លោកស្រី ឃិន វ៉ាត
រហ្សនាម: 2-TCW-866
សំណុំរឿង: សំណុំរឿង ០០២/០២
ប្រភេទ: សាក្សី
សាវតារ និងតួនាទី
មុនឆ្នាំ១៩៧៥ អ្នកស្រី ឃិន វ៉ាត ជាទាហានក្នុងកងពល ៥០២ របស់ភូមិភាគនិរតី
1
។ ក្នុងឆ្នាំ១៩៧៥ គាត់ត្រូវបានចាត់តាំងឲ្យមកសម្អាតព្រលានយន្តហោះពោធិ៍ចិនតុង សម្រាប់ឲ្យអ្នកបច្ចេកទេសចិនជួសជុលវា
2
។ ក្នុងខែកក្កដា ឆ្នាំ១៩៧៧ គេបានបញ្ជូនគាត់ទៅព្រលានយន្តហោះកំពង់ឆ្នាំង បន្ទាប់ពីការចាប់ខ្លួនប្តីរបស់គាត់ ដែលគេចោទថាមានទំនាក់ទំនងជាមួយវៀតណាម
3
។ អ្នកស្រី ឃិន វ៉ាត បានផ្តល់សក្ខីកម្មនៅចំពោះមុខអង្គជំនុំជម្រះសាលាដំបូងក្នុងសំណុំរឿង ០០២/០២ ក្នុងនាមជាសាក្សីអំពីការរៀបការដោយបង្ខំ ការចាប់ខ្លួនប្តី របស់គាត់ និងបទពិសោធន៍ធ្វើការនៅការដ្ឋានសាងសង់ព្រលានយន្តហោះកំពង់ឆ្នាំង
4
។
ការរៀបអាពាហ៍ពិពាហ៍ដោយបង្ខំ
ខ្មែរក្រហមបានប្រាប់អ្នកស្រី ឃិន វ៉ាត ឲ្យចាកចេញពីពោធិ៍ចិនតុងទៅកាន់ការដ្ឋានព្រលានយន្តហោះកំពង់ឆ្នាំង ក្នុងឆ្នាំ១៩៧៧ ដើម្បីរៀបការជាមួយបុរសម្នាក់ឈ្មោះ ឡោត ដែលគាត់មិនដែលបានជួបពីមុនមក
5
។ អ្នកស្រី ឃិន វ៉ាត មិនហ៊ានប្រកែកទេ
6
។ ឪពុកម្តាយរបស់គាត់មិនបានចូលរួមពិធីរៀបការនេះទេ ដែលនៅក្នុងពិធីនោះគាត់និងប្តីត្រូវបានណែនាំឲ្យប្តេជ្ញាចិត្តបង្កើតកូន និងគោរពតាមមាគ៌ារបស់បក្ស
7
។
បន្ទាប់ពីពិធីរៀបការចប់ អ្នកស្រី ឃិន វ៉ាត និងប្តីបានត្រឡប់ទៅកន្លែងស្នាក់នៅដែលខ្មែរក្រហមបានរៀបចំទុកឲ្យ
8
។ ដោយដឹងថាឈ្លបខ្មែរក្រហមតាមដានខាងក្រៅកន្លែងសម្រាករបស់ពួកគេនៅពេលយប់ ប្តីគាត់បានប្រាប់ថាកុំនិយាយអ្វីទាំងអស់ ប្រសិនបើគាត់មិនស្រឡាញ់ប្តីគាត់ទេ និងថាអ្នកស្រីអាចស្លាប់ប្រសិនបើគាត់ប្រាប់អ្នកដទៃថាគាត់មិនស្រឡាញ់ប្តី
9
។ អ្នកស្រី ឃិន វ៉ាត និងស្វាមីបានបែកគ្នាបន្ទាប់ពីបានរៀបការនៅជាមួយគ្នាបានតែមួយសប្តាហ៍ប៉ុណ្ណោះ ដោយសារគេតម្រូវឲ្យអ្នកស្រីត្រឡប់ទៅព្រលានយន្តហោះពោធិ៍ចិនតុងវិញ
10
។
ការចាប់ខ្លួន និងការបាត់ខ្លួនស្វាមី
ខណៈពេលដែលអ្នកស្រី ឃិន វ៉ាត កំពុងធ្វើការនៅពោធិ៍ចិនតុងក្នុងឆ្នាំ១៩៧៧ មិត្តរួមការងារគាត់ម្នាក់បានប្រាប់គាត់ថា ប្តីរបស់គាត់ ដែលជាអ្នកបើកបរឲ្យអ្នកបច្ចេកទេសចិនវាស់ដីនៅព្រលានយន្តហោះកំពង់ឆ្នាំង ត្រូវបានថ្នាក់លើខ្មែរក្រហមចាប់ខ្លួន ដោយសារគេចោទគាត់ថាមានទំនាក់ទំនងជាមួយវៀតណាម ហើយគេបានដឹកប្តីគាត់មកភ្នំពេញ
11
។ ថ្នាក់លើមិនបានផ្តល់មូលហេតុនៃការចាប់ខ្លួន និងការបាត់ខ្លួនប្តីរបស់គាត់នោះទេ ហើយអ្នកស្រីក៏មិនហ៊ានសួរអំពីប្តីគាត់ដែរ ដោយសារខ្លាចបាត់បង់ជីវិត
12
។ ទោះបីជាអង្គជំនុំជម្រះសាលាដំបូងមិនអាចសន្និដ្ឋានច្បាស់លាស់ថា រថយន្តដែលបើកឆ្ពោះមកកាន់ភ្នំពេញបានដឹកអ្នកដែលបានចាប់ខ្លួនមកកាន់គុកទួលស្លែង ហៅ ស-២១ អង្គជំនុំជម្រះបានបង្ហាញថា យ៉ាងហោចណាស់កម្មករមួយចំនួននៅព្រលានយន្តហោះកំពង់ឆ្នាំងត្រូវបានចាប់មកកាន់ ស-២១
13
។
លក្ខខណ្ឌការងារ និងរស់នៅ នៅព្រលានយន្តហោះកំពង់ឆ្នាំង
បន្ទាប់ពីការចាប់ខ្លួនប្តីរបស់គាត់ អ្នកស្រី ឃិន វ៉ាត ត្រូវគេផ្លាស់ចេញពីព្រលានយន្តហោះពោធិ៍ចិនតុង និងបញ្ជូនទៅធ្វើស្រែនៅកងនារីនៅព្រលានយន្តហោះកំពង់ឆ្នាំង ជាកន្លែងដែលគាត់ទទួលរង “ការលត់ដំ និងការងារធ្ងន់”
14
។ “បើតាមខ្ញុំវិភាគក្នុងទស្សនៈខ្ញុំដូចថា គេអស់សេចក្តីទុកចិត្តជាមួយយើងដែរ បានគេអត់ហ៊ានឲ្យធ្វើការជាមួយចិន គេសុខចិត្តឲ្យយើងធ្វើស្រែចិញ្ចឹមអង្គភាពគេ។ គេថាការងារក្រោម”
15
។
អ្នកស្រី ឃិន វ៉ាត ភ្ញាក់ម៉ោងប្រាំព្រឹក តម្រង់ជួរនិងចូលរួមប្រជុំទទួលការចាត់តាំងការងារ
16
។ កម្មករត្រូវបានបង្ខំឲ្យធ្វើការរហូតដល់ម៉ោងប្រាំបីយប់ ឬ ប្រាំបួនយប់ ពេលណាដែលពួកគេមិនអាចបញ្ចប់ការងារដែលកំណត់នៅម៉ោងប្រាំល្ងាច
17
។ បាយជាមួយសម្លម្ជូរត្រកួន ឬព្រលឹតលាយត្រីត្រូវបានផ្តល់ឲ្យកម្មករនៅក្នុងកងរបស់គាត់សម្រាប់ជាអាហារថ្ងៃត្រង់
18
។ កម្មករផឹកទឹកគ្មានអនាម័យ
19
។ កង្វះអនាម័យ និងការសម្អាតកន្លែងមិនបានទៀងទាត់ ជាលទ្ធផលបណ្តាលឲ្យកម្មករកើតជំងឺដូចជាគ្រុនក្តៅ និងស្ពឹកដៃជើង
20
។ កម្មករពីប្រាំទៅដប់នាក់បានធ្លាក់ខ្លួនឈឺក្នុងចំណោមកម្មករ ៩០ នាក់ នៅក្នុងកងរបស់គាត់
21
។
ការណែនាំទាក់ទងនឹងផែនការការងារត្រូវបានបញ្ជូនបន្តតាមខ្សែច្រវ៉ាក់នៃការបញ្ជាដោយ ស៊ូ ម៉េត ដែលជាមេបញ្ជាការកងពលលេខ ៥០២ ទៅកាន់ ល្វៃ ដែលជាអ្នកទទួលបន្ទុកការដ្ឋានសាងសង់ព្រលានយន្តហោះកំពង់ឆ្នាំង
22
។ បន្ទាប់មក ល្វៃ បញ្ជូនការណែនាំបន្តទៅប្រធានកងនៅឯការដ្ឋាន ហើយប្រធានកងទាំងនោះណែនាំកម្មករនៅក្នុងកងរបស់ខ្លួន និងដឹកនាំពួកគេធ្វើការងារចាត់តាំងទាំងនោះ
23
។ ធួក ដែលជាប្រធានមន្ទីរកងពល ៥០២ ជាធម្មតាទទួលបន្ទុកកម្មករនៅពេលដែល ល្វៃ ត្រូវទៅភ្នំពេញ
24
។
អ្នកស្រី ឃិន វ៉ាត បានដឹងពីមិត្តភក្តិរបស់គាត់ដែលនៅការដ្ឋានព្រលានយន្តហោះកំពង់ឆ្នាំងថា ខៀវ សំផន ដែលជាប្រមុខរដ្ឋកម្ពុជាប្រជាធិបតេយ្យ បានមកមើលការដ្ឋាននេះនៅចុងឆ្នាំ១៩៧៧ នៅពេលដែលការដ្ឋានព្រលានយន្តហោះជិតរួចរាល់ ហើយពេលនោះ ខៀវ សំផន បានអមដំណើរដោយ ល្វៃ, ធួក និង តាម៉ុក ដែលជាលេខាភូមិភាគនិរតី
25
។ បន្ទាប់ពីបានពិនិត្យភ័ស្តុតាងទាំងអស់ដែលមាននៅចំពោះមុខខ្លួន និងបានពិចារណាជាពិសេសថាភ័ស្តុតាងរបស់អ្នកស្រី ឃិន វ៉ាត គឺជាការពាក្យចចាមអារាម អង្គជំនុំជម្រះសាលាដំបូងយល់ឃើញថា ទស្សនកិច្ចរបស់ ខៀវ សំផន ទៅការដ្ឋានសាងសង់ព្រលានយន្តហោះកំពង់ឆ្នាំងមិនត្រូវបានបង្ហាញឲ្យហួសពីវិមតិសង្ស័យឡើយ
26
។
អង្គជំនុំជម្រះសាលាដំបូងបានដកស្រង់សក្ខីកម្មរបស់អ្នកស្រី ឃិន វ៉ាត ក្នុងចំណោមភ័ស្តុតាងផ្សេងទៀត ក្នុងការសន្និដ្ឋានថា៖ (i) នៅការដ្ឋានព្រលានយន្តហោះកំពង់ឆ្នាំង មានការញែក តួនាទីនិងឋានៈរបស់កងទ័ពកងពល ៥០២ ដែលកាន់តួនាទីទទួលខុសត្រូវ ខុសពីកងទ័ពដែលគេបញ្ជូនទៅការដ្ឋានលត់ដំនិងកែប្រែ
27
(ii) កម្មករទទួលរងទុក្ខលំបាកដែលបណ្តាលមកពីការងារលំបាក អាហារូបត្ថម្ភមិនគ្រប់គ្រាន់ កង្វះផ្នែក អនាម័យ និងភាពកខ្វក់ខ្លាំង
28
និង (iii) ទោះបីជាការណែនាំជាទូទៅអំពីការចាត់តាំងការងារ របបអាហារ និងសុខាភិបាល ត្រូវបានថ្នាក់ដឹកនាំការដ្ឋានជាអ្នកប្រាប់ទៅប្រធានកងក្តី តែប្រធានកងក៏មានឆន្ទានុសិទ្ធិខ្លះក្នុងការសម្រេចថាតើត្រូវបំពេញឲ្យបានតាមផែនការការងាររបៀបណា និងថាតើត្រូវគ្រប់គ្រងលក្ខខណ្ឌការងារនិងលក្ខខណ្ឌនៃការរស់នៅរបស់អ្នកធ្វើការដោយរបៀបណាក្នុងការដ្ឋានសាងសង់ព្រលានយន្តហោះនេះ
29
។
វីដេអូ
