សា វី
រហ្សនាម: TCW-620
សំណុំរឿង: សំណុំរឿង ០០២/០១
ប្រភេទ: សាក្សី
សាវតារ និងតួនាទី
លោក ស វិ មានឈ្មោះពីកំណើត ស សារឹម
1
(ហៅថា សុង)
2
ជាអ្នកយាមនៅបរិវេណមន្ទីរក-១ នៅភ្នំពេញ
3
។ ក្នុងឆ្នាំ១៩៧៤ គាត់បានធ្វើជានិរសារនៅខេត្តកំពង់ស្ពឺ ដែលជាផ្នែកនៃតំបន់៣៣
4
។ នៅខែមិថុនា ឆ្នាំ១៩៧៥ គាត់បានចូលយោធាស្រុកសំរោង ក្រោយមកត្រូវបានតម្លើងឋានៈឲ្យចូលជាយោធាក្នុងតំបន់៣៣
5
។ គាត់ជា “យុទ្ធជនធម្មតា” នៅស្រុក សំរោង និងតំបន់៣៣
6
។ នៅចុងឆ្នាំ១៩៧៥ ស វិ ត្រូវបានបញ្ជូនមកភ្នំពេញដើម្បីធ្វើការនៅ ក-១ រហូតដល់ខែមករា ឆ្នាំ១៩៧៩
7
។
ការងាររបស់លោក ស វិ នៅក្នុងកម្លាំងយោធា និងនៅ ក-១
ចាប់តាំងពីសង្គ្រាមបានបញ្ចប់នៅថ្ងៃទី១៧ ខែមេសា ឆ្នាំ១៩៧៥ លោក ស វិ ត្រូវបានចាត់តាំងឱ្យជួយប្រជាជនក្នុងស្រុកជីកប្រឡាយ និងសាងសង់ទំនប់
8
។ ទោះបីជាគាត់នៅក្មេង គាត់ត្រូវបានគេបង្ខំឱ្យធ្វើការដូចមនុស្សពេញវ័យ
9
។ បើតាមលោក ស វិ យោធាបានធ្វើការនៅទីតាំងដាច់ដោយឡែកពីប្រជាជន
10
។
ចាប់ពីចុងឆ្នាំ១៩៧៥ ដល់ឆ្នាំ១៩៧៩ លោក ស វិ បានការពារនៅជាន់ទី២ នៃកងយាមនៅក-១ ជាមួយអ្នកយាមចំនួនពី៥០ទៅ៦០នាក់ផ្សេងទៀត
11
។ នៅក-១ កងយាមរបស់គាត់ទទួលបន្ទុកសន្តិសុខ និងសុវត្ថិភាព
12
។ ភារកិច្ចចម្បងរបស់លោក ស វិ ពេលកំពុងធ្វើការនៅកងយាមនៅ ក-១ គឺយាមច្រកចូលនៅក-១
13
។ នៅទីនោះ គាត់ធ្វើការពីប្រាំបីម៉ោងទៅដប់ម៉ោងជារៀងរាល់ថ្ងៃ
14
ដោយឆ្លាស់វេនយាមគ្នារវាងប៉ុស្តិ៍យាម ចំនួនបួន
15
។ នៅពេលយប់ គាត់បានដើរល្បាតនៅទីតាំងក្នុងវេនពីរម៉ោង
16
។ អ្នកយាមហូបបាយ និងស្នាក់នៅផ្ទះប្រហែល១០០ម៉ែត្រពីប៉ុស្តិ៍យាម
17
។
អង្គជំនុំជម្រះសាលាដំបូង បានផ្អែកទៅលើសក្ខីកម្មរបស់លោក ស វិ បន្ថែមពីលើភ័ស្តុតាងផ្សេងទៀតក្នុងការកំណត់ថា តំបន់ និងស្រុក គ្រប់គ្រងកម្លាំងយោធាផ្ទាល់ខ្លួនរបស់ពួកគេ
18
។
មន្ទីររដ្ឋបាល ស-៧១
តាមរយៈការងាររបស់គាត់នៅក-១ លោក ស វិ បានដឹងថា ក-១ និង ក-៣ គឺជាលំនៅដ្ឋាន និងបរិវេណមន្ទីរសម្រាប់ថ្នាក់ដឹកនាំជាន់ខ្ពស់របស់បក្សកុម្មុយនីស្តកម្ពុជា
19
។ ថ្នាក់ដឹកនាំក៏មកពីភូមិភាគ តំបន់ និងស្រុកនានាដើម្បីចូលរួមកិច្ចប្រជុំនៅក-១
20
។ អ្នកចូលរួមក្នុងកិច្ចប្រជុំទាំងនោះរួមមានលោក ប៉ុល ពត លោក នួន ជា លោក អៀង សារី និងលោក ខៀវ សំផន ព្រមទាំងលោក សោ ភឹម លេខាភូមិភាគបូព៌ា និងតាម៉ុក លេខាភូមិភាគនិរតី
21
។ លោក ស វិ មិនអាចចាំបានច្បាស់ថា តើអ្នកណាខ្លះបានចូលរួមនោះទេ ប៉ុន្តែក្រោយមកបានដឹងពីអ្នកធ្វើការជាមួយគាត់ដែលមានវត្តមាននៅ ក-១ ក្នុងអំឡុងកិច្ចប្រជុំដែលមានថ្នាក់ដឹកនាំមកពីទូទាំងប្រទេសចូលរួម
22
។ គាត់ និងកងយាមរបស់គាត់ ត្រូវបានចាត់ឱ្យការពារ នៅពេលមុន កិច្ចប្រជុំ ប៉ុន្តែមិនបានប្រាប់ឈ្មោះអ្នកដែលចូលរួមកិច្ចប្រជុំទេ៖ “សារដែលទទួលបានគឺគ្រាន់តែថា បងៗមកពីភូមិភាគដែលត្រូវចូលរួមកិច្ចប្រជុំទាំងនោះប៉ុណ្ណោះ”
23
។ ដើម្បីរៀបចំសម្រាប់ព្រឹត្តិការណ៍ទាំងនេះ កងយាមរបស់លោក ស វិ ត្រូវបានចាត់ឱ្យបោសសម្អាតផ្លូវ និងរៀបចំវិធានការការពារ
24
។ ខណៈដែលលោក ស វិ ធ្វើការនៅក-១ ឈឹម សំអោក ហៅប៉ង់ប្រធានស-៧១ បានបាត់ខ្លួន
25
។ ក្រោយមកគាត់បានឮពីអ្នកផ្សេងទៀតថា ប៉ង់ ត្រូវបានចោទប្រកាន់ថាជាជនក្បត់
26
។
អង្គជំនុំជម្រះសាលាដំបូងបានផ្អែកទៅលើសក្ខីកម្មរបស់លោក ស វិ បន្ថែមពីលើភស្តុតាងផ្សេងទៀតក្នុងការរកឃើញថា ឈ្មោះលេខកូដដែលចាប់ផ្តើមដោយអក្សរ “ក” ត្រូវបានប្រើដើម្បីកំណត់អត្តសញ្ញាណមន្ទីរតូចៗ និងអង្គភាពស-៧១ ហើយថាប្រធានស-៧១ គឺ
27
ឈឹម សំអោក ហៅ ប៉ង់ ត្រូវបានចាប់ខ្លួន និងនាំទៅ មន្ទីរ ស-២១
28
។ អង្គជំនុំជម្រះសាលាដំបូង បានផ្អែកបន្ថែមទៀតទៅលើភ័ស្តុតាងរបស់លោក ស វិ ក្នុងការរកឃើញថា លេខាធិការគណៈកម្មាធិការនៅថ្នាក់នីមួយៗ ជាទូទៅក៏ជាសមាជិក (ឬយ៉ាងហោចណាស់ក៏បានចូលរួមកិច្ចប្រជុំ) របស់គណៈកម្មាធិការថ្នាក់លើមួយថ្នាក់ដែរ
29
។
កន្លែងស្នាក់នៅ កន្លែងធ្វើការ និង ទីតាំងធ្វើដំណើររបស់ថ្នាក់ដឹកនាំជាន់ខ្ពស់ក្នុងអំឡុងរបបកម្ពុជា ប្រជាធិបតេយ្យ
លោក ស វិ បានសង្កេតឃើញថាលោក ខៀវ សំផន លោក អៀង សារី និង លោក នួន ជា បានមក ក-១ “ជាប្រចាំ” ពីឆ្នាំ១៩៧៦ ដល់ឆ្នាំ១៩៧៩
30
។ លោក ខៀវ សំផន បានមកមើលក-១ ញឹកញាប់ជាងអ្នកផ្សេងទៀត
31
។ នៅពេលមកធ្វើការ លោក ខៀវ សំផន លោក អៀង សារី និង លោក នួន ជា បានបើកឡាន ឆ្លងកាត់ច្រកចូលបរិវេណ
32
។ រាល់ពេលលោក នួន ជា លោកអៀង សារី និងលោក ខៀវ សំផន បានមកប្រជុំ ឬធ្វើការនៅក-១ ពួកគេក៏ស្នាក់នៅទីនោះផងដែរ
33
។ យោងតាមលោក ស វិ មិនមានអ្នកណាទទួលស្វាគមន៍ពួកគេទេនៅពេលពួកគេមកដល់
34
។
ក្នុងរបបកម្ពុជាប្រជាធិបតេយ្យ លោក ប៉ុល ពត បានស្នាក់នៅក្នុងបរិវេណ ក-១
35
ចំណែកមេដឹកនាំជាន់ខ្ពស់ផ្សេងទៀតដូចជា លោក នួន ជា និងលោក ខៀវ សំផន បានស្នាក់នៅក្នុងបរិវេណ ក-៣
36
។ លោក ស វិ បានដឹងពីថ្នាក់លើ និងអ្នកយាមដែលត្រូវចាត់ឲ្យទៅការពារលោក នួន ជា ថាខណៈពេលដែលលោក នួន ជា ស្នាក់នៅ ក-៣ គាត់បានធ្វើដំណើរទៅជនបទ
37
។
អង្គជំនុំជម្រះសាលាដំបូងបានផ្អែកទៅលើសក្ខីកម្មបរបស់លោក ស វិ និងសាក្សីផ្សេងទៀតទាក់ទងនឹងថ្នាក់ដឹកនាំ ប.ក.ក. ក្នុងការកំណត់ថាសមាជិកជាន់ខ្ពស់របស់ប.ក.ក. បានជួបប្រជុំគ្នាជាហូរហែរនៅមន្ទីរក-១ និងមន្ទីរក-៣
38
។ អង្គជំនុំជម្រះសាលាដំបូងក៏បានរកឃើញផងដែរ ដោយផ្អែកទៅលើភ័ស្តុតាងរបស់លោក ស វិ ថា លោកខៀវ សំផន តែងតែចូលរួមកិច្ចប្រជុំរបស់គណៈកម្មាធិការអចិន្ត្រៃយ៍
39
ហើយថាលោក នួន ជា បានបន្តធ្វើដំណើរទៅជនបទក្នុងអំឡុងរបបកម្ពុជាប្រជាធិបតេយ្យ
40
។
វីដេអូ
