អង្គជំនុំជម្រះសាលាដំបូងនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) នឹងបន្តដំណើរការសវនាការសួរដេញដោលលើភស្តុតាងក្នុងសំណុំរឿង ០០២/០២ ទាក់ទងនឹង នួន ជា និងខៀវ សំផន នៅថ្ងៃច័ន្ទ ទី១០ ខែតុលា ឆ្នាំ២០១៦ ចាប់ពីម៉ោង ៩ ព្រឹកតទៅ នៅក្នុងសាលសវនាការរបស់ អ.វ.ត.ក។
ដោយសារតែកម្រិតទឹកខ្ពស់នៅជុំវិញបរិវេណតុលាការ ហើយកន្លែងចតរថយន្ត និងទីធ្លាច្រកចូលត្រូវបានទឹកជន់លិច បច្ចុប្បន្ននេះ មិនទាន់មានផ្លូវសុវត្ថិភាពណាមួយ សម្រាប់ការចូលរួមរបស់សាធារណជនក្នុងដំណើរ ការសវនាការនេះទេ។ ហេតុដូច្នេះ សាធារណជនមិនអាចចូលទៅកាន់សាលសវនាការបាននៅឡើយ ប៉ុន្តែអាចតាមដានដំណើរការសវនាការបាន តាមរយៈការផ្សាយផ្ទាល់តាមប្រព័ន្ធអ៊ិនធឺណិតរបស់តុលាការជាបីភាសា៖
https://www.eccc.gov.kh/live-stream (ភាសាខ្មែរ)
https://www.eccc.gov.kh/en/live-stream (ភាសាអង់គ្លេស)
https://www.eccc.gov.kh/fr/live-stream (ភាសាបារាំង)
តំណាងសារព័ត៌មាន ដែលមានបំណងតាមដានដំណើរការសវនាការនេះ ត្រូវចូលមកទៅកាន់ អ.វ.ត.ក តាមរយៈច្រកចូលរបស់មន្ត្រីបុគ្គលិក មានចម្ងាយប្រមាណ ២០០ ម៉ែត្រ ភាគខាងជើងច្រកចូលសម្រាប់សាធារណជននៅលើកំណាត់ផ្លូវជាតិលេខ ៤។ ដោយសារតែតំណាងសារព័ត៌មាន នឹងត្រូវអមដំណើរដោយបុគ្គលិកនៃផ្នែកកិច្ចការសាធារណៈ ដើម្បីត្រួតពិនិត្យផ្នែកសន្តិសុខ អ្នកសារព័ត៌មានតម្រូវឱ្យចុះឈ្មោះជាមុនជាមួយលោក នេត្រ ភក្ត្រា មន្ត្រីនាំពាក្យរបស់ អ.វ.ត.ក តាមរយៈទូរស័ព្ទ ០១២ ៤៨៨ ១៥៦ ឬតាមរយៈសារអេឡិចត្រូនិក neth.pheaktra@eccc.gov.kh។
យើងខ្ញុំសូមអភ័យទោសចំពោះផលវិបាកទាំងឡាយ ហើយសង្ឃឹមថាប្រតិបត្តិការជាប្រក្រតីរបស់តុលាការ នឹងអាចវិលត្រឡប់មកវិញក្នុងពេលដ៏ខ្លីខាងមុខនេះ។
សវនាការលើសំណុំរឿង ០០២/០២ ទាក់ទងនឹង នួន ជា និងខៀវ សំផន នឹងបន្តនៅថ្ងៃច័ន្ទ ទី១០ ខែតុលា ឆ្នាំ ២០១៦
Most read
- បុគ្គលិក អ.វ.ត.ក ចូលរួមបកប្រែសាលដីកាទាក់ទងសំណុំរឿងព្រះវិហារដល់ពលរដ្ឋខ្មែរ
នៅពេលដែលតុលាការយុត្តិធម៌អន្តរជាតិ (ICJ) ប្រកាសសេចក្តីសម្រេចរបស់ខ្លួនទាក់ទងនឹងសំណុំរឿងប្រាសាទព្រះវិហារនៅទីក្រុងឡាអេ កាលពីថ្ងៃច័ន្ទ ទី១២ ខែវិច្ឆិកា ឆ្នាំ ២០១៣ អ្នកបកប្រែភាសា ៤រូបមកពីអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ក៏បានបកប្រែ…
- វីដេអូឯកសារទាក់ទងនឹងសំណុំរឿង ០០២/០១
ឯកសារវីដេអូថ្មីរយៈពេល ២៥ នាទីបានផលិតឡើងដោយផ្នែកកិច្ចការសាធារណៈជាបណ្តុំនៃសម្រង់ផ្សេងៗចេញពីការជំនុំជម្រះក្តីលើសំណុំរឿង ០០២/០១ ប្រឆាំងនឹងជនជាប់ចោទ ខៀវ សំផន និងនួន ជា។
- សហព្រះរាជអាជ្ញាស្នើឲ្យផ្តន្ទាទោសដាក់ពន្ធនាគារមួយជីវិតចំពោះជនជាប់ចោទ ខៀវ សំផន និងនួន ជា
នៅពេលបញ្ចប់ការធ្វើសេចក្តីសន្និដ្ឋានបញ្ចប់របស់ខ្លួន ថ្ងៃទី២១ ខែតុលា ឆ្នាំ ២០១៣ សហព្រះរាជអជ្ញាជាតិ លោកជំទាវ ជា លាង បានស្នើសុំអង្គជំនុំជម្រះសាលាដំបូង ដាក់ទោសទណ្ឌចំពោះជនជាប់ចោទ ខៀវ សំផន និង នួន ជា ចំពោះការចោទប្រកាន់ពីឧក្រិដ្ឋកម្មប្រឆាំងនឹងមនុស្សជាតិ…
- សហព្រះរាជអាជ្ញាស្នើសុំឲ្យមានការដាក់ទណ្ឌកម្មលើក្រុមមេធាវីការពារក្តីជនជាប់ចោទ ខៀវ សំផន
នៅក្នុងអំឡុងពេលសវនាការនៅថ្ងៃទី១៨ ខែកក្កដា ឆ្នាំ ២០១៣ តំណាងសហព្រះរាជអាជ្ញាបានស្នើសុំអង្គជំនុំជម្រះសាលដំបូងដាក់ទណ្ឌកម្មលើក្រុមមេធាវីការពារក្តីឲ្យ ជនជាប់ចោទ ខៀវ សំផន ចំពោះការបង្ហាញដែលពួកគេបានធ្វើឡើងនៅក្នុងលិខិតជូនការីនិពន្ធចុះផ្សាយនៅក្នុងកាសែត ភ្នំពេញ…