វេ​ទិ​កា​ស្តី​ពី​ការ​វិវឌ្ឍន៍​ថ្មីៗ​នៃ​នីតិ​វិធី​របស់​អ.វ​.ត​.​ក ​និ​ង​សំណង​ក្នុង​សំណុំ​រឿង​ ០០២​/០២ ​

អង្គភាពគាំពារជនរងគ្រោះនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នឹងរៀបចំវេទិកាស្តីពីការវិវឌ្ឍន៍ថ្មីៗនៃនីតិវិធីរបស់អ.វ.ត.ក និងសំណងក្នុងសំណុំរឿង ០០២/០២ នៅភោជនីយដ្ឋានទន្លេបាសាក់ ២ រាជធានីភ្នំពេញ នាថ្ងៃសុក្រ ទី២៤ ខែមិថុនា ឆ្នាំ២០១៦ វេលាម៉ោង ៨ ព្រឹក។

វេទិកានេះនឹងប្រព្រឹត្តទៅក្រោមអធិបតីភាពឯកឧត្តម ក្រាញ់ តូនី ប្រធានការិយាល័យរដ្ឋបាលស្តីទី និងលោកស្រីបណ្ឌិត Ludgera Klemp អគ្គកុងស៊ុល និងប្រមុខសហប្រតិបត្តិការនៃស្ថានទូតសហព័ន្ធអាឡឺម៉ង់ប្រចាំនៅព្រះរាជាណាចក្រកម្ពុជា។
គោលបំណងនៃវេទិកានេះគឺ៖
១-ផ្តល់ព័ត៌មានដល់ដើមបណ្តឹងរដ្ឋប្បវេណីស្តីពីការវិវឌ្ឍន៍ថ្មីៗនៃនីតិវិធីរបស់អ.វ.ត.ក ក្នុងសំណុំរឿង ០០២/០២
២-ផ្តល់ព័ត៌មានដល់ដើមបណ្តឹងរដ្ឋប្បវេណីស្តីពីការអនុវត្តគម្រោងសំណងក្នុងសំណុំរឿង០០២/០១ព្រមទាំងផ្តល់ បទបង្ហាញ និងពិភាក្សាអំពីគម្រោងសំណងក្នុងសំណុំរឿង ០០២/០២។

វេទិកានេះនឹងមានការអញ្ជើញចូលរួមពីដើមបណ្តឹងរដ្ឋប្បវេណីនៃសំណុំរឿង០០២ និងជនរងគ្រោះប្រមាណ១២០នាក់មកពីខេត្តព្រៃវែង កំពង់ស្ពឺ កំពង់ចាម កណ្តាល និងរាជធានីភ្នំពេញ ព្រមទាំងមេធាវីតំណាងដើមបណ្តឹងរដ្ឋប្បវេណី និងតំណាងអង្គការសង្គមស៊ីវិល។ នេះគឺជាឱកាសមួយទៀតសម្រាប់ដើមបណ្តឹងរដ្ឋប្បវេណីទទួលបានព័ត៌មាន និង ការបញ្ចេញទស្សនៈជុំវិញបញ្ហាផ្សេងៗដែលចាំបាច់សម្រាប់ពួកគាត់។

 

ស្វែង​យល់​ច្រើន​ទៀត​ពី៖

Most read

អង្គភាពគាំពារជនរងគ្រោះ នៃអង្គជំនុំជម្រះវិសាមញ្ញក្នុងតុលាការកម្ពុជា នឹងរៀបចំការតាំងពិព័រណ៍ចល័តលើកទី២ ស្តីពី “អាពាហ៍ពិពាហ៍ដោយបង្ខំក្នុងរបបខ្មែរក្រហម និងកិច្ចសន្ទនាអន្តរជំនាន់” នៅថ្ងៃទី ៣0 ខែ វិច្ឆិកា-ថ្ងៃទី ០១ ខែ ធ្នូ នៅខេត្តសៀមរាប ក្នុងគោលបំណង (១)... នៅថ្ងៃទី១៤ ខែវិច្ឆិកា ឆ្នាំ២០១៧ សហព្រះរាជអាជ្ញាបានដាក់ដីកាសន្និដ្ឋានស្ថាពររបស់ខ្លួន ក្នុងសំណុំរឿង០០៣ ពាក់ព័ន្ធនឹងកិច្ចស៊ើបសួរលើ មាស មុត។ វិធានផ្ទៃក្នុងសម្រាប់អង្គជំនុំជម្រះវិសាមញ្ញក្នុងតុលាការកម្ពុជាចែងថា ...
នៅថ្ងៃទី១៤ ខែវិច្ឆិកា ឆ្នាំ២០១៧ សហព្រះរាជអាជ្ញាជាតិ និងអន្តរជាតិ បានដាក់ដីកាសន្និដ្ឋានស្ថាពររបស់ខ្លួន ក្នុងសំណុំរឿង០០៣ ពាក់ព័ន្ធនឹងកិច្ចស៊ើបសួរលើ មាស មុត។ ដីកាសន្និដ្ឋានស្ថាពរត្រូវបានចេញដោយសហព្រះរាជអាជ្ញានៅពេលបិទកិច្ចស៊ើបសួរ... នៅថ្ងៃនេះ អង្គបុរេជំនុំជម្រះនៃអង្គជំនុំជម្រះវិសាមញ្ញក្នុងតុលាការកម្ពុជា បានបញ្ចប់សវនាការរយៈពេលពីរថ្ងៃនៅក្នុងសំណុំរឿង ០០៤/០១ ប្រឆាំងនឹង អ៊ឹម ចែម។ មេធាវីតំណាងអតីតអ្នកដាក់ពាក្យសុំតាំងខ្លួនជាដើមបណ្តឹងរដ្ឋប្បវេណី សហព្រះរាជអាជ្ញាអន្តរជាតិ...

ស្វែង​យល់​ច្រើន​ទៀត​ពី៖

អ.វ.ត.ក​ លើ​ប្រព័ន្ធ​ព័ត៌មាន​សង្គម


Youtube
Twitter
Flickr

Instagram

Latest news