សូ សុជាតិ
រហ្សនាម: TCW-673
សំណុំរឿង: សំណុំរឿង ០០២/០១
ប្រភេទ: សាក្សី
សាវតារ និង តួនាទី
អ្នកស្រី សូ សុជាតិ ហៅ រិន
1
គឺជាប្រពន្ធរបស់ ខៀវ សំផន
2
។ គាត់បានផ្តល់សក្ខីកម្មក្នុងសំណុំរឿង ០០២/០១ ក្នុងនាមជាសាក្សីអត្តចរិតតំណាងឲ្យប្តីរបស់គាត់។
ឪពុកម្តាយរបស់អ្នកស្រី សូ សុជាតិ គឺជាកសិករនៅភូមិកុកពូន ឃុំស្រែធំ ស្រុករវៀង ខេត្តព្រះវិហារ
3
។ ក្រោយរដ្ឋប្រហារឆ្នាំ១៩៧០ គាត់បានចូលរួមវគ្គសិក្សា ហើយក្រោយមកបានចូលរួមក្នុងចលនាតស៊ូនៅមូលដ្ឋានក្នុងនាមជាពេទ្យភូមិ
4
។ ពីពាក់កណ្តាលដល់ចុងឆ្នាំ១៩៧១ គាត់បានចូលរួមចលនាប្រឆាំងនឹងរបប លន់ នល់ នៅក្នុងព្រៃ ជាកន្លែងដែលគាត់ធ្វើជាចុងភៅ និង ជួយបុគ្គលិកពេទ្យ
5
។
អ្នកស្រី សូ សុជាតិ បានជួប ខៀវ សំផន ដំបូងនៅ ស-៧១ ពេលដែលគេឲ្យគាត់យកម្ហូបអាហារទៅដាក់នៅតុដែល ប៉ុល ពត និង នួន ជា កំពុងហូប
6
។ គាត់បានរៀបការជាមួយនឹង ខៀវ សំផន នៅថ្ងៃទី២៥ ខែធ្នូ ឆ្នាំ១៩៧២
7
។ នៅពេលរៀបការនោះ គាត់គ្រាន់តែដឹងថា ខៀវ សំផន គឺ “បងហែម” និង មិនបានដឹងពីតួនាទីរបស់ ខៀវ សំផន នៅក្នុងរបបខ្មែរក្រហមនោះទេ
8
។
តាមប្រព្រៃណីខ្មែរ មេផ្ទះមិនត្រូវដឹងរឿងគ្រប់យ៉ាងរបស់ប្តីខ្លួននោះទេ ឬជ្រៀតជ្រែកក្នុងកិច្ចការរបស់ប្តីនោះឡើយ
9
។ អ្នកស្រី សូ សុជាតិ បានអះអាងថា គាត់បានសួរ ខៀវ សំផន អំពីការងាររបស់គាត់ បន្ទាប់ពីកូនស្រីរបស់គាត់ធ្វើជានិយាយទូរស័ព្ទ បន្ទាប់ពីបានទៅលេងកន្លែងធ្វើការរបស់ឪពុកនាង
10
។ គាត់ក៏បានអះអាងថា គាត់មិនដែលបានដឹងថា ប្តីគាត់កាន់មុខតំណែងខ្ពស់នៅក្នុងរបបកម្ពុជាប្រជាធិបតេយ្យនោះទេ
11
។ នៅពេលតទល់ជាមួយចម្លើយរបស់ ខៀវ សំផន ដែលថា អ្នកស្រី សូ សុជាតិ គឺជាប្រធានផ្ទះបាយ គាត់អះអាងថាគាត់គ្រាន់តែជាចុងភៅម្នាក់ប៉ុណ្ណោះ
12
។
ព្រឹត្តិការណ៍មុនខែមេសា ឆ្នាំ១៩៧៥
ពីដំបូងអ្នកស្រី សូ សុជាតិ បានអះអាងថា ខៀវ សំផន បានចំណាយពេលមួយខែនៅជាមួយគាត់ និង កូនប្រុសដែលទើបសម្រាល បន្ទាប់ពីត្រឡប់មកពីប្រទេសចិនវិញ
13
។ ក្រោយមកគាត់អះអាងថា ខៀវ សំផន បានត្រឡប់មកប្រទេសកម្ពុជាមួយខែក្រោយពេលកូនប្រុសរបស់គាត់បានកើត និង បានស្នាក់នៅជាមួយពួកគាត់ជាច្រើនខែ
14
។
អ្នកស្រី សូ សុជាតិ ក៏បានអះអាងថា កូនប្រុសទីមួយរបស់គាត់កើតនៅថ្ងៃទី៤ ខែឧសភា ឆ្នាំ១៩៧៤
15
។ នៅពេលតទល់ជាមួយនឹងឯកសារដែលគាត់បានរៀបចំពីមុន ដែលលើកឡើងថា កូនប្រុសគាត់កើតនៅថ្ងៃទី៦ ខែមិថុនា ឆ្នាំ១៩៧៤
16
គាត់អះអាងថាកូនប្រុសគាត់កើតថ្ងៃទី៤ ខែឧសភា ឆ្នាំ១៩៧៤
17
។ ដើមឡើយ គាត់អះអាងថា ឯកសារនោះមិនត្រឹមត្រូវទេ ដោយសារតែកូនប្រុសគាត់បានប្រើ “ថ្ងៃទី៦ ខែមិថុនា ឆ្នាំ១៩៧៤” ជាថ្ងៃខែឆ្នាំកំណើតនៅក្នុងអត្តសញ្ញាណប័ណ្ណ ដូច្នេះគាត់ក៏សម្រេចចិត្តប្រើកាលបរិច្ឆេទដូចគ្នានេះនៅក្នុង ឯកសារដែលបាននិយាយនោះ
18
។ ប៉ុន្តែ ក្រោយមកគាត់អះអាងថា ស្មៀនឃុំនៅការិយាល័យអត្រានុកូលដ្ឋានបានប្រាប់គាត់ថា ប្រសិនបើគាត់មិនចាំច្បាស់អំពីថ្ងៃខែឆ្នាំកំណើត គាត់អាចដាក់កាលបរិច្ឆេទតាមការប៉ាន់ស្មានបាន
19
។ ក្រោយមកគាត់សម្រេចចិត្តប្រើថ្ងៃខែឆ្នាំកំណើតដែលមាននៅក្នុងសំបុត្រកំណើតរបស់កូនប្រុសគាត់
20
។ គាត់ក៏បានលើកឡើងផងដែរថា វាជារឿងធម្មតាទេនៅក្នុងប្រទេសកម្ពុជា ក្នុងការប្តូរផ្លាស់ថ្ងៃខែឆ្នាំកំណើតរបស់ខ្លួន
21
។
អង្គជំនុំជម្រះសាលាដំបូងបានផ្អែកលើសក្ខីកម្មរបស់អ្នកស្រី សូ សុជាតិ ក៏ដូចជាភ័ស្តុតាងផ្សេងទៀតក្នុងការកំណត់ថាតើ ខៀវ សំផន បានចូលរួមការប្រជុំក្នុងខែមិថុនា ឆ្នាំ១៩៧៤ ឬយ៉ាងណា ដែលក្នុងការប្រជុំនោះមេដឹកនាំបក្សកុម្មុយនីស្តកម្ពុជាបានអនុម័តផែនការរំដោះទីក្រុងភ្នំពេញ និង ការជម្លៀសប្រជាជនចេញពីក្រុងភ្នំពេញដោយបង្ខំ
22
។ ដោយពិចារណាលើចម្លើយមិនស៊ីចង្វាក់គ្នា ទាក់ទងនឹងពេលវេលាដែល ខៀវ សំផន ត្រឡប់មកពីប្រទេសចិនវិញ និង រយៈពេលគាត់ស្នាក់នៅជាមួយអ្នកស្រី សូ សុជាតិ ក្រោយគាត់សម្រាលកូនប្រុសដំបូង ក៏ដូចជាហេតុផលដែលគាត់ចង់ជួយប្តីនោះ អង្គជំនុំជម្រះសាលាដំបូងយល់ឃើញថា សក្ខីកម្មរបស់អ្នកស្រី សូ សុជាតិ អំពីទីកន្លែងស្ថិតនៅរបស់ ខៀវ សំផន មិនអាចជឿជាក់បានឡើយ
23
និង បានសន្និដ្ឋានថា ខៀវ សំផន មានវត្តមាននៅក្នុងការប្រជុំក្នុងខែមិថុនា ឆ្នាំ១៩៧៤
24
។
ព្រឹត្តិការណ៍ក្រោយខែមេសា ឆ្នាំ១៩៧៥
អ្នកស្រី សូ សុជាតិ បានចាកចេញពីព្រៃមួយសប្តាហ៍ក្រោយខ្មែរក្រហមកាន់កាប់ទីក្រុងភ្នំពេញ នៅថ្ងៃទី១៧ ខែមេសា ឆ្នាំ១៩៧៥
25
។ ខៀវ សំផន បានចាកចេញមុននេះ ១០ ទៅ ១៥ ថ្ងៃ
26
។ អ្នកស្រី សូ សុជាតិ បានទៅកាន់ ស្តុកតោល ជាកន្លែងគាត់ និង ខៀវ សំផន ជួបគ្នាមួយយប់
27
។ ក្រោយមកអ្នកស្រី សូ សុជាតិ ធ្វើជាចុងភៅនៅស្ថានីយរថភ្លើងក្នុងទីក្រុងភ្នំពេញរយៈពេលប្រហែលមួយសប្តាហ៍
28
។
ក្រោយពីចាកចេញពីស្ថានីយរថភ្លើង អ្នកស្រី សូ សុជាតិ បានឆ្ពោះទៅកាន់ប្រាសាទប្រាក់ ជាកន្លែងដែលគាត់ស្នាក់នៅរយៈពេលប៉ុន្មានខែ
29
។ ក្រោយមក ខៀវ សំផន និង គាត់បានរស់នៅក្នុងមន្ទីរ ក-១
30
។ ខៀវ សំផន និង មេដឹកនាំផ្សេងទៀតភាគច្រើនបានផ្លាស់ទៅមន្ទីរ ក-៣ ហើយអ្នកស្រី សូ សុជាតិ ក៏បានផ្លាស់ទៅដែរ ក្រោយពីសម្រាលកូនទីពីរ
31
។ គាត់បានរំលឹកថា ខៀវ សំផន រស់នៅក្នុងមន្ទីរ ក-៣ រហូតដល់ពេលកងទ័ពវៀតណាមចូលមកដល់ក្នុងឆ្នាំ១៩៧៩
32
។
អ្នកស្រី សូ សុជាតិ បានអះអាងថា ខៀវ សំផន និង គាត់រស់នៅមន្ទីរ ក-៣ ជាមួយមេដឹកនាំជាន់ខ្ពស់ផ្សេងទៀតនៃរបបខ្មែរក្រហម រយៈពេលប្រហែលបួនឬប្រាំខែមុនពេលមេដឹកនាំផ្សេងទៀត លើកលែង ខៀវ សំផន ចាកចេញពីមន្ទីរ ក-៣
33
។ ប៉ុន្តែ អង្គជំនុំជម្រះសាលាដំបូងមិនជឿលើសក្ខីកម្មរបស់គាត់នេះទេ ដោយពិចារណាថា មិនមានសាក្សីណាម្នាក់ដែលបាននិយាយថាបានឃើញ ខៀវ សំផន រស់នៅជាមួយមេដឹកនាំជាន់ខ្ពស់នៅមន្ទីរ ក-៣ បានរៀបរាប់ពីការចាកចេញនេះទេ និង ថានៅក្នុងបទសម្ភាសន៍ ខៀវ សំផន បានថ្លែងថា គាត់រស់នៅជិតៗថ្នាក់ដឹកនាំទាំងនោះ
34
។
ចម្លើយអំពីអត្តចរិតរបស់ ខៀវ សំផន
អ្នកស្រី សូ សុជាតិ រៀបរាប់ថា ខៀវ សំផន គឺជាមនុស្សចេះដឹង ដែលសុភាពរាបសា ចិត្តល្អ និង មានភាពអត់ធ្មត់
35
។ គាត់ក៏អះអាងថា ខៀវ សំផន មិនមែនជាជនឃោរឃៅ និងថា ខៀវ សំផន មិនមានចរិតប្រព្រឹត្តអំពើបន្ទាបបន្ថោកនោះទេ
36
។
អង្គជំនុំជម្រះសាលាដំបូងបានពិចារណាលើសក្ខីកម្មរបស់អ្នកស្រី សូ សុជាតិ ជាសាក្សីអត្តចរិតក្នុងពេលកំណត់ទោស
37
។ ប៉ុន្តែ អង្គជំនុំជម្រះផ្តល់ទម្ងន់តិចតួចលើសក្ខីកម្មរបស់គាត់មកធ្វើជាកត្តាសម្រាលទោសនៅក្នុងការកំណត់ទោស ដោយពិចារណាថា អត្តចរិតល្អដែលបានអះអាងអំពី ខៀវ សំផន មិនអាចយកមកសម្រាលទោសឧក្រិដ្ឋបានច្រើនឡើយ បើគិតពីភាពធ្ងន់ធ្ងរនៃបទឧក្រិដ្ឋនានា ដែលបានរកឃើញថា ខៀវ សំផន មានពិរុទ្ធនោះ
38
។
វីដេអូ
