អំពើប្រល័យពូជសាសន៍
<p>អំពើប្រល័យពូជសាសន៍ជាបទឧក្រិដ្ឋមួយប្រភេទដែលស្ថិតក្រោមច្បាប់ អន្តរជាតិ និងត្រូវបានអនុវត្តក្នុងសំណុំរឿងនៅចំពោះមុខអង្គជំនុំជម្រះវិសាមញ្ញក្នុងតុលាការកម្ពុជា។</p>
<p>អនុលោមតាមមាត្រា៤ នៃច្បាប់ អ.វ.ត.ក អង្គជំនុំជម្រះ វិសាមញ្ញមានអំណាចវិនិច្ឆ័យទោសឧក្រិដ្ឋកម្មប្រល័យពូជសាសន៍ដែលត្រូវបានចោទថាបានប្រព្រឹត្តក្នុងអំឡុងថ្ងៃទី១៧ ខែមេសា ឆ្នាំ១៩៧៥ ដល់ថ្ងៃទី៦ ខែមករា ឆ្នាំ១៩៧៩។</p>
<p>ឧក្រិដ្ឋ កម្មប្រល័យពូជសាសន៍ដែលអាចផ្តទ្ទាទោសបានក្រោមច្បាប់ អ.វ.ត.ក គឺជាអំពើទាំងឡាយណា ដែលត្រូវបានកំណត់ជាអំពើប្រល័យពូជសាសន៍នៅក្នុងអនុសញ្ញាស្តីពីការបង្ការ និងផ្តទ្ទាទោសចំពោះបទឧក្រិដ្ឋប្រល័យពូជសាសន៍ ឆ្នាំ១៩៤៨។</p>
<p>ក្នុងនិយមន័យច្បាប់ អំពើប្រល័យពូជសាសន៍ជាអំពើដែលបានប្រព្រឹត្តដោយមានចេតនាជាក់លាក់ដើម្បី បំផ្លាញទាំងស្រុង ឬដោយផ្នែកទៅលើក្រុមជាតិ ក្រុមជាតិពន្ធុ ពូជសាសន៍ ឬសាសនា។ ឧទាហរណ៍នៃអំពើទាំងនោះរួមមាន៖
</p><ul><li> អំពើមនុស្សឃាតលើសមាជិកក្រុម។</li>
<li> ការបំពារបំពានយ៉ាងធ្ងន់ធ្ងរទៅលើបូរណភាពរាងកាយ ឬផ្លូវចិត្តនៃសមាជិកក្រុម។</li>
<li> ការដាក់ដោយចេតនានូវក្រុមមនុស្សនៅក្រោមលក្ខខណ្ឌរស់នៅលំបាកដែលនាំឲ្យមាន ការបំផ្លាញសុខភាពទាំងស្រុង ឬដោយផ្នែក។</li>
<li> វិធានការដែលរារាំងដល់ការមានគភ៌ដល់សមាជិកក្រុម។</li>
<li> ការជម្លៀសកុមារដោយបង្ខំពីក្រុមមួយទៅ ក្រុមមួយទៀត។</li></ul>