លោក វីល្លៀម ស្មីត
លោក វីល្លៀម ស្មីត (អូស្ត្រាលី) ធ្លាប់ជាមេធាវី ជាទីប្រឹក្សាច្បាប់ និងជាអ្នកវិភាគ នៅតុលាការឧក្រិដ្ឋកម្មអន្តរជាតិសម្រាប់អតីតប្រទេសយូហ្គោស្លាវី (ICTY) អស់រយៈពេល១០ឆ្នាំ មុនពេលលោកមកបម្រើការនៅ អ.វ.ត.ក។ មុននេះទៀត លោកជានគរបាលអយ្យការនៅក្នុងកងកម្លាំងនគរបាលអូស្ត្រាលីខាងត្បូងអស់រយៈពេល៧ឆ្នាំ។ លោកបានបញ្ចប់ការសិក្សាពីសាកលវិទ្យាល័យ អាឌឺឡែត (Adelaide) នៅឆ្នាំ១៩៩៣ ខណៈដែលកំពុងបម្រើការនៅនាយកដ្ឋានអយ្យការនៅអូស្ត្រាលីខាងត្បូង ហើយបន្ទាប់មកធ្វើជាស្មាក្តីច្បាប់ព្រហ្មទណ្ឌ និងជាមេធាវីជាន់ខ្ពស់នៅទីក្រុង អាឌឺឡែត។ នៅឆ្នាំ១៩៩៩ លោកបានទទួលសញ្ញាប័ត្រអនុបណ្ឌិតច្បាប់អន្តរជាតិពីសាកលវិទ្យាល័យ ឡេដិន (Leiden)។ នៅឆ្នាំ២០០០ លោកមានឋានៈជាមន្រ្តីទីពីរផ្នែកសិទិ្ធមនុស្សរបស់ អ.ស.ប ប្រចាំនៅប្រទេសទីម័រខាងកើត ក្នុងតួនាទីជាប្រធានរដ្ឋបាលស្តីទីប្រចាំស្រុក។
- សញ្ជាតិ : អូស្ត្រាលី
- ការិយាល័យ : ការិយាល័យសហព្រះរាជអាជ្ញា,
- Case : សំណុំរឿង ០០១, សំណុំរឿង ០០២,
- តួនាទី : សហព្រះរាជអាជ្ញារងអន្តរជាតិ