ឡេវ ឡាំ
រហ្សនាម: TCW-386
សំណុំរឿង: សំណុំរឿង ០០២/០១
ប្រភេទ: សាក្សី
សាវតារ និងតួនាទី
លោក ឡេវ ឡាំ បានផ្តល់សក្ខីកម្មនៅក្នុងសំណុំរឿង ០០២/០១ ក្នុងនាមជាសាក្សី
1
។
លោក ឡេវ ឡាំ គឺជាឈ្លបខ្មែរក្រហមពីឆ្នាំ១៩៧២ ដល់ឆ្នាំ១៩៧៥
2
។ គាត់ឈរជើងនៅឃុំស្វាយជុក “បង្កបង្កើនផលនៅខាងក្រោយ” ដោយមិនបានចូលរួមប្រយុទ្ធផ្ទាល់ជាមួយនឹងសាធារណរដ្ឋខ្មែររបស់ លន់ នល់ទេ
3
។ គាត់បានអះអាងថា គាត់ “តូចតាច” មិនដឹងអំពីប្រតិបត្តិការរបស់មេដឹកនាំខ្មែរក្រហមទេ
4
។ អង្គជំនុំជម្រះសាលាដំបូង បានពឹងផ្អែកលើភ័ស្តុតាងរបស់គាត់ នៅក្នុងសេចក្តីសម្រេចថា អ្នករដ្ឋការ និងទាហានសាធារណរដ្ឋខ្មែរ ត្រូវបានគេសម្លាប់
5
។
ការមកដល់របស់ប្រជាជនជម្លៀស ១៧ មេសា ឆ្នាំ១៩៧៥
យោងតាម លោក ឡេវ ឡាំ បានឱ្យដឹងថា ប្រហែល ២០០-៣០០ គ្រួសារ
6
បានមកដល់ស្វាយជុក មកពីកំពង់ឆ្នាំង និងភ្នំពេញ ប្រហែលជាមួយសប្តាហ៍ក្រោយថ្ងៃទី១៧ ខែមេសា ឆ្នាំ១៩៧៥
7
។ គ្រួសារទាំងនោះធ្វើដំណើរដោយថ្មើរជើង ខ្វះស្បៀងអាហារ ហើយអ្នកខ្លះឈឺ ប៉ុន្តែ “ចេះតែខំប្រឹងដើរទៅ”
8
។ ពួកគាត់មិនទទួលបានថ្នាំព្យាបាលទេទោះបីជាបានស្នើសុំក៏ដោយ
9
ហើយត្រូវតែស្នាក់នៅក្រោមផ្ទះរបស់អ្នកភូមិ ឬនៅក្រោមដើមឈើ
10
។
ថ្នាក់ដឹកនាំស្រុក បានតម្រូវឱ្យប្រជាជនជម្លៀសធ្វើប្រវត្តិរូប
11
។ លោក ឡេវ ឡាំ បាននិយាយថា “ផ្អែកតាមចម្លើយរបស់អ្នកទាំងនោះ គេបានបែងចែកទៅជាពីរប្រភេទ ប្រជាជនធម្មតា ដូចជា កសិករ ហើយប្រជាជនមិនធម្មតា ដូចជា ទាហាន ដូចជា រដ្ឋការលន់ នល់ នោះហើយ និងទាយទុន ជាដើមនោះផងដែរ”
12
។ គាត់មិនបានដឹងថា ការបែងចែកវណ្ណៈប្រជាជនទាំងនេះត្រូវបានធ្វើការផ្ទៀងផ្ទាត់យ៉ាងណានោះទេ
13
ប៉ុន្តែ ត្រូវបានត្រួតពិនិត្យដោយកម្មាភិបាល និងប្រធានភូមិ
14
។
ការគាស់ទីកន្លែងសម្លាប់មនុស្ស និងពេលក្រោយមកទៀត
ក្រោយខែមករា ឆ្នាំ១៩៧៩ លោក ឡេវ ឡាំ បានឃើញគេជីកគាស់រណ្តៅរកមាសនៅជិតព្រៃទទឹង ហើយគាត់បានឃើញឆ្អឹងនៅ “ចោលគរពេញហ្នឹង”
15
។ នៅឆ្នាំ១៩៨១-ឆ្នាំ១៩៨២ គាត់បានឃើញរណ្តៅស្រដៀងគ្នានៅជិតទីតាំងដែលគាត់បានប្រាប់ថាគាត់យកមនុស្សទៅសម្លាប់
16
។ គាត់ប៉ាន់ស្មានថា មានសាកសពប្រហែល ៧០០-៨០០សាកសព នៅក្នុងរណ្តៅចំនួន ២០ កន្លែង ពីព្រោះថា គាត់បានឃើញលលាដ៍ក្បាលចំនួន ២០-៣០ លលាដ៍ក្បាលក្នុងរណ្តៅមួយ ហើយជឿថា នៅមានរណ្តៅសពដែលគេមិនទាន់ជីកគាស់
17
។
ដោយសារថា “ការសម្លាប់នៅការដ្ឋាន និងសហករណ៍មិនស្ថិតនៅក្នុងវិសាលភាពនៃសំណុំរឿង ០០២/០១” ដែលលោក ឡេវ ឡាំ កំពុងផ្តល់សក្ខីកម្ម ទើប អង្គជំនុំជម្រះសាលាដំបូង មិនបាន “ពិចារណាទៅលើការស្លាប់ទាំងនេះនៅក្នុងការសម្រេចរបស់ខ្លួនទៅលើបទចោទជាក់លាក់ទាក់ទងទៅនឹងការផ្លាស់ទីលំនៅ ប្រជាជាតិនោះទេ”។ ទោះជាយ៉ាងនេះក្តី អង្គជំនុំជម្រះសាលាដំបូង នៅតែ “បញ្ចូលភ័ស្តុតាងទាំងនេះ... គឺក្នុងគោលបំណងដើម្បីបង្ហាញអំពីព្រឹត្តិការណ៍ទាំងស្រុងនាពេលនោះតែប៉ុណ្ណោះ”
18
។
វីដេអូ
