លោក អុង ថុងហឿង
រហ្សនាម: TCW-490
សំណុំរឿង: សំណុំរឿង ០០២/០១
ប្រភេទ: សាក្សី
សាវតារ និងការត្រឡប់មកកម្ពុជាវិញពីបរទេស
លោក អុង ថុងហឿង គឺជាបញ្ញវន្តកម្ពុជាដែលបញ្ជូនទៅរៀននៅសាលាបំពាក់បំប៉ននយោបាយនៅ ក-១៥ ដើម្បីអប់រំឡើងវិញពេលគាត់ត្រឡប់ពីបរទេសមកកម្ពុជានៅឆ្នាំ១៩៧៦
1
។ គាត់ចាកចេញពីប្រទេសកម្ពុជា នៅឆ្នាំ១៩៦៥ ដើម្បីទៅសិក្សាសេដ្ឋកិច្ចនយោបាយនៅប្រទេសបារាំង
2
ដោយចំណាយពេល ១១ ឆ្នាំនៅក្រៅប្រទេស
3
។ នៅពេលដែលនៅក្រៅប្រទេស លោក អុង ថុងហឿង ចូលរួមជាមួយបក្សសង្គមនិយមបារាំង ហើយក្រោយមក ចូលរួមជាមួយសហភាពនិស្សិតខ្មែរនៅឆ្នាំ១៩៧០
4
។ គាត់ផ្តល់សក្ខីកម្មអំពីការ កសាងខ្លួន និងការបាត់ខ្លួននៅសាលាបំពាក់បំប៉ននយោបាយសម្រាប់ប្រជាជនខ្មែរមកពីក្រៅប្រទេស និងអំពីការងារ និងមុខងារដំបូងរបស់ ខៀវ សំផន។ អង្គជំនុំជម្រះតុលាការកំពុល ក៏យកសក្ខីកម្មរបស់គាត់ជាមូលដ្ឋាន ដើម្បីគាំទ្រសេចក្តីសម្រេចរបស់អង្គជំនុំជម្រះសាលាដំបូង ពាក់ព័ន្ធនឹងតួនាទីរបស់ ខៀវ សំផន នៅក្នុងការបំពាក់បំប៉នមនោគមន៍វិជ្ជា
5
។
យោងតាមលោក អុង ថុងហឿង គេដឹកគាត់ទៅកន្លែងអប់រំ ក-១៥ បន្ទាប់ពីគាត់ត្រឡប់មកដល់កម្ពុជាភ្លាម
6
។ បន្ទាប់ពីគាត់ទៅដល់ ក-១៥ បានរយៈពេល បី ខែ គាត់ ផ្លាស់ទៅ ដ-២ ដែលជារោងចក្រម៉ាស៊ីនកិនស្រូវ
7
បន្ទាប់មកទៅសហករណ៍កសិកម្មនៅតាខ្មៅ រយៈពេលប្រហែលជាងមួយខែតិចតួច
8
។ ក្រោយមក គាត់ផ្លាស់ទៅបឹងត្របែក
9
មុនពេលគេយកគាត់ទៅកន្លែងដីក្រហម នៅខែធ្នូ ឆ្នាំ១៩៧៦។ គាត់នៅកន្លែងបឹងត្របែក រហូតដល់ពេលជិតពីរបីខែមុនពេលរបបខ្មែរក្រហមដួលរលំ
10
គឺ ពីរបីខែមុនពេលទីក្រុងភ្នំពេញ ដួលរលំ គាត់ត្រឡប់ទៅបឹងត្របែកជាលើកទីពីរ
11
។ បន្ទាប់មក នៅខែឧសភា ឬខែមិថុនា ឆ្នាំ១៩៧៩ លោក អុង ថុងហឿង ចាប់ផ្តើមធ្វើការនៅទួលស្លែង ឬហៅថា ស-២១ រយៈពេលពីរបីខែ
12
។
រចនាសម្ព័ន្ធរដ្ឋបាលនៅ ប.ក.ក
ការងារដំបូង និងតួនាទីរបស់ ខៀវ សំផន នៅក្នុងការបំពាក់បំប៉នមនោគមន៍វិជ្ជា
នៅពេលដែលរៀបរាប់អំពីដំណើរជីវិត និងការងារដំបូងរបស់ ខៀវ សំផន អង្គជំនុំជម្រះសាលាដំបូង យោងលើសៀវភៅរបស់ លោក អុង ថុងហឿង ដោយក្នុងនោះ គាត់សរសេរថា ខៀវ សំផន ជំនួស អៀង សារី ជា “មេដឹកនាំក្រុមម៉ាក្សនិយម និងជាប្រធានសហភាពនិស្សិតខ្មែរ”នៅឆ្នាំ១៩៥៦ ដោយដកស្រង់ប្រភពដែលគាត់ទទួលបានពីសហការីរបស់ ខៀវ សំផន នៅក្នុងមជ្ឈដ្ឋានលេនីននិយម និងម៉ាក្សនិយម នៅពេលដែល ខៀវ សំផន នៅប្រទេសបាំង
15
។
អង្គជំនុំជម្រះសាលាដំបូង យល់ឃើញថា ខៀវ សំផន ដើរតួនាទីមួយនៅក្នុងការអប់រំអ្នកដែលត្រឡប់មកកម្ពុជាវិញពីក្រៅប្រទេស
16
។ លោក អុង ថុងហឿង ផ្តល់សក្ខីកម្មថា ភរិយារបស់គាត់បានត្រឡប់មក កម្ពុជាវិញ រយៈពេល ៦ ខែមុនពេលគាត់ ត្រឡប់មកវិញ
17
ហើយប្រាប់គាត់ថា នៅពេលដែលភរិយារបស់គាត់មកដល់ ខៀវ សំផន ធ្វើជាប្រធានអង្គប្រជុំរៀនសូត្រនៅ ក-១៥
18
។ លោក អុង ថុងហឿង ក៏ផ្តល់ សក្ខីកម្មថា យោងតាមភរិយារបស់គាត់ បានឱ្យដឹងថា ខៀវ សំផន មកនិយាយអំពីរបៀបកសាងខ្លួនឯង និងធ្វើជាកសិករ
19
។ ភរិយារបស់លោក អុង ថុងហឿង ក៏ប្រាប់គាត់ថា ខៀវ សំផន និយាយថា “ប្រទេសកម្ពុជាកំពុងតែកសាងរីកចម្រើន ឱ្យទុកចិត្តប្រជារាស្ត្រ ប្រជាជនកម្ពុជា ហើយឱ្យខំកសាងខ្លួនផ្សេងទៀត”
20
។ អង្គជំនុំជម្រះតុលាការកំពូល យល់ឃើញថា សក្ខីកម្មរបស់លោក អុង ថុងហឿង គាំទ្រសេចក្តីសម្រេចរបស់អង្គជំនុំជម្រះសាលាដំបូង ដែលថា “ខៀវ សំផន បានធ្វើយុត្តិកម្មជម្លៀសប្រជាជនយ៉ាងហោចណាស់ម្តងនៅក្នុងវគ្គបំពាក់បំប៉នមនោគមន៍វិជ្ជាទាំងនោះ”សម្រាប់បញ្ញវន្ត និងមន្ត្រីដែលត្រឡប់មកវិញនៅចុង ឆ្នាំ១៩៧៥ និងឆ្នាំ១៩៧៦
21
។
ការអប់រំនៅកន្លែងបំពាក់បំប៉ន
លោក អុង ថុងហឿង ផ្តល់សក្ខីកម្មថា ក-១៥ គឺជាកន្លែងសម្រាប់មនុស្សភាគច្រើនមកពីបារាំង និងអ្នកផ្សេងទៀតមកពីសហរដ្ឋអាមេរិក ឬ ជាយោធា
22
ហើយមានបញ្ញវន្តជាច្រើននាក់មកពីក្រៅប្រទេសបន្ទាប់ពីគាត់មកដល់
23
។ គាត់បញ្ជាក់ថា នៅ ក-១៥ គេលើកទឹកចិត្តឱ្យស្វ័យទិតៀន បន្ថែមពីលើការទិតៀនអ្នកដទៃ ដែលជាការបង្កើតឱ្យមានបរិយាកាសមិនទុកចិត្តគ្នា
24
។ ក្រោយមក លោក អុង ថុងហឿង ផ្លាស់ទៅបឹងត្របែក ជាកន្លែងដែលគេបញ្ជូនអ្នកមកពីក្រៅប្រទេសទៅ ដោយភាគច្រើនមកពីបារាំង និងអ្នកខ្លះមកពី សូវៀត ប៉ុន្តែ ក៏មានកម្មាភិបាលខ្មែរក្រហមមួយចំនួននៅទីនោះដែរ
25
។ គាត់ចាំថា នៅបឹងត្របែក អ្នកមកពីក្រៅប្រទេស ត្រូវគេរិះគន់ តាមការតស៊ូវណ្ណៈ
26
។ យោងតាមលោក អុង ថុងហឿង ការតស៊ូវណ្ណៈមានន័យថា គេត្រូវ “ស្វែងរកខ្មាំង” ផ្ទៃក្នុងក្នុងចំណោមក្រុមខ្លួនឯង ហើយនៅក្នុងអង្គប្រជុំ ឬការជួបជុំ គេទិតៀនអ្នកដែលត្រូវគេចាប់ខ្លួនដោយសារមិនដើរតាមគោលការណ៍របស់បក្សប្រឆាំងនឹងសេរីនិយម
27
។ លោក អុង ថុងហឿង ក៏ផ្តល់សក្ខីកម្មថានៅកន្លែងដីក្រហម គេប្រាប់គាត់ថា គាត់បាន “កសាងខ្លួន” រួចហើយ ហេតុនេះ ត្រូវទៅក្រុមការទូត
28
។
ការបាត់ខ្លួនពីកន្លែងបំពាក់បំប៉ន
អង្គជំនុំជម្រះសាលាដំបូង យល់ឃើញថា ថ្នាក់ដឹកនាំបក្ស ពិចារណាថា ប្រសិនបើមន្ត្រីរណសិរ្សរួបរួមជាតិកម្ពុជា/រាជរដ្ឋាភិបាលរួបរួមជាតិកម្ពុជា នៅក្រៅប្រទេស អ្នកទាំងនោះអាចជាគ្រោះដល់ដល់បដិវត្តន៍សង្គមនិយម ប្រសិនបើអ្នកទាំងនោះ មិនបានចំណាយពេលមួយឆ្នាំនៅតំបន់ជនបទ នៅក្នុងប្រទេសកម្ពុជា
29
។ ហេតុនេះ អតីតមន្ត្រីរាជរដ្ឋាភិបាលរួបរួមជាតិកម្ពុជា ដែលគេហៅឱ្យត្រឡប់មកពីក្រៅប្រទេស និង/ឬស្មោះត្រង់ជាមួយនឹងសម្តេចនរោត្តម សីហនុ (ពេលនោះ សម្តេចសីហនុ ធ្វើជាព្រះប្រមុខរដ្ឋនៃរាជរដ្ឋាភិបាលរួបរួមជាតិកម្ពុជា និងជាព្រះប្រធានរណសិរ្សរួបរួមជាតិកម្ពុជា)
30
ត្រូវទទួលការអប់រំនៅបឹងត្របែក
31
។ លោក អុង ថុងហឿង ផ្តល់សក្ខីកម្មថា មានមនុស្សបាត់ខ្លួនជាច្រើននាក់ពីបឹងត្របែក
32
។ យោងតាមគាត់ អ្នកខ្លះក្នុងក្រុមរបស់គាត់នៅបឹងត្របែក ត្រូវបញ្ជូនទៅកន្លែងផ្សេង។ ក្រោយមក គាត់ធ្វើការនៅ ស-២១ ហើយអាចចូលពិនិត្យមើលឯកសារចម្លើយសារភាពនៅ ស-២១
33
។ គាត់ដឹងថា គេយកអ្នកទាំងនោះទៅ ស-២១
34
។ នៅពេលដែលគាត់នៅ ស-២១ គាត់ដឹងថា អ្នកដែលបាត់ខ្លួនពីកន្លែងដីក្រហម ត្រូវបញ្ជូនទៅសម្លាប់ចម្ងាយ ៣ គីឡូម៉ែត្រពី ស-២១
35
។
វីដេអូ
