អ៊ឹម សារឿន
រហ្សនាម: 2-TCCP-980
សំណុំរឿង: សំណុំរឿង ០០២/០២
ប្រភេទ: ដើមបណ្តឹងរដ្ឋប្បវេណី
សាវតារ និង តួនាទី
អំឡុងថ្ងៃទី១៧ ខែមេសា ឆ្នាំ១៩៧៥ អ្នកស្រី អ៊ឹម សារឿន ត្រូវបានគេចាត់ថ្នាក់ជា “ប្រជាជនថ្មី” ហើយត្រូវបានជម្លៀសពីភូមិកំណើតក្នុងខេត្តតាកែវ ទៅកាន់វត្តចំប៉ាក្នុងស្រុកត្រាំកក់ ខេត្តតាកែវ
1
។ ក្នុងនាមជា ប្រជាជនថ្មី គាត់ត្រូវរស់នៅក្នុងសហករណ៍ ក-៣ ក្នុងឃុំលាយបូរ ជាកន្លែងដែលគេចាត់តាំងគាត់ឲ្យរែកដី ជីកប្រឡាយ និងលើកទំនប់ក្នុងក្រុមនារីមានគ្នា ១២ នាក់
2
។
អ្នកស្រីបានផ្តល់សក្ខីកម្មនៅចំពោះមុខអង្គជំនុំជម្រះសាលាដំបូងក្នុងសំណុំរឿង ០០២/០២ ក្នុងនាមជាដើមបណ្តឹងរដ្ឋប្បវេណី ស្តីពីការសម្លាប់ និងការបាត់ខ្លួនមន្ត្រីរដ្ឋការនៃរបបសាធារណៈរដ្ឋខ្មែរ រួមទាំងសមាជិកគ្រួសាររបស់គាត់ ដែលកាន់មុខតំណែងក្នុងរបប លន់ នល់ និងការប្រព្រឹត្តលើប្រជាជនថ្មីនៅស្រុកត្រាំកក់ ក្នុងរបបខ្មែរក្រហម
3
។
ការសម្លាប់ និងការបាត់ខ្លួនមន្ត្រីរដ្ឋការក្នុងរបប លន់ នល់
នៅខែមេសា ឆ្នាំ១៩៧៥ អ្នកស្រី អ៊ឹម សារឿន បានមកដល់វត្តចំប៉ា ក្នុងស្រុកត្រាំកក់ ជាមួយក្រុមគ្រួសារ រួមជាមួយនឹងមនុស្សមួយចំនួនទៀត
4
។ គាត់បានពិពណ៌នាអំពីអ្នកដែលចុះឈ្មោះប្រជាជនដែលមកដល់ និងកត់ត្រាអំពីតួនាទី និងការងារពីមុនរបស់ប្រជាជនដែលមកដល់ទាំងនោះ
5
។ អ្នកដែលគេបានដឹងថាមានឋានៈខ្ពស់ ឬជាមន្ត្រីជាន់ខ្ពស់ក្នុងរបប លន់ នល់ ត្រូវបានគេយកចេញទៅ ក្រោមលេសថាពួកគេនឹងត្រឡប់ទៅធ្វើការងារពីមុនរបស់ខ្លួនវិញ ប៉ុន្តែការពិតអ្នកទាំងនោះបានបាត់ខ្លួន
6
។ ពូរបស់គាត់ ឈ្មោះ អ៊ឹម ចក ដែលជាអតីតភ្នាក់ងារសម្ងាត់ គឺជាមនុស្សម្នាក់ក្នុងចំណោមអ្នកដែលត្រូវបានយកចេញពីវត្តចំប៉ា រួមជាមួយអតីតគ្រូបង្រៀន ទាហាន ប៉ូលីស និងមន្រ្តីគយ
7
។
អង្គជំនុំជម្រះសាលាដំបូងបានផ្អែកលើសក្ខីកម្មរបស់អ្នកស្រី អ៊ឹម សារឿន ក្នុងចំណោមភ័ស្តុតាងផ្សេងទៀត ក្នុងការសន្និដ្ឋានថា ព្រឹត្តិការណ៍នៅវត្តចំប៉ាមានរយៈពេលមួយសប្តាហ៍ ឬយូរជាងនេះបន្តិចភ្លាមៗបន្ទាប់ពីថ្ងៃទី១៧ ខែមេសា ឆ្នាំ១៩៧៥
8
ហើយអ្នកជម្លៀសទាំងនោះត្រូវបានស្នើសុំឱ្យបង្ហាញពីមុខរបរពីមុនរបស់ពួកគេ ដែលជាលទ្ធផល អ្នកខ្លះត្រូវបានសម្លាប់ ឬបាត់ខ្លួន ឬបញ្ជូនទៅមន្ទីរសន្តិសុខក្រាំងតាចាន់
9
។
នៅឆ្នាំ១៩៧៦ អ្នកស្រី អ៊ឹម សារឿន បានទទួលដំណឹងពីអ្នកយាមម្នាក់ឈ្មោះ ជឹម នៅគុកអង្គតាសោម អំពីការស្លាប់របស់ប្តីគាត់ឈ្មោះ អ៊ុយ មុត ដែលជាទាហាន លន់ នល់ ក៏ដូចជាការស្លាប់របស់សមាជិកគ្រួសារផ្សេងទៀត ដែលកាន់មុខតំណែងក្នុងរដ្ឋាភិបាលមុន រួមមានឪពុក ឈ្មោះ អ៊ឹម ពុំ ពូឈ្មោះ អ៊ឹម ចក និងបងប្អូនប្រុសឈ្មោះ អ៊ុង លីម
10
។ ជឹម ទទួលបន្ទុកកាន់បញ្ជីអ្នកទោសនៅមន្ទីរសន្តិសុខក្រាំងតាចាន់ ក្នុងស្រុកត្រាំកក់
11
។
ការប្រព្រឹត្តលើប្រជាជនថ្មីនៅស្រុកត្រាំកក់
បន្ទាប់ពីស្នាក់នៅវត្តចំប៉ាបានមួយសប្តាហ៍ អ្នកស្រី អ៊ឹម សារឿន ត្រូវបានផ្លាស់មកឃុំលាយបូរ
12
។ ពេលមកដល់ឃុំលាយបូរ ប្រធានក្រុមបានចុះឈ្មោះ និងកំណត់ប្រភេទសមាជិកក្រុមនីមួយៗ រួចបញ្ជូនព័ត៌មានទៅឲ្យប្រធានភូមិ
13
។ សហករណ៍ ក-៣ គឺសម្រាប់ប្រជាជនថ្មី ចំណែកសហករណ៍ ក-១ ជាសហករណ៍គំរូសម្រាប់ប្រជាជនមូលដ្ឋានដែលមានប្រវត្តិស្អាតស្អំ
14
។
អ្នកស្រី អ៊ឹម សារឿន រៀបរាប់ថារបបអាហារមានអង្ករមួយកំប៉ុងសម្រាប់គ្នាពីរនាក់ក្នុងមួយថ្ងៃ នៅសហការណ៍ ក-៣ និងថា ប្រជាជនថ្មី និងប្រជាជនចាស់ហូបដាច់ដោយឡែកពីគ្នា
15
។ ប្រជាជនថ្មីទទួលបានបាយ ឬបបរតិចជាងប្រជាជនមូលដ្ឋាន ដែលគេអនុញ្ញាតឲ្យហូបមុន និងអាចសុំអាហារបន្ថែមពីប្រជាជនមូលដ្ឋានដែលធ្វើការនៅផ្ទះបាយបាន
16
។ ប្រជាជនថ្មីមិនអាចចូលផ្ទះបាយបានទេ ដោយសារខ្មែរក្រហមខ្លាចប្រជាជនថ្មីដាក់ថ្នាំពុលក្នុងម្ហូបអាហារ
17
។
សេចក្តីស្រេកឃ្លានបង្ខំឲ្យអ្នកស្រី អ៊ឹម សារឿន លួចដំឡូង និងពោត
18
។ គេចាប់គាត់បាន ហើយបញ្ជូនទៅកសាង ហើយគេគំរាមគាត់ថាប្រសិនបើលួចទៀត គាត់នឹងមានគ្រោះថ្នាក់មិនខាន
19
។ ដោយសារវាជាបទល្មើសដំបូងរបស់គាត់ អ្នកស្រី អ៊ឹម សារឿន ត្រូវបានដោះលែងវិញ
20
។ ថ្ងៃមួយក្នុងឆ្នាំ១៩៧៦ មិត្តរបស់គាត់ពីរនាក់ត្រូវបានចាប់រំលោភ ហើយបានបាត់ខ្លួនបន្ទាប់ពីបានលួចម្ហូប
21
។ អ្នកស្រី អ៊ឹម សារឿន ក៏បានឃើញការសម្លាប់យ៉ាងឃោរឃៅលើក្មេងប្រុសអាយុ ១៥ ឆ្នាំ ម្នាក់ ដោយសារលួចអង្ករ និងត្រី
22
។ បន្ទាប់ពីហេតុការណ៍នេះ អ្នកស្រី អ៊ឹម សារឿន មិនហ៊ានតវ៉ាអំពីការខ្វះខាតម្ហូបអាហារទេ
23
។
ការព្យាបាលជំងឺនៅក្នុងឃុំលាយបូរមានកម្រិតតិចតួចណាស់
24
។ ថ្នាំព្យាបាលដែលគេណែនាំនោះមានដូចជា អង្ក្រង ខ្ញី និង ស្រា
25
។ អ្នកស្រី អ៊ឹម សារឿន ស្គាល់ថាមន្ទីរពេទ្យឃុំលាយបូរគឺជាមន្ទីរពេទ្យ ១៧
26
។ ពេលគាត់កើតជំងឺគ្រុនចាញ់ក្នុងឆ្នាំ១៩៧៦ គេបន្តោងសេរ៉ូមទឹកដូងត្រង់ជើងរបស់គាត់
27
។ តាំងពីពេលនោះមក គាត់ដើរមិនស្រួលទេ
28
។ កូនប្រុសរបស់គាត់ឈ្មោះ អ៊ឹម រិទ្ធី បានស្លាប់ដោយជំងឺកញ្ជ្រិលក្នុងឆ្នាំ១៩៧៦
29
។
អង្គជំនុំជម្រះសាលាដំបូងបានយោងសក្ខីកម្មរបស់អ្នកស្រី អ៊ឹម សារឿន ក្នុងការសន្និដ្ឋានថា អ្នករស់នៅក្នុងស្រុកត្រាំកក់ទទួលរងទុក្ខលំបាក ដោយសារតែអាហារូបត្ថម្ភមិនគ្រប់គ្រាន់ និងកង្វះការព្យាបាលវេជ្ជសាស្ត្រត្រឹមត្រូវ ដែលតម្រូវឲ្យមានការអនុញ្ញាតជាមុនសិន សូម្បីតែនៅថ្នាក់ឃុំក្តី
30
។
សេចក្តីថ្លែងទុក្ខ
“ចាស នាងខ្ញុំសុំសំណងឯកជន ខូចខាតផ្ទះសម្បែង សម្ភារៈអស់ នាងខ្ញុំ ទាំងកូនទាំងប្ដី បងប្អូនទាំងអស់”
31
។
វីដេអូ
