ប្រាក់ ខន
រហ្សនាម: KW-10
សំណុំរឿង: សំណុំរឿង ០០១
ប្រភេទ: សាក្សី
សាវតារ និងតួនាទី
ប្រាក់ ខន បានចូលបដិវត្តន៍ខ្មែរក្រហមនៅចុងឆ្នាំ១៩៧២ ឬដើមឆ្នាំ១៩៧៣
1
។ ជាដំបូង គាត់ធ្វើការនៅក្នុងផ្នែកកសិកម្ម
2
មុនពេលត្រូវបញ្ជូនទៅវរៈសេនាតូចកាំភ្លើងធំ ក្នុងកងពលលេខ ៧០៣
3
។ បន្ទាប់ពីចូលរួមវាយយកទីក្រុងភ្នំពេញ គាត់ធ្វើស្រែនៅព្រៃស (មន្ទីរសន្តិសុខ ស-២៤)
4
។ នៅចុងឆ្នាំ១៩៧៥ ឬដើមឆ្នាំ១៩៧៦ គាត់ត្រូវបញ្ជូនទៅធ្វើអ្នកយាមនៅខាងក្រៅបរិវេណ ស-២១
5
។ គាត់ធ្វើជាអ្នកសួរចម្លើយនៅ ស-២១ នៅចុងឆ្នាំ១៩៧៦
6
។
ការសួរចម្លើយនៅ ស-២១
ក្នុងនាមជាអ្នកយាម ប្រាក់ ខន ទទួលការណែនាំឲ្យយាមកុំឲ្យមានមនុស្សចូលក្នុងបរិវេណ
7
លើកលែងតែរថយន្តដឹកអ្នកទោសប៉ុណ្ណោះ
8
។ គាត់អះអាងថា គាត់មិនបានចូលរួមក្នុងការចាប់ខ្លួនអ្នកទោសមក ស-២១ ទេ
9
តែបានចាំថាបានឃើញរថយន្តដឹកអ្នកទោសចេញពី ស-២១
10
។
នៅចុងឆ្នាំ១៩៧៦ ប្រាក់ ខន ត្រូវចាត់ឲ្យសួរចម្លើយអ្នកទោស ស-២១
11
។ គោលបំណងនៃការសួរចម្លើយគឺទាញយកចម្លើយសារភាព
12
។ ដំបូង គាត់មិនបានទទួលការបណ្តុះបណ្តាលពីរបៀបសួរចម្លើយទេ និងបានរៀនតាមរយៈការសង្កេតមើលអ្នកសួរចម្លើយផ្សេងទៀត
13
។ ក្រោយមក ឌុច បានបណ្តុះបណ្តាលគាត់
14
តាមអ្វីដែលគាត់រៀបរាប់ថាជា “សាលានយោបាយរបស់ ឌុច”
15
– ជាវគ្គសិក្សាប្រចាំសប្តាហ៍ និងប្រចាំខែ អំពីវិធីសួរចម្លើយ និងធ្វើទារុណកម្ម ដើម្បីទាញយកចម្លើយសារភាព ជៀសវាងកុំឲ្យអ្នកទោសស្លាប់
16
។ គេបង្រៀនអ្នកសួរចម្លើយអ្នកទោស “ឲ្យវាយនឹងរំពាត់ ឲ្យឆក់ខ្សែភ្លើង ឬក៏ច្រកស្បោង”
17
។ បើតាម ប្រាក់ ខន អ្នកសួរចម្លើយត្រូវបានហាមឃាត់យ៉ាងច្បាស់លាស់មិនឲ្យវាយអ្នកជាប់ឃុំរហូតដល់ស្លាប់ទេ បើមិនដូច្នេះទេ ចម្លើយសារភាពនឹងត្រូវដាច់ ហើយអ្នកសួរចម្លើយត្រូវទទួលទោស
18
។ ក្នុងពេលវគ្គសិក្សាទាំងនេះ ប្រាក់ ខន ក៏រៀនអំពីខ្សែបណ្តាញ និងខ្សែរយៈ “សេអ៊ីអា កាហ្សេបេ និងខ្មាំងយួន” ផងដែរ
19
។
យោងតាម ប្រាក់ ខន “បងឌុច នៅពេលនោះគាត់មានលក្ខណៈជាមនុស្សឧស្សាហ៍ព្យាយាមក្នុងការងារ គឺគាត់ធ្វើការអី គឺហ្មត់ចត់ទាំងអស់”
20
។ អ្នកសួរចម្លើយមិនអនុញ្ញាតឲ្យធ្វើទារុណកម្មអ្នកណាទេ បើគ្មានការណែនាំពី ឌុច
21
។ ប្រាក់ ខន មិនបានធ្វើទារុណកម្មអ្នកទោសទេ តែបានឃើញអ្នកផ្សេងធ្វើទារុណកម្មអ្នកទោសរហូតសន្លប់បាត់ស្មារតី
22
។
ប្រាក់ ខន បញ្ជាក់ថា ក្រុមសួរចម្លើយនៅ ស-២១ ចែកចេញជាក្រុម “ត្រជាក់” “ក្តៅ” និង “អង្គាម”
23
។ ក្រុមក្តៅ “ប្រើវិធីក្តៅ ហើយក្រុមត្រជាក់ប្រើនយោបាយ”
24
។ ប្រាក់ ខន ធ្វើការនៅក្នុង “ក្រុមអង្គាម”
25
។ ក្រុមអង្គាមត្រូវ “សួរដើម្បីឆ្កឹះឆ្កៀល” រហូតទាល់តែអ្នកទោសសារភាព។
ប្រធានក្រុមឈ្មោះ ណាន (ហើយពេលខ្លះ ឌុច) បែងចែកអ្នកទោសឲ្យ ប្រាក់ ខន សួរចម្លើយ
26
។ បន្ទាប់ពីសួរចម្លើយចប់ ប្រាក់ ខន រាយការណ៍ចម្លើយសារភាពជាលាយលក្ខណ៍អក្សរទៅប្រធានក្រុម ឬ ឌុច
27
។ ប្រសិនបើថ្នាក់លើរបស់គាត់យល់ថាចម្លើយសារភាពមិនទាន់ពេញលេញទេនោះ របាយការណ៍នោះនឹងត្រូវបញ្ជូនត្រឡប់មកគាត់វិញ ដោយមានចំណារអំពីរបៀបធ្វើបន្តទៀត
28
។
យោងតាម ប្រាក់ ខន ៥០ ទៅ ៦០ ភាគរយនៃអ្នកទោសនៅ ស-២១ មិនត្រូវបានសួរចម្លើយទេ ដោយសារមិនមានអ្នកសួរចម្លើយគ្រប់គ្រាន់ និងដោយសារការសួរចម្លើយអ្នកទោសម្នាក់ៗចំណាយពេលយូរ
29
។ អង្គជំនុំជម្រះសាលាដំបូងបានពិចារណាលើចម្លើយនេះ ប៉ុន្តែបានសន្និដ្ឋានផ្ទុយពីនេះថា “ភាគច្រើននៃអ្នកទោសដែលត្រូវបានឃុំនៅមន្ទីរ ស-២១ ត្រូវបានសួរចម្លើយលក្ខណៈជាប្រព័ន្ធ”
30
។
អង្គជំនុំជម្រះសាលាដំបូង ផ្អែកលើសក្ខីកម្មរបស់ ប្រាក់ ខន នៅក្នុងការសន្និដ្ឋានរបស់ខ្លួនទាក់ទងនឹងតួនាទីរបស់ ឌុច ជាប្រធានមន្ទីរ ស-២១
31
ការងាររបស់អង្គភាពសួរចម្លើយ
32
វិធីសម្លាប់
33
និងការបណ្តុះបណ្តាលនយោបាយ
34
។
លក្ខខណ្ឌនៃការឃុំខ្លួន
យោងតាម ប្រាក់ ខន អ្នកទោសប្រុស និងអ្នកទោសស្រីត្រូវឃុំដាច់ដោយឡែកពីគ្នា
35
ហើយកុមារត្រូវបំបែកពីសមាជិកគ្រួសាររបស់ពួកគេ
36
។ អ្នកទោសនៅក្នុងបន្ទប់ឃុំឃាំងរួមត្រូវដាក់ខ្នោះជើងជាប់ទៅនឹងរបាដែកវែង ចាប់ពីម្នាក់ ទៅ ១៨ នាក់ ក្នុងបន្ទប់នីមួយៗ
37
។ អ្នកទោដែលត្រូវទាញយកចម្លើយសារភាព ត្រូវដាក់នៅក្នុងបន្ទប់ឃុំខ្លួនដាច់ដោយឡែក
38
។ អ្នកទោសមិនអនុញ្ញាតឲ្យអង្គុយ ឬឈរនោះទេ
39
។ ពេលយកមកពីសួរចម្លើយវិញ គេដាក់ខ្នោះដៃ និងចងក្រណាត់បិទភ្នែកអ្នកទោស
40
។ អ្នកទោសស្រីមិនត្រូវបានដាក់ខ្នោះជើងទេ តែត្រូវចាក់សោនៅក្នុងបន្ទប់ឃុំមិនឲ្យចេញក្រៅទេ
41
។ អ្នកទោស ស-២១ ទាំងអស់ត្រូវសម្លាប់
42
។ អ្នកទោសខ្លះបានស្លាប់ដោយសារជំងឺនៅខាងក្នុងបន្ទប់ឃុំខ្លួន ចំណែកអ្នកទោសខ្លះទៀតត្រូវបានសម្លាប់នៅខាងក្រៅ ស-២១
43
។
អង្គជំនុំជម្រះសាលាដំបូង ផ្អែកលើសក្ខីកម្មរបស់ ប្រាក់ ខន នៅក្នុងការសន្និដ្ឋានរបស់ខ្លួនលើលក្ខខណ្ឌនៃការឃុំខ្លួននៅ ស-២១
44
។
ការសម្លាប់ជនបរទេស
អតីតអ្នកយាមមកពីខេត្តកំពង់ឆ្នាំងបានប្រាប់ ប្រាក់ ខន ថា មានអ្នកទោសបស្ចិមប្រទេសមួយចំនួន ត្រូវបានគេដាក់នៅតាមផ្លូវហើយដុតទាំងរស់ដោយប្រើសំបកកង់ឡាន
45
។ អង្គជំនុំជម្រះសាលាដំបូង បានពិចារណាលើសក្ខីកម្មនេះ ប៉ុន្តែបានសន្និដ្ឋានថា មិនមានភ័ស្តុតាងគ្រប់គ្រាន់ក្នុងការបញ្ជាក់លើការចោទប្រកាន់ដែលថា មានជនបរទេសមួយចំនួនត្រូវបានគេដុតទាំងរស់នោះទេ
46
។
ការសម្លាប់កុមារ
ប្រាក់ ខន បានរៀបរាប់ពីហេតុការណ៍មួយ ដែលកុមារម្នាក់ (ទារកអាយុប្រហែលជាប្រាំពីរ ទៅប្រាំបីខែ) ជាកូនរបស់អ្នកទោសស្រ្តីវៀតណាម ទារកនោះត្រូវទម្លាក់ឲ្យស្លាប់ពីជាន់ទីបីនៃអគារនៅក្នុងបរិវេណ ស-២១
47
។ អង្គជំនុំជម្រះសាលាដំបូងបានពិចារណាសក្ខីកម្មនេះ តែបានសន្និដ្ឋានថា មិនមានភ័ស្តុតាងគ្រប់គ្រាន់ដើម្បីបញ្ជាក់លើហេតុការណ៍ដែល ប្រាក់ ខន បានរៀបរាប់នេះទេ
48
។
ការចាប់ខ្លួនបុគ្គលិក ស-២១
ពីដំបូង មានអ្នកសួរចម្លើយជានារី គឺប្រពន្ធរបស់កម្មាភិបាល ស-២១ ត្រូវបានចាត់ឲ្យសួរចម្លើយអ្នកទោសស្រី
49
។ ប៉ុន្តែ នៅពេលប្តីរបស់ពួកគេត្រូវបានចាប់ខ្លួនក្នុងពេលបោសសម្អាតផ្ទៃក្នុង អ្នកសួរចម្លើយជានារីទាំងនោះក៏ត្រូវចាប់ខ្លួនដែរ
50
។ បន្ទាប់ពីនោះមក មិនមានអ្នកសួរចម្លើយជានារីនៅ ស-២១ ទៀតទេ ហើយការសួរចម្លើយអ្នកទោសស្រី ត្រូវធ្វើឡើងដោយអ្នកសួរចម្លើយប្រុស
51
។ ប្រាក់ ខន បានបញ្ជាក់ថា គាត់បានសួរចម្លើយអ្នកទោសស្រីផងដែរ
52
។
ការបូមយកឈាម
អ្នកទោសមួយចំនួនបានស្លាប់ បន្ទាប់ពីអង្គភាពពេទ្យបូមយកឈាមពីពួកគេ
53
។ អ្នកទោសត្រូវដាក់ឲ្យដេកផ្ងាលើគ្រែ ចងក្រណាត់បិទភ្នែក និងដាក់ខ្នោះជើង
54
។ គេដោតម្ជុលចូលក្នុងសរសៃឈាម ដើម្បីបូមយកឈាម
55
។ អង្គជំនុំជម្រះសាលាដំបូងផ្អែកលើសក្ខីកម្មនេះ ក្នុងការសន្និដ្ឋានថាឈាមទាំងនោះត្រូវបានផ្តល់ទៅឲ្យមន្ទីរពេទ្យសេនាធិការ សម្រាប់បញ្ចូលឲ្យទាហានកងទ័ពបដិវត្តន៍កម្ពុជា ដែលរងរបួសក្នុងពេលជម្លោះជាមួយវៀតណាម
56
។
ចម្លើយមិនស៊ីចង្វាក់គ្នា
អង្គជំនុំជម្រះសាលាដំបូង បានរកឃើញថា សក្ខីកម្មរបស់ ប្រាក់ ខន អំពីហេតុការណ៍មួយដែលស្ត្រីម្នាក់ត្រូវឆក់ខ្សែភ្លើងនៅចំពោះមុខ ឌុច មិនស៊ីចង្វាក់គ្នាទៅនឹងចម្លើយពីមុនរបស់គាត់
57
។ ពីមុន ប្រាក់ ខន អះអាងថាបានឃើញ ឌុច ចូលរួមធ្វើទារុណកម្ម ដោយប្រើការឆក់ខ្សែភ្លើង វាយដំស្ត្រីម្នាក់ និងដោះអាវរបស់នាងចេញ
58
។ ដោយពិចារណាលើភាពមិនស៊ីចង្វាក់គ្នានេះ អង្គជំនុំជម្រះសាលាដំបូងបានសន្និដ្ឋានថា ឌុច មិនទទួលខុសត្រូវចំពោះការធ្វើទារុណកម្ម ឬអំពើអមនុស្សធម៌ផ្សេងៗទៀត ដោយការប្រព្រឹត្តតាមរយៈអំពើសកម្ម ឬអកម្មនោះទេ
59
។
ប្រាក់ ខន ក៏បានរំលឹកអំពីហេតុការណ៍មួយ ដែលអ្នកសួរចម្លើយឈ្មោះ ទូច បានរំលោភអ្នកទោសស្រីម្នាក់ ហើយជាលទ្ធផល ទូច ត្រូវចាប់ខ្លួន និងឃុំនៅ ស-២១
60
។ ទោះជាយ៉ាងណា អង្គជំនុំជម្រះសាលាដំបូង បានសន្និដ្ឋានថា មិនមានភ័ស្តុតាងគ្រប់គ្រាន់ដើម្បីបញ្ជាក់ហេតុការណ៍នេះ ដូចដែល ប្រាក់ ខន បានរៀបរាប់នោះទេ
61
។
ចៅក្រមក៏បានចង្អុលបង្ហាញភាពផ្ទុយគ្នាផ្សេងទៀត រវាងចម្លើយពីមុន និងសក្ខីកម្មក្នុងសវនាការរបស់ ប្រាក់ ខន ផងដែរ ដោយរួមទាំង ថាតើ ក្នុងនាមជាអ្នកសួរចម្លើយ គាត់បានប្រើហិង្សាក្នុងពេលសួរចម្លើយឬទេ
62
និងថាតើ មានអ្នកទោសនារីមានផ្ទៃពោះនៅក្នុង ស-២១ ដែរឬយ៉ាងណា
63
។ ប្រាក់ ខន ប្រើសិទ្ធិនៅស្ងៀមពាក់ព័ន្ធនឹងសំណួរចំពោះបញ្ហាថាតើគាត់ប្រើហិង្សា ឬទេ ពេលសួរចម្លើយ
64
។
វីដេអូ
