នៅថ្ងៃទី២៦ ខែមេសា ឆ្នាំ២០២៤ ឯកអគ្គរដ្ឋទូតមិកសិកកូដែលមាននិវេសដ្ឋាននៅទីក្រុងបាងកក ប្រទេសថៃ លោកជំទាវ Ilse Liliana Ferrer Silva បានអញ្ជើញមកបំពេញទស្សនកិច្ចនៅមជ្ឈមណ្ឌលធនធាន អ.វ.ត.ក។ ក្នុងអំឡុងពេលបំពេញទស្សនៈកិច្ចនោះ ថ្នាក់ដឹកនាំនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) រួមមាន ឯកឧត្តម ក្រាញ់ តូនី ប្រធានរដ្ឋបាលស្តីទី លោក ឃ្នុត រ៉ូស្សីនហ៊ក អនុប្រធានរដ្ឋបាល និងឯកឧត្តម ថោង សុជាតិ មន្ត្រីគ្រប់គ្រងជាន់ខ្ពស់នៃ អ.វ.ត.ក. បានទទួលស្វាគមន៍យ៉ាងកក់ក្ដៅ និងធ្វើបទបង្ហាញជូនលោកជំទាវអំពីសមិទ្ធិផល កេរដំណែល និងមុខងាររបស់ អ.វ.ត.ក. ក្នុងដំណាក់កាលសេសសល់។ គណៈគ្រប់គ្រង អ.វ.ត.ក. ក៏បានបង្ហាញលោកស្រីឯកអគ្គរដ្ឋទូតនូវសាលពហុបំណង (សាលសវនាការ) មជ្ឈមណ្ឌលធនធាន បណ្ណសារ និងមជ្ឈមណ្ឌលធនធានចល័តផងដែរ។
