លោក អេនឌ្រូ ខេលី
លោក អេនឌ្រូ ខេលី (អង់គ្លេស) ត្រូវបានតែងតាំងជាសហព្រះរាជអាជ្ញាអន្តរជាតិនៅថ្ងៃទី ២៧ ខែវិច្ឆិកា ឆ្នាំ២០០៩។ មុននឹងចូលមកបំពេញតួនាទីនេះ លោក ខេលី គឺជាមេធាវីឯកជនការពារក្តីឲ្យ ឆាល ថៃល័រ នៅតុលាការពិសេសសម្រាប់ប្រទេសសៀរ៉ាឡេអូន និងការពារក្តីឲ្យ អ៊ីវ៉ាន សឺម៉ាក នៅតុលាការព្រហ្មទណ្ឌអន្តរជាតិសម្រាប់ប្រទេសយូហ្គោស្លាវី។ ពីឆ្នាំ ២០០៥-២០០៧ លោកគឺជារដ្ឋអាជ្ញាជាន់ខ្ពស់នៅតុលាការព្រហ្មទណ្ឌអន្តរជាតិ និងទទួលបន្ទុករឿងកី្តដាហ្វួទី១ ប្រឆាំងនឹង អាម៉េដ ហារុម និង អាលី គូស្សាអ៊ីប។ ចន្លោះឆ្នាំ ២០០១-២០០៥ លោកគឺជារដ្ឋអាជ្ញាជាន់ខ្ពស់នៅតុលាការឧក្រិដ្ឋកម្មអន្តរជាតិសម្រាប់ប្រទេសយូហ្គោស្លាវី ទទួលខុសត្រូវបន្តការស៊ើបអង្កេតលើមេបញ្ជាការ រ៉ាត់កូ ម្ល៉ាវីក និងដឹកនាំក្រុមរាជអាជ្ញាទី១ ប្រឆាំងនឹងសមាជិកកងទាហានរំដោះជាតិកូសូវ៉ូ។ មុននេះទៀត លោកគឺជារដ្ឋអាជ្ញានៅតុលាការឧក្រិដ្ឋកម្មអន្តរជាតិសម្រាប់ប្រទេសយូហ្គោស្លាវី ចន្លោះឆ្នាំ ១៩៩៥-២០០១។ បន្ទាប់មក លោកបានក្លាយជាបុគ្គលិកនៅតុលាការព្រហ្មទណ្ឌអន្តរជាតិសម្រាប់ប្រទេសយូហ្គោស្លាវីនៅឆ្នាំ ១៩៩៨ និងបានចេញមុខជារដ្ឋអាជ្ញានៅក្នុងរឿងក្តីចំនួនប្រាំក្នុងរយៈពេល៦ឆ្នាំ ក្នុងនោះរួមមានសំណុំរឿងទី១អំពីហេតុការណ៍ដែលកើតឡើងនៅ សេប្រេនីកា នៅខែកក្កដា ឆ្នាំ១៩៩៥។ លោកបានទទួលសញ្ញាប័ត្របរិញ្ញាប័ត្រនិងអនុបណ្ឌិតច្បាប់ពីសាកលវិទ្យាល័យឡុងដ៍ ហើយលោកក៏ជាមន្រ្តីជំនាញមួយរូបដែលបានបញ្ចប់ការសិក្សាពីរាជបណ្ឌិតសភាយោធា សាន់ហឺស។
- សញ្ជាតិ : អង់គ្លេស
- ការិយាល័យ : ការិយាល័យសហព្រះរាជអាជ្ញា,
- តួនាទី : សហព្រះរាជអាជ្ញាអន្តរជាតិ