សៀង ចាន់ធី
រហ្សនាម: 2-TCCP-1015
សំណុំរឿង: សំណុំរឿង ០០២/០២
ប្រភេទ: ដើមបណ្តឹងរដ្ឋប្បវេណី
សាវតារ និងតួនាទី
អ្នកស្រី សៀង ចាន់ធី បានផ្តល់សក្ខីកម្មក្នុងនាមជាដើមបណ្តឹងរដ្ឋប្បវេណី ក្នុងសំណុំរឿង ០០២/០២ អំពីលក្ខខណ្ឌការងារដែលគេដាក់ឱ្យគាត់ធ្វើ ការបាត់ខ្លួនបងប្អូនគាត់ និងអតីតមន្ត្រីរបបសាធារណរដ្ឋខ្មែរ ការស្លាប់ និងការរំលោភផ្លូវភេទលើជនជាតិវៀតណាម និងការរៀបអាពាហ៍ពិពាហ៍របស់បងស្រីគាត់ដោយ បង្ខំ។ ផ្អែកលើសក្ខីកម្មរបស់គាត់ ក្នុងចំណោមសក្ខីកម្មផ្សេងទៀត អង្គជំនុំជម្រះសាលាដំបូងបានរកឃើញអំពី ការបាត់ខ្លួនមន្ត្រីរបបសាធារណរដ្ឋខ្មែរ ការសម្លាប់ជនជាតិវៀតណាមនៅស្វាយរៀង និងការរៀប អាពាហ៍ពិពាហ៍ដោយបង្ខំ ក្នុងរបបកម្ពុជាប្រជាធិបតេយ្យ។
លក្ខខណ្ឌការងារ
ក្នុងរបបខ្មែរក្រហម អ្នកស្រី សៀង ចាន់ធី និងគ្រួសារគាត់រស់នៅភូមិឫស្សីព្រៃ ស្រុកស្វាយជ្រុំ ខេត្តស្វាយរៀង
1
។ គាត់ត្រូវបានចាត់ឲ្យធ្វើការនៅរោងបាយ
2
និងការងារបង្កបង្កើនផល
3
។ កម្មករផ្សេងទៀតមិនហ៊ាននិយាយជាមួយគាត់ទេ ដោយខ្លាចជាប់ពាក់ព័ន្ធព្រោះគាត់ជាកូនកាត់វៀតណាម
4
។ គាត់ទទួលបានបាយ ឬបបរហូបតិចតួច ប៉ុន្តែទទួលបានរបបអាហារគ្រប់គ្រាន់ពេលប្រមូលផលបានច្រើន
5
។
ការបាត់ខ្លួនបងប្អូនគាត់ និងអតីតមន្ត្រីរបបសាធារណរដ្ឋខ្មែរ
ម្តាយរបស់អ្នកស្រី សៀង ចាន់ធី ជាជនជាតិខ្មែរសុទ្ធ ហើយឪពុកគាត់ជាជនជាតិវៀតណាម
6
។ គាត់មានបងប្អូនប្រុសស្រីចំនួនប្រាំបីនាក់
7
។ ពេលបងប្រុសគាត់ឈ្មោះ ចាន់ថន ដែលជាប៉ូលីសក្នុងរបបសាធារណរដ្ឋខ្មែរ ត្រឡប់ពីភ្នំពេញមកខេត្តស្វាយរៀងវិញ គេបានហៅបងប្រុសគាត់ឲ្យទៅរៀនសូត្រ
8
។ គាត់បានដឹងពីអ្នកភូមិថា
9
បងប្រុសគាត់ត្រូវបានសម្លាប់ជាមួយនឹងអតីតទាហានរបបសាធារណរដ្ឋបីនាក់ផ្សេងទៀត នៅចុងឆ្នាំ១៩៧៧ នៅទួលស្ងួន ខាងកើតវត្តជ័យ ខេត្តស្វាយរៀង
10
ដោយគេចោទថាខ្ជិល ហើយដោយសារតែការងារពីមុនរបស់ពួកគេ
11
។
បងប្រុសរបស់គាត់ម្នាក់ទៀតឈ្មោះ ចាន់ថា ដែលជាគ្រូបង្ហាត់ទាហានក្នុងខេត្តស្វាយរៀង នៅក្នុងរបបសាធារណរដ្ឋខ្មែរ
12
ត្រូវគេចាប់ចងនិងវាយដំក្នុងឆ្នាំ១៩៧៧ ដោយគេចោទថាបានបំផ្លាញទ្រព្យសម្បត្តិរបស់អង្គការ ហើយក្រោយមកគាត់បានបាត់ខ្លួន
13
។ អង្គជំនុំជម្រះសាលាដំបូងបានដកស្រង់សក្ខីកម្មរបស់គាត់ថា ការបាត់ខ្លួន ការចាប់ខ្លួន និង/ឬ ការសម្លាប់មន្ត្រីរបបសាធារណរដ្ឋខ្មែរមានការកើនឡើងខ្លាំងក្នុងឆ្នាំ១៩៧៧
14
។
ការស្លាប់ និងការរំលោភផ្លូវភេទលើជនជាតិវៀតណាម រួមទាំងការធ្វើអត្តឃាតរបស់ឪពុកគាត់
អ្នកស្រី សៀង ចាន់ធី បានដឹងថាបុរសជនជាតិខ្មែរឈ្មោះ ថុន និង សាអុន ដែលមានប្រពន្ធវៀតណាម ត្រូវគេយកទៅសម្លាប់នៅថ្ងៃជាមួយនឹងបងប្រុសរបស់គាត់ឈ្មោះ ចាន់ថន ដែរ
15
។ គាត់បានដឹងពីឪពុករបស់គាត់ថា កូនស្រីរបស់ ថុន ពីរនាក់ត្រូវបានគេចាប់រំលោភ
16
។ ក្រោយមកគាត់បានឮថាប្រពន្ធជនជាតិវៀតណាមរបស់ ថុន និងកូនៗប្រាំនាក់ ព្រមទាំងប្រពន្ធជនជាតិវៀតណាមរបស់ សាអុន រួមជាមួយនឹងកូនស្រីនិងកូនប្រុសរបស់គាត់ ត្រូវបានសម្លាប់នៅទួលស្ងួន ខេត្តស្វាយរៀង
17
។ ឪពុករបស់អ្នកស្រី សៀង ចាន់ធី បានធ្វើអត្តឃាត ហើយគាត់គិតថាឪពុកគាត់ធ្វើដូច្នេះដោយសារតែខ្មែរក្រហមស្អប់គាត់ ព្រោះគាត់ជាជនជាតិវៀតណាម ហើយក៏ដើម្បីជួយគ្រួសាររបស់គាត់ដែរ
18
។
អង្គជំនុំជម្រះសាលាដំបូងបានផ្អែកលើសក្ខីកម្មរបស់គាត់ រួមជាមួយនឹងសក្ខីកម្មរបស់អ្នកផ្សេងទៀត ក្នុងការសន្និដ្ឋានថា ជនជាតិវៀតណាមត្រូវបានសម្លាប់នៅក្នុងខេត្តស្វាយរៀង ពីខែមេសា ឆ្នាំ១៩៧៧
19
។
ការរៀបអាពាហ៍ពិពាហ៍ដោយបង្ខំ
ក្នុងឆ្នាំ១៩៧៨ បងស្រីរបស់អ្នកស្រី សៀង ចាន់ធី ឈ្មោះ ធីតា ត្រូវបានបង្ខំឲ្យរៀបការជាមួយបុរសម្នាក់ រួមជាមួយនឹងគូស្រករបួនគូផ្សេងទៀត
20
។ ការរៀបការនេះបានធ្វើឡើងនៅក្នុងកងសហករណ៍អង្គរុន ស្រុកស្វាយជ្រុំ ខេត្តស្វាយរៀង
21
។ អ្នកស្រី ចាន់ធី និងម្តាយគាត់បានអញ្ជើញឲ្យចូលរួមការរៀបការនោះ
22
។ អង្គជំនុំជម្រះតុលាការកំពូលបានពិចារណាថា ភ័ស្តុតាងរបស់អ្នកស្រី សៀង ចាន់ធី ក្នុងចំណោមសាក្សី និងដើមបណ្តឹងរដ្ឋប្បវេណីផ្សេងទៀត “គួរជឿជាក់បានត្រង់ផលប៉ះពាល់នៃរបៀបរៀបអាពាហ៍ពិពាហ៍ក្រោមរបបកម្ពុជាប្រជាធិបតេយ្យ ក៏ដូចជា ត្រង់ការរៀបអាពាហ៍ពិពាហ៍នោះផ្ទាល់តែម្តង”
23
។
វីដេអូ
