ថ្ងៃទី២៦ ខែឧសភា ឆ្នាំ ២០១១
ដោយពិនិត្យឃើញការភ័ន្តច្រឡំមួយចំនួនដែលមាននៅក្នុងអត្ថបទដែលមានចំណងជើងថា “Cambodia’s troubled tribunal” ដែលបានចុះផ្សាយនៅថ្ងៃទី ២៥ ខែឧសភា ឆ្នាំ២០១១ ក្នុង International Justice Tribune ក៏ដូចជាការភ័ន្តច្រឡំផ្សេងទៀតដែលមាននៅក្នុងអត្ថបទសារព័ត៌មាននានា សហចៅក្រមស៊ើបអង្កេត អ.វ.ត.ក. សូមធ្វើការបំភ្លឺដូចខាងក្រោម៖
១) ពាក់ព័ន្ធនឹងការចោទប្រកាន់ដែលថា “សហចៅក្រមស៊ើបអង្កេតកំពុងគំរាមសហព្រះរាជអាជ្ញាអន្តរជាតិជាមួយនឹងបទល្មើសនៃការប្រមាថតុលាការ”៖ សហចៅក្រមស៊ើបអង្កេតមិនធ្លាប់បានធ្វើការគំរាមយ៉ាងដូច្នេះឡើយ ហើយក៏មិនធ្លាប់មានសកម្មភាពបង្ហាញថា សហចៅក្រមស៊ើបអង្កេតកំពុងពិចារណាអំពីបញ្ហានោះដែរ។ ការចោទប្រកាន់ខាងលើនេះគ្រាន់តែជាពាក្យចចាមអារ៉ាមដែលមានគំនិតព្យាបាទធ្វើឡើងក្នុងគោលបំណងដើម្បីរំខានដល់ការសហការល្អនៅក្នុងតុលាការតែប៉ុណ្ណោះ។
២) ចំពោះការលើកឡើងដែលថា “ជាមួយនឹងស្ថានភាពវិវត្តនេះ តុលាការកំពុងធ្វើដំណើរឆ្ពោះទៅរកការបែកបាក់មួយដែលមិនអាចស្រោចស្រង់បាន”៖ ដោយហេតុថា អង្គជំនុំជម្រះតុលាការកំពូលបានជំនុំជម្រះលើបណ្តឹងសាទុក្ខនៅក្នុងសំណុំរឿង ០០១ និងអង្គជំនុំជម្រះសាលាដំបូងបានកំណត់យកពេលវេលាសម្រាប់រៀបចំសវនាការបឋមនៅក្នុងសំណុំរឿង ០០២ ចាប់ពីថ្ងៃទី ២៧ ដល់ថ្ងៃទី៣០ ខែមិថុនា ឆ្នាំ២០១១ ហើយដោយហេតុថា អង្គបុរេជំនុំជម្រះបានដំណើរការដោយជោគជ័យចំពោះការងារជំនុំជម្រះលើបណ្តឹងឧទ្ធរណ៍ដែលមានចំនួនច្រើនជាង ១៧០០ និងម្យ៉ាងទៀតដោយហេតុថាការិយាល័យសហចៅក្រមស៊ើបអង្កេតនិងការិយាល័យសហព្រះរាជអាជ្ញាកំពុងបន្តបំពេញការងារជាធម្មតា (ទោះបីជាមានការខ្វែងយោបល់គ្នាលើទិដ្ឋភាពមួយចំនួនក៏ដោយ) ការលើកឡើងដែលថា តុលាការកំពុងធ្វើដំណើរឆ្ពោះទៅរកការប៉ះទង្គិចមួយដែលមិនអាចស្រោចស្រង់បានគឺជាការលើកឡើងដែលមិនមានមូលដ្ឋានត្រឹមត្រូវឡើយ។
៣) ការលើកឡើងដែលថា “តុលាការកំពុងស្ថិតនៅក្នុងស្ថានភាពគ្រោះថ្នាក់ជិតដួលរលំ” និង “អនាគតរបស់តុលាការកំពុងស្ថិតនៅក្នុងស្ថានភាពមិនច្បាស់លាស់” គឺមិនមានលក្ខណៈត្រឹមត្រូវនិងសមស្របនឹងស្ថានភាពពិតនោះឡើយ។
សហចៅក្រមស៊ើបអង្កេតបាននិងបំពេញការងាររបស់ខ្លួនដោយឯករាជ្យ ដោយមិនមានការជ្រៀតជ្រែកពីមជ្ឈដ្ឋានខាងក្រៅឡើយ ហើយសហចៅក្រមស៊ើបអង្កេតនឹងបន្តប្រឆាំងនឹងរាល់ការប៉ុនប៉ងជ្រៀតជ្រែកនានា ក៏ដូចជាប្តេជ្ញាចិត្តការពារឯករាជ្យភាពតុលាការ ប្រឆាំងនឹងរាល់ការជ្រៀតជ្រែកពីសំណាក់មជ្ឈដ្ឋានខាងក្រៅទោះបីជាមកពីមជ្ឈដ្ឋានណាក៏ដោយ។
ដោយពិនិត្យឃើញការភ័ន្តច្រឡំមួយចំនួនដែលមាននៅក្នុងអត្ថបទដែលមានចំណងជើងថា “Cambodia’s troubled tribunal” ដែលបានចុះផ្សាយនៅថ្ងៃទី ២៥ ខែឧសភា ឆ្នាំ២០១១ ក្នុង International Justice Tribune ក៏ដូចជាការភ័ន្តច្រឡំផ្សេងទៀតដែលមាននៅក្នុងអត្ថបទសារព័ត៌មាននានា សហចៅក្រមស៊ើបអង្កេត អ.វ.ត.ក. សូមធ្វើការបំភ្លឺដូចខាងក្រោម៖
១) ពាក់ព័ន្ធនឹងការចោទប្រកាន់ដែលថា “សហចៅក្រមស៊ើបអង្កេតកំពុងគំរាមសហព្រះរាជអាជ្ញាអន្តរជាតិជាមួយនឹងបទល្មើសនៃការប្រមាថតុលាការ”៖ សហចៅក្រមស៊ើបអង្កេតមិនធ្លាប់បានធ្វើការគំរាមយ៉ាងដូច្នេះឡើយ ហើយក៏មិនធ្លាប់មានសកម្មភាពបង្ហាញថា សហចៅក្រមស៊ើបអង្កេតកំពុងពិចារណាអំពីបញ្ហានោះដែរ។ ការចោទប្រកាន់ខាងលើនេះគ្រាន់តែជាពាក្យចចាមអារ៉ាមដែលមានគំនិតព្យាបាទធ្វើឡើងក្នុងគោលបំណងដើម្បីរំខានដល់ការសហការល្អនៅក្នុងតុលាការតែប៉ុណ្ណោះ។
២) ចំពោះការលើកឡើងដែលថា “ជាមួយនឹងស្ថានភាពវិវត្តនេះ តុលាការកំពុងធ្វើដំណើរឆ្ពោះទៅរកការបែកបាក់មួយដែលមិនអាចស្រោចស្រង់បាន”៖ ដោយហេតុថា អង្គជំនុំជម្រះតុលាការកំពូលបានជំនុំជម្រះលើបណ្តឹងសាទុក្ខនៅក្នុងសំណុំរឿង ០០១ និងអង្គជំនុំជម្រះសាលាដំបូងបានកំណត់យកពេលវេលាសម្រាប់រៀបចំសវនាការបឋមនៅក្នុងសំណុំរឿង ០០២ ចាប់ពីថ្ងៃទី ២៧ ដល់ថ្ងៃទី៣០ ខែមិថុនា ឆ្នាំ២០១១ ហើយដោយហេតុថា អង្គបុរេជំនុំជម្រះបានដំណើរការដោយជោគជ័យចំពោះការងារជំនុំជម្រះលើបណ្តឹងឧទ្ធរណ៍ដែលមានចំនួនច្រើនជាង ១៧០០ និងម្យ៉ាងទៀតដោយហេតុថាការិយាល័យសហចៅក្រមស៊ើបអង្កេតនិងការិយាល័យសហព្រះរាជអាជ្ញាកំពុងបន្តបំពេញការងារជាធម្មតា (ទោះបីជាមានការខ្វែងយោបល់គ្នាលើទិដ្ឋភាពមួយចំនួនក៏ដោយ) ការលើកឡើងដែលថា តុលាការកំពុងធ្វើដំណើរឆ្ពោះទៅរកការប៉ះទង្គិចមួយដែលមិនអាចស្រោចស្រង់បានគឺជាការលើកឡើងដែលមិនមានមូលដ្ឋានត្រឹមត្រូវឡើយ។
៣) ការលើកឡើងដែលថា “តុលាការកំពុងស្ថិតនៅក្នុងស្ថានភាពគ្រោះថ្នាក់ជិតដួលរលំ” និង “អនាគតរបស់តុលាការកំពុងស្ថិតនៅក្នុងស្ថានភាពមិនច្បាស់លាស់” គឺមិនមានលក្ខណៈត្រឹមត្រូវនិងសមស្របនឹងស្ថានភាពពិតនោះឡើយ។
សហចៅក្រមស៊ើបអង្កេតបាននិងបំពេញការងាររបស់ខ្លួនដោយឯករាជ្យ ដោយមិនមានការជ្រៀតជ្រែកពីមជ្ឈដ្ឋានខាងក្រៅឡើយ ហើយសហចៅក្រមស៊ើបអង្កេតនឹងបន្តប្រឆាំងនឹងរាល់ការប៉ុនប៉ងជ្រៀតជ្រែកនានា ក៏ដូចជាប្តេជ្ញាចិត្តការពារឯករាជ្យភាពតុលាការ ប្រឆាំងនឹងរាល់ការជ្រៀតជ្រែកពីសំណាក់មជ្ឈដ្ឋានខាងក្រៅទោះបីជាមកពីមជ្ឈដ្ឋានណាក៏ដោយ។