កាន់់ សុន្ទរ៉ា
រហ្សនាម: 2-TCCP-1051
សំណុំរឿង: សំណុំរឿង ០០២/០២
ប្រភេទ: ដើមបណ្តឹងរដ្ឋប្បវេណី
សាវតារ និងតួនាទី
អ្នកស្រី កាន់ សុន្ធរ៉ា រស់នៅក្នុងសង្កាត់លេខប្រាំ ក្នុងរាជធានីភ្នំពេញ ក្នុងឆ្នាំ១៩៧៥ មុនពេលខ្មែរក្រហមជម្លៀសគាត់នៅក្នុងខែមេសា ឆ្នាំ១៩៧៥ ទៅកាន់ឃុំសិត្បូ ស្រុកស្អាង ខេត្តកណ្តាល ជាកន្លែងដែលគេចាត់គាត់ឲ្យជីកប្រឡាយ
1
។ គាត់បានផ្តល់សក្ខីកម្មនៅចំពោះមុខអង្គជំនុំជម្រះសាលាដំបូងក្នុងនាមជាដើមបណ្តឹងរដ្ឋប្បវេណី ក្នុងសំណុំរឿង ០០២/០២ អំពីបទពិសោធន៍របស់គាត់ពេលជម្លៀសក្នុងពេលគាត់កំពុងមានផ្ទៃពោះ និងការបាត់បង់សមាជិកគ្រួសារក្នុងអំឡុងរបបខ្មែរក្រហម ពីឆ្នាំ១៩៧៥ ដល់ឆ្នាំ១៩៧៩
2
។
ការជម្លៀសដោយបង្ខំក្នុងខែមេសា ឆ្នាំ១៩៧៥ ក្នុងពេលមានផ្ទៃពោះ
ខ្មែរក្រហមបានបញ្ជាឲ្យអ្នកស្រី កាន់ ស៊ុន្ធរ៉ា ចាកចេញពីផ្ទះរបស់គាត់នៅភ្នំពេញ ទៅកាន់សិត្បូ នៅព្រឹកថ្ងៃទី១៨ ខែមេសា ឆ្នាំ១៩៧៥ ខណៈដែលគាត់កំពុងមានផ្ទៃពោះប្រាំបី ឬប្រាំបួនខែ
3
។ ពីរបីថ្ងៃក្រោយមក គាត់សម្រាលកូនទីពីររបស់គាត់នៅក្នុងខ្ទមបណ្តោះអាសន្នមួយ ដោយមានជំនួយពីឆ្មបវ័យក្មេងពីរនាក់អាយុប្រហែល ១២ ឆ្នាំ
4
។
អ្នកស្រី កាន់ ស៊ុន្ធរ៉ា មានថ្នាំពេទ្យ និងម្ជុលចាក់ថ្នាំខ្លះមកជាមួយ តែគេមិនអនុញ្ញាតឲ្យប្រើទេក្រោយសម្រាលកូនរួច
5
។ ដោយសារមិនសូវមានទឹកដោះ គាត់ត្រូវបេះស្លឹកឈើតាមរបងខ្ទមមកដាំជាមួយអំបិលផឹក ដើម្បីមានទឹកដោះគ្រប់គ្រាន់ឲ្យកូនប្រុសដែលទើបនឹងកើតបៅ
6
។
ការបាត់បង់សមាជិកគ្រួសារ
កូនស្រីអាយុប្រាំឆ្នាំ និងកូនប្រុសអាយុពីរឆ្នាំ របស់អ្នកស្រី កាន់ សុន្ធរ៉ា បានស្លាប់បាត់បង់ជីវិតដោយសារកង្វះអាហារូបត្ថម្ភក្នុងឆ្នាំ១៩៧៧
7
។ បន្ទាប់ពីកូនទីពីររបស់គាត់ស្លាប់ គាត់បានព្យាយាមស្វែងរកប្តីរបស់គាត់ឈ្មោះ យន់ ពុច នៅក្នុងកងចល័ត យនៅសិត្បូ ជាកន្លែងដែលកម្មករប្រុសៗប្រាប់គាត់ថា ប្តីគាត់ត្រូវគេយកទៅកន្លែងមិនស្គាល់បាត់ហើយ
8
។
ឪពុករបស់អ្នកស្រី កាន់ ស៊ុន្ធរ៉ា ឈ្មោះ កាន់ វ៉ាត ដែលជាអ្នករដ្ឋការ បានបាត់ខ្លួនក្នុងឆ្នាំ១៩៧៧ ក្រោយពីគេបញ្ជូនគាត់ឲ្យទៅកាប់ដើមឫស្សី
9
។ ម្តាយគាត់ឈ្មោះ ឆេង ផុន បានស្លាប់ដោយជំងឺក្រោយពីគេទុកចោលមិនមានការព្យាបាល
10
។ បងថ្លៃប្រុសរបស់គាត់ឈ្មោះ អែម ថុល ត្រូវចាប់ខ្លួន និងសម្លាប់ បន្ទាប់ពីប្រាប់ខ្មែរក្រហមថា គាត់គឺជាគ្រូបង្រៀននៅសាលាជម្ពូវ័ន្ត
11
។ បងប្រុសគាត់ឈ្មោះ ជឹម ឡាង ដែលជាវិស្វករអគ្គិសនី និងប្រពន្ធឈ្មោះ ឱម យិនដូនី ត្រូវបានចាប់ខ្លួន និងបញ្ជូនទៅគុកទួលស្លែង ហៅ ស-២១
12
។ អ្នកស្រី កាន់ សុន្ធរ៉ា បានឃើញរូបថតបងប្រុស និងបងថ្លៃស្រីរបស់គាត់បង្ហាញនៅ ស-២១ ក្រោយពីរបបនោះបានដួលរលំក្នុងឆ្នាំ១៩៧៩
13
។
“.”
14
។
អ្នកស្រី កាន់ សុន្ធរ៉ា ចាត់ទុកការចាប់ខ្លួន និងការសម្លាប់សមាជិកគ្រួសារគាត់ ថាមកពីការសង្ស័យរបស់ខ្មែរក្រហម និងការចោទប្រកាន់ថាសមាជិកគ្រួសារគាត់ជាខ្មាំងអង្គការ
15
។
អង្គជំនុំជម្រះបានផ្អែកលើសក្ខីកម្មរបស់អ្នកស្រី កាន់ សុន្ធរ៉ា ក្នុងចំណោមភ័ស្តុតាងផ្សេងទៀត ក្នុងការសន្និដ្ឋានថា ការបាត់បង់សមាជិកគ្រួសារបានបង្កើតនូវការឈឺចាប់ផ្លូវអារម្មណ៍យូរអង្វែង ភាពឯកោ និង កង្វះសម្ភារៈចំពោះអ្នកដែលនៅរស់រានមានជីវិតពីរបបខ្មែរក្រហម
16
។
វីដេអូ
