រាជធានីភ្នំពេញ ថ្ងៃទី ១២ ខែតុលា ឆ្នាំ២០១១
កាលពីដើមសប្តាហ៍នេះ សហចៅក្រមស៊ើបអង្កេតអន្តរជាតិបានប្រកាសអំពីការលាលែងតំណែងរបស់ខ្លួន។ ការលាលែងរបស់សហចៅក្រមអន្តរជាតិនេះគឺជារឿងមួយដែលភ្ញាក់ផ្អើលបំផុតសម្រាប់រូបខ្ញុំ។ នាពេលកន្លងមកនេះ ទំនាក់ទំនងការងាររវាងសហចៅក្រមស៊ើបអង្កេតអន្តរជាតិ និងរូបខ្ញុំជាសហចៅក្រមស៊ើបអង្កេតជាតិ បានដំណើរការទៅយ៉ាងរលូនប្រកបដោយស្មារតីទទួលខុសត្រូវខ្ពស់ និងឈរលើគោលការណ៍ច្បាប់និងវិធានផ្ទៃក្នុងរបស់ អ.វ.ត.ក ជាមូលដ្ឋាន បើទោះបីជាមានការចោទប្រកាន់តាមរយៈការបំផ្លើសព័ត៌មានប្រាស់ចាកពីការពិតពីមជ្ឈដ្ឋានខាងក្រៅមួយចំនួនក៏ដោយ។
ដូចដែលមានផ្សាយជូនជាប្រចាំនៅក្នុងរបាយការណ៍ប្រចាំខែរបស់ អ.វ.ត.ក និងសេចក្តីប្រកាសព័ត៌មានរបស់សហចៅក្រមស៊ើបអង្កេត សហចៅក្រមទាំងពីរបាននិងកំពុងធ្វើចំណាត់ការនីតិវិធីលើសំណុំរឿង ០០៣ និង ០០៤ ជាពិសេសកិច្ចស៊ើបសួរ ការស្តាប់ចម្លើយសាក្សីសំខាន់ៗ និងការចុះទៅពិនិត្យទីតាំងប្រព្រឹត្តឧក្រិដ្ឋកម្មមួយចំនួនដែលត្រូវបានធ្វើឡើងដោយឯករាជ្យនិងគ្មានឧបសគ្គរារាំង ដោយការិយាល័យសហចៅក្រមស៊ើបអង្កេត ។ កិច្ចនីតិវិធីទាំងនេះគឺជាការអនុវត្តនូវទស្សនាទានរួមរបស់សហចៅក្រមស៊ើបអង្កេតទាំងពីរ ពោលគឺការផ្តោតការស៊ើបសួរលើយុត្តាធិការបុគ្គល ដូចដែលមានបញ្ជាក់នៅក្នុងសេចក្តីប្រកាសព័ត៌មានរួមគ្នាចុះថ្ងៃទី ០៨ ខែសីហា ឆ្នាំ២០១១ ទាក់ទងទៅនឹងដើមបណ្តឹងរដ្ឋប្បវេណីនៅក្នុងសំណុំរឿង ០០៤ និងរបាយការណ៍របស់ អ.វ.ត.ក ប្រចាំខែកញ្ញាឆ្នាំ 20១១។
ទោះបីជាមានការព្យាយាមបំផ្លើសព័ត៌មាននៅតាមបណ្តាសារព័ត៌មានមួយចំនួនទាក់ទងទៅនឹងចំណាត់ការនីតិវិធីនិងសេចក្តីសម្រេចរបស់សហចៅក្រមស៊ើបអង្កេតក៏ដោយ ក៏សហចៅក្រមស៊ើបអង្កេតជាតិនៅតែអះអាងថា ខ្លួននឹងបន្តបំពេញការងាររបស់ការិយាល័យសហចៅក្រមស៊ើបអង្កេតដោយឯករាជ្យ និងឈរលើមូលដ្ឋានច្បាប់និងវិធានផ្ទៃក្នុងជាមូលដ្ឋាន ហើយប្រយុទ្ធប្រឆាំងទៅនឹងរាល់ការប៉ុនប៉ងជ្រៀតជ្រែកនានាពីគ្រប់មជ្ឈដ្ឋានទាំងអស់។
កាលពីដើមសប្តាហ៍នេះ សហចៅក្រមស៊ើបអង្កេតអន្តរជាតិបានប្រកាសអំពីការលាលែងតំណែងរបស់ខ្លួន។ ការលាលែងរបស់សហចៅក្រមអន្តរជាតិនេះគឺជារឿងមួយដែលភ្ញាក់ផ្អើលបំផុតសម្រាប់រូបខ្ញុំ។ នាពេលកន្លងមកនេះ ទំនាក់ទំនងការងាររវាងសហចៅក្រមស៊ើបអង្កេតអន្តរជាតិ និងរូបខ្ញុំជាសហចៅក្រមស៊ើបអង្កេតជាតិ បានដំណើរការទៅយ៉ាងរលូនប្រកបដោយស្មារតីទទួលខុសត្រូវខ្ពស់ និងឈរលើគោលការណ៍ច្បាប់និងវិធានផ្ទៃក្នុងរបស់ អ.វ.ត.ក ជាមូលដ្ឋាន បើទោះបីជាមានការចោទប្រកាន់តាមរយៈការបំផ្លើសព័ត៌មានប្រាស់ចាកពីការពិតពីមជ្ឈដ្ឋានខាងក្រៅមួយចំនួនក៏ដោយ។
ដូចដែលមានផ្សាយជូនជាប្រចាំនៅក្នុងរបាយការណ៍ប្រចាំខែរបស់ អ.វ.ត.ក និងសេចក្តីប្រកាសព័ត៌មានរបស់សហចៅក្រមស៊ើបអង្កេត សហចៅក្រមទាំងពីរបាននិងកំពុងធ្វើចំណាត់ការនីតិវិធីលើសំណុំរឿង ០០៣ និង ០០៤ ជាពិសេសកិច្ចស៊ើបសួរ ការស្តាប់ចម្លើយសាក្សីសំខាន់ៗ និងការចុះទៅពិនិត្យទីតាំងប្រព្រឹត្តឧក្រិដ្ឋកម្មមួយចំនួនដែលត្រូវបានធ្វើឡើងដោយឯករាជ្យនិងគ្មានឧបសគ្គរារាំង ដោយការិយាល័យសហចៅក្រមស៊ើបអង្កេត ។ កិច្ចនីតិវិធីទាំងនេះគឺជាការអនុវត្តនូវទស្សនាទានរួមរបស់សហចៅក្រមស៊ើបអង្កេតទាំងពីរ ពោលគឺការផ្តោតការស៊ើបសួរលើយុត្តាធិការបុគ្គល ដូចដែលមានបញ្ជាក់នៅក្នុងសេចក្តីប្រកាសព័ត៌មានរួមគ្នាចុះថ្ងៃទី ០៨ ខែសីហា ឆ្នាំ២០១១ ទាក់ទងទៅនឹងដើមបណ្តឹងរដ្ឋប្បវេណីនៅក្នុងសំណុំរឿង ០០៤ និងរបាយការណ៍របស់ អ.វ.ត.ក ប្រចាំខែកញ្ញាឆ្នាំ 20១១។
ទោះបីជាមានការព្យាយាមបំផ្លើសព័ត៌មាននៅតាមបណ្តាសារព័ត៌មានមួយចំនួនទាក់ទងទៅនឹងចំណាត់ការនីតិវិធីនិងសេចក្តីសម្រេចរបស់សហចៅក្រមស៊ើបអង្កេតក៏ដោយ ក៏សហចៅក្រមស៊ើបអង្កេតជាតិនៅតែអះអាងថា ខ្លួននឹងបន្តបំពេញការងាររបស់ការិយាល័យសហចៅក្រមស៊ើបអង្កេតដោយឯករាជ្យ និងឈរលើមូលដ្ឋានច្បាប់និងវិធានផ្ទៃក្នុងជាមូលដ្ឋាន ហើយប្រយុទ្ធប្រឆាំងទៅនឹងរាល់ការប៉ុនប៉ងជ្រៀតជ្រែកនានាពីគ្រប់មជ្ឈដ្ឋានទាំងអស់។