អង្គភាពគាំពារការការពារក្តី
តួនាទីរបស់អង្គភាពគាំពារការការពារក្ដីគឺធានាការជំនុំជម្រះក្ដីប្រកបដោយយុត្ដិធម៌ តាមរយៈការការពារជនជាប់ចោទប្រកបដោយប្រសិទ្ធិភាព។ អង្គភាពគាំពារការការពារក្ដីទទួលខុសត្រូវផ្ដល់ដល់ជនជាប់ចោទដែលក្រីក្រនូវបញ្ជីរឈ្មោះមេធាវីដែលអាចការពារពួកគេ និងផ្ដល់ជំនួយផ្នែកច្បាប់និងកិច្ចគាំពារផ្នែករដ្ឋបាលដល់មេធាវីដែលចាត់តាំងឧិ្យការពាររឿងក្ដី រួមទាំងការផ្តល់ប្រាក់កម្រៃផងដែរ។ អង្គភាពនេះក៏មានតួនាទីបញ្ចេញសំឡេងតំណាងឧិ្យអង្គភាពគាំពារការការពារក្ដីនៅក្នុងវេទិកាសាធារណៈ នៅក្នុងបណ្តាញសារព័រមាន ក្នុងទំនាក់ទំនងជាមួយស្ថាប័នតុលាការដទៃទៀត និងជាមួយអង្គការក្រៅរដ្ឋាភិបាល និងរៀបចំវគ្គបណ្ដុះបណ្ដាលនិងកម្មវិធីហ្វឹកហាត់ការងារសម្រាប់មេធាវីដែលទើបនឹងបញ្ចប់ការសិក្សា។
អង្គភាពគាំពារការការពារក្ដីមានបុគ្គលិកជាមេធាវីព្រហ្មទណ្ឌជាតិនិងអន្ដរជាតិដែលមានបទពិសោធន៏ ព្រមទាំងបុគ្គលិកជំនួយការរដ្ឋបាល ជំនួយការភាសា និងអ្នកហ្វឹកហាត់ការងារ។
ការស្រាវជ្រាវនិងការវិភាគ
អង្គភាពគាំពារការការពារក្ដីដំណើរការស្រាវជ្រាវនិងវិភាគផ្នែកច្បាប់យ៉ាងស៊ីជម្រៅសម្រាប់សហមេធាវីដែលបានចាត់តាំងឧិ្យការពាររឿងក្ដី ដើម្បីផ្ដល់ជំនួយរៀបចំសេចក្ដីសំអាងហេតុនៅចំពោះមុខតុលាការ។
ការការពារក្ដី
ជនជាប់ចោទនៅចំពោះមុខអង្គជំនុំជម្រះវិសាមញ្ញត្រូវបានការពារដោយក្រុមមេធាវី។ ដើម្បីឲ្យមានតុល្យភាពជាមួយសហព្រះរាជអាជ្ញា ជនជាប់ចោទមួយរូបៗអាចមានសហមេធាវីពីរនាក់ ក្នុងនោះម្នាក់ជាសហមេធាវីជាតិ និងម្នាក់ទៀតជាសហមេធាវីអន្តរជាតិ។ សហមេធាវីទទួលបានជំនួយក្នុងការងាររបស់ខ្លួនពីទីប្រឹក្សាច្បាប់និងអ្នកគ្រប់គ្រងសំណុំរឿងដែលជាជនជាតិកម្ពុជានិងបរទេស។
ជំនួយការនៅក្នុងការអនុវត្ដការងារ
ក្រុមការពារក្ដីបានទទួលការិយាល័យសម្រាប់ធ្វើការងារនៅក្នុងអង្គភាពគាំពារការការពារក្ដី ។ គម្រោងផ្តល់ជំនួយផ្នែកច្បាប់របស់អង្គជំនុំជម្រះវិសាមញ្ញ បង្កើតឡើងដើម្បីផ្ដល់សមភាពជាមួយអយ្យការក្នុងក្របខណ្ឌប្រាក់កម្រៃនិងប្រសិទ្ធិភាពនៃការងារ ។
បណ្តុះបណ្តាលអនាគតមេធាវី
កម្មវិធីហ្វឹកហាត់ការងារនៅអង្គភាពគាំពារការការពារក្ដីជាឱកាសដ៏វិសេសវិសាលសម្រាប់មេធាវីជំនាន់ថ្មី ក្នុងការអនុវត្ដចំណេះដឹងដែលពួកគេទទួលបាន តាមរយៈការងារជាក់ស្តែងដែលអនុវត្តច្បាប់ព្រហ្មទណ្ឌអន្ដរជាតិ។
ការកសាងសមត្ថភាព
អង្គភាពគាំពារការការពារក្ដីសហការជាមួយគណៈមេធាវីនៃព្រះរាជាណាចក្រកម្ពុជា បើកវគ្គបណ្ដុះបណ្ដាលដល់មេធាវីដែលមានបំណងការពារក្ដីនៅចំពោះមុខអង្គជំនុំជម្រះវិសាមញ្ញ ។
បញ្ចេញមតិតំណាងឧិ្យក្រុមការពារក្ដី
អង្គភាពគាំពារការការពារក្ដីត្រូវធានាថា តួនាទីរបស់មេធាវីការពារក្ដីត្រូវបានពន្យល់ទៅកាន់សាធារណជន តាមរយៈការផ្តល់វគ្គបណ្ដុះបណ្ដាលដល់អង្គការក្រៅរដ្ឋភិបាលនិងតំណាងសារព័ត៌មាន អំពីតួនាទីនិងសារសំខាន់នៃការការពារក្ដី និងតាមរយៈកិច្ចសហការផ្សព្វផ្សាយតាមប្រព័ន្ធសារព័ត៌មាន។
ព័ត៏មានទាក់ទង
រូបភាពទាក់ទង
-
ទស្សនកិច្ចរបស់និស្សិតច្បាប់នៃសាកលវិទ្យាល័យ ឡេដិន -
ទស្សនកិច្ចរបស់សមាជិក Rotary Peace នៅអ.វ.ត.ក -
ទស្សនកិច្ចរបស់សមាជិក Rotary Peace នៅអ.វ.ត.ក -
ទស្សនកិច្ចរបស់សមាជិក Rotary Peace នៅអ.វ.ត.ក -
ទស្សនកិច្ចរបស់សមាជិក Rotary Peace នៅអ.វ.ត.ក -
ការផ្តល់បទឧទ្ទេសនាមដល់សិស្សានុសិស្សនៅវិទ្យាល័យអន្លង់វែង -
ការផ្តល់បទឧទ្ទេសនាមដល់សិស្សានុសិស្សនៅវិទ្យាល័យអន្លង់វែង -
ការផ្តល់បទឧទ្ទេសនាមដល់សិស្សានុសិស្សនៅវិទ្យាល័យអន្លង់វែង