លោក ប៉ាក សុក
រហ្សនាម: 2-TCW-1000
សំណុំរឿង: សំណុំរឿង ០០២/០២
ប្រភេទ: សាក្សី
សាវតារ និងតួនាទី
លោក ប៉ាក សុក ផ្តល់សក្ខីកម្មក្នុងនាមជាសាក្សីនៅក្នុងសំណុំរឿង ០០២/០២ អំពីការចាប់ខ្លួន និងការសម្លាប់ជនជាតិវៀតណាម នៅសម័យកម្ពុជាប្រជាធិបតេយ្យ (ខ្មែរក្រហម)។ អង្គជំនុំជម្រះសាលាដំបូងពឹងផ្អែកលើសក្ខីកម្មរបស់គាត់ ដើម្បីធ្វើសេចក្តីសម្រេចថា មានគោលនយោបាយផ្តោតគោលដៅលើការចាប់ខ្លួន និងការសម្លាប់ជនជាតិវៀតណាម។ លោក ប៉ាក សុក គឺជាកងទ័ពខ្មែរក្រហមនៅឆ្នាំ១៩៧២
1
ហើយក្រោយមក ចូលរួមជាមួយកងទ័ពជើងទឹក
2
របស់កងពលធំ ១៦៤
3
ពីឆ្នាំ១៩៧៥ រហូតដល់ឆ្នាំ១៩៧៩
4
នៅកំពង់សោម
5
ដោយធ្វើការដើរ ល្បាតតាមព្រំដែននៅពេលយប់
6
ហើយធ្វើការចាប់ខ្លួនអ្នកនៅលើទូកមកពីប្រទេសថៃ
7
។ មាស មុត គឺជាមេបញ្ជាការកងពលធំ ១៦៤
8
ដែលមានទីបញ្ជាការនៅជិតរោងកុននៅកំពង់សោម
9
។ កងពលនេះមានកងវរសេនាធំចំនួន ៧ ក្នុងនោះលោក ប៉ាក សុក ស្គាល់កងវរសេនាធំលេខ ៦១, ៦២ និង ៦៣
10
។ លោក ប៉ាក សុក ឈរជើងនៅកោះតាងនៅឆ្នាំ១៩៧៥ នៅកោះពូលូវ៉ៃ នៅឆ្នាំ១៩៧៦ និងនៅកំពង់ផែអូរឈើទាល នៅឆ្នាំ១៩៧៧
11
។ គាត់ចាំថា វៀតណាម បានវាយដណ្តើមយកកោះពូលូវ៉ៃនៅខែមិថុនា ឆ្នាំ១៩៧៥ ប៉ុន្តែបីខែក្រោយ បានប្រគល់កោះនេះឱ្យកម្ពុជាវិញ
12
។
អង្គជំនុំជម្រះសាលាដំបូងពឹងផ្អែកលើសក្ខីកម្មរបស់ លោក ប៉ាក សុក និងសាក្សីផ្សេងទៀត ដើម្បីបញ្ជាក់ពីខ្សែរយៈចាត់តាំងរបស់ភូមិភាគ តំបន់ ស្រុក និងឃុំនៅសម័យខ្មែរក្រហម
13
។ អង្គជំនុំជម្រះក៏ពឹងផ្អែកលើសក្ខីកម្មរបស់លោក ប៉ាក សុក ដើម្បីធ្វើសេចក្តីសម្រេចថា កងទ័ពវៀតណាមចូលកាន់កាប់កោះពូលូវ៉ៃ នៅដើមខែមិថុនា ឆ្នាំ១៩៧៥ ហើយដកកងទ័ពវិញនៅខែសីហា ក្នុងឆ្នាំដដែល
14
។
បទបញ្ជាឱ្យចាប់ខ្លួនជនជាតិវៀតណាម
បទបញ្ជាពាក់ព័ន្ធនឹងការចាប់ខ្លួនគឺចេញតាមឋានានុក្រមពីថ្នាក់លើទៅកងពល បន្ទាប់មកទៅកងវរសេនាធំ និងចុងក្រោយបង្អស់ទៅកងវរសេនាតូច
15
។ ក្នុងករណីមានការចាប់ទូក បទបញ្ជាពីថ្នាក់លើគឺត្រូវបញ្ជូនមនុស្សដែលចាប់បានទៅលើគោក ប៉ុន្តែ បើមានចំនួនមនុស្សច្រើន ត្រូវសម្លាប់នៅលើកោះ
16
។ ប្រសិនបើចាប់បាន ទាហានវៀតណាម ត្រូវតែបញ្ជូនទៅលើគោក ហើយចម្លើយសារភាពរបស់ទាហានវៀតណាម ត្រូវចាក់ផ្សាយតាមវិទ្យុជាតិមុនពេលគេសម្លាប់
17
។
អង្គជំនុំជម្រះសាលាដំបូងពឹងផ្អែកលើសក្ខីកម្មលោក ប៉ាក សុក ដើម្បីធ្វើសេចក្តីសម្រេចថា មានការដាក់គោលដៅ និងការចាប់ទូកជាប្រព័ន្ធចំពោះទូកវៀតណាមដែលចូលដែនទឹកខ្មែរក្រហម
18
។
ការសម្លាប់ជនជាតិវៀតណាម
លោក ប៉ាក សុក ផ្តល់សក្ខីកម្មថា រវាងឆ្នាំ១៩៧៥ ដល់ឆ្នាំ១៩៧៩ អ្នកនេសាទជនជាតិថៃ និងវៀតណាមរាប់ពាន់នាក់ត្រូវបានចាប់ខ្លួន និងសម្លាប់
19
។ ការប្រព្រឹត្តិលើជនជាតិវៀតណាម គឺខុសពីជនជាតិថៃ ដោយសារថា ជនជាតិវៀតណាម ត្រូវគេចាត់ទុកថាជាសត្រូវសួពូជរបស់ ប៉ុល ពត ដោយមិនគិតថាពួកគេជាទាហាន ឬជនស៊ីវិលទេ ហើយនៅពេលដែលពួកគេមានកាំភ្លើង ត្រូវតែបាញ់ពួកគេ
20
។ លោក ប៉ាក សុក ហៅជនជាតិវៀតណាម ថា “យួន” ដោយបញ្ជាក់ថា នៅពេលដែលចាប់បានជនជាតិវៀតណាម មិនថាជាទាហាន ឬជនភៀសខ្លួនទេ គេនឹងសម្លាប់ចោល
21
។ គាត់ពន្យល់ថា “ជនជាតិវៀតណាម [...] ពេលច្រើន គេបញ្ជូនទៅលើដីគោក តែបើម្នាក់ពីរនាក់ទៅបី គឺអត់ទេ អត់បញ្ជូនទៅលើដីគោកទេ គេសម្លាប់នៅលើកោះក៏មាន”
22
។
នៅក្នុងការបំពាក់បំប៉នដែលតម្រូវឱ្យកងពលធំ ១៦៤ ចូលរួម រួមមាន លោក ប៉ាក សុក ផងដែរនោះ បក្សកុម្មុយនីស្តកម្ពុជា (ប.ក.ក) បានបញ្ជាកងទ័ព និងអ្នកបើកទូក ឱ្យសម្លាប់ជនជាតិវៀតណាម “សូម្បីតែកូនង៉ែតមួយក៏អត់ឱ្យមានដែរ” ពីព្រោះថា ពួកគេគឺជា “សត្រូវសួពូជ”
23
។ នៅពេលដែលឈរជើងនៅលើកោះពូលូវ៉ៃ លោក ប៉ាក សុក ឃើញកងទ័ពមកពីកងពិសេសនៃកងវរសេនាធំ ៦២២ ធ្វើការចាប់ខ្លួន និងសម្លាប់ប្តីជនជាតិវៀតណាម និងប្រពន្ធ ព្រមទាំងកូនអាយុ ១ ឆ្នាំ
24
។ នៅពេលមួយ លោក ប៉ាក សុក ដឹកឡានជនជាតិវៀតណាម ១២ នាក់-១៣ នាក់ទៅកំពង់ផែអូរឈើទាលដែលគេចាប់បានពីកប៉ាល់ ហើយគេវាយអ្នកទាំងនោះ
25
។ ក្នុងនោះម្នាក់គឺជាទាហានវៀតណាម ចំណែកឯអ្នកផ្សេងទៀត គឺជាប្រជាជនធម្មតាដែលធ្វើដំណើរឆ្ពោះទៅប្រទេសថៃ
26
។ គាត់ចាំថា ទារកម្នាក់ស្រែកយំខ្លាំងនៅពេលដែលកងទ័ពចងម្តាយរបស់វា ហើយ គេបោះទារកនោះចូលក្នុងសមុទ្រនៅពេលដែលទៅដល់អូរឈើទាល
27
។
អង្គជំនុំជម្រះសាលាដំបូង យល់ឃើញថា ភ័ស្តុតាងរបស់លោក ប៉ាក សុក អំពីការដាក់គោលដៅលើជនជាតិវៀតណាម អាចទុកចិត្តបាន ហើយពឹងផ្អែកលើភ័ស្តុតាងនេះ ដើម្បីធ្វើសេចក្តីសម្រេចថា មានអំពើឧក្រិដ្ឋកម្មប្រឆាំងមនុស្សជាតិក្នុងទម្រង់ជាការធ្វើមនុស្សឃាត ពាក់ព័ន្ធនឹងការសម្លាប់ជនជាតិវៀតណាម នៅក្រោយខែមេសា ឬខែឧសភា ឆ្នាំ១៩៧៧ នៅកំពង់ផែអូរឈើទាល
28
។ អង្គជំនុំជម្រះក៏ពឹងផ្អែកលើភ័ស្តុតាងរបស់គាត់ និងសាក្សីផ្សេងទៀត ដើម្បីធ្វើសេចក្តីសម្រេចថា ប.ក.ក ហៅជនជាតិវៀតណាមថា “យួន” ហើយផ្សព្វផ្សាយថា យួន គឺជា “សត្រូវសួពូជ”របស់កម្ពុជា
29
ហើយពាក្យថា “យួន” មិនកំណត់ត្រឹមយុទ្ធជនទេ
30
។ ដោយពឹងផ្អែកលើសក្ខីកម្មរបស់លោក ប៉ាក សុក និងសក្ខីកម្មផ្សេងទៀត អង្គជំនុំជម្រះសាលាដំបូង ក៏ធ្វើសេចក្តីសម្រេចថា មានការរៀបចំ និងការណែនាំជាប្រព័ន្ធដើម្បីឱ្យសម្លាប់ជនជាតិវៀតណាម ក្នុងគោលបំណងប្រឆាំងជាមួយនឹងវៀតណាម ដែលនេះត្រូវនឹងលក្ខខណ្ឌនៃឧក្រិដ្ឋកម្មប្រល័យពូជសាសន៍
31
។
អង្គជំនុំជម្រះតុលាការកំពូល យល់ឃើញថា មិនមានការភាន់ច្រឡំទេលើការយល់ឃើញរបស់អង្គជំនុំជម្រះសាលាដំបូង អំពីពាក្យថា “យួន” និងការលើកឡើងថា វៀតណាម គឺជា “សត្រូវសួពូជ”
32
។ អង្គជំនុំជម្រះតុលាការកំពូល ក៏បញ្ជាក់ថា មាន “គោលនយោបាយបង្កើតឡើងដោយមជ្ឈិមកំណត់គោលដៅលើជនជាតិវៀតណាម សម្រាប់ការចាត់ទុកជាសត្រូវ” ហេតុនេះ បដិសេធអំណះអំណាងរបស់មេធាវីការពារក្តី
33
។ អង្គជំនុំជម្រះតុលាការកំពូល ក៏យល់ឃើញទៀតថា អង្គជំនុំជម្រះសាលាដំបូងមានហេតុផលសមរម្យដែលពឹងផ្អែកលើភ័ស្តុតាងរបស់លោក ប៉ាក សុក ដើម្បីសម្រេចថា ជនជាតិវៀតណាមត្រូវគេសម្លាប់នៅថ្ងៃទី១៩ ខែមីនា ឆ្នាំ១៩៧៨
34
។ ជាចុងក្រោយ អង្គជំនុំជម្រះតុលាការកំពូល បដិសេធសារណា របស់មេធាវីការពារក្តី ដែលអះអាងថា ការសម្លាប់ទាំងនោះមិនត្រូវតាមលក្ខខណ្ឌតម្រូវតាមទំហំ និងវិសាលភាពនៃការសម្លាប់រង្គាលទេ
35
។
ប្រវត្តិរូប
ក្រោយថ្ងៃរំដោះនៅឆ្នាំ១៩៧៥ គេឱ្យលោក ប៉ាក សុក សរសេរប្រវត្តិរូបប៉ុន្មានដងក្នុងមួយឆ្នាំ ដោយបង្ហាញអំពីព័ត៌មានផ្ទាល់ខ្លួន និងថាតើគាត់មានខ្សែសមាសភាពមិនល្អដែរឬអត់ពាក់ព័ន្ធនឹងប្រវត្តិគ្រួសារ ពីព្រោះថា គាត់គឺជាកងទ័ពដែលមានសាច់ញាតិជាអតីតទាហានលន់ នល់
36
។
អង្គជំនុំជម្រះសាលាដំបូងពឹងផ្អែកលើសក្ខីកម្មរបស់លោក ប៉ាក សុក ដើម្បីធ្វើសេចក្តីសម្រេចថា អតីតអ្នករដ្ឋការសាធារណរដ្ឋខ្មែរ និងគ្រួសាររបស់ពួកគេ ត្រូវគេសម្រិតសម្រាំងជាប្រព័ន្ធ តាមរយៈការចុះបញ្ជីឈ្មោះ និងការធ្វើប្រវត្តិរូប ដើម្បីកំណត់ពីប្រភេទវណ្ណៈ និងអតីតការងារ
37
។
វីដេអូ
