លោក គង់ គីម
រហ្សនាម: TCW-362
សំណុំរឿង: សំណុំរឿង ០០២/០១
ប្រភេទ: សាក្សី
សាវតារ និងតួនាទី
លោក គង់ គីម គឺជាសមាជិកឃុំ
1
។ គាត់គឺជាកូនទាហាននៅក្នុងអំឡុងពេលវាយប្រហារទីក្រុងភ្នំពេញ ហើយត្រូវបានដំឡើងឋានៈជាប្រធានកង នៅពេលដែលខ្មែរក្រហមដណ្តើមបានទីក្រុងភ្នំពេញ
2
។ គាត់បាន ផ្តល់សក្ខីកម្មក្នុងនាមសាក្សីម្នាក់នៅក្នុងសំណុំរឿង ០០២ ពាក់ព័ន្ធនឹងការវាយប្រហារទីក្រុងភ្នំពេញ ការប្រព្រឹត្តិមកលើទាហានសាធារណរដ្ឋខ្មែរ ការប្រព្រឹត្តិមកលើជនស៊ីវិល និងរចនាសម្ព័ន្ធរាយការណ៍របស់យោធា
3
។ អង្គជំនុំជម្រះសាលាដំបូង បានពឹងផ្អែកលើសក្ខីកម្មរបស់លោក គង់ គីម នៅក្នុងសេចក្តីសម្រេចថា ៖ (i) កម្លាំងខ្មែរក្រហមមកពីទូទាំងប្រទេស មានផែនការវាយប្រហារ និងជម្លៀសទីក្រុងភ្នំពេញ និង (ii) កងទ័ពខ្មែរក្រហម បានប្រយុទ្ធ និងសម្លាប់ទាហានសាធារណរដ្ឋខ្មែរ និងជនស៊ីវិល។ អង្គជំនុំជម្រះសាលាដំបូង ក៏បានយោងលើសក្ខីកម្មរបស់គាត់ នៅក្នុងសេចក្តីសម្រេចនានាពាក់ព័ន្ធនឹងកងទ័ព និង រចនាសម្ព័ន្ធរាយការណ៍របស់ ប.ក.ក ផងដែរ
4
។
ការវាយប្រហារ និងការជម្លៀសទីក្រុងភ្នំពេញ
លោក គង់ គីម បានរៀបរាប់ថា មានការទម្លាក់គ្រាប់បែកពីលើយន្តហោះនៅពេលដែលកងទ័ពកំពុងបង្កើនការវាយប្រហារ នៅពេលប៉ុន្មានខែនៅមុនពេលការវាយប្រហារទីក្រុងភ្នំពេញ ដែលនាំឱ្យមានការស្លាប់ និងរបួសមនុស្សយ៉ាងច្រើននាក់
5
។
ទោះបីជាគាត់បានឮថា យោធភូមិភាគផ្សេងៗនឹងវាយប្រហារមកពីទិសផ្សេងៗគ្នាយ៉ាងណាក៏ដោយ
6
ក៏គាត់ទើបតែបានដឹងអំពីផែនការជម្លៀសនៅពេលដែលគាត់ចូលដល់ភ្នំពេញ ជាមួយនឹងកងអនុសេនាតូចរបស់គាត់តែប៉ុណ្ណោះ ហើយកត់សម្គាល់ឃើញថា ប្រជាជនកំពុងជម្លៀសចេញ
7
។ នៅក្នុងអំឡុងពេលជម្លៀសនេះ គាត់ទទួលខុសត្រូវពីតំបន់ខាងជើងវត្តភ្នំ ទៅស្ពានជ្រោយចង្វារ
8
។ អនុសេនាតូចរបស់គាត់បានបញ្ជាឱ្យគាត់ សម្អាតផ្ទះសម្បែង និងផ្លូវថ្នល់
9
ផ្តាច់ការផ្គត់ផ្គង់ទឹក ដើម្បីបង្ខំឱ្យមនុស្សចេញពីផ្ទះសម្បែងរបស់ខ្លួន
10
ធ្វើការឆែកឆេរ និងអូសអូសអ្នកមិនព្រមចេញឱ្យចេញពីផ្ទះ
11
។
នៅពេលដែលគេអនុវត្តផែនការជម្លៀស លោក គង់ គីម បានរៀបរាប់ថា ស្ថានការណ៍ជ្រួលច្របល់ ហើយតាមផ្លូវសុទ្ធតែហ្វូងមនុស្សកំពុងធ្វើដំណើរចេញពីក្រុង
12
ដោយយកទៅជាប់ខ្លួននូវទ្រព្យសម្បតិ្តផ្ទាល់ខ្លួន ដូចជា លុយ និងគ្រឿងអលង្ការ ជាដើម
13
។ គាត់ក៏បានកត់សម្គាល់ថា មានជនស៊ីវិលជាច្រើននាក់នៅលើដងផ្លូវនៅក្នុងរយៈពេលបីថ្ងៃដំបូងនៃការជម្លៀស ប៉ុន្តែ មានមនុស្សកាន់តែតិចទៅៗនៅក្នុងរយៈពេលមួយ សប្តាហ៍ក្រោយមក
14
ហើយមួយខែក្រោយមក នៅសល់តែកងទ័ព ឬជនស៊ីវិលមួយចំនួនតូចតែប៉ុណ្ណោះ
15
។ លោក គង់ គីម បានរៀបរាប់ទៀតថា គាត់បានឃើញសាកសពនៅក្នុងអំឡុងពេលប្រយុទ្ធគ្នាខ្លាំងក្រោយការជម្លៀស
16
។ គាត់បានបន្ថែមទៀតថា មានសាកសពយ៉ាងច្រើន ហើយគេឱ្យគាត់រុញសាកសពចេញ ពីផ្ឡូវចូលទៅទន្លេ ដោយប្រើត្រាក់ទ័រ
17
។
អង្គជំនុំជម្រះសាលាដំបូង បានយោងលើសក្ខីកម្មរបស់លោក គង់ គីម នៅក្នុងសេចក្តីសម្រេចថា ៖ (i) ទោះបីជាថា ការវាយប្រហារតាមអាកាសខ្លះធ្វើឡើងដោយអាមេរិកយ៉ាងណាក៏ដោយ ក៏ទំនងជាងដែលថា ហេតុការណ៍ខាងលើគឺកើតឡើងដោយសារកម្លាំងសាធារណរដ្ឋខ្មែរដែលនៅសេសសល់
18
(ii) មានការសម្របសម្រួលផែនការឱ្យកម្លាំងខ្មែរក្រហមមកពីភូមិភាគផ្សេងៗនៅទូទាំងប្រទេសកម្ពុជា ចូលទីក្រុងភ្នំពេញ និងវាយប្រហារក្រុងពីគ្រប់ទិស
19
ហើយបញ្ជាឱ្យប្រជាជនចាកចេញពីក្រុង
20
(iii) កលពលផ្សេងៗរបស់ខ្មែរក្រហម បានគ្រប់គ្រងផ្នែកផ្សេងៗនៃទីក្រុងភ្នំពេញ ហើយបានបណ្តេញដោយបង្ខំឱ្យអ្នកក្រុង និងទ្រព្យសម្បត្តិផ្ទាល់ខ្លួន ចេញពីផ្ទះ
21
(iv) មនុស្សភាគច្រើនយកបានតាមខ្លួននូវរបស់របរបន្តិចបន្តួចដែលអាចយកតាមខ្លួនបាននៅក្នុងអំឡុងពេលជម្លៀស
22
(v) មួយអាទិត្យក្រោយពីជម្លៀសមក ក្រុងភ្នំពេញមិនសូវច្របូកច្របល់ទេ ហើយមនុស្សភាគច្រើនត្រូវបានជម្លៀសចេញ
23
និង (vi) មានភ័ស្តុតាង រឹងមាំបញ្ជាក់អំពីមនុស្សរងរបួស ឬមនុស្សស្លាប់នៅតាមដងផ្លូវ ចេញពីភ្នំពេញ
24
។
ការប្រព្រឹត្តិមកលើអ្នករដ្ឋការ និងទហានសាធារណរដ្ឋខ្មែរ
យោងតាមលោក គង់ គីម បានឱ្យដឹងថា មិនមានការបាញ់កាំភ្លើង ឬការប្រយុទ្ធគ្នាទេនៅក្នុងអំឡុងពេលជម្លៀសទេ
25
។ ទាហានសាធារណរដ្ឋខ្មែរដែលមិនប្រឆាំង ត្រូវបានអនុគ្រោះឱ្យនៅមានជីវិត ហើយអាចត្រូវជម្លៀស ប៉ុន្តែ អ្នកដែលនៅប្រឆាំង ត្រូវគេបាញ់
26
។ មានការប្រយុទ្ធរវាងខ្មែរក្រហម ជាមួយនឹងទាហានសាធារណរដ្ឋបានផ្ទះឡើងបន្ទាប់ពីការជម្លៀសជនស៊ីវិល
27
។ ទាហានសាធារដ្ឋខ្មែរ បានបោះបង់ឯកសណ្ឋានរបស់ខ្លួន ហើយចូលលាយជាមួយនឹងប្រជាជនស៊ីវិល ដើម្បីកុំឱ្យគេបាញ់
28
។
អង្គជំនុំជម្រះសាលាដំបូង បានយោងលើ សក្ខីកម្មរបស់លោក គង់ គីម នៅក្នុងសេចក្តីសម្រេចថា (i) កងខ្មែរក្រហមផ្សេងៗ បានទទួលបញ្ជាថា ទាហានសាធារណរដ្ឋខ្មែរ ដែលបានទម្លាក់អាវុធ អាចត្រូវជម្លៀសចេញជាមួយនឹងប្រជាជន ឬអាចត្រូវអប់រំឡើងវិញ
29
(ii) នៅពេលដែលការជម្លៀសកំពុងបន្តដំណើរការ ទាហានខ្មែរក្រហម ត្រូវបានគេបញ្ជាឱ្យសម្លាប់ទាហានសាធារណរដ្ឋទាំងអស់ដែលគេបានរកឃើញ
30
និង (iii) កងទ័ពខ្មែរក្រហម បានបាញ់គ្នាជាមួយទាហានសាធារណរដ្ឋមួយចំនួន និងបានសម្លាប់ទាហានទាំងនោះ
31
។
អគ្គសេនាធិការ និងរចនាសម្ព័ន្ធរាយការណ៍
លោក គង់ គីម បានរៀបរាប់អំពីប្រភេទបទបញ្ជាដែលគាត់បានទទួល ព្រមទាំងខ្សែចង្វាក់បញ្ជាការ និង អ្នកត្រូវរាយការណ៍
32
។ គាត់បានបញ្ជាក់ថា គាត់លែងជាសមាជិកនៃកងទ័ពភូមិភាគទៀតហើយ នៅពេលដែលទៅដល់ភ្នំពេញ ប៉ុន្តែ គាត់នៅជាមួយនឹងមជ្ឈិមបក្ស
33
។ អង្គជំនុំជម្រះសាលាដំបូង បានដកស្រង់សក្ខីកម្មរបស់លោក គង់ គីម នៅក្នុងសេចក្តីសម្រេចថា ប៉ុល ពត បានប្រកាសអំពីការបង្កើតកងទ័ពថ្មី គឺកងទ័ពបដិវត្តន៍កម្ពុជា ដើម្បីប្រមូលកងពលតូចយោធភូមិភាគ ឱ្យស្ថិតនៅក្រោមការត្រួតពិនិត្យ របស់ គណៈកម្មាធិការមជ្ឈិម និងនៅក្រោមបញ្ជាការរបស់អគ្គសេនាធិការដែល សុន សេន ធ្វើជាប្រធាន
34
។
វីដេអូ
