សេចក្តី​ថ្លែងការណ៍​របស់​សហព្រះរាជអាជ្ញា​

សហ​ព្រះរាជអាជ្ញា​​ ធ្វើសេចក្តីថ្លែងការណ៍​នេះឡើង​ពាក់ព័ន្ធនឹង​​របាយការណ៍​នានា​​ក្នុងពេលថ្មីៗនេះ​​អំពីសុចរិតភាព​របស់ ​អ.វ.ត.ក ​និងស្ថាប័នទាំង​ឡាយ​របស់ខ្លួន​ ។

អង្គជំនុំជម្រះ​វិសាមញ្ញ​ក្នុងតុលាការ​កម្ពុជា ​ត្រូវបានបង្កើត​ឡើងតាមរយៈ​កិច្ចព្រមព្រៀង​រវាង​ព្រះរាជាណាចក្រ​កម្ពុជា​និង​អង្គការ​សហប្រជាជាតិ ។ ច្បាប់របស់​ប្រទេស​នេះ ​ដែលបង្កើត​តុលាការនេះ​ក្នុងឆ្នាំ​២០០៣​ ដាក់លក្ខខណ្ឌ​យ៉ាងច្បាស់​ដល់ចៅក្រម ​និងសហព្រះរាជអាជ្ញា​របស់តុលាការនេះ​ ត្រូវមាន​ឯករាជ្យភាព​នៅក្នុងការ​បំពេញ​ភារៈកិច្ច​របស់ខ្លួន​ព្រមទាំង​អនុវត្តសកម្មភាព​ទាំងឡាយ​ប្រកបដោយ​សុចរិតភាព ​និងមិនលំអៀង ​។ គ្រប់កិច្ច​របស់​តុលាការ និងរបស់ការិយាល័យអយ្យការមានជាអាទិ៍ៈ​ ​ការពិនិត្យបឋម ​កិច្ចស៊ើបសួរ ​ការចោទប្រកាន់​ សាលក្រម​ ការកាត់ទោស ​និងការផ្តល់សំណង​ជាសមូហភាព ​និងខាងផ្លូវចិត្តក្តី​ត្រូវតែអនុវត្តដោយ​គិតគួរដល់​ផលប្រយោជន៍​នៃយុត្តិធម៌​ និងទៅតាមច្បាប់​ ។

អ.វ.ត.ក គឺជាកិច្ច​សហការ​ដ៏ពិសេសតែមួយ​គត់រវាង​ព្រះរាជាណាចក្រ​កម្ពុជា ​និងអង្គការ​សហប្រជាជាតិ ​។ អង្គជំនុំជម្រះ​នេះ​ បានប្រគល់​សិទ្ធិអំណាច​​​ក្នុងការផ្តល់យុត្តិធម៌​ទៅឲ្យទាំង​មន្ត្រី​កម្ពុជាផង ​និងទាំងមន្ត្រី​អន្តរជាតិផង ​ដែលបំរើការងារ​រួមជាមួយគ្នា​ ។ អង្គជំនុំជម្រះ​នេះគឺជា​ តុលាការ​ឧក្រិដ្ឋកម្ម​កូនកាត់ដំបូង​គេបង្អស់​ដែល នៅក្នុង​នេះ ចៅក្រមជាតិមានចំនួនភាគច្រើន។

រចនាសម្ព័ន្ធនេះរបស់តុលាការបង្ហាញឲ្យឃើញអំពីកំរិតនៃការជឿទុកចិត្តដែលសហគមន៍អន្តរជាតិ បានមាន​មកលើ ព្រះរាជាណាចក្រកម្ពុជា ​។ មានប្រជាជន​កម្ពុជា​រាប់លាននាក់​បានទទួលរង​ទុក្ខវេទនា​ និងស្លាប់ ​នៅក្រោមគោល​នយោបាយរបស់​កម្ពុជាប្រជាធិបតេយ្យ​ ។ ឧក្រិដ្ឋកម្មទាំងនេះ ​បានធ្វើឲ្យស្លុត​រន្ធត់ដល់សតិសម្បជ្ជញៈ​របស់មនុស្សជាតិ ។​ ដោយសារតែ​ អ.វ.ត.ក គឺជាចម្លើយតបដ៏គួរឲ្យកោតស្ញប់ស្ញែងរបស់ប្រទេសកម្ពុជា​តាងនាមឲ្យប្រជាជន​របស់ខ្លួនផ្ទាល់នោះ ​ក៏ជាសញ្ញា​ដ៏ខ្លាំងក្លាមួយនៃសេចក្តីសង្ឃឹមរបស់ពិភពលោកផងដែរ​ ។ យើងទាំងអស់គ្នា​ដែល​បំរើ​ការងារ​នៅ​ក្នុង​តុលាការ​នេះ​​គឺមានបន្ទុកទទួល​ខុសត្រូវមួយយ៉ាងធ្ងន់ធ្ងរ។

អ.វ.ត.ក អាចគ្រាន់តែ​មានប្រសិទ្ធភាព​ដូចជា​គោលការណ៍​នានា​ដែលញ៉ាំង​មន្ត្រីផ្លូវការទាំងឡាយ​របស់ខ្លួន ​និងអ្នកគាំទ្រ​ជាច្រើនរបស់ខ្លួន​ប៉ុណ្ណោះ - ដោយការ​បញ្ចេញ​សំឡេង ​និងដោយការ​ស្ងៀមស្ងាត់ ​- ក្នុង​ចំណោមប្រជាជនកម្ពុជា​ រាជរដ្ឋាភិបាល ​និង ​អង្គការសហប្រជាជាតិ​។ ថ្ងៃនេះ​ ការិយាល័យ​របស់យើងខ្ញុំ​ដោយមាន ការគាំទ្រយ៉ាងពេញ​ទំហឹង​ពីសំណាក់​បុគ្គលិករបស់ខ្លួន​ ទាំងផ្នែកជាតិ​ និងអន្តរជាតិ សូមធ្វើការបញ្ជាក់សាជាថ្មីថែមទៀតនូវ​ការប្ដេជ្ញា​ចិត្ត​របស់ខ្លួនក្នុងការបំពេញ មុខងារ​របស់ខ្លួន ​ទៅតាមការបង្គាប់​បញ្ជារបស់សម្បជញ្ញៈ​ និង ​សុចរិតភាព ​ហើយនិងក្នុងការលើក​ស្ទួយនូវ​ធម្មាធិបតេយ្យ​ ៕