អនុលោមតាមវិធាន ៥៦(២)(ក) នៃវិធានផ្ទៃក្នុង សហចៅក្រមស៊ើបអង្កេតនៃអង្គជំនុំជម្រះវិសាមញ្ញក្នុងតុលាការកម្ពុជា សូមផ្តល់ព័ត៌មានដូចខាងក្រោម៖
១) គិតមកត្រឹមថ្ងៃទី១៨ ខែឧសភា ឆ្នាំ២០១១នេះ អង្គភាពគាំពារជនរងគ្រោះបានទទួលពាក្យសុំតាំងខ្លួនជាដើមបណ្តឹងរដ្ឋប្បវេណីនៅក្នុងសំណុំរឿង ០០៣ ចំនួន ៣១៨ពាក្យសុំ។
២) ពាក្យសុំតាំងខ្លួនជាដើមបណ្តឹងរដ្ឋប្បវេណីទាំងអស់នឹងត្រូវពិនិត្យដោយអង្គភាពគាំពារជនរងគ្រោះ ដោយអនុលោមតាមសេចក្តីណែនាំអនុវត្តស្តីអំពីការចូលរួមរបស់ជនរងគ្រោះ មុននឹងមានការបញ្ជូនមកការិយាល័យសហចៅក្រមស៊ើបអង្កេត។ ដោយយោងទៅលើវិធាន ២៣ស្ទួន (២) និង (៣) នៃវិធានផ្ទៃក្នុង សហចៅក្រមស៊ើបអង្កេតនឹងធ្វើការសម្រេចលើភាពអាចទទួលយកបាននៃពាក្យសុំទាំងនោះ យ៉ាងយូរបំផុតនៅពេលចេញដីកាដំណោះស្រាយ។
៣) សហចៅក្រមស៊ើបអង្កេតបានទទួលសំណើមួយរបស់សហព្រះរាជអាជ្ញា សុំឲ្យមានការពន្យារថេរវេលានៃការដាក់ពាក្យសុំតាំងខ្លួនជាដើមបណ្តឹងរដ្ឋប្បវេណី ចំនួនប្រាំមួយសប្តាហ៍។ សេចក្តីសម្រេចស្តីអំពីសំណើសុំនេះនឹងត្រូវធ្វើឡើងក្នុងពេលដ៏ខ្លីខាងមុខនេះ។
៤) អនុលោមតាមវិធាន ៦៧.១ នៃវិធានផ្ទៃក្នុង នៅចុងបញ្ចប់នៃការស៊ើបសួរ សហចៅក្រមស៊ើបអង្កេតនឹងធ្វើការបង្ហាញនូវគ្រប់អង្គហេតុពាក់ព័ន្ធទាំងអស់ ក៏ដូចជាអំពីការវាយតម្លៃផ្នែកច្បាប់នៃអង្គហេតុនៅក្នុងដីកាដំណោះស្រាយមួយដែលមានសំអាងហេតុត្រឹមត្រូវ។ ដីកាដំណោះស្រាយគឺជាដីកាសម្រេចមួយដែលនឹងត្រូវធ្វើឡើងជាសាធារណៈ ដូច្នេះគ្រប់បុគ្គលដែលមានចំណាប់អារម្មណ៍នឹងដំណើរការរបស់ អ.វ.ត.ក ទាំងអស់នឹងអាចទទួលបាននូវដីកានេះ។
១) គិតមកត្រឹមថ្ងៃទី១៨ ខែឧសភា ឆ្នាំ២០១១នេះ អង្គភាពគាំពារជនរងគ្រោះបានទទួលពាក្យសុំតាំងខ្លួនជាដើមបណ្តឹងរដ្ឋប្បវេណីនៅក្នុងសំណុំរឿង ០០៣ ចំនួន ៣១៨ពាក្យសុំ។
២) ពាក្យសុំតាំងខ្លួនជាដើមបណ្តឹងរដ្ឋប្បវេណីទាំងអស់នឹងត្រូវពិនិត្យដោយអង្គភាពគាំពារជនរងគ្រោះ ដោយអនុលោមតាមសេចក្តីណែនាំអនុវត្តស្តីអំពីការចូលរួមរបស់ជនរងគ្រោះ មុននឹងមានការបញ្ជូនមកការិយាល័យសហចៅក្រមស៊ើបអង្កេត។ ដោយយោងទៅលើវិធាន ២៣ស្ទួន (២) និង (៣) នៃវិធានផ្ទៃក្នុង សហចៅក្រមស៊ើបអង្កេតនឹងធ្វើការសម្រេចលើភាពអាចទទួលយកបាននៃពាក្យសុំទាំងនោះ យ៉ាងយូរបំផុតនៅពេលចេញដីកាដំណោះស្រាយ។
៣) សហចៅក្រមស៊ើបអង្កេតបានទទួលសំណើមួយរបស់សហព្រះរាជអាជ្ញា សុំឲ្យមានការពន្យារថេរវេលានៃការដាក់ពាក្យសុំតាំងខ្លួនជាដើមបណ្តឹងរដ្ឋប្បវេណី ចំនួនប្រាំមួយសប្តាហ៍។ សេចក្តីសម្រេចស្តីអំពីសំណើសុំនេះនឹងត្រូវធ្វើឡើងក្នុងពេលដ៏ខ្លីខាងមុខនេះ។
៤) អនុលោមតាមវិធាន ៦៧.១ នៃវិធានផ្ទៃក្នុង នៅចុងបញ្ចប់នៃការស៊ើបសួរ សហចៅក្រមស៊ើបអង្កេតនឹងធ្វើការបង្ហាញនូវគ្រប់អង្គហេតុពាក់ព័ន្ធទាំងអស់ ក៏ដូចជាអំពីការវាយតម្លៃផ្នែកច្បាប់នៃអង្គហេតុនៅក្នុងដីកាដំណោះស្រាយមួយដែលមានសំអាងហេតុត្រឹមត្រូវ។ ដីកាដំណោះស្រាយគឺជាដីកាសម្រេចមួយដែលនឹងត្រូវធ្វើឡើងជាសាធារណៈ ដូច្នេះគ្រប់បុគ្គលដែលមានចំណាប់អារម្មណ៍នឹងដំណើរការរបស់ អ.វ.ត.ក ទាំងអស់នឹងអាចទទួលបាននូវដីកានេះ។