លោក ឡូរ៉ង់ កាសប៉ឺ-អានសឺម៉េត
ចៅក្រម ឡូរ៉ង់ កាសប៉ឺ-អានសឺម៉េត ត្រូវបានតែងតាំងជាសហចៅក្រមស៊ើបអង្កេតបម្រុងនៅថ្ងៃទី០១ ខែធ្នូ ឆ្នាំ២០១០។ លោកបានលាលែងពីតំណែងរបស់លោក ពីថ្ងៃទី៤ ខែឧសភា ឆ្នាំ២០១២។ លោកជាអតីតសមាជិកម្នាក់ក្នុងក្រុមអ្នកជំនាញការស្វ៊ីសសសម្រាប់សន្តិភាពប្រជាជនស៊ីវិល (PEP) ដែលនៅទីនោះ លោកផ្តល់ប្រឹក្សាដល់ការិយាល័យរាជអាជ្ញានៃតុលាការពិសេសសម្រាប់ប្រទេសសៀវ៉ាឡេអូន (SCSL)។ លោកបានបម្រើការជាប្រធានការិយាល័យប្រចាំនៅទីក្រុងប៉ារីស សម្រាប់គណៈកម្មការស៊ើបអង្កេតទៅលើកម្មវិធីស្បៀងអាហាររបស់អង្គការសហប្រជាជាតិ។ ចៅក្រម កាសប៉ឺ-អានសឺម៉េត មានបទពិសោធន៍ជាង ១៨ឆ្នាំ ក្នុងតួនាទីជារដ្ឋអាជ្ញា ជាចៅក្រមស៊ើបអង្កេត និងជាចៅក្រម នៅទីក្រុងហ្សឺណែវ ប្រទេសស្វ៊ីស ដោយផ្តោតជាពិសេសទៅលើឧក្រិដ្ឋកម្មហិរញ្ញវត្ថុ និងអំពើពុករលួយដែលមានលក្ខណៈស្មុគ្រស្មាញ។ លោកក៏មានបទពិសោធន៍ខាងផ្នែកធនាគារជាច្រើនឆ្នាំផងដែរ ចាប់តាំងពីលោកបានទទួលសញ្ញាប័ត្រច្បាប់ពីសាកលវិទ្យាល័យហ្សឺណែវក្នុងឆ្នាំ១៩៧៨។
- សញ្ជាតិ : ស្វ៊ីស
- ការិយាល័យ : ការិយាល័យសហចៅក្រមស៊ើបអង្កេត,
- តួនាទី : ចៅក្រមស៊ើបអង្កេតអន្តរជាតិបម្រុង