រចនាសម្ព័ន្ធ អ.វ.ត.ក

ការិយាល័យរដ្ឋបាល

ការិយាល័យរដ្ឋបាលស្ថិតនៅក្រោមការដឹកនាំរបស់ ឯកឧត្ដម ក្រាញ់ តូនី ជាប្រធានស្ដីទី និងលោក Knut Rosandhaug ជាអនុប្រធាន ។ ប្រធាននិងអនុប្រធានទាំងពីររូបរួមគ្នាផ្ដល់កិច្ចសម្របសម្រួលទូទៅ និងការណែនាំសម្រាប់ផ្នែកនិងអង្គភាពផ្សេងៗនៅក្រោមចំណុះការិយាល័យរដ្ឋបាល ដើម្បីធានានូវការគាំទ្រពេញទំហឹងដល់ដំណើរការតុលាការ ។ អានបន្ដ...

ផ្នែកតុលាការ

អង្គបុរេជំនុំជម្រះមានភារកិច្ច​ជំនុំជម្រះក្តី​ពាក់ព័ន្ធនឹង​សំណើសុំ និង​បណ្តឹងសាទុក្ខ​ប្រឆាំងនឹង​សេចក្តីសម្រេច​ណាមួយ​របស់​សហចៅក្រម​ស៊ើបអង្កេត​ក្នុង​អំឡុងពេល​ដែល​សំណុំរឿង​កំពុងស្ថិត​ក្នុង​ដំណាក់កាល​ស៊ើបអង្កេត។ អង្គបុរេជំនុំជម្រះ​មានចៅក្រម​ជាតិបីរូប និង​ចៅក្រម​អន្តរជាតិ​ពីររូប ហើយ​រាល់ការ​សម្រេចចិត្ត​ត្រូវតែ​មានការ​អនុម័ត​ពីចៅក្រម​បួនរូប​យ៉ាងតិច។ អានបន្ដ...

សហចៅក្រមស៊ើបអង្កេត

សហចៅក្រមស៊ើបអង្កេតស៊ើបអង្កេតការពិតដែលបានកំណត់នៅក្នុងដីកាសន្និដ្ឋានបញ្ជូនរឿងឱ្យស៊ើបសួរនិងបន្ថែមពីសហព្រះរាជអាជ្ញា។ បន្ទាប់ពីការស៊ើបអង្កេតត្រូវបានបញ្ចប់សហចៅក្រមស៊ើបអង្កេតនឹងចេញដីកាដំណោះស្រាយដែលមានដីកាបញ្ជូនរឿងទៅជំនុំជម្រះឬចេញដីកាទម្លាក់បទចោទ អានបន្ដ...

ការិយាល័យ​សហ​ព្រះ​រាជអាជ្ញា

ការិយាល័យសហព្រះរាជអាជ្ញា (ក.ស.ព) គឺជា​ការិយាលយ័​ឯករាជ្យ​មួយ​នៅក្នុង​អង្គជំនុំជម្រះ​វិសាមញ្ញ​ក្នុង​តុលាការ​កម្ពុជា(អ.វ.ត.ក)។ ក.ស.ព អនុវត្ត​កាតព្វកិច្ច​របស់​ខ្លួន​ដោយ​គ្មាន​ការ​ជ្រៀតជ្រែក​ពី​រដ្ឋាភិបាល​ឬ​ស្ថាប័ន​ណាមួយ​ឡើយ។ តួនាទី​របស់ ក.ស.ព គឹ​ដើម្បី​ចោទ​ប្រកាន់មេដឹកនាំ​​ជាន់ខ្ពស់​ខ្មែរក្រហម និង​ជន​ទាំងឡាយ​ដែល​ទទួល​ខុសត្រូវ​ខ្ពស់​បំផុត​ចំពោះ​ឩក្រិដ្ឋកម្ម​ដែល​បាន​ប្រព្រឹត្ត​ឡើង​នៅក្នុង​រយៈកាល​នៃ​កម្ពុជា​ប្រជាធិបតេយ្យ។ ក.ស.ព បើក​ការ​ស៊ើបអង្កេត​បឋម ធ្វើការ​ចោទ​ប្រកាន់ ចាត់ការ​លើ​បណ្ដឹង​របស់​ជនរងគ្រោះ ចូលរួម​នៅ​ក្នុង​កិច្ច​ស៊ើបសួរ​របស់​សហ​ចៅក្រម​ស៊ើបអង្កេត​ដំណាក់​កាល​អង្គ បុរេជំនុំជម្រះ អង្គជំនុំជំនុំជម្រះ​សាលា​ដំបូង និង​តុលាការ​កំពូល។ អានបន្ដ...

អង្គភាពគាំពារការការពារក្ដី

តួនាទី​របស់​អង្គភាព​គាំពារ​ការ​ការពារក្ដី​គឺ​ធានា​ការ​ជំនុំជម្រះ​ក្ដី​ប្រកប​ដោយ​យុត្ដិធម៌ តាមរយៈ​ការ​ការពារ​ជន​ជាប់ចោទ​ប្រកប​ដោយ​ប្រសិទ្ធិភាព។ អង្គភាព​គាំពារ​ការ​ការពារក្ដី​ទទួល​ខុសត្រូវ​ផ្ដល់​ដល់​ជនជាប់ចោទ​ដែល​ក្រីក្រ​នូវ​បញ្ជីរ​ឈ្មោះ​​​មេធាវី​ដែល​អាច​ការពារ​ពួកគេ និង​ផ្ដល់​ជំនួយ​ផ្នែកច្បាប់​និង​កិច្ច​គាំពារ​ផ្នែក​រដ្ឋបាល​ដល់​​មេធាវី​​ដែល​ចាត់តាំង​ឧិ្យ​ការពារ​រឿងក្ដី រួមទាំង​ការ​ផ្តល់​ប្រាក់​កម្រៃ​ផងដែរ។ អង្គភាព​នេះ​ក៏មាន​តួនាទី​បញ្ចេញ​សំឡេង​តំណាង​ឧិ្យ​អង្គភាព​គាំពារ​ការ​ការពារក្ដី​នៅក្នុង​វេទិកា​សាធារណៈ ​ នៅក្នុង​បណ្តាញ​សារព័រមាន ក្នុង​ទំនាក់ទំនង​ជាមួយ​ស្ថាប័ន​តុលាការ​ដទៃ​ទៀត ​និង​ជាមួយ​អង្គការ​ក្រៅ​រដ្ឋាភិបាល និង​រៀបចំ​វគ្គ​បណ្ដុះបណ្ដាល​និង​កម្មវិធី​ហ្វឹកហាត់​ការងារ​សម្រាប់​មេធាវី​ដែល​ទើប​នឹង​បញ្ចប់​ការសិក្សា។ អានបន្ដ...

អង្គភាពគាំពារ​ជន​រង​គ្រោះ

នវានុវត្តន៍ដ៏សំខាន់មួយរបស់អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) គឺការទទួលស្គាល់កាន់តែខ្លាំងចំពោះជនរងគ្រោះនៅក្នុងដំណើរការនីតិវិធីរបស់ខ្លួន។ ជនរងគ្រោះនៃឧក្រិដ្ឋកម្មនានាដែលស្ថិតក្នុងយុត្តាធិការរបស់តុលាការនេះ ទទួលបានតួនាទីជាសារវ័ន្តនៅអ.វ.ត.ក។ ជនរងគ្រោះអាចដាក់ពាក្យបណ្តឹងទៅសហព្រះរាជអាជ្ញា ដែលយកផលប្រយោជន៍របស់ជនរងគ្រោះទៅពិចារណា នៅពេលដែលខ្លួនគិតថាត្រូវផ្តួចផ្តើមការចោទប្រកាន់ឬយ៉ាងណា នោះ។ ជនរងគ្រោះក៏អាចចូលរួមក្នុងនាមជាដើមបណ្តឹងរដ្ឋប្បវេណីផងដែរ។ ក្នុងតួនាទីនេះ ជនរងគ្រោះត្រូវបានទទួលស្គាល់ជាភាគីក្នុងដំណើរការនីតិវិធី និងត្រូវបានអនុញ្ញាតឲ្យទាមទារសំណងផ្លូវចិត្ត និងសមូហភាព។ ការទទួលស្គាល់បែបនេះឆ្លុះបញ្ចាំងនូវការប្តេជ្ញាចិត្តរបស់អ.វ.ត.ក ចំពោះអាណត្តិរបស់ខ្លួន ក្នុងការជួយដល់ប្រជាជនកម្ពុជាស្វែងរកយុត្តិធម៌ និងការផ្សះផ្សារជាតិ ដូចមានចែងក្នុងបុព្វកថានៃកិច្ចព្រមព្រៀងរវាងអង្គការសហប្រជាជាតិ និងរាជរដ្ឋាភិបាលកម្ពុជាទាក់ទងនឹងការកាត់សេចក្តីនៅក្រោមច្បាប់កម្ពុជានូវឧក្រិដ្ឋកម្មដែលប្រព្រឹត្ត ឡើងនៅក្នុងរយៈកាលនៃកម្ពុជាប្រជាធិបតេយ្យ។ អានបន្ដ....

សហមេធាវីនាំមុខតំណាងដើមបណ្តឹងរដ្ឋប្បវេណី

ផ្នែកសហមេធាវីនាំមុខតំណាងដើមបណ្តឹងរដ្ឋប្បវេណីត្រូវបានបង្កើតឡើងដោយអនុលោមតាមវិធាន ១២ និងវិធាន ១២ ស្ទួន នៃវិធានផ្ទៃក្នុងរបស់ អ.វ.ត.ក.។ វាមានភាពស្វយ័តទាក់ទងនឹងបញ្ហាសំខាន់ៗដែលទាក់ទងនឹងដើមបណ្តឹងរដ្ឋប្បវេណី។ មាន​សហមេធាវីនាំមុខតំណាងដើមបណ្តឹងរដ្ឋប្បវេណីម្នាក់និងជនជាតិខ្មែរម្នាក់ ហើយពួកគេត្រូវបានគាំទ្រដោយមន្រ្តីច្បាប់និងអ្នកគ្រប់គ្រងសំណុំរឿង។ ពួកគេត្រូវធ្វើសកម្មភាពរួមគ្នាក្នុងគ្រប់ករណីទាំងអស់លុះត្រាតែពួកគេបានសម្រេចចិត្ដរួមគ្នាប្រគល់សិទ្ធិដល់សហមេធាវីនាំមុខតំណាងដើមបណ្តឹងរដ្ឋប្បវេណីដើម្បីដោះស្រាយបញ្ហាណាមួយ។ អានបន្ដ...

E