សេង លីថេង
រហ្សនាម: 2-TCW-897
សំណុំរឿង: សំណុំរឿង ០០២/០២
ប្រភេទ: សាក្សី
សាវតារ និង តួនាទី
លោក សេង លី ថេង គឺជាក្មួយប្រុសរបស់ ប៉ុល ពត ដែលជាអតីតបងលេខ ១
1
។ ក្នុងឆ្នាំ១៩៧០ គាត់ចូលបដិវត្តន៍ខ្មែរក្រហម ជាទាហាននៅខេត្តកំពង់ធំ
2
។ ក្រោយថ្ងៃទី១៧ ខែមេសា ឆ្នាំ១៩៧៧ គាត់ត្រូវបានបញ្ជូនទៅធ្វើការនៅក្រសួងការបរទេស និង មានភារកិច្ចទទួលមន្ត្រីទូតចិន និង អ្នកបច្ចេកទេស
3
ក្រោយមកទទួលបានការចាត់តាំងក្នុងអំឡុងឆ្នាំ១៩៧៨ ឲ្យធ្វើការជានិរសារ និង ជាកងការពារឲ្យ ប៉ុល ពត នៅមន្ទីរ ក-១
4
។ មន្ទីរ ក-១ គឺជាកន្លែងស្នាក់នៅរបស់ ប៉ុល ពត នៅមាត់ទន្លេក្នុងទីក្រុងភ្នំពេញ ជាកន្លែងដែលព្រឹត្តិការណ៍ និងការប្រជុំសំខាន់ៗរបស់មជ្ឈិមបក្សត្រូវបានធ្វើឡើង
5
។
លោក សេង លីថេង បានផ្តល់សក្ខីកម្មនៅចំពោះមុខអង្គជំនុំជម្រះសាលាដំបូងក្នុងសំណុំរឿង ០០២/០២ ក្នុងនាមជាសាក្សី អំពីវគ្គរៀនសូត្រនយោបាយ ដែលបង្រៀនដោយ ប៉ុល ពត និង នួន ជា អត្តសញ្ញាណកម្មាភិបាលជាន់ខ្ពស់ខ្មែរក្រហម (រួមទាំង ខៀវ សំផន) ដែល ប៉ុល ពត ហៅមកប្រជុំនៅមន្ទីរ ក-១ និង ទំនាក់ទំនងរវាង ប៉ុល ពត និង លេខាភូមិភាគបូព៌ា សោ ភឹម
6
។
វគ្គរៀនសូត្រនយោបាយបង្រៀនដោយ ប៉ុល ពត និង នួន ជា
ក្នុងនាមជាកងការពាររបស់ ប៉ុល ពត លោក សេង លីថេង បានអមដំណើរ ប៉ុល ពត និង យាមវគ្គរៀនសូត្រនៅបុរីកីឡា ក្នុងទីក្រុងភ្នំពេញ ជាកន្លែងដែល ប៉ុល ពត និង នួន ជា ថ្លែងទៅកាន់អ្នកចូលរួមតាមរយៈមីក្រូអំពីការធ្វើកសិកម្ម ចារកម្ម និង ផែនការដោះស្រាយខ្មាំងរបស់អង្គការ
7
។ គាត់បានស្តាប់ឮខ្លឹមសារនៃការបង្រៀនទាំងនោះ ដោយសារគេធ្វើឡើងតាមមីក្រូ
8
។ ខុសពី នួន ជា គេកម្រឃើញ ប៉ុល ពត បើក និង/ឬ ចូលរួមវគ្គអប់រំថ្នាក់ភូមិភាគ តំបន់ ឬស្រុក ណាស់
9
។
អង្គជំនុំជម្រះសាលាដំបូងបានផ្អែកលើសក្ខីកម្មរបស់លោក សេង លីថេង ក្នុងចំណោមភ័ស្តុតាងផ្សេងទៀត ក្នុងការសន្និដ្ឋានថា វគ្គរៀនសូត្រនយោបាយត្រូវបានធ្វើឡើងនៅមុនពេល និង ក្នុងអំឡុងពេលរបបកម្ពុជាប្រជាធិបតេយ្យ នៅតាមតំបន់ ស្រុក ភូមិភាគ ឬកម្រិតមជ្ឈិម នៅទូទាំងប្រទេស និង នៅក្នុងទីក្រុងភ្នំពេញ ជាពិសេសនៅស្តាតអូឡាំពិក និង បុរីកីឡា ដើម្បីពិភាក្សាអំពីគោលនយោបាយសេដ្ឋកិច្ច និង បដិវត្តន៍ សហករណ៍ ការកេណ្ឌកម្លាំងនៅទូទាំងតំបន់រំដោះ ខ្លួនទីពឹងខ្លួន និង ភាពម្ចាស់ការ ព្រមទាំងការប្រុងប្រយ័ត្នចំពោះខ្មាំងខាងក្នុង និង ខាងក្រៅ និង វគ្គទិតៀន និង ស្វ័យទិតៀន
10
។
អត្តសញ្ញាណមេដឹកនាំខ្មែរក្រហមនៅមន្ទីរ ក-១
ខណៈដែលគេតែងតែឃើញមេដឹកនាំជាន់ខ្ពស់ខ្មែរក្រហមដូចជា នួន ជា, ខៀវ សំផន និង អៀង សារី ធ្វើការជាមួយ ប៉ុល ពត នៅមន្ទីរ ក-១
11
លោក សេងលីថេង បានរំលឹកថាបានឃើញថ្នាក់ដឹកនាំសំខាន់ៗផ្សេងទៀតមកកាន់មន្ទីរ ក-១ មានជូចជា សោ ភឹម, តាម៉ុក (លេខាភូមិភាគនិរតី) រដ្ឋមន្ត្រីក្រសួងពាណិជ្ជកម្ម កុយ ធួន និង លេខាភូមិភាគកណ្តាល (ឧត្តរចាស់) កែ ពក ដែលឡើងជំនួស កុយ ធួន ជាលេខាភូមិភាគពីឆ្នាំ១៩៧៥ រហូតដល់ ១៩៧៩
12
។
ពីឆ្នាំ១៩៧១ ដល់ឆ្នាំ១៩៧៤ ប៉ុល ពត, នួន ជា និង ខៀវ សំផន ហូបបាយ និង ធ្វើការជាមួយគ្នាជាប្រចាំថ្ងៃ
13
ហើយការជួបប្រជុំគ្នារបស់ពួកគេនេះបានបន្តធ្វើក្រោយដួលរលំរបប លន់ នល់ នៅថ្ងៃទី១៧ ខែមេសា ឆ្នាំ១៩៧៥
14
។ លោក សេង លីថេង បានប៉ាន់ប្រមាណថា មានមនុស្សប្រហែល ២០ នាក់ ធ្វើការនៅមន្ទីរ ក-១ រួមទាំងអ្នកយាម
15
។
ទំនាក់ទំនងរវាង ប៉ុល ពត និង សោ ភឹម
ក្នុងនាមជានិរសាររបស់ ប៉ុល ពត លោក សេង លីថេង ត្រូវបានចាត់តាំងឲ្យបញ្ជូនលិខិតរបស់ ប៉ុល ពត ដែលរៀបរាប់អំពីកិច្ចការសំខាន់ៗទៅប្រគល់ឲ្យ សោ ភឹម ដែលជាលេខាភូមិភាគបូព៌ា
16
។ គាត់បានបញ្ជូនលិខិតរបស់ ប៉ុល ពត ទៅឲ្យ សោ ភឹម ចំនួនបីដងក្នុងឆ្នាំ ១៩៧៨
17
។ គាត់ក៏បានរំលឹកថាបានយកអំណោយពី ប៉ុល ពត ទៅឲ្យ សោ ភឹម ផងដែរ
18
។
លោក សេង លីថេង បានពន្យល់ទៅកាន់អង្គជំនុំជម្រះថា ប៉ុល ពត និង សោ ភឹម “ជិតស្និទ្ធគ្នាណាស់”
19
។ ពេលមួយនោះ លោក សេង លីថេង បានកត់សម្គាល់ថា ប៉ុល ពត បារម្មណ៍យ៉ាងខ្លាំងនៅពេលដែល សោ ភឹម មានស្នាមកន្ទួលរមាស់លើស្បែក
20
។ ពេលដែលអង្គជំនុំជម្រះសួរថាតើ គាត់បានកត់សម្គាល់ថានៅពេលណាមួយដែលទំនាក់ទំនងរវាង ប៉ុល ពត និង សោ ភឹម បែកបាក់ដែរឬទេ លោក សេង លីថេង និយាយថាគាត់មិនបានដឹងអំពីកិច្ចការផ្ទៃក្នុងរបស់ពួកគេទេ
21
។
វីដេអូ
