សយ សែន
រហ្សនាម: 2-TCCP-271
សំណុំរឿង: សំណុំរឿង ០០២/០២
ប្រភេទ: ដើមបណ្តឹងរដ្ឋប្បវេណី
សាវតារ និងតួនាទី
លោក សយ សែន ជាអតីតអ្នកជាប់ឃុំនៅមន្ទីរសន្តិសុខក្រាំងតាចាន់ (“មន្ទីរសន្តិសុខ”) ក្នុងស្រុកត្រាំកក់ ខេត្តតាកែវ បានផ្តល់សក្ខីកម្មក្នុងនាមជាដើមបណ្តឹងរដ្ឋប្បវេណី ក្នុងសំណុំរឿង ០០២/០២ ស្តីពីការឃុំខ្លួនគាត់ និងការសង្កេតផ្សេងទៀតនៅមន្ទីរសន្តិសុខ
1
។ អង្គជំនុំជម្រះសាលាដំបូងបានផ្អែកលើសក្ខីកម្មរបស់លោក សយ សែន ក្នុងការធ្វើការសន្និដ្ឋានលើលក្ខខណ្ឌរស់នៅនៅមន្ទីរសន្តិសុខ
2
ការសួរចម្លើយអ្នកទោស
3
ពលកម្មដោយបង្ខំ
4
និងការសម្លាប់អ្នកទោស
5
។
ការចាប់ខ្លួន និងការឃុំខ្លួន
ក្នុងឆ្នាំ១៩៧៤ ឈ្លបភូមិចាប់លោក សយ សែន និងត្រូវបណ្តើរទៅកាន់មន្ទីរសន្តិសុខ
6
។ អ្នកទោសត្រូវបានគេយកទៅកាន់ច្រកទ្វារខាងកើត ឬខាងលិច
7
។ ពេលទៅដល់ ឈ្លបចុចកណ្តឹង ហើយបុគ្គលិកពីមន្ទីរសន្តិសុខមកទទួលគាត់ពីរបងខាងក្រៅ
8
។ គាត់ជាប់ឃុំនៅក្នុងមន្ទីរសន្តិសុខរហូតដល់ពេលវៀតណាមចូលមកដល់ក្នុងឆ្នាំ១៩៧៩
9
។ លោក សយ សែន អះអាងថា អតីតប្រធានគុក ឈ្មោះ តាឆេន បានស្នើសុំប្រធានថ្មីឈ្មោះ អាន់ ឲ្យទុកជីវិតឲ្យគាត់
10
។
ដំបូងឡើយ មានអគារឃុំខ្លួនចំនួនពីរនៅមន្ទីរសន្តិសុខនេះ ដោយក្រោយមកមានអគារពីរបន្ថែមទៀត
11
។ មានបុគ្គលិក និងទាហានកាន់តែច្រើនមកធ្វើការនៅមន្ទីរសន្តិសុខនេះ ដោយសារតែចំនួនអ្នកទោសកើនឡើងកាន់តែច្រើនឡើងៗ
12
។ គាត់ប៉ាន់ប្រមាណថា មានអ្នកទោសចន្លោះពី ២០ ទៅ ១០០ នាក់ នៅក្នុងអគារនីមួយៗ
13
។ មានបន្ទប់សួរចម្លើយមួយនៅខាងត្បូងបរិវេណខាងក្នុង ដែលមានជញ្ជាំងខាងមុខកម្ពស់ត្រឹមចង្កេះ
14
។ មានរណ្តៅធំតូចតាមរបង ដែលមានដាំដើមដូង ហើយរណ្តៅតូចៗដាក់សាកសពពីរឬបី
15
។ ដោយសារមានកន្លែងកប់សពច្រើនពេកនៅក្នុងបរិវេណគុក សពខ្លះត្រូវគេកប់នៅខាងក្រៅរបង
16
។
អង្គជំនុំជម្រះសាលាដំបូងបានផ្អែកលើសក្ខីកម្មរបស់លោក សយ សែន ក្នុងការសន្និដ្ឋានថា អ្នកទោសត្រូវគេយកទៅក្នុងមន្ទីរសន្តិសុខពីច្រកទ្វារខាងកើត ឬខាងលិច
17
មានបុគ្គលិកកាន់តែច្រើនមកដល់នៅពេលដែលចំនួនអ្នកទោសកើនឡើង
18
និងថាមានរណ្តៅសម្រាប់កប់សពខាងក្នុង និងខាងក្រៅមន្ទីរសន្តិសុខ
19
។
លក្ខខណ្ឌការងារ និងរស់នៅ
អ្នកទោសត្រូវគេដាក់ខ្នោះជើងនៅក្នុងអគារឃុំខ្លួនគ្រប់ពេលវេលា ហើយឱ្យដេកលើកម្រាល
20
។ បន្ទាប់ពីជាប់ឃុំបានមួយខែ លោក សយ សែន ត្រូវបានអនុញ្ញាតឲ្យចេញក្រៅអគារឃុំខ្លួន ដើម្បីធ្វើការ តែគាត់មិនអាចបដិសេធការងារណាដែលគេចាត់ឲ្យគាត់ធ្វើបានទេ
21
។ គាត់ធ្វើការងារកសិកម្មផ្សេងៗ
22
ការងារសម្អាត
23
និងការងារធ្ងន់ផ្សេងៗទៀត
24
ដូចជាកប់សាកសពជាដើម
25
។ លោក សយ សែន បានរៀបរាប់ពីលក្ខខណ្ឌនានានៅមន្ទីរសន្តិសុខថា “វេទនា” ដោយសារអ្នកទោសត្រូវបន្ទោបង់ក្នុងបន្ទប់ឃុំខ្លួន
26
។ គាត់ទទួលរងការវាយដំដោយគ្រាន់តែមានកំហុសតិចតួច និងលួចម្ហូបអាហារ
27
។ អ្នកទោសស្លាប់ដោយសារអត់ឃ្លាន ដោយសារទទួលបានបបរ មាន “តែអង្ករពីរបីគ្រាប់” ហើយអ្នកដែលគេសួរចម្លើយមិនទទួលបានអាហារទេ
28
។ អ្នកទោសត្រូវដាក់ខ្នោះជើង និងបណ្តើរទៅផ្ទះសួរចម្លើយ ដើម្បីសួរចម្លើយម្នាក់ ម្តងៗ
29
ជាកន្លែងដែលអ្នកទោសត្រូវគេវាយដំរហូតទាល់តែព្រមឆ្លើយសារភាព
30
។ គាត់ជាប់ឃុំរយៈពេល ១០ ទៅ ១៤ ថ្ងៃ មុនពេលតាឆេនសួរចម្លើយ ក្នុងវត្តមានអ្នកយាមប្រដាប់អាវុធ ប៉ុន្តែ គាត់បានប៉ាន់ប្រមាណថាមានអ្នកទោសប្រមាណ ១០០ នាក់ ត្រូវបានសម្លាប់ដោយមិនមានការសួរចម្លើយជាមុន ទេ
31
។ តាអាន់ បានដើរមើលកន្លែងសម្លាប់មនុស្ស ខណៈពេលដែលទាហាន និងអ្នកយាមសម្លាប់អ្នកទោស
32
។ គាត់បានឃើញផ្ទាល់ភ្នែកការសម្លាប់កុមារ និងបានឃើញគេព្យួរប្រមាត់របស់កុមារទាំងនោះនៅលើដើមឈើ
33
។
អង្គជំនុំជម្រះសាលាដំបូង យល់ឃើញថាការរៀបរាប់របស់លោក សយ សែន អំពីការមកដល់និងតួនាទីផ្សេងៗរបស់គាត់ និងលក្ខខណ្ឌការងារ ត្រូវបានគាំទ្របញ្ជាក់ដោយភ័ស្តុតាងផ្សេងទៀត
34
។
វីដេអូ
