លោក មាន លឿយ
លោក មាន លឿយ អាយុ ៦១ឆ្នាំ ជាព្រះសង្ឃមុនរបបខ្មែរក្រហម។ គាត់ត្រូវបានគេបង្ខំអោយផ្សឹក ហើយបង្ខំឱ្យរៀបការក្រោមរបបខ្មែរក្រហម។ គាត់បានបាត់បង់ប្រពន្ធថ្មីរបស់គាត់ និងសមាជិកជាច្រើនក្នុងគ្រួសារគាត់។ គាត់បានរៀបរាប់ពីរបៀបដែលព្រះសង្ឃត្រូវបានពិពណ៌នាថាជា "ដង្កូវ" នៅក្រោមរបបខ្មែរក្រហម និងបានចែករំលែកពីរបៀបដែលកុមារពីរនាក់ក្នុងគ្រួសាររបស់គាត់ (អាយុ ៤ និង ៥ ឆ្នាំ) ត្រូវបានកាត់បំពង់ក។ លោកបានបញ្ជាក់ថា អាពាហ៍ពិពាហ៍របស់លោកគឺជាផ្នែកមួយនៃពិធីមួយសម្រាប់គូស្វាមីភរិយាចំនួន ៦៣ គូ ដែលភាគច្រើនមិនដែលស្គាល់គូស្រកររបស់ពួកគេ និងមិនបានជួបគ្នាពីមុនមក។ លោកបានបន្តថា គូស្នេហ៍ទាំងពីរបានចំណាយពេលពីរបីយប់ជាមួយគ្នាមុនពេលត្រូវបន្តការងារ។ គូស្វាមីភរិយានៅទីបំផុតបានរស់នៅដាច់ដោយឡែកពីគ្នា ប៉ុន្តែត្រូវបានអនុញ្ញាតឱ្យទៅលេងប្រចាំខែ។ លោកថា លោកនឹកឃើញភរិយាដែលលោកថាលោកស្រឡាញ់ ហើយអាចមានផ្ទៃពោះពេលគាត់ស្លាប់ ដោយធ្វើពិធីបុណ្យពុទ្ធសាសនាប្រចាំឆ្នាំដើម្បីរំលឹកដល់នាង។ លោកថា លោកអាចរួចផុតពីការឈឺចាប់ និងទុក្ខលំបាកដែលលោកបានជួបក្នុងរបបខ្មែរក្រហមពេលលោកធ្វើសមាធិ និងចូលរួមក្នុងពិធីសាសនា។
- Witness acronym :
2-TCCP-994
- Age at the time of testimony :
61
- Appeared as :
- សំណុំរឿង : សំណុំរឿង ០០២, សំណុំរឿង ០០២/០២,
- Date(s) of testimony :