បន្តពីសវនការបឋមនៅខែមិថុនា ឆ្នាំ ២០១១ អង្គជំនុំសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នឹងបើកសវនាការបឋមបន្ថែមមួយទៀតលើសំណុំរឿង០០២/០២ ប្រឆាំងនឹងជនជាប់ចោទ នួន ជា និងខៀវ សំផន ដែលនឹងប្រព្រឹត្តទៅនៅក្នុងសាលសវនាការនៃ អ.វ.ត.ក នៅថ្ងៃពុធ ទី៣០ ខែកក្កដា ឆ្នាំ ២០១៤ ចាប់ពីម៉ោង ៩ ព្រឹកតទៅ។ ប្រសិនបើចាំបាច់ សវនាការនេះអាចនឹងបន្តនៅថ្ងៃព្រហស្បតិ៍ ទី៣១ ខែកក្កដាទៀត។
នៅអំឡុវពេលសវនាការបឋមនេះ អង្គជំនុំជម្រះសាលាដំបូងនឹងពិចារណាលើបញ្ហាដូចខាងក្រោម៖
-ការបញ្ជាក់បន្ថែមលើបញ្ហាសំណងរដ្ឋប្បវេណី
-បញ្ហាអញ្ញត្រកម្មនិងការពិនិត្យទៅលើបញ្ហាច្បាប់នានាដែលពាក់ព័ន្ធនឹងសំណុំរឿង ០០២/០២ និង
-ការកំណត់លំដាប់លំដោយនៃកិច្ចដំណើរការនីតិវិធីជំនុំជម្រះក្តីនិងការពិនិត្យបឋមលើសាក្សីដែលមានសក្តានុពលដើមបណ្តឹងរដ្ឋប្បវេណី និងអ្នកជំនាញ។
សវនាការនឹងធ្វើឡើងជាសាធារណៈ។ សាធារណជននិងអ្នកសារព័ត៌មានអាចចូលរួមបាន។ ប្រសិនបើការពិភាក្សាលើសាក្សីដែលមានសក្តានុពល ដើមបណ្តឹងរដ្ឋប្ប
វេណីនិងអ្នកជំនាញត្រូវធ្វើឡើងជាអសាធារណៈនោះសវនាការអសាធារណៈនោះនឹងធ្វើឡើងនៅចុងបញ្ចប់នៃសវនាការ។
សំណុំរឿង០០២/០២គឺជាការជំនុំជម្រះក្តីដំណាក់កាលទី២ ដែលបំបែកចេញមកពីដីកាដំណោះស្រាយ ក្នុងសំណុំរឿង០០២។ អង្គជំនុំជម្រះសាលាដំបូងបានសម្រេច
បំបែកបទចោទនៅក្នុងសំណុំរឿង ០០២ ឲ្យទៅជាការជំនុំជម្រះក្តីពីរ ឬច្រើន ជាមួយការជំនុំជម្រះក្តីដំណាក់កាលទី១ ដែលបានផ្តល់នូវមូលដ្ឋានគ្រឹះសម្រាប់ការជំនុំជម្រះក្តីបន្ត
បន្ទាប់ហើយនឹងចេញសាលក្រមលើបទចោទដែលពាក់ព័ន្ធតាមដំណាក់កាលនីមួយៗ។ ជនជាប់ចោទគឺ នួន ជា អតីត អនុលេខាបក្សកុម្មុយនិស្តកម្ពុជា និងខៀវ សំផនអតីតប្រមុខរដ្ឋនៃរបបកម្ពុជាប្រជាធិបតេយ្យ។
បទចោទនៅក្នុងសំណុំរឿង ០០២/០២ រួមមានបទឧក្រិដ្ឋកម្មប្រល័យពូជសាសន៍ចំពោះជនជាតិចាមនិងវៀតណាម ការរំំលោភបំពានយ៉ាងធ្ងន់ធ្ងរលើអនុសញ្ញាទីក្រុង
ហ្សឺណែវឆ្នាំ ១៩៤៩ និងឧក្រិដ្ឋកម្មប្រឆាំងនឹងមនុស្សជាតិ។ បទចោទទាំងនេះមានមូលដ្ឋានលើការចោទប្រកាន់ទាក់ទងនឹងមន្ទីរសន្តិសុខចំនួន ៤ ការដ្ឋានការងារចំនួន ៣ និងសហករណ៍ចំនួនមួយ។ សំណុំរឿង ០០២/០២ គឺជាការបន្តនីតិវិធីពីសំណុំរឿង ០០២/០១។ សាលក្រមលើ សំណុំរឿង ០០២/០១ នឹង ត្រូវប្រកាសនៅថ្ងៃទី៧ ខែសីហា ឆ្នាំ ២០១៤។
សវនាការបឋមបន្ថែមលើសំណុំរឿង ០០២/០២ ប្រឆាំងនឹង ជនជាប់ចោទ នួន ជា និងខៀវ សំផន នឹងប្រព្រឹត្តទៅនៅថ្ងៃទី៣០ ខែកក្កដា ឆ្នាំ ២០១៤
Most read
- បុគ្គលិក អ.វ.ត.ក ចូលរួមបកប្រែសាលដីកាទាក់ទងសំណុំរឿងព្រះវិហារដល់ពលរដ្ឋខ្មែរ
នៅពេលដែលតុលាការយុត្តិធម៌អន្តរជាតិ (ICJ) ប្រកាសសេចក្តីសម្រេចរបស់ខ្លួនទាក់ទងនឹងសំណុំរឿងប្រាសាទព្រះវិហារនៅទីក្រុងឡាអេ កាលពីថ្ងៃច័ន្ទ ទី១២ ខែវិច្ឆិកា ឆ្នាំ ២០១៣ អ្នកបកប្រែភាសា ៤រូបមកពីអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ក៏បានបកប្រែ…
- វីដេអូឯកសារទាក់ទងនឹងសំណុំរឿង ០០២/០១
ឯកសារវីដេអូថ្មីរយៈពេល ២៥ នាទីបានផលិតឡើងដោយផ្នែកកិច្ចការសាធារណៈជាបណ្តុំនៃសម្រង់ផ្សេងៗចេញពីការជំនុំជម្រះក្តីលើសំណុំរឿង ០០២/០១ ប្រឆាំងនឹងជនជាប់ចោទ ខៀវ សំផន និងនួន ជា។
- សហព្រះរាជអាជ្ញាស្នើឲ្យផ្តន្ទាទោសដាក់ពន្ធនាគារមួយជីវិតចំពោះជនជាប់ចោទ ខៀវ សំផន និងនួន ជា
នៅពេលបញ្ចប់ការធ្វើសេចក្តីសន្និដ្ឋានបញ្ចប់របស់ខ្លួន ថ្ងៃទី២១ ខែតុលា ឆ្នាំ ២០១៣ សហព្រះរាជអជ្ញាជាតិ លោកជំទាវ ជា លាង បានស្នើសុំអង្គជំនុំជម្រះសាលាដំបូង ដាក់ទោសទណ្ឌចំពោះជនជាប់ចោទ ខៀវ សំផន និង នួន ជា ចំពោះការចោទប្រកាន់ពីឧក្រិដ្ឋកម្មប្រឆាំងនឹងមនុស្សជាតិ…
- សហព្រះរាជអាជ្ញាស្នើសុំឲ្យមានការដាក់ទណ្ឌកម្មលើក្រុមមេធាវីការពារក្តីជនជាប់ចោទ ខៀវ សំផន
នៅក្នុងអំឡុងពេលសវនាការនៅថ្ងៃទី១៨ ខែកក្កដា ឆ្នាំ ២០១៣ តំណាងសហព្រះរាជអាជ្ញាបានស្នើសុំអង្គជំនុំជម្រះសាលដំបូងដាក់ទណ្ឌកម្មលើក្រុមមេធាវីការពារក្តីឲ្យ ជនជាប់ចោទ ខៀវ សំផន ចំពោះការបង្ហាញដែលពួកគេបានធ្វើឡើងនៅក្នុងលិខិតជូនការីនិពន្ធចុះផ្សាយនៅក្នុងកាសែត ភ្នំពេញ…