សុខ រឿ
រហ្សនាម: TCW-665
សំណុំរឿង: សំណុំរឿង ០០២/០១
ប្រភេទ: សាក្សី
សាវតារ និង តួនាទី
លោក សុខ រឿ កើតនៅក្នុងសហគមន៍ជនជាតិទំពូន នៅក្នុងខេត្តរតនគិរី
1
។ គាត់បានផ្តល់សក្ខីកម្មថា គាត់បានឆ្លងកាត់ដំណើរការជ្រើសរើសរបស់ “អង្គការ” ដោយបានផ្លាស់ពីតួនាទីនៅក្នុងភូមិ ទៅ ឃុំ ពី ឃុំ ទៅស្រុក និង ក្រោយមកពីស្រុក ទៅ ខេត្ត
2
។ ចុងក្រោយ គាត់ត្រូវបានជ្រើសរើសទៅធ្វើការនៅភ្នំពេញ ក្នុងអំឡុងរបបខ្មែរក្រហម
3
។ គាត់ធ្វើការដាំបន្លែនៅមន្ទីរ ក-៨
4
។ បួនខែក្រោយពេលគាត់មកដល់ភ្នំពេញ គាត់បានផ្ទេរទៅមន្ទីរ ក-១
5
ជាបរិវេណនៅក្នុងទីក្រុងភ្នំពេញ ដែល ប៉ុល ពត រស់នៅ និង ធ្វើការ
6
។ ក្នុងខែតុលា ឆ្នាំ១៩៧៨ គាត់បានផ្លាស់ទៅមន្ទីរ ក-៣
7
ដែលជាកន្លែងស្នាក់នៅមួយផ្សេងទៀត និង បរិវេណមន្ទីរនៅក្នុងទីក្រុងភ្នំពេញសម្រាប់មេដឹកនាំជាន់ខ្ពស់កម្ពុជាប្រជាធិបតេយ្យ មានដូចជា នួន ជា និង ខៀវ សំផន
8
ហើយគាត់ស្នាក់នៅទីនោះប្រហែលបីខែ។ ការងាររបស់គាត់ភាគច្រើនគឺសម្អាតផ្ទះ ឬយាមច្រកចូល
9
ពេល អ្នកយាមហូបបាយថ្ងៃត្រង់
10
។
ការរៀនភាសាខ្មែរ
យោងតាមសក្ខីកម្មរបស់គាត់ ក្នុងនាមជាជាតិពន្ធុភាគតិច លោក សុខ រឿ មានការលំបាកក្នុងការទំនាក់ទំនងក្នុងអំឡុងពេលរបបខ្មែរក្រហម
11
។ គាត់បានចាប់ផ្តើមរៀនអក្សរ និង រៀននិយាយភាសាខ្មែរដោយមិនមានការសិក្សាផ្លូវការទេ
12
។ គាត់បានយកសៀវភៅអក្សរមួយក្បាលជាប់ខ្លួនស្ទើតែគ្រប់ពេល ហើយគាត់នៅតែបន្តរៀនពេលគាត់នៅភ្នំពេញ គឺរៀនដោយខ្លួនឯងពេលធ្វើការរួច
13
។
អត្តចរិតរបស់ ខៀវ សំផន
លោក សុខ រឿ គឺជាសាក្សីម្នាក់ក្នុងចំណោមសាក្សីប្រាំនាក់ ដែលបានផ្តល់សក្ខីកម្មអំពីអត្តចរិតរបស់ ខៀវ សំផន នៅក្នុងសំណុំរឿង ០០២/០១
14
។ លោក សុខ រឿ បានផ្តល់សក្ខីកម្មថា ពេលដែល ខៀវ សំផន នៅមន្ទីរ ក-៣ លោក សុខ រឿ ធ្វើការនៅផ្នែកផ្សេង
15
។ ប៉ុន្តែ សាក្សីបានស្គាល់ ខៀវ សំផន ច្បាស់
16
នៅពេលគាត់ធ្វើការជាមួយ ខៀវ សំផន ពីឆ្នាំ១៩៨៩ ដល់ឆ្នាំ១៩៩៥ ក្នុងនាមជាអង្គរក្សរបស់គាត់
17
។ ខៀវ សំផន ទទួលបន្ទុកកិច្ចការបរទេស និង បានធ្វើដំណើរចុះឡើងទៅបរទេស
18
។ ពីឆ្នាំ១៩៨៩ ដល់ឆ្នាំ១៩៩៥ ពួកគេបានផ្លាស់ពីកន្លែងមួយទៅមួយ ដូចជា ប៉ៃលិន ភ្នំឆ័ត្រ អន្លង់វែង និង ប្រទេសថៃ
19
។
លោក សុខ រឿ លើកឡើងថា គាត់ “មិនដែលអាក់អន់ចិត្តនឹង ខៀវ សំផន” ទេ
20
ដោយសារ ខៀវ សំផន មិនដែលស្តីបន្ទោសអ្នកក្រោមបង្គាប់ឡើយ
21
។ ខៀវ សំផន បានណែនាំអ្នកក្រោមបង្គាប់អំពីការងាររបស់ខ្លួន និង បានជួយឲ្យចេះទទួលខុសត្រូវចំពោះការងារខ្លួន
22
។ លោក សុខ រឿ បានផ្តល់សក្ខីកម្មថា ខៀវ សំផន បានណែនាំថ្នាក់ក្រោមរបស់គាត់ ជាជាងបង្គាប់បញ្ជាពួកគេ មិនដែលមើលងាយអ្នកក្រ ឬកសិករទេ និងថា គាត់មិនដែលឃើញនរណាម្នាក់អាក់អន់ចិត្តនឹង ខៀវ សំផន ឡើយ
23
។
លោក សុខ រឿ បានផ្តល់សក្ខីកម្មថា ខៀវ សំផន ក៏បានពិភាក្សាជាមួយគាត់អំពីសេដ្ឋកិច្ចទីផ្សារសេរីផងដែរ ការប្រើប្រាស់ក្រដាសប្រាក់ ការបង្កើតចំណូលសម្រាប់គ្រួសារ និង របៀបធ្វើខ្លួនឲ្យបានសមរម្យក្នុងនាមជាពលរដ្ឋ
24
។ ខៀវ សំផន មិនបានចូលរួមក្នុងវគ្គស្វ័យទិតៀនជាមួយកងការពាររបស់គាត់ទេ
25
។ ក្នុងរបបខ្មែរក្រហម លោក សុខ រឿ អះអាងថា គាត់មិនមានការភ័យខ្លាចអ្វីដែលនឹងកើតឡើងចំពោះគាត់នោះទេ
26
។
វីដេអូ
