អ៊ូ ដាវ
រហ្សនាម: 2-TCCP-235
សំណុំរឿង: សំណុំរឿង ០០២/០២
ប្រភេទ: ដើមបណ្តឹងរដ្ឋប្បវេណី
សាវតារ និងតួនាទី
លោក អ៊ូ ដាវ ជាប្រធានកងស៊ើបការណ៍ពិសេសមួយ របស់កងវរសេនាតូចលេខ១៨០ នៅភ្នំពេញក្នុងឆ្នាំ១៩៧៥។ ក្រោយថ្ងៃទី១៧ ខែមេសា ឆ្នាំ១៩៧៥ គាត់ត្រូវបានផ្ទេរទៅកំពង់សោម ដើម្បីបម្រើការងារក្នុងកងទ័ពជើងទឹក
1
។ បន្ទាប់ពីនៅទីនោះបានប្រាំខែ
2
គាត់ត្រូវបានចាប់ខ្លួនបញ្ជូនទៅខេត្តកោះកុង ក្រោយមកផ្ទេរទៅភូមិភាគបូព៌ា ដើម្បីប្រយុទ្ធនឹងកងទ័ពវៀតណាម
3
។ គាត់បានផ្តល់សក្ខីកម្មនៅចំពោះមុខអង្គជំនុំជម្រះសាលាដំបូងក្នុងនាមជាដើមបណ្តឹងរដ្ឋប្បវេណីក្នុងសំណុំរឿង ០០២/០២ អំពីការចាប់ខ្លួនគាត់នៅកំពង់សោម និងការឃុំខ្លួននៅខេត្តកោះកុង វគ្គសិក្សានយោបាយដែលបង្រៀនដោយមេដឹកនាំជាន់ខ្ពស់ខ្មែរក្រហមប្រឆាំងនឹងជនជាតិវៀតណាមនៅភ្នំពេញ និងការចាប់ខ្លួនជនជាតិវៀតណាមនៅភូមិភាគបូព៌ា
4
។
ការចាប់ខ្លួនលោក អ៊ូ ដាវ និងបទពិសោធន៍របស់គាត់ពេលជាប់ឃុំនៅកោះកុង
ទាហាន ៤០០ ទៅ ៥០០ នាក់ ក្នុងកងវរសេនាតូច ១៨០ ទាំងមូល ត្រូវបានបញ្ជូនទៅកំពង់សោមនៅថ្ងៃទី ៣០ ខែមេសា ឆ្នាំ១៩៧៥
5
។ ពេលទៅដល់ អង្គការបានរំសាយពួកគេ
6
។ លោក អ៊ូ ដាវ និងទាហានមួយចំនួនទៀត ត្រូវបានបញ្ជូនមកបម្រើការងារក្នុងកងទ័ពជើងទឹក ក្រោមការដឹកនាំរបស់ មាស មុត មេបញ្ជាការកងពលលេខ១៦៤ ដើម្បីការពារព្រំដែនសមុទ្រ និងទប់ស្កាត់ការនេសាទខុសច្បាប់ក្នុងដែនទឹកកម្ពុជា ចំណែកទាហានខ្លះទៀតត្រូវបានបញ្ជូនទៅធ្វើការនៅកន្លែងផ្សេង
7
។ បន្ទាប់ពីរយៈពេលប្រាំខែនៅក្នុងកងទ័ពជើងទឹក លោក អ៊ូ ដាវ និងទាហានប្រាំបីនាក់ផ្សេងទៀតត្រូវបានចាប់ខ្លួន បន្ទាប់ពីត្រូវបានចោទប្រកាន់ថាជា “ខ្មាំងបង្កប់”
8
។ ពួកគាត់ត្រូវបានដាក់ខ្នោះដៃ និងដាក់លើកប៉ាល់ធំមួយ ហើយត្រូវបានឆក់នឹងខ្សែភ្លើង
9
។
ក្រោយមកលោក អ៊ូ ដាវ និងមនុស្សពីរនាក់ទៀត ត្រូវបានដោះលែង ហើយបញ្ជូនទៅរោងចក្រត្រីកំប៉ុងក្នុងខេត្តកោះកុង ចំណែកមនុស្ស ៦ នាក់ ផ្សេងទៀតត្រូវបានគេដាក់នៅបាតទូកនៅកំពង់សោម ក្រោយមកត្រូវបាននាំយកទៅ
10
។ ពេលមកដល់ខេត្តកោះកុង លោក អ៊ូ ដាវ ត្រូវបានឃុំខ្លួន រួចបង្ខំឲ្យសាងសង់ផ្លូវ និងស្ពានទាំងយប់ទាំងថ្ងៃអស់រយៈពេល ១២ ឬ ១៣ ខែ ដោយមិនមានអាហារគ្រប់គ្រាន់
11
។ ដំបូងឡើយមានមនុស្ស ៤០ នាក់ ធ្វើការនៅរោងចក្រ។ ក្រោយមកនៅសល់មនុស្សតែ ១០ នាក់ ប៉ុណ្ណោះ
12
។ រ៉ន ដែលជាលេខាតំបន់ ១១ និង រី ដែលជាប្រធានកងផលិតជាអ្នកយាមកម្មករនៅរោងចក្រ ហើយកម្មករបាត់ខ្លួនជាបន្តបន្ទាប់ដោយមិនដឹងមូលហេតុ
13
។
វគ្គអប់រំនយោបាយអំពីតម្រូវការលុបបំបាត់វៀតណាម
ក្រោយពីឃុំខ្លួននៅខេត្តកោះកុង លោក អ៊ូ ដាវ ត្រូវបានបញ្ជូនទៅភូមិភាគបូព៌ានៅពាក់កណ្តាលឆ្នាំ១៩៧៧ ដើម្បីប្រយុទ្ធនឹងវៀតណាមរយៈពេល ១៦ ខែ
14
។ ពេលគាត់នៅភ្នំពេញក្នុងដំណើរឆ្ពោះទៅសមរភូមិនៅភូមិភាគបូព៌ា គាត់បានចូលរួមវគ្គសិក្សានយោបាយរយៈពេលបីថ្ងៃនៅបុរីកីឡា ដែលក្នុងនោះបងធំទី២ នួន ជា បាននិយាយអំពីចក្រពត្តិនិយមអាមេរិក និងអាយ៉ងរបស់វា និងតម្រូវការក្នុងការលុបបំបាត់ “យួន” ឬ វៀតណាម
15
។ សុន សេន រដ្ឋមន្ត្រីក្រសួងការពារជាតិ និង តាម៉ុក លេខាភូមិភាគនិរតី ក៏មានវត្តមានក្នុងវគ្គសិក្សានេះដែរ
16
។
ការចាប់ខ្លួនជនជាតិវៀតណាមក្នុងខេត្តកំពង់ចាម
នៅពេលដែលលោក អ៊ូ ដាវ មកដល់ទន្លេបិត ខេត្តកំពង់ចាម ភូមិភាគបូព៌ា ក្នុងឆ្នាំ១៩៧៧ មិនយូរប៉ុន្មាន សុន សេន ក៏បានមកដល់ អមដោយទីប្រឹក្សាជនជាតិចិនពីរនាក់ និងកងការពារជាច្រើននាក់
17
។ ទាហានត្រូវបានបែងចែកជាអង្គភាព និងប្រដាប់ដោយកាំភ្លើង AK របស់ចិន និងកាំភ្លើង AR-15 របស់អាមេរិក
18
។
នៅឆ្នាំ១៩៧៧ កងទ័ពវៀតណាមបានឈរជើងនៅស្រុកក្រែក ខេត្តរបស់ប្រទេសកម្ពុជា ក្រោយមកក្រុមប្រដាប់អាវុធរបស់លោក អ៊ូ ដាវ បង្ខំពួកគេឱ្យដកថយទៅខេត្តតាយនិញរបស់វៀតណាមវិញ
19
។ ក្នុងពេលប្រយុទ្ធគ្នានោះ ទាហាន និងជនស៊ីវិលវៀតណាមមួយចំនួនត្រូវបានចាប់ខ្លួន
20
។ សុន សេន ហាមខ្មែរក្រហមដាច់ខាតមិនឲ្យសម្លាប់ជនជាតិវៀតណាមដែលចាប់បានទេ ហើយបញ្ជាឲ្យបញ្ជូនពួកគេទៅភ្នំពេញ
21
។ សុន សេន បានធ្វើដំណើរជាញឹកញាប់រវាងភូមិភាគបូព៌ា និងរាជធានីភ្នំពេញ អមដោយកងការពារ និងទីប្រឹក្សាចិន ក្នុងក្បួនរថយន្តពី ៣ ទៅ ៤ គ្រឿង
22
។
អង្គជំនុំជម្រះសាលាដំបូងបានផ្អែកលើសក្ខីកម្មរបស់លោក អ៊ូ ដាវ ក្នុងចំណោមភ័ស្តុតាងផ្សេងទៀត ក្នុងការសន្និដ្ឋានថា៖ (i) ពីឆ្នាំ១៩៧៦ ដល់ឆ្នាំ១៩៧៨ ទាំងមូល មេដឹកនាំបក្សកុម្មុយនីស្តកម្ពុជា (ប.ក.ក) បានបង្រៀន ឬចូលរួមវគ្គបណ្តុះបណ្តាលផ្នែកនយោបាយ ដែលពេលនោះ វៀតណាម ឬ ភ្នាក់ងារវៀតណាម ត្រូវបានចាត់ទុកថាជាខ្មាំង
23
និង (ii) ប.ក.ក បានកំណត់គោលដៅទាំងខាងក្នុង និងជាសាធារណៈ លើវៀតណាមថាជាក្រុមមួយ តាមរយៈឯកសារ និងសុន្ទរកថាក្នុងរបបនោះ ដោយបានចាត់ទុកវៀតណាមថាជា ជនបរទេសពិសពុល ចាប់តាំងពីដំណាក់កាលដំបូងនៃរបបកម្ពុជាប្រជាធិបតេយ្យ និងអំពាវនាវឱ្យមានការបណ្តេញពួកគេចេញពីកម្ពុជា
24
។
សេចក្តីថ្លែងទុក្ខ
“ក្រោយពីឆ្នាំ១៩៧៩ ខ្ញុំបានវិលត្រឡប់មករកឪពុកម្ដាយ បងប្អូនសាច់ញាតិនៅស្រុកភូមិកំណើតវិញ ខ្ញុំមានការសោកស្ដាយឈឺចាប់ជាទីបំផុត ដោយការបាត់បង់លោកឪពុកអ្នកម្ដាយជាទីគោរព បំផុត។ ឪពុកធំ ឪពុកមា ម្ដាយមីងបង្កើត បងៗបង្កើត ក្មួយៗបង្កើតទាំងបីគ្រួសារ ត្រូវដាច់ពូជសរុបម្ភៃជាងនាក់ ដែលត្រូវរបបកម្ពុជាប្រជាធិបតេយ្យចាប់យកទៅធ្វើទារុណកម្ម រួចសម្លាប់ចោលទាំងអស់។ នៅពេលខ្ញុំនឹកឃើញម្ដងៗមានការឈឺចាប់ទាំងផ្លូវចិត្តទាំងរូបកាយ បាក់ស្បាតជារៀងរហូតមក”
25
។
វីដេអូ
