លោក យន់ ប៊ីន
លោក យន់ ប៊ីន កើតនៅឆ្នាំ ១៩៥៥។ លោកត្រូវបានបញ្ជូនឲ្យទៅរស់នៅកោះអូទន់សេង នៅពេលខ្មែរក្រហមឡើងកាន់អំណាច។ នៅទីនេះ គាត់ត្រូវបានគេចាត់តាំងឱ្យសាងសង់ប្រឡាយ និងទំនប់ ឈូសឆាយព្រៃ និងស្ទូងស្រូវ។
នៅថ្ងៃទី ២៥ ឧសភា ១៩៧៨ គាត់ត្រូវបានគេហៅឱ្យទៅសិក្សាជាមួយយុវជនប្រាំបួននាក់ផ្សេងទៀតមកពីស្រុកមួយចំនួន។ គាត់ត្រូវបានគេចងនឹងខ្សែ ហើយយកតាមរថយន្តទៅកន្លែងប្រហារជីវិត។ សរុបមាន៤០នាក់ ក្នុងនោះមានស្ត្រី៤នាក់ ។ គាត់ត្រូវគេវាយនឹងពូថៅរហូតសន្លប់ ហើយបោះចូលក្នុងអណ្ដូង។ ពេលដឹងខ្លួនឡើងវិញ គាត់ត្រូវបានគេគ្របដោយសាកសពបួន ឬប្រាំ។ អ្នកដែលមិនទាន់ស្លាប់ស្រែកឡើង។ ទាហានបានគប់គ្រាប់បែកដៃចូលក្នុងអណ្តូងរហូតដល់ស្ងាត់ឈឹង។ លោក យន់ បានបួងសួងដល់ព្រលឹងអ្នកស្លាប់ដែលបានជួយគាត់ឲ្យរួចផុតពីការស្លាប់ ហើយក៏គេចខ្លួនចេញពីអណ្ដូង។ លោកបានសន្យាថានឹងរកយុត្តិធម៌ជូនពួកគេ។ គាត់បានដោះខ្លួនគាត់ចេញពីខ្សែដែលចងកដៃរួចរត់គេចខ្លួន។ គាត់បានត្រឡប់ទៅភូមិឪពុកម្តាយគាត់ក្នុងខេត្តកំពង់ធំ ដោយលាក់ខ្លួននៅក្នុងផ្ទះ។
ក្រោយមកគាត់បានភៀសខ្លួនជាមួយឪពុករបស់គាត់ទៅព្រៃ នៅពេលដែលប្រជាជនត្រូវបានបណ្តេញចេញពីភូមិនៅឆ្នាំ ១៩៧៨ ។ ឪពុករបស់គាត់បានធ្លាក់ខ្លួនឈឺ ហើយបានទទួលមរណភាព។
- Witness acronym :
2-TCCP-233
- Age at the time of testimony :
60
- Appeared as :
- សំណុំរឿង : សំណុំរឿង ០០២, សំណុំរឿង ០០២/០២,
- Date(s) of testimony :