គម្រោងដំណាក់កាលទី ២ ដែលមានឈ្មោះ «ការជំរុញឲ្យមានសមភាពយេនឌ័រ និង ការបង្កើនឲ្យទទួលបានយុត្តិធម៌ដល់អ្នករួចជីវិតជាស្ត្រី និងធ្លាប់ជាជនរងគ្រោះនៃហឹង្សាយេនឌ័រ ក្នុងរបបខ្មែរក្រហម» ដែលបានចាប់ផ្តើមអនុវត្តនៅខែមករា ឆ្នាំ ២០១៦ មក បានបិទបញ្ចប់ក្នុងពេលថ្មីៗកន្លងមកនេះហើយ។
ក្នុងរយៈពេល បីឆ្នាំ និង បួនខែ គម្រោងត្រូវបានអនុវត្តផ្អែកតាមវិស័យបួនសំខាន់ ដូចជា ១) ការទទួលបាននូវយុត្តិធម៌ និងការចូលរួមរបស់ជនរងគ្រោះ ២) អន្តរាគមន៍ពាក់ព័ន្ធនឹងសុខភាពផ្លូវចិត្ត ៣) ការបង្កើនការយល់ដឹង និង ៤) ការបង្កើនសមត្ថភាពលើផ្នែកយេនឌ័រ។ នៅក្នុងបរិបទនេះ គម្រោងបានជួយដើមបណ្តឹងរដ្ឋប្ប វេណីជាស្រ្តី និងអ្នករួចជីវិតពីហឹង្សាយេនឌ័រផ្សេងទៀតចំនួន២២០០ នាក់ឲ្យមកចូលរួមក្នុងនីតិវិធី អ.វ.ត.ក ផ្តល់ ការព្យាបាលផ្លូវចិត្តដល់អ្នករួចជីវិតប្រហែលជា ៣០០ នាក់ ធ្វើការផ្សព្វផ្សាយ និងអប់រំដល់មនុស្សរាប់ពាន់នាក់ ជាពិសេស យុវវ័យជំនាន់ក្រោយ និងបានផ្តល់វគ្គសិក្សាស្តីពីការយល់ដឹងយេនឌ័រដល់មេធាវី មន្ត្រីផ្នែកច្បាប់ និង បុគ្គលិកអង្គការមិនមែនរដ្ឋាភិបាលជាច្រើននាក់។ ព័ត៌មានបន្ថែម សូមពិនិត្យនៅក្នុងរបាយការណ៍វាយតម្លៃគម្រោង ចុងក្រោយដែលអាចរកបាតាមរយៈតំណភ្ជាប់៖
https://eccc.gov.kh/sites/default/files/reports/Executive%20Summary%20in%20Khmer.pdf
គម្រោងនេះត្រូវបានអនុវត្ត ក្រោមកម្មវិធីវិធានការក្រៅបច្ចេកទេសតុលាការរបស់ អ.វ.ត.ក ដោយអង្គភាពជនរងគ្រោះនៃ អ.វ.ត.ក សហការជាមួយនឹងអង្គការចិត្តសង្គមអន្តរវប្បធម៌ (TPO) និង បានការឧបត្ថម្ភផ្នែកហិរញ្ញវត្ថុដោយមូលនិធិអង្គការសហប្រជាជាតិដើម្បីលុបបំបាត់អំពើហឹង្សាលើស្ត្រី (UNTF) ៕