ឡេង ឈឿង
រហ្សនាម: TCW-384
សំណុំរឿង: សំណុំរឿង ០០២/០១
ប្រភេទ: សាក្សី
ព័ត៌មានពីសាវតារ
លោក ឡេង ឈឿង ធ្វើការជាអ្នកបើកឡានឲ្យ ខៀវ សំផន ពីឆ្នាំ១៩៧៨ ដល់ឆ្នាំ១៩៧៩
1
។ គាត់បានផ្តល់សក្ខីកម្មក្នុងកិច្ចដំណើរការនីតិវិធីជំនុំជម្រះក្នុងសំណុំរឿង ០០២/០១ អំពីតួនាទីរបស់គាត់
2
មុន និងអំឡុងពេលរបបខ្មែរក្រហម ប្រតិបត្តិការមន្ទីរ ក-៣
3
តួនាទីរបស់ ខៀវ សំផន
4
និងទីកន្លែងរស់នៅរបស់មេដឹកនាំជាន់ខ្ពស់ក្នុងរបបខ្មែរក្រហម
5
។
ចូលរួមក្នុងចលនាបដិវត្តន៍
លោក ឡេង ឈឿង បានរំលឹកថា គាត់បានចូលបដិវត្តន៍ក្នុងឆ្នាំ១៩៧៣ នៅក្នុងខេត្តតាកែវ ពេលអាយុ ១០ ឆ្នាំ
6
នៅពេលនោះគាត់ត្រូវគោរពតាមបញ្ជារបស់ពួកគេ និងបញ្ចប់ភារកិច្ចដែលដាក់ឲ្យ
7
។ គាត់នឹករលឹកស្រុកកំណើត និងឪពុកម្តាយគាត់ខ្លាំងណាស់ ដល់ថ្នាក់ស្រែកយំ តែគាត់គ្មានជម្រើសទេ
8
។
ក្នុងឆ្នាំ១៩៧៦ គាត់បានផ្លាស់មកទីក្រុងភ្នំពេញ ដែលពីដំបូងគាត់ស្នាក់នៅសាលាបច្ចេកទេសខ្មែរ-សូវៀត
9
។ ក្រោយមក គេចាត់តាំងគាត់ឲ្យធ្វើការនៅមន្ទីរ ក-១២
10
គេប្រគល់ភារកិច្ចឲ្យគាត់សម្អាតទីក្រុង និងដឹកសំរាមទៅកន្លែងចាក់សម្រាមនៅស្ទឹងមានជ័យ
11
។ គាត់បានធ្វើការជាអ្នកបើកឡានឲ្យ ខៀវ សំផន ពីឆ្នាំ១៩៧៨ ដល់ឆ្នាំ១៩៧៩
12
។
មន្ទីរ ក-៣ និងទីកន្លែងស្នាក់នៅរបស់ ខៀវ សំផន
លោក ឡេង ឈឿង បានកត់សម្គាល់ថា មានច្រកចូលចំនួនបីទៅកាន់មន្ទីរ ក-៣ ហើយច្រកចូលចំនួនពីរត្រូវបិទ នៅតាមបណ្តោយផ្លូវពីផ្សារអូរឫស្សី ទៅព្រះបរមរាជវាំង
13
។ បរិវេណ ក-៣ មានផ្ទះ ២០ ទៅ ៣០ផ្ទះ ហើយផ្ទះជាច្រើនត្រូវបោះបង់ចោល
14
។ មានតែផ្ទះមួយចំនួនដែលស្ថិតក្នុងស្ថានភាពល្អប៉ុណ្ណោះ ដែលគេយកប្រើ
15
។ មានមនុស្សចន្លោះពី ១០ ទៅ ២០ នាក់ ធ្វើការនៅមន្ទីរ ក-៣
16
។ ទោះបីជាហូបអាហារបែកគ្នា ពួកគេទាំងអស់មានអាហារហូបគ្រប់គ្រាន់
17
។
លោក ឡេង ឈឿង បានផ្តល់សក្ខីកម្មថា ខៀវ សំផន រស់នៅក្នុងមន្ទីរ ក-៣
18
។ មានតុ និងសាឡុងសម្រាប់ទទួលភ្ញៀវ និងមានអង្រឹងមួយនៅខាងក្នុងផ្ទះសម្រាប់ ខៀវ សំផន សម្រាកបន្ទាប់ពីត្រឡប់ពីធ្វើការវិញ
19
។ ខៀវ សំផន មិនមានលេខាទេ តែគាត់មានទូរស័ព្ទមួយនៅក្នុងផ្ទះរបស់គាត់សម្រាប់ប្រើ
20
។ ផ្អែកលើសក្ខីកម្មនេះ អង្គជំនុំជម្រះសាលាដំបូង បានទទួលស្គាល់ថា មេដឹកនាំមួយចំនួនទំនាក់ទំនងគ្នាតាមទូរស័ព្ទ
21
។ ប្រពន្ធរបស់ ខៀវ សំផន ក៏រស់នៅ និងធ្វើការជាចុងភៅនៅ ក-៣ ផងដែរ
22
។
លោក ឡេង ឈឿង រស់នៅក្នុងផ្ទះមួយចម្ងាយប្រហែល ១០ ម៉ែត្រពីផ្ទះ ខៀវ សំផន
23
។ ផ្ទះរបស់ នួន ជា នៅម្ខាងផ្លូវពីផ្ទះ ខៀវ សំផន
24
។ ផ្ទះ អៀង សារី នៅប្លុកជាមួយផ្ទះរបស់ នួន ជា ហើយគាត់មកមន្ទីរ ក-៣ ជាប្រចាំផងដែរ
25
។ លោក ឡេង ឈឿង បានផ្តល់សក្ខីកម្មថា វន វ៉េត បានទៅមន្ទីរ ក-៣ ម្តងម្កាល
26
។ ទោះបីជាគាត់មិនដែលបានឃើញ ប៉ុល ពត ដោយផ្ទាល់នៅ ក-៣ តែគាត់បានឃើញឡានរបស់ ប៉ុល ពត នៅទីនោះ
27
។
តួនាទីរបស់ ខៀវ សំផន
លោក ឡេង ឈឿង បានដឹងតាមរយៈការផ្សាយតាមវិទ្យុថា ខៀវ សំផន គឺជាប្រធានគណៈប្រធានរដ្ឋ
28
។ គាត់បានឮការប្រកាសនេះតាមមេក្រូពេលបើកឡានតាមផ្លូវ
29
។ គាត់បញ្ជូនលិខិតទៅឲ្យ ខៀវ សំផន
30
។ គាត់ក៏បើកឡានជូន ខៀវ សំផន ទៅមន្ទីរ ក-១ ទៅជួប នួន ជា និង ប៉ុល ពត ផងដែរ
31
។
គាត់លើកឡើងថា ខៀវ សំផន បានជួបជាមួយអ្នកការទូត និងទទួលសារតាំងពីពួកគេ
32
។ គាត់បន្ថែមថា ក្រោយខែមេសា ឆ្នាំ១៩៧៨ ខៀវ សំផន លែងទទួលជួបគណៈប្រតិភូជាន់ខ្ពស់ទៀតហើយ
33
។
ការធ្វើដំណើររបស់ ខៀវ សំផន ក្នុងនិងក្រៅភ្នំពេញ
ភារកិច្ចចម្បងរបស់លោក ឡេង ឈឿង គឺត្រូវបើឡានជូន ខៀវ សំផន
34
។ គាត់មិនត្រូវការលិខិតអនុញ្ញាតអ្វីទេ ដោយសារគាត់គ្រាន់តែធ្វើតាមអ្វីដែល ខៀវ សំផន និយាយប៉ុណ្ណោះ
35
។
គាត់បើកឡានជូន ខៀវ សំផន ទៅមន្ទីររបស់គាត់ដែលមានចម្ងាយប្រហែល ៥០ ទៅ ១០០ ម៉ែត្រពីផ្ទះរបស់គាត់
36
។ គាត់ក៏បើកឡានជូន ខៀវ សំផន ទៅជុំវិញទីក្រុងភ្នំពេញ
37
ទៅច្រាំងចំរេះផងដែរ តែមិនដែលទៅបឹងត្របែកទេ
38
។ ក្នុងឆ្នាំ១៩៧៨ គាត់បានជូន ខៀវ សំផន ទៅចូលរួមព្រឹត្តិការណ៍នៅស្តាតអូរឡាំពិក ដែលមាន ប៉ុល ពត ជាអធិបតី
39
។ ទោះបីជាគាត់មិនចាំថាបានបើកឡានជូន ខៀវ សំផន ទៅកាន់បុរីកីឡា និងវិទ្យាស្ថានខ្មែរ-សូវៀត អង្គជំនុំជម្រះ “ជឿថា ខៀវ សំផន បានដឹកនាំវគ្គរៀនសូត្រនយោបាយនៅបុរីកីឡា និងវិទ្យាស្ថានបច្ចេកទេសមិត្តភាពខ្មែរ-សូវៀត”
40
។
គាត់ក៏បានបើកឡានជូន ខៀវ សំផន ទៅក្រៅទីក្រុងភ្នំពេញជាច្រើនលើកផងដែរ
41
រួមទាំងទៅកាន់ខេត្តកណ្តាល និងខេត្តតាកែវ
42
។ ទោះបីជាអង្គជំនុំជម្រះយល់ឃើញថា ចម្លើយរបស់គាត់អាចជឿជាក់បាន និងមានភាពស៊ីចង្វាក់គ្នាក៏ដោយ ក៏អង្គជំនុំជម្រះបន្ថែមថា “ភ័ស្តុតាងនេះពុំបានដកចេញនូវលទ្ធភាពដែលថា ខៀវ សំផន អាចធ្វើទស្សនកិច្ចទៅកាន់ព្រលានយន្តហោះយោធាតាមរថយន្ត នៅមុនពេល ឡេង ឈឿង ក្លាយជាអ្នកបើកបររបស់គាត់នៅក្នុងឆ្នាំ១៩៧៨ ឬការធ្វើដំណើរតាមមធ្យោបាយផ្សេងទៀត នៅពេលណាមួយនោះឡើយ”
43
។ នៅប្រហែលម៉ោង ៧ ល្ងាច នៅថ្ងៃទី៦ ខែមករា ឆ្នាំ១៩៧៩ គាត់បានបើកឡានជូន ខៀវ សំផន ចេញពីទីក្រុងភ្នំពេញ ហើយបានឈប់នៅសាលាខេត្តពោធិ៍សាត់ ដើម្បីជួបជាមួយ ប៉ុល ពត និង នួន ជា។ បន្ទាប់ពីនោះមក គាត់បានបើកទៅកាន់ខេត្តបាត់ដំបង និង ប៉ៃលិន
44
។
វីដេអូ
