាត់របស់ជើងឯក និងកប់សាកសព
67
(ii) អ្នកទោសត្រូវបានសម្លាប់ភ្លាមៗទាំងដៃជាប់ខ្នោះ និងរុំបិទភ្នែក នៅមុខរណ្តៅដែលទើបនឹងជីកថ្មីៗនៅ ស-២១ ឬជើងឯក
68
(iii) អ្នកទោសទាំងអស់នៅ ស-២១ ត្រូវសម្លាប់ចោល
69
ពេលខ្លះ ត្រូវសម្លាប់ភ្លាមៗបន្ទាប់ពីមកដល់ ដោយមិនមានការសួរចម្លើយជាមុនទេ
70
។ អង្គជំនុំជម្រះមិនបានសន្និដ្ឋានថា ការអះអាងរបស់ ហ៊ីម ហ៊ុយ អំពីការដុតអ្នកទោសជនបរទេសទាំងរស់ ត្រូវបានបញ្ជាក់តាមបទដ្ឋានដែលតម្រូវនោះទេ
71
។
ការបោសសម្អាតផ្ទៃក្នុង
មនុស្សជាច្រើនដែលធ្វើការនៅ ស-២១ ត្រូវបានចាប់ខ្លួន ហើយក្រោយមកត្រូវបានសម្លាប់
72
។ នៅដើមដំបូង បុគ្គលិក ស-២១ មានចំនួន ៤០០ នាក់
73
។ នៅចុងឆ្នាំ ១៩៧៧ មានបុគ្គលិក ស-២១ នៅសល់តែ ៥០ ឬ ៦០ នាក់ប៉ុណ្ណោះ។ ក្នុងចំណោមអ្នកយាម ១០ នាក់ ក្នុងក្រុមរបស់ ហ៊ីម ហ៊ុយ នៅសល់តែពីរនាក់ប៉ុណ្ណោះ
74
។ អ្នកដែលប្រព្រឹត្តកំហុសតូចតាចនឹងត្រូវបញ្ជូនទៅធ្វើការនៅព្រៃស
75
។
ផ្អែកលើភ័ស្តុតាងរបស់ ហ៊ីម ហ៊ុយ អង្គជំនុំជម្រះសាលាដំបូង បានសន្និដ្ឋានថា កម្មាភិបាលជាន់ខ្ពស់ ប.ក.ក និងបុគ្គលិក ស-២១ ត្រូវបានសម្លាប់នៅ ស-២១
76
ក្នុងនោះមានការបោសសម្អាតដ៏ធំបំផុតមួយ ក្នុងឆ្នាំ១៩៧៨ នៅភូមិភាគបូព៌ា
77
។
ទុក្ខលំបាករបស់ ហ៊ីម ហ៊ុយ
ហ៊ីម ហ៊ុយ គូសបញ្ជាក់ថាគាត់ខ្លាច ឌុច ខ្លាំងណាស់ ជាពិសេសដោយសារ ឌុច និយាយថាមនុស្សគ្រប់គ្នាក្នុងប្រទេសត្រូវសម្លាប់
78
។ ឌុច ក៏បានប្រាប់ ហ៊ីម ហ៊ុយ ដែរថា នុន ហ៊ុយ បានឆ្លើយដាក់គាត់
79
។ ហ៊ីម ហ៊ុយ បារម្ភជានិច្ចថា គាត់នឹងត្រូវគេចាប់ និងសម្លាប់ ដោយសារបុគ្គលិក ស-២១ មកពីកងពល ៧០៣ - ខ្សែបណ្តាញជាមួយ ហ៊ីម ហ៊ុយ- ត្រូវបានចាប់ និងឃុំនៅ ស-២១
80
។
“ខ្ញុំដឹងច្បាស់ណាស់ ជោគវាសនានៃអ្នកធ្វើការនៅកន្លែងហ្នឹង គឺរង់ចាំតែថ្ងៃស្លាប់ទាំងអស់គ្នាតែម្តង ហ្នឹងជាទីបញ្ចប់របស់ពួកខ្ញុំ […] គេគ្មានពិចារណាពីបញ្ហាអីមួយទេ បើគេនិយាយថា ចាប់ជាខ្សែចង្វាក់ ខុសអីបន្តិចបន្តួចក៏ចាប់ដែរ”
81
។
ក្នុងពេលនៃរបបនោះ បងប្អូនថ្លៃប្រុសរបស់ ហ៊ីម ហ៊ុយ ពីរនាក់ត្រូវបានសម្លាប់។ ឌុច ក៏សម្លាប់ប្អូនប្រុសរបស់ ហ៊ីម ហ៊ុយ ដែរ
82
និងបានចោទប្រកាន់ ហ៊ីម ហ៊ុយ ថាបានបញ្ចុះបញ្ចូលអ្នកផ្សេងឲ្យរត់គេច
83
។
ហ៊ីម ហ៊ុយ មិនហានសំឡឹងចំមុខ ឌុច ទេ នៅ ស-២១ ហើយនៅតែខ្លាច ឌុច មកទល់សព្វថ្ងៃនេះ
84
។
វីដេអូ
