ចៅក្រម ម៉ាក ប្រាយអិន ហាម៉ុន
មុនពេលត្រូវបានតែងតាំងជាសហចៅក្រមស៊ើបអង្កេតអន្តរជាតិនៅ អ.វ.ត.ក លោក ហាម៉ុន បានបម្រើការជាមេធាវីជាន់ខ្ពស់នៅតុលាការឧក្រិដ្ឋកម្មអន្តរជាតិសម្រាប់អតីតប្រទេសយូហ្គោស្លាវី (ICTY) អស់រយៈពេល១៧ឆ្នាំ។ លោកបានដឹកនាំក្រុមរដ្ឋអាជ្ញានៅក្នុងសំណុំរឿង Krajišnik, Krstić, Blaškić និងនៅក្នុងសំណុំរឿងមួយចំនួនទៀតដែលជនជាប់ចោទយល់ព្រមទទួលយកពិរុទ្ធភាព ដូចជា Plavšić, Deronjić, Bralo, Erdemović និង Češić។ មុនពេលបម្រើការងារនៅ ICTY លោកគឺជាមេធាវីនៅការិយាល័យយុត្តិធម៌សម្រាប់សហរដ្ឋអាមេរិក នៅទីក្រុងវ៉ាស៊ីនតោន និងជាអនុប្រធានក្រុមអ្នកការពារក្តីនៅតុលាការសាន់តាក្លារ៉ានៃរដ្ឋកាលីហ្វ័រញ៉ា។
លោក ហាម៉ុន ទទួលសញ្ញាប័ត្របណ្ឌិតផ្នែកច្បាប់នៅឆ្នាំ១៩៧១ ពីសាលាច្បាប់ Hastings នៃសាកលវិទ្យាល័យកាលីហ្វ័រញ៉ា និងក្លាយជាសមាជិកសមាគមគណៈមេធាវីកាលីហ្វ័រញ៉ាតាំងពីឆ្នាំ១៩៧២។ លោក ហាម៉ុន ក៏បានបង្រៀននិស្សិតនៅ Interregional Crime and Justice Research Institute របស់អង្គការសហប្រជាជាតិ និងនៅសាលាច្បាប់នៃសាកលវិទ្យាល័យ ស្តេនហ្វដ។ ជាងនេះទៅទៀត លោកក៏បាននិពន្ធនិងបោះពុម្ពផ្សាយសៀវភៅមួយចំនួនស្តីអំពីច្បាប់ឧក្រិដ្ឋកម្មអន្តរជាតិ និងស្តីអំពី ICTY។
- សញ្ជាតិ : អាមេរិក
- ការិយាល័យ : ការិយាល័យសហចៅក្រមស៊ើបអង្កេត,
- តួនាទី : សហចៅក្រមស៊ើបអង្កេតអន្តរជាតិ