ហ៊ឹម ហ៊ុយ
រហ្សនាម: 2-TCW-906
សំណុំរឿង: សំណុំរឿង ០០២/០២
ប្រភេទ: សាក្សី
សាវតារ និង តួនាទី
លោក ហ៊ឹម ហ៊ុយ គឺជាយោធាខ្មែរក្រហម
1
។ ចាប់ថ្ងៃទី១៧ ខែមេសា ឆ្នាំ១៩៧៥ រហូតដល់ឆ្នាំ១៩៧៦ កងរបស់គាត់ ឈរជើងនៅតាខ្មៅ លើកភ្លឺស្រែ និងធ្វើស្រែ
2
។ ចាប់ពីឆ្នាំ១៩៧៦ រហូតដល់ពាក់កណ្តាលឆ្នាំ១៩៧៨ គាត់ត្រូវបានមេញ្ជាការកងវរៈសេនាតូចរបស់គាត់ឈ្មោះ ហ៊ ចាត់តាំងឱ្យមកធ្វើការនៅមន្ទីរ សន្តិសុខ ស-២១
3
។ នៅ ស-២១ គាត់ធ្វើការជាកងការពារ នៅកងនិរសារ
4
ហើយក្រោយមក ក្លាយជាប្រធាន“កងពិសេស” ឬហៅថា “កងការពារខាងក្រៅ” ឬ “កងចាប់ខ្លួន”
5
។ គាត់បានផ្តល់សក្ខីកម្មក្នុងនាមជាសាក្សីម្នាក់នៅចំពោះមុខអង្គជំនុំជម្រះសាលាដំបូងនៅក្នុងសំណុំរឿង ០០២/០២ អំពីមន្ទីរសន្តិសុខ ស-២១ និងការរៀបការដោយបង្ខំ។ អង្គជំនុំជម្រះសាលាដំបូងបានចាត់ទុកថា គាត់គឺជាសាក្សីម្នាក់ក្នុងចំណោមសាក្សីសំខាន់អំពីមន្ទីរសន្តិសុខ ស-២១
6
។
ទីតាំង និងប្លង់ ស-២១
មន្ទីរ ស-២១ មានទីតាំងនៅក្នុងអតីតវិទ្យាល័យទួលស្វាយព្រៃ ដែលគេយកធ្វើជាគុក នៅក្នុងរបបខ្មែរក្រហម
7
។ នៅផ្នែកខាងកើត មានព្រំប្រទល់ជាប់ផ្លូវធំ ខាងជើងជាប់មន្ទីរពេទ្យចិន ខាងលិចជាប់ផ្លូវមួយទៀត និងខាងត្បូងនៅជិតវត្តទួលទំពួង
8
។ អតីតអគារនៅក្នុងបរិវេណសាលារៀននេះមានដាក់អ្នកទោស ហើយកន្លែងសួរចម្លើយនៅខាងកើតគុក
9
។ កន្លែងកប់សព ស្ថិតនៅចម្ងាយប្រហែល ១០០ ម៉ែត្រ នៅខាងត្បូងបរិវេណគុក
10
។ ប៉ុស្តិ៍កងការពារនៅខាងក្រៅបរិវេណគុក
11
។ គុកមួយទៀតនៅក្រោមចំណុះមន្ទីរ ស-២១ មានទីតាំងនៅព្រៃ ស ហើយត្រូវបានប្រើប្រាស់ជាកន្លែងធ្វើស្រែ និងកែប្រែ
12
។
វគ្គសិក្សារៀនសូត្រសម្រាប់បុគ្គលិកមន្ទីរស- ២១ និងព្រៃស
បុគ្គលិកទាំងអស់នៅមន្ទីរ ស-២១ និងព្រៃស ត្រូវចូលរួមវគ្គសិក្សានៅសាលានយោបាយ ដែលមានទីតាំងនៅខាងត្បូងផ្ទះរបស់ ឌុច (ប្រធាន ស-២១)
13
។ វគ្គសិក្សារៀនសូត្រ អាចឱ្យបុគ្គលិក បែងចែកភាពខុសគ្នារវាងខ្មាំង និងមិត្ត
14
។ “អង្គការ”ចាប់ខ្លួនខ្មាំង
15
។ ឌុច បានបញ្ជាថា អ្នកដែលត្រូវបាននាំមក ស-២១ មិនត្រូវអនុញ្ញាតឱ្យចេញក្រៅទេ ហើយត្រូវតែសម្លាប់បន្ទាប់ពីសួរចម្លើយរួច
16
។ ជួលកាល ការបណ្តុះបណ្តាល បានធ្វើឡើងដើម្បីឆ្លើយតបនឹងការបំពានវិន័យមួយចំនួន
17
។ នៅក្នុងវគ្គបណ្តុះបណ្តាលនីមួយៗ ឌុច បានលើកឡើងពីឈ្មោះបងទី១ បងទីពីរ (នួន ជា)
18
និងមន្ទីរ ៨៧០
19
។
ប្រហែលជានៅឆ្នាំ១៩៧៧ សុន សេន បានកោះប្រជុំនៅ ស-២១
20
។ សុន សេន គឺជាប្រធានរបស់ ឌុច រហូតដល់ពេលគាត់ចូលរួមសមរភូមិជាមួយវៀតណាម
21
។ លោក ហ៊ឹម ហ៊ុយ ក៏បានចូលរួមវគ្គបណ្តុះ បណ្តាលមួយទៀតដែលធ្វើឡើងដោយ សុន សេន
22
។ ប្រធានបទនៃវគ្គបណ្តុះបណ្តាលនេះគឺការកសាងប្រទេស និងផលិតកម្មកសិកម្ម យុទ្ធសាស្ត្រយោធា និងការបញ្ជូនកម្លាំង ទៅប្រយុទ្ធជាមួយនឹងវៀតណាម និងខ្មាំងបង្កប់
23
។
រចនាសម្ព័ន្ធ និងបុគ្គលិកនៅ ស-២១
ណាត គឺជាមេបញ្ជាការកងពល ៧០៣ និងជាប្រធានដំបូងនៃមន្ទីរ ស-២១
24
។ ឌុច គឺជាប្រធានមន្ទីរ ស- ២១, ហ៊ គឺជាអនុប្រធាន ចំណែកឯ ហ៊ុយ (ស្រែ) គឺជាសមាជិក
25
។ អ្នកទាំងអស់គឺជាសមាជិកបក្សកុម្មុយនីស្តកម្ពុជា
26
។ បញ្ជារបស់ ឌុច ត្រូវបានបញ្ជូនមក ហ៊
27
។ ហ៊ ទទួលខុសត្រូវគ្រប់គ្រង និងដាក់បញ្ជាទៅ សន្តិសុខទាំងអស់នៅ ស-២១
28
។ ហ៊ុយ (ស្រែ) គឺជាប្រធានគុកព្រៃស រហូតដល់ពេលគេចាប់ខ្លួនគាត់
29
។
មានកងការពារ អ្នកសួរចម្លើយ និងអ្នកភ័ស្តុភារចំនួនប្រហែលជា ៣០០ នាក់ ធ្វើការនៅក្នុង/ជុំវិញមន្ទីរ ស-២១
30
។ “កងការពារ” ទទួលខុសត្រូវនៅក្នុងបរិវេណគុក
31
នៅក្រោមការគ្រប់គ្រងរបស់ ប៉េង ហើយ ផល គឺជាអនុប្រធាន (ក្រោយមក ក្លាយជាប្រធានគុក ស- ២១)
32
។ សមាជិកកងការពារដែលក្មេងបំផុតគឺមានអាយុប្រហែល ១៥ ឆ្នាំ
33
។ ក្រុមខាងក្រៅ ឈរជើងការពារនៅវិទ្យុសំបុកឃ្មុំ
34
ដោយទទួលខុសត្រូវទទួលអ្នកទោស នាំអ្នកទោសចូល ដឹកអ្នកទោសទៅជើងឯក
35
និងធ្វើការចាប់ខ្លួន
36
។ អង្គជំនុំជម្រះសាលាដំបូង បានកត់សម្គាល់ថា កងពិសេសនេះក៏គេឧស្សាហ៍ហៅថា កងការពារ ផងដែរ តែកង មិនមែនជា “កងការពារ”មួយទៀតដែលតូចជាង ក៏ដោយ
37
។
លោក ហ៊ឹម ហ៊ុយ បានពន្យល់ថា គាត់ត្រូវបានជ្រើសរើស ជាដំបូងឱ្យធ្វើជាអ្នកសួរចម្លើយ
38
ប៉ុន្តែ គាត់មិនព្រមទេ ពីព្រោះថា គាត់មិនចេះសរសេរអក្សរ។ ប៉ុន្តែ ដោយផ្អែកលើភស្តុតាងផ្សេងទៀត អង្គជំនុំជម្រះសាលាដំបូង យល់ឃើញថា គាត់តាមពិត គឺជាអ្នកសួរចម្លើយម្នាក់នៅ ស-២១
39
។
អ្នកទោសនៅ ស-២១
មនុស្សត្រូវបានចាប់ខ្លួន មកពីទូទាំងប្រទេសកម្ពុជា និងរួមមានអ្នកដែលទើបតែត្រឡប់មកពីបរទេសផងដែរ
40
។ កងការពារ ទទួលបញ្ជាដាច់ខាតមិនឱ្យធ្វើបាបអ្នកទោស នៅក្នុងអំឡុងពេលដឹកជញ្ជូនអ្នកទោស ទេ ពីព្រោះថា អ្នកទោស ត្រូវមកដល់ ស-២១ ដោយសុវត្ថិភាព ដើម្បីសួរចម្លើយ
41
។
ជួនកាល អ្នកទោស មកដល់មន្ទីរ ស-២១ ជាមួយកូន ដែលនៅជាប់ឃុំជាមួយខ្លួន
42
។ ឌុច បានបញ្ជាថា “ជីកស្មៅ ត្រូវជីកទាំងឫស” ដែលមានន័យថា សមាជិកគ្រួសាររបស់ជនក្បត់ដែលជាប់សង្ស័យ ក៏ត្រូវចាប់ខ្លួនដែរ
43
។
សមាជិកខ្លះនៃកងពល ៧០៣ ដែលធ្វើការនៅ ស-២១ ក៏ត្រូវបានចាប់ខ្លួនផងដែរ
44
។ ក្រោយឆ្នាំ១៩៧៧ បុគ្គលិក ស-២១ ត្រូវបានហាមឃាត់មិនឱ្យនិយាយរកគ្នា ហើយត្រូវបានបញ្ជាឱ្យតាមដានសកម្មភាពគ្នាទៅវិញទៅមក
45
។ មានតែ ឌុច ប៉ុណ្ណោះ ទើបមានសិទ្ធិចេញបញ្ជាឱ្យចាប់ខ្លួនបុគ្គលិក
46
។ សមាជិកក្រុមរបស់គាត់ ក៏ត្រូវបានចាប់ខ្លួនដែរ
47
និងសម្លាប់នៅក្នុងបរិវេណ ស-២១
48
។
លោក ហ៊ឹម ហ៊ុយ បានទៅស្វាយរៀង ពីរដង ដើម្បីនាំអ្នកទោសវៀតណាម មក ស-២១
49
។ ទាហាន វៀតណាមប្រហែលជា ៤០ នាក់ ទៅ ៥០នាក់ ត្រូវបានចាប់ខ្លួន
50
ដាក់ខ្នោះ ស្លៀកពាក់ឯកសណ្ឋានទាហាន ពាក់មួកទាហាន
51
។ ជនជាតិអាមេរិកពីរនាក់ ក៏ជាប់ឃុំខ្លួននៅ ស-២១ ផងដែរ
52
។ បន្ទាប់ពីបញ្ចប់ការសួរចម្លើយអ្នកទោស ឌុច បានបញ្ជាឱ្យដុតសាកសព បន្ទាប់ពីសម្លាប់
53
។
ការចុះបញ្ជីឈ្មោះអ្នកទោស និងការសួរចម្លើយអ្នកទោស
ឡានដែលដឹកអ្នកទោសមក ស-២១ មិនត្រូវបានអនុញ្ញាតឱ្យចូលក្នុងបរិវេណគុក ឡើយ ដោយសារការសម្ងាត់
54
។ អ្នកទោស ត្រូវចងមុខ និងដាក់ខ្នោះ
55
។ បន្ទាប់ពីមកដល់ អ្នកទោសត្រូវចុះពីឡាន ហើយបញ្ជូនទៅផ្ទះរបស់ លោក ហ៊ឹម ហ៊ុយ។ បន្ទាប់ពីទទួលបានលិខិតអមមកជាមួយ គាត់បញ្ជូនអ្នកទោសទាំងអស់ទៅ សួស ធី ដើម្បីចុះបញ្ជីឈ្មោះ និងថតរូប
56
។ អ្នកដែលជាប់សង្ស័យថាបានប្រព្រឹត្តកំហុស ឬបន្លំ មិនត្រូវដាក់ចូលគុក ២១ ភ្លាមទេ
57
ប៉ុន្តែត្រូវបញ្ជូនទៅ ព្រៃ ស ដើម្បីធ្វើស្រែ ដោយមិនបានចុះឈ្មោះនៅក្នុងបរិវេណគុកទេ
58
។
“គុកពិសេស”
ជាធម្មតា គុកពិសេសនេះ ត្រូវបានប្រើប្រាស់ដើម្បីដាក់អ្នកទោសសំខាន់ៗ គឺនៅអគារឆ្វេងដៃ
59
។ អ្នកទោស ត្រូវដឹកផ្ទាល់ទៅទីតាំងនោះ ដោយមិនមានការចុះបញ្ជីឈ្មោះទេ
60
។ មានតែ ហ៊ និង ឌុច តែប៉ុណ្ណោះ ទើបមានសិទ្ធិចូលបរិវេណគុកពិសេស
61
។ ឧទាហរណ៍ កុយ ធួន លេខាភូមិភាគកណ្តាល(ឧត្តរចាស់) និងជាអតីតរដ្ឋមន្ត្រីក្រសួងពាណិជ្ជកម្មនៅក្រោមរបបខ្មែរក្រហម បានជាប់ឃុំខ្លួននៅទីនោះ
62
។ លោក ហ៊ឹម ហ៊ុយ ចូលរួមការចាប់ខ្លួនគាត់ រួមជាមួយនឹងបុគ្គលិក ស-២១ ផ្សេងទៀតនៅផ្ទះរបស់ ឌុច
63
។
ការសម្លាប់អ្នកទោស
នៅពេលបញ្ចប់ការសួរចម្លើយ អ្នកទោស ត្រូវបានសម្លាប់ដោយក្រុមរបស់ ប៉េង នៅខាងលិចបរិវេណគុក
64
។ ឌុច គឺជាអ្នកដែលកំណត់កន្លែងកប់សព
65
។ អង្គជំនុំជម្រះសាលាដំបូង បានរកឃើញថា អ្នកទោស ជាធម្មតា ត្រូវយកទៅសម្លាប់នៅពេលយប់ ហើយជាដំបូង ត្រូវបានយកចេញរៀងរាល់ មួយសប្តាហ៍ ឬពីរសប្តាហ៍ម្តង ចំណែកឯ ចំនួនអ្នកទោសដែលត្រូវបានសម្លាប់ មានចំនួនប្រហែលជា ៥០ នាក់ ទៅ ១០០ នាក់ក្នុងមួយថ្ងៃ
66
។
ការសម្លាប់អ្នកទោស ចាប់ផ្តើមធ្វើឡើងនៅជើងឯក ចាប់ពីឆ្នាំ១៩៧៧-ឆ្នាំ១៩៧៨ រហូតដល់ការដួលរលំរបបខ្មែរក្រហមនៅឆ្នាំ ១៩៧៩
67
។ ការសម្លាប់អ្នកទោសធ្វើឡើង បន្ទាប់ពីការពិភាក្សាគ្នារវាង ឌុច ជាមួយនឹង ហ៊ ដែលថា ការសម្លាប់ត្រូវតែធ្វើឡើង ដោយខ្លាចបែកធ្លាយព័ត៌មានអំពីការសម្លាប់នៅមន្ទីរ ស-២១ និងដោយសារខ្លាចឆ្លងជំងឺរាតត្បាត ដោយហេតុថា សាកសពកប់នៅទីនោះមានចំនួនច្រើន
68
។
លោក ហ៊ឹម ហ៊ុយ ត្រូវបានចាត់តាំងឱ្យដឹកអ្នកទោស ទៅសម្លាប់នៅជើងឯក ហើយបានរៀបរាប់ អំពីដំណើរការនះ
69
។ គេមិនបានប្រាប់អ្នកទោស ថា គេយកអ្នកទោសទៅសម្លាប់ទេ
70
។ ឪពុកម្តាយ ត្រូវបញ្ជូនទៅសម្លាប់នៅជើងឯក ចំណែកឯកូនតូចវិញ (អាយុមួយឆ្នាំ ទៅ ៥ ឆ្នាំ ឬ ៦ឆ្នាំ)
71
ត្រូវសម្លាប់នៅ ទីតាំងខាងក្រោយគុក
72
។ បន្ទាប់ពីបញ្ចប់ការសួរចម្លើយ អ្នកទោសជនជាតិវៀតណាម ក៏ត្រូវក្រុមរបស់ ប៉េង សម្លាប់ផងដែរនៅខាងត្បូងបរិវេណគុក
73
។
លោក ហ៊ឹម ហ៊ុយ បាននិយាយថា គាត់ត្រូវបានដកតួនាទីនៅ ស-២១ ហើយចាត់តាំងឱ្យធ្វើស្រែ បន្ទាប់ពីជាប់ពាក់ព័ន្ធនឹងនៅក្នុងចម្លើយសារភាពមួយអំពីការរៀបចំផែនការបះបោរនៅ ស-២១
74
។ អង្គជំនុំជម្រះសាលាដំបូង យល់ឃើញថា សាក្សី ហ៊ឹម ហ៊ុយ រៀបរាប់លម្អិតលើសជ្រុលអំពីការរៀបចំផែនការ “ការបះបោរ” ដើម្បីព្យាយាមកាត់បន្ថយការទទួលខុសត្រូវរបស់គាត់នៅ ស-២១ ពាក់ព័ន្ធនឹងការសម្លាប់ អ្នកទោស។ ហេតុនេះ អង្គជំនុំជម្រះពិចារណាលើភស្តុតាងរបស់លោក ហ៊ឹម ហ៊ុយ អំពីបញ្ហានេះដោយប្រុងប្រយ័ត្ន
75
។ អង្គជំនុំជម្រះសាលាដំបូង បានពឹងផ្អែកលើសក្ខីកម្មរបស់គាត់ ដើម្បីសម្រេចថា ការសម្លាប់មួយចំនួនត្រូវបានធ្វើឡើងនៅមន្ទីរ ស-២១ និងនៅបរិវេណជិតមន្ទីរនេះ ចំណែកឯ ការសម្លាប់ភាគច្រើនត្រូវធ្វើឡើងនៅជើងឯក
76
ហើយដូចបានបញ្ជាក់តាមភស្តុតាងផ្សេងទៀតដែរ កូនក្មេងត្រូវបានសម្លាប់នៅជិតបរិវេណមន្ទីរ ស-២១
77
។
ការរៀបការដោយបង្ខំ
លោក ហ៊ឹម ហ៊ុយ បានចាំថា នៅពេលមួយ នារីចំនួន ៦ នាក់ ត្រូវបាននាំមកឱ្យរៀបការជាមួយបុគ្គលិកនៅ ស-២១
78
។ មានពិធីមួយសម្រាប់ប្តីប្រពន្ធជាច្រើនគូ បន្ទាប់មកមានការទទួលភ្ញៀវ
79
។ ពិធីរៀបការនេះត្រូវបានរៀបចំឡើងដោយ ឌុច ហើយប្តីប្រពន្ធ មិនបានស្គាល់គ្នាពីមុនទេ
80
។ អង្គជំនុំជម្រះសាលាដំបូង រកឃើញថា បុរសកម្មាភិបាលខ្លះត្រូវបានអនុញ្ញាតឱ្យជ្រើសរើសប្រពន្ធ ប៉ុន្តែ ប្រពន្ធរបស់ខ្លួនវិញ ត្រូវបានបង្ខំឱ្យរៀបការ ដោយមិនបានស្នើសុំសាមីខ្លួនឡើយ
81
។
វីដេអូ
