នង នីម
រហ្សនាម: 2-TCW-1070
សំណុំរឿង: សំណុំរឿង ០០២/០២
ប្រភេទ: សាក្សី
សាវតារ និង តួនាទី
លោក នង នីម គឺជាសមាជិកកងការពាររបស់លេខាភូមិភាគបូព៌ាឈ្មោះ សោ ភឹម ពីឆ្នាំ១៩៧០ រហូតដល់ក្រោយការស្លាប់របស់ សោ ភឹម ក្នុងឆ្នាំ១៩៧៨
1
។ គាត់បានផ្តល់សក្ខីកម្មនៅចំពោះមុខអង្គជំនុំជម្រះសាលាដំបូងក្នុងសំណុំរឿង ០០២/០២ ក្នុងនាមសាក្សីអំពីដំណើរទស្សនកិច្ចទៅកាន់ភូមិភាគនានាដោយថ្នាក់ដឹកនាំនៃរបបកម្ពុជាប្រជាធិបតេយ្យ ការជួបប្រជុំរវាងវៀតណាម និង សោ ភឹម មុន ឬអំឡុងពេលសង្រ្គាមជាមួយវៀតណាម និង ការបោសសម្អាតកម្មាភិបាលភូមិភាគបូព៌ាតាមបញ្ជារបស់ “បងលេខ មួយ” ប៉ុល ពត
2
។
ដំណើរទស្សនកិច្ចរបស់ថ្នាក់ដឹកនាំកម្ពុជាប្រជាធិបតេយ្យ
ក្នុងនាមជាអង្គរក្ស និង ជាអ្នកបើកឡានឱ្យ សោ ភឹម លោក នង នីម បាននាំលេខាភូមិភាគបូព៌ាទៅជួប ប៉ុល ពត នៅភ្នំពេញជាទៀងទាត់
3
។ លោក នង នីម មិនបានដឹងពីអ្វីដែលត្រូវពិភាក្សាក្នុងកិច្ចប្រជុំនោះទេ ព្រោះគាត់មិនបានចូលរួមកិច្ចប្រជុំរបស់ សោ ភឹម
4
។
លោក នង នីម បានរំឮកពីដំណើរទស្សនកិច្ចរបស់លោក សោ ភឹម ទៅលេងលេខាភូមិភាគពាយ័ព្យ ឈ្មោះ រស់ ញឹម ក្នុងខេត្តបាត់ដំបង
5
។ ក្នុងជំនួបនោះ សោ ភឹម បាននិយាយលេងសើចដោយហៅ រស់ ញឹម ថា “អាសៀម ឬអាថៃ” ហើយ រស់ ញឹម ហៅ សោ ភឹម ថា “អាយួន”
6
។ លោក នង នីម មិនដឹងហេតុផលនៅពីក្រោយការនិយាយលេងសើចនេះទេ
7
។ ចំណែក រស់ ញឹម វិញបានមកលេង សោ ភឹម នៅការដ្ឋានសំរោង ក្នុងភូមិភាគបូព៌ា
8
។ ដំណើរទស្សនកិច្ចរបស់ពួកគាត់កើតឡើងក្នុងចំនួនប្រហាក់ប្រហែលគ្នា
9
។ អង្គជំនុំជម្រះសាលាដំបូងទទួលយកសក្ខីកម្មរបស់លោក នង នីម អំពីជំនួបរវាង រស់ ញឹម និង សោ ភឹម
10
។
កូនប្រុសរបស់ រស់ ញឹម ឈ្មោះ ជាល បានរៀបការជាមួយកូនស្រីរបស់ សោ ភឹម ឈ្មោះ ស៊ី
11
។ ក្នុងអំឡុងពេល សោ ភឹម ទៅលេង រស់ ញឹម គាត់តែងតែឈៀងទៅលេងកូនប្រសាររបស់គាត់ ដែលធ្វើការនៅមន្ទីរតំបន់ ៥
12
។ អង្គជំនុំជ្រះសាលាដំបូងបានទទួលយកសក្ខីកម្មរបស់លោក នង នីម អំពីទំនាក់ទំនងគ្រួសាររវាង រស់ ញឹម និង សោ ភឹម
13
។
មេដឹកនាំជាន់ខ្ពស់ខ្មែរក្រហម រួមមាន ប៉ុល ពត, នួន ជា, ខៀវ សំផន និង អៀង សារី បានធ្វើទស្សនកិច្ចទៅកាន់ភូមិភាគបូព៌ាជាច្រើនលើកច្រើនសារ ហើយពួកគេទាំងអស់ត្រូវបានទទួលស្វាគមន៍ដោយ សោ ភឹម នៅពេលពួកគេមកដល់
14
។ ក្នុងអំឡុងពេលទស្សនកិច្ចរបស់ខ្លួន នួន ជា ពេលខ្លះបានជួបជាមួយ សោ ភឹម តែឯង
15
។ លោក នង នីម មិនបានចាំកាលបរិច្ឆេទនៃដំណើរទស្សនកិច្ចទាំងនោះទេ ហើយក៏មិនដឹងពីគោលបំណងរបស់ដំណើរទស្សនកិច្ចទាំងនោះដែរ
16
។
ជំនួបរវាង វៀតណាម និង សោ ភឹម
លោក នង នីម ដែលបានអមដំណើរ សោ ភឹម ទៅគ្រប់ទីកន្លែងនោះ បានផ្តល់ការពិពណ៌នាផ្ទុយគ្នាអំពីជំនួបរបស់ សោ ភឹម ជាមួយ វៀតណាម ដោយពីដំបូងបានផ្តល់សក្ខីកម្មថា គាត់មិនដែលបានឃើញ សោ ភឹម ជួបជាមួយវៀតណាមទេ
17
។ នៅពេលតទល់ដោយមេធាវីការពារក្តី នួន ជា ជាមួយនឹងចម្លើយពីមុនរបស់គាត់ដែលផ្តល់ជូនមជ្ឈមណ្ឌលឯកសារកម្ពុជា លោក នង នីម បានរំលឹកថាភ្ញៀវវៀតណាមបានមកកាន់ប្រទេសកម្ពុជាមកជួប សោ ភឹម តែគាត់មិនចាំកាលបរិច្ឆេទទេ ដោយគ្រាន់តែនិយាយថា វាកើតឡើងមុន ឬក្នុងពេលសង្គ្រាមប្រឆាំងវៀតណាម
18
។ ដោយសារភាពមិនប្រាកដប្រជារបស់លោក នង នីម អំពីពេលដែលកិច្ចប្រជុំនេះកើតឡើង និង ភាពផ្ទុយគ្នាដែលមិនអាចពន្យល់បាននៅក្នុងសក្ខីកម្មរបស់គាត់ អង្គជំនុំជម្រះសាលាដំបូងមិនបានពិចារណាថា វាបង្ហាញពីការឃុបឃិតរវាងវៀតណាម និង សោ ភឹម ប្រឆាំងនឹង ប៉ុល ពត នោះទេ
19
។
ការបោសសម្អាតកម្មាភិបាលភូមិភាគបូព៌ា ដែលបានចោទថាមានផែនការផ្តួលរំលំ ប៉ុល ពត
មនុស្សមកពីអង្គភាពផ្សេងៗគ្នាត្រូវបានចាប់ខ្លួននៅកន្លែងជាច្រើននៅក្នុងភូមិភាគ ហើយបានដឹកតាមរថយន្តដែលធ្វើដំណើរឆ្ពោះទៅទិសខាងលិច
20
។ ថ្នាក់ដឹកនាំភូមិភាគបូព៌ាទាំងអស់បានបាត់ខ្លួន
21
។ លោក នង នីម ជឿថា ប៉ុល ពត បានធ្វើរដ្ឋប្រហារប្រឆាំងនឹងភូមិភាគបូព៌ា ដើម្បីទម្លាក់ សោ ភឹម ដែលគាត់ចោទប្រកាន់ថាជាជនក្បត់
22
។ សមាជិកគ្រួសាររបស់ សោ ភឹម រួមទាំងប្រពន្ធរបស់គាត់ យាយ ការ៉ូ ត្រូវបានសម្លាប់ផងដែរ
23
។ ដោយហេតុផលនេះ សោ ភឹម បានធ្វើដំណើរមកទីក្រុងភ្នំពេញក្នុងឆ្នាំ១៩៧៨ ទៅជួប ប៉ុល ពត ដោយអមដំណើរដោយអង្គរក្សរបស់គាត់មួយចំនួនប៉ុណ្ណោះ
24
។
សោ ភឹម មិនបានមកដល់ភ្នំពេញទេ គឺទៅដល់ត្រឹមតែអរិយក្សត្រ ក្នុងតំបន់ ២២ ប៉ុណ្ណោះ គឺនៅត្រើយម្ខាងនៃទន្លេមេគង្គ ទល់មុខព្រះបរមរាជវាំង នៅរាជធានីភ្នំពេញ
25
។ គាត់បានផ្ញើសារពីរដងទៅ ប៉ុល ពត ដោយសុំឲ្យគេនាំគាត់ចូលទីក្រុង ប៉ុន្តែគ្មានការឆ្លើយតបទាំងពីរលើក
26
។ សោ ភឹម និង បក្ខពួកត្រូវបានកងទ័ពឡោមព័ទ្ធ និង បាញ់ប្រហារ
27
។ សោ ភឹម បានធ្វើអត្តឃាតក្នុងខែមិថុនា ឆ្នាំ១៩៧៨ ដើម្បីគេចពីការចាប់ខ្លួន
28
។
ប្រសិនបើ សោ ភឹម សម្រេចចិត្តរត់គេចនោះ គាត់អាចធ្វើដូច្នោះបាន ប៉ុន្តែគាត់សម្រេចចិត្តទាក់ទងជាមួយភ្នំពេញវិញ ដោយសារគាត់ស្មោះត្រង់នឹង ប៉ុល ពត
29
។ ក្រោយការស្លាប់របស់ សោ ភឹម កងកម្លាំងមានគ្នាប្រមាណ ២០០ ទៅ ៣០០ នាក់ ត្រូវបានបង្កើតឡើងដឹកនាំដោយប្រធានកងការពារឈ្មោះ ចេង ដើម្បីការពារប្រជាជនភូមិភាគបូព៌ាផ្សេងទៀតកុំឲ្យ ប៉ុល ពត សម្លាប់
30
។
វីដេអូ
