បន្ទាប់ពីទទួលបានការតែងតាំងនៅថ្ងៃទី១ ខែធ្នូ ឆ្នាំ២០១០ សហចៅក្រមស៊ើបអង្កេតអន្តរជាតិនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បានបន្តការស៊ើបអង្កេតលើសំណុំរឿង ០០៣ និង ០០៤ ដោយរំពឹងថាអ្វីដែលត្រូវបានលើកឡើងនៅក្នុងសារព័ត៌មានថាជាសម្តីរបស់នាយករដ្ឋមន្ត្រីកម្ពុជា ដែលជម្រាបជូនលោកអគ្គលេខាធិការអង្គការសហប្រជាជាតិ បាន គីមូន ថា “នឹងមិនអនុញ្ញាតឲ្យមានសំណុំរឿងទាំងពីរនេះ” មិនបានឆ្លុះបញ្ចាំងពីគោលនយោបាយទូទៅរបស់រាជរដ្ឋាភិបាលកម្ពុជាទេ។
ទោះជាយ៉ាងណាក៏ដោយ នៅថ្ងៃទី១០ ខែឧសភា ឆ្នាំ២០១១ រដ្ឋមន្ត្រីក្រសួងព័ត៌មាននៃប្រទេសកម្ពុជា បានមានប្រសាសន៍ថា “ប្រសិនបើពួកគេចង់ដំណើរការរឿងក្តី ០០៣ និង ០០៤ ពួកគេគួរតែរៀបចំឥវ៉ាន់ ហើយចាកចេញ”។ បើទោះបីជាសហចៅក្រមស៊ើបអង្កេតអន្តរជាតិបានផ្តើមនីតិវិធីស្តីពីការប្រមាថតុលាការប្រឆាំងនឹង រដ្ឋមន្រ្តីក្រសួងព័ត៌មាន ហើយលោករំពឹងថាការធ្វើដូច្នេះនឹងជាការព្រមានដល់មន្ត្រីដទៃទៀតនៃរដ្ឋាភិបាល កាលពីសប្តាហ៍កន្លងទៅនេះ រដ្ឋមន្រ្តីក្រសួងការបរទេសកម្ពុជាត្រូវបានលើកឡើងនៅក្នុងសារព័ត៌មាន ថាបាន ថ្លែងថា “ការចាប់ខ្លួនអតីតមេដឹកនាំខ្មែរក្រហមបន្ថែមទៀតគឺជារឿងរបស់កម្ពុជា។ រឿងនេះត្រូវតែសម្រេច ដោយកម្ពុជា។” (កាសែតខេមបូឌាដេលី ថ្ងៃទី៥ ខែតុលា ឆ្នាំ២០១១)
បើទោះបីជាសហចៅក្រហមស៊ើបអង្កេតអន្តរជាតិមិនដាក់ខ្លួនគាត់ឲ្យស្ថិតនៅក្រោមឥទ្ធិពលនៃការលើកឡើងខាងលើនេះក៏ដោយក៏នៅតែមានភាពមន្ទិលសង្ស័យទៅលើលទ្ធភាពរបស់លោកក្នុងការទ្រាំទ្រ នឹងសម្ពាធពីមន្ត្រីរាជរដ្ឋាភិបាល និងលទ្ធភាពក្នុងការបំពេញការងាររបស់លោកដោយឯករាជ្យ ហើយក៏បង្កឲ្យមានមន្ទិលសង្ស័យចំពោះសុចរិតភាពនៃដំណើរការទាំងមូលរបស់តុលាការក្នុងសំណុំរឿង ០០៣ និង ០០៤ ដែរ។
ដោយសារតែការលើកឡើងម្តងហើយម្តងទៀតទាំងនេះដែលនឹងធ្វើឲ្យគេយល់ឃើញថាជាការប៉ុនប៉ងជ្រៀតជ្រែករបស់មន្រ្តីរដ្ឋាភិបាលនៅក្នុងដំណើរការសំណុំរឿង០០៣ និង ០០៤ សហចៅក្រមស៊ើបអង្កេតអន្តរជាតិ កាលពីថ្ងៃទី៩ ខែតុលា ឆ្នាំ ២០១១ បានបញ្ជូនពាក្យសុំលាលែងពីតួនាទីរបស់លោកទៅ លោកអគ្គលេខាធិការអង្គការសហប្រជាជាតិ។
ទោះជាយ៉ាងណាក៏ដោយ នៅថ្ងៃទី១០ ខែឧសភា ឆ្នាំ២០១១ រដ្ឋមន្ត្រីក្រសួងព័ត៌មាននៃប្រទេសកម្ពុជា បានមានប្រសាសន៍ថា “ប្រសិនបើពួកគេចង់ដំណើរការរឿងក្តី ០០៣ និង ០០៤ ពួកគេគួរតែរៀបចំឥវ៉ាន់ ហើយចាកចេញ”។ បើទោះបីជាសហចៅក្រមស៊ើបអង្កេតអន្តរជាតិបានផ្តើមនីតិវិធីស្តីពីការប្រមាថតុលាការប្រឆាំងនឹង រដ្ឋមន្រ្តីក្រសួងព័ត៌មាន ហើយលោករំពឹងថាការធ្វើដូច្នេះនឹងជាការព្រមានដល់មន្ត្រីដទៃទៀតនៃរដ្ឋាភិបាល កាលពីសប្តាហ៍កន្លងទៅនេះ រដ្ឋមន្រ្តីក្រសួងការបរទេសកម្ពុជាត្រូវបានលើកឡើងនៅក្នុងសារព័ត៌មាន ថាបាន ថ្លែងថា “ការចាប់ខ្លួនអតីតមេដឹកនាំខ្មែរក្រហមបន្ថែមទៀតគឺជារឿងរបស់កម្ពុជា។ រឿងនេះត្រូវតែសម្រេច ដោយកម្ពុជា។” (កាសែតខេមបូឌាដេលី ថ្ងៃទី៥ ខែតុលា ឆ្នាំ២០១១)
បើទោះបីជាសហចៅក្រហមស៊ើបអង្កេតអន្តរជាតិមិនដាក់ខ្លួនគាត់ឲ្យស្ថិតនៅក្រោមឥទ្ធិពលនៃការលើកឡើងខាងលើនេះក៏ដោយក៏នៅតែមានភាពមន្ទិលសង្ស័យទៅលើលទ្ធភាពរបស់លោកក្នុងការទ្រាំទ្រ នឹងសម្ពាធពីមន្ត្រីរាជរដ្ឋាភិបាល និងលទ្ធភាពក្នុងការបំពេញការងាររបស់លោកដោយឯករាជ្យ ហើយក៏បង្កឲ្យមានមន្ទិលសង្ស័យចំពោះសុចរិតភាពនៃដំណើរការទាំងមូលរបស់តុលាការក្នុងសំណុំរឿង ០០៣ និង ០០៤ ដែរ។
ដោយសារតែការលើកឡើងម្តងហើយម្តងទៀតទាំងនេះដែលនឹងធ្វើឲ្យគេយល់ឃើញថាជាការប៉ុនប៉ងជ្រៀតជ្រែករបស់មន្រ្តីរដ្ឋាភិបាលនៅក្នុងដំណើរការសំណុំរឿង០០៣ និង ០០៤ សហចៅក្រមស៊ើបអង្កេតអន្តរជាតិ កាលពីថ្ងៃទី៩ ខែតុលា ឆ្នាំ ២០១១ បានបញ្ជូនពាក្យសុំលាលែងពីតួនាទីរបស់លោកទៅ លោកអគ្គលេខាធិការអង្គការសហប្រជាជាតិ។