អ្នកស្រី ធៀវ នាប ហៅ ខៀវ នាប
រហ្សនាម: 2-TCCP-258
សំណុំរឿង: សំណុំរឿង ០០២/០២
ប្រភេទ: ដើមបណ្តឹងរដ្ឋប្បវេណី
សាវតារ និង តួនាទី
អ្នកស្រី ខៀវ នាប រស់នៅក្នុងខេត្តកំពង់ធំ ក្នុងស្រុកកំពង់ស្វាយ ក្រោយដួលរលំរបប លន់ នល់
1
។ នៅឆ្នាំ១៩៧៨ ប្តីគាត់បាននាំគាត់មកស្នាក់នៅជាមួយគាត់នៅភ្នំពេញ នៅទីនោះគាត់ជាកម្មករនៅក្នុងមន្ទីរផ្គត់ផ្គង់រដ្ឋ ដែលមានទំនាក់ទំនងជាមួយមន្ទីរ ៨៧០ ដែលជាមន្ទីរមជ្ឈិមរបស់បក្សកុម្មុយនីស្តកម្ពុជា (ប.ក.ក)។ អ្នកស្រី ខៀវ នាប ធ្វើជាចុងភៅនៅមន្ទីរ ៨៧០
2
។ ក្រោយមកនៅឆ្នាំនោះ គាត់ត្រូវបានគេដកចេញពីការងារ ហើយបញ្ជូនទៅធ្វើស្រែនៅភ្នំពេញ មុននឹងផ្ទេរទៅខេត្តបាត់ដំបង
3
។
អ្នកស្រី ខៀវ នាប បានផ្តល់សក្ខីកម្មនៅចំពោះមុខអង្គជំនុំជម្រះសាលាដំបូងក្នុងនាមដើមបណ្តឹងរដ្ឋប្បវេណីក្នុងសំណុំរឿង ០០២/០២ អំពីការធ្វើបាបអតីតមន្ត្រី លន់ នល់ ការចាប់ខ្លួន និងសម្លាប់សមាជិកគ្រួសារ និងមិត្តរួមការងារនៅគុក ស-២១ និងបទពិសោធន៍របស់គាត់ក្នុងនាមជាស្ត្រីធ្វើស្រែក្នុងពេលកំពុងមានផ្ទៃពោះ
4
។
ការប្រព្រឹត្ត និងការសម្លាប់មន្ត្រីរដ្ឋការរបប លន់ នល់
ក្រោយជ័យជម្នះលើរបប លន់ នល់ នៅថ្ងៃទី១៧ ខែមេសា ឆ្នាំ១៩៧៥ ទាហានខ្មែរក្រហមបានបោកបញ្ឆោត ឈុន ឈឿង ដែលជាឪពុកមារបស់អ្នកស្រី ខៀវ នាប ឱ្យលាតត្រដាងពីឋានៈរបស់គាត់ជាអតីតទាហាន លន់ នល់ ដោយប្រាប់គាត់ថាគាត់អាចត្រឡប់ទៅកាន់តំណែងពីមុនរបស់គាត់វិញបន្ទាប់ពីការបង្ហាញខ្លួនគាត់
5
។ ឈុន ឈឿង ក្រោយមកត្រូវបានចាប់ខ្លួននិងបាត់ខ្លួន
6
។ អ្នកស្រី ខៀវ នាប បានដឹងពីកាលៈទេសៈឈានដល់ការចាប់ខ្លួនឪពុកមារបស់គាត់ពីមនុស្សពីរនាក់ ដែលរស់នៅក្នុងភូមិកំណើតរបស់ឪពុកមាគាត់
7
។ ម្នាក់ឈ្មោះ រ៉ូ បានរស់រានមានជីវិតមួយរយៈព្រោះគាត់មិនចាញ់ការបោកបញ្ឆោតរបស់ទាហានខ្មែរក្រហម
8
។ ប៉ុន្តែ រ៉ូ ក្រោយមកត្រូវបានចាប់ខ្លួនយកទៅ ក្រោយពេលដែលខ្មែរក្រហមបានរកឃើញថាគាត់ក៏ជាអតីតទាហានរបប លន់ នល់
9
។
ប្តីរបស់អ្នកស្រី ខៀវ នាប ឈ្មោះ គង់ ជឺ ហៅ ជឿន និងមិត្តរួមការងាររបស់ប្តីគាត់ឈ្មោះ យ៉េ និង រុន បានបាត់ខ្លួនក្រោយការចាប់ខ្លួនពួកគាត់ក្នុងខែធ្នូ ឆ្នាំ១៩៧៨
10
។ អ្នកស្រី ខៀវ នាប មិនបានដឹងពីមូលហេតុនៅពីក្រោយការចាប់ខ្លួននេះទេ តែគាត់បានដឹងពីកូនប្រុសអាយុបីឆ្នាំរបស់គាត់ដែលបានឃើញហេតុការណ៍នោះ
11
។ គាត់ពន្យល់ថា៖ “ខ្ញុំចាំអង្កាល់ដែលគេចាប់គាត់យកទៅ គឺយប់នោះសម្រាកជាមួយគ្នារាល់ថ្ងៃទេ។ ដល់ពេលព្រឹក វេលាព្រឹកនោះប្រហែលជាពេលវេលាហូបបាយ ម៉ោងមិនដឹងប៉ុន្មានទេ ចូលថាម៉ោងប្រាំពីរ ម៉ោងប្រាំបីមិនដឹង វាយូរហើយ តែប្តីខ្ញុំក៏បាត់ទៅ […] ខ្ញុំសួរថា ចុះឯណាប្តីខ្ញុំ? ទៅមុនបាត់ហើយ។ ដល់ពេលថាទៅមុនបាត់ហើយ ខ្ញុំនេះក៏មិនដឹងថាៗម៉េច បើអីវ៉ាន់នៅលើផ្ទះដំណេកជាមួយនឹងខ្ញុំនេះហើយ។ ព្រោះកូនខ្ញុំនោះ វាអាល័យលេងខាងក្រោយនេះ ខ្ញុំឃើញកូនមកលេង ខ្ញុំស្រែកហៅកូនខ្ញុំមកសួរថា អាទូច ឯណាពុកអ្ហែង កូន? ថា ហ៊ឺទៅជាមួយ ពូរុន, ពូញ៉េ បាត់ហើយ ពុក [...]”
12
។
ប្រធានរបស់ប្តីគាត់ឈ្មោះ វុយ ក៏បាត់ខ្លួនដែរ
13
។ បន្ទាប់ពីបានឃើញបញ្ជីឈ្មោះអ្នកទោសនៅ ស-២១ អ្នកស្រី ខៀវ នាប បានបញ្ជាក់នៅក្នុងតុលាការថា ជឿន, យ៉េ, រុន និង វុយ ត្រូវបានចាប់ខ្លួនបញ្ជូនទៅគុក ស-២១ ហើយត្រូវបានសម្លាប់នៅឆ្នាំ១៩៧៨
14
។
ទុក្ខលំបាករបស់គាត់ក្នុងនាមជាស្ត្រីធ្វើស្រែពេលកំពុងមានផ្ទៃពោះ
មួយថ្ងៃបន្ទាប់ពីការបាត់ខ្លួនប្តី អ្នកស្រី ខៀវ នាប ត្រូវបានបញ្ឈប់ពីការងារ ហើយត្រូវគេបញ្ជូនទៅធ្វើការនៅវត្តជ័យឧត្តម ជាកន្លែងដែលគេបានណែនាំគាត់ឲ្យច្រូតស្រូវពេលកំពុងមានផ្ទៃពោះ
15
។ គាត់បានរៀបរាប់ទៅកាន់តុលាការថា “ខ្ញុំមានផ្ទៃពោះមួយប្រាំពីរខែក្នុងពោះ ក៏ខ្ញុំមិនហ៊ានប្រកែកគេដែរ ព្រោះអីខ្ញុំខ្លាចគេ ប្តីក៏បែក កូនក៏តូច មានផ្ទៃពោះទៀតខ្ញុំអត់ហ៊ានប្រកែកទេ ខ្ញុំធ្វើការរាល់ថ្ងៃនេះដែរ”
16
។
ក្នុងខែកុម្ភៈ ឬមីនា ឆ្នាំ១៩៧៨ គាត់ត្រូវបានបញ្ជូនទៅខេត្តបាត់ដំបង ជាកន្លែងដែលគេចាត់គាត់ឲ្យមើលថែទាំកូនៗរបស់អ្នកធ្វើការនៅឯស្រែ រហូតដល់ពេលគាត់សម្រាលកូនទីពីរ
17
។
វីដេអូ
