ពិធីបើកសិក្ខាសាលាទាក់ទងនឹងជនរងគ្រោះ ដោយអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)

កាល​ពី​ថ្ងៃ​ទី៣ ខែ​ឧសភា ឆ្នាំ​២០២២ អង្គ​ជំនុំ​ជម្រះ​វិសាមញ្ញក្នុង​តុលាការ​កម្ពុជា (...) បាន​ប្រារព្ធពិធី​បើក​សិក្ខាសាលា​ស្តី​ពី «ជន​រង​គ្រោះ និងការ​ផ្សព្វផ្សាយ​របាយការណ៍​ប្រឹក្សា ស្តីពីសកម្ម​ភាព​នានា ពាក់​ព័ន្ធ​នឹង​ជន​រង​គ្រោះរបស់ អ...នៅក្នុង​អំឡុង​ដំណាក់​កាល​ដែល​នៅ​សេសសល់»។ សិក្ខា​សាលា​នេះ​ត្រូវ​រៀប​ចំ​ឡើង​រយៈ​ពេល​បីថ្ងៃ ចាប់​ពីថ្ងៃ​ទី០៣ រហូត​ដល់​ថ្ងៃ​ទី០៥ ខែ​ឧសភា ឆ្នាំ​២០២២ នៅ​សណ្ឋាគារ Hyatt Regency រាជធានីភ្នំពេញ។

បន្ទាប់​ពី​មាន​សំណើ​សុំ​ពី​សហ​ចៅក្រម​របាយការណ៍ គឺលោក​ចៅក្រម​ យូរ ឧត្តរា និង​លោក​ស្រី​ចៅក្រម Claudia Fenz ដើម្បី​ចាប់​ផ្តើម​ដំណើរការ​ប្រឹក្សា​ជា​ចំហរ ក្នុង​ការ​បង្កើត​ឡើង​នូវ​សកម្ម​ភាពនានា ​ពាក់​ព័ន្ធ​នឹង​ជន​រង​គ្រោះ នៅ​មុន​ពេល និង​នៅ​ពេល​ចាប់​ផ្តើមការងារ​ដែល​នៅ​សេសសល់នោះ អ...ក បាន​សម្រេចថា ជំហាន​ដំបូងបំផុតគឺការ​រៀប​ចំសិក្ខាសាលា​រយៈ​ពេល​បីថ្ងៃ ជាមួយ​ជន​រង​គ្រោះ អ្នក​តំណាង​របស់​ពួក​គាត់​នៅ​ក្នុង​សង្គម​ស៊ីវិល  និង​នៅ​សាលសវនាការ ព្រម​ទាំង​អ្នក​ពាក់​ព័ន្ធ​សំខាន់​ៗ​ផ្សេងទៀត។ ដោយសារ​តែ​ អ...ក កាន់​តែ​ខិត​ជិត​ដល់​ការ​បំពេញ​ការងារ​នៅ​សេសសល់ ​រយៈ​ពេល​បី​ឆ្នាំ​របស់​ខ្លួន​ ដើម្បី​ឆ្លើយ​តប​ចំពោះ​តម្រូវ​ការ​របស់​ជន​រង​គ្រោះនៃ​របប​ខ្មែរ​ក្រហម និង​ដើម្បី​ផ្សព្វផ្សាយ​ព័ត៌មានអំពី​ដំណើរការ​យុត្តិធម៌​អន្តរកាល ជូន​ដល់​សាធារណជន​នោះ សិក្ខាសាលា​នេះ​បាន​ចាប់​ផ្តើម​ដំណើរការដ៏​មាន​តម្លៃ និង​ទាន់​ពេល​វេលា ក្នុងគោលបំណងដើម្បី​បង្កើត​កម្មវិធីថ្មី និង​ពង្រឹង​ទៅលើ​កម្មវិធី​ដែល​មានស្រាប់ ឬ​មាន​ពីមុន ដែល​ផ្តោត​ជា​ចម្បង​ទៅលើ​តម្រូវ​ការ​ជន​រង​គ្រោះ។

ពិធី​បើក​កាល​ពី​ព្រឹក​ម្សិល​មិញ គឺមាន​ការ​ចូល​រួមជាពិសេស នូវ​សុន្ទរកថា​ស្វាគមន៍របស់ ឯក​ឧត្តម ក្រាញ់ តូនី ប្រធានការិយាល័យ​រដ្ឋបាល​ស្តីទី អ...ក ឯក​ឧត្តម Jacques PELLET ឯក​អគ្គរដ្ឋទូត​បារាំង និង​ជា​សហ​ប្រធាន​ក្រុម​មិត្ត​របស់ អ...ក និង​ឯក​ឧត្តម កែវ រ៉េមី រដ្ឋមន្ត្រី​ប្រតិភូអម​នាយករដ្ឋមន្ត្រី ប្រធាន​គណៈកម្មការ​សិទ្ធិ​មនុស្ស​កម្ពុជា និង​ជា​អនុប្រធាន​អចិន្ត្រៃយ៍ នៃ​ក្រុម​ការងារ​រាជ​រដ្ឋាភិបាល​ ទទួល​បន្ទុក ​អ...ក។   

បន្ទាប់​ពី​សុន្ទរកថា​បើក​របស់​ភ្ញៀវ​កិត្តិយស​ទាំង​អស់​នេះ​ហើយ ​កម្មវិធី​បាន​ចាប់​ផ្តើមសកម្មភាព​លម្អិត​របស់​ខ្លួន។      សាស្តា្រចារ្យ​សាកល​វិទ្យាល័យ Stanford គឺបណ្ឌិត David J. COHEN ដែល​ដើរ​តួនាទី​ជា​អ្នក​សម្រប​សម្រួល សិក្ខា​សាលា​រយៈ​ពេល​បី​ថ្ងៃ​នេះ បាន​ចាប់​ផ្តើម​ថ្លែង​ដោយ​សង្ខេប ហើយ​បន្ទាប់​មក​បាន​បង្ហាញ​នូវ​សារ​តាម​រយៈ​ខ្សែ​វីដេអូ របស់​លោក​ជំទាវបណ្ឌិត Beth VAN SCHAACK ​ឯកអគ្គរដ្ឋទូតគោចរសហ​រដ្ឋអាមេរិក ទទួល​បន្ទុក​យុត្តិធម៌​ព្រហ្មទណ្ឌ​សាកល ផ្ញើរ​ជូន​អ្នក​ចូល​រួម​សិក្ខា​សាលា​ទាំង​អស់។ នៅ​ក្នុង​ការ​ថ្លែង​ដោយ​សង្ខេប​តាម​វីដេអូ​នោះ លោក​ជំទាវ​ឯក​អគ្គរដ្ឋទូត បាន​កត់​សម្គាល់​ថា៖ «ការ​បង្កើត​នូវ​មុខងារ​ដែល​នៅ​សេសសល់​របស់ អ...ក រួម​ជាមួយ​ការ​ជំរុញ​លើក​ទឹក​ចិត្ត ដែល​បាន​គូស​បញ្ជាក់​នៅ​ក្នុងអនុសាសន៍របាយការណ៍​ប្រឹក្សា​​ អស់លោក​លោកស្រី​នឹង​ទទួលបានឱកាស​ដ៏​កម្រ​មួយ ក្នុង​ការ​ធានា​ថា ​​ការ​ខិត​ខំ​ប្រឹង​ប្រែងនឹងមានជា​បន្តទៀត ដើម្បី​ព្យាបាល​ស្នាម​របួសអ្នក​ទាំង​ឡាយ​ណា​ដែល​បាន​ទទួល​រង​ការ​ឈឺចាប់»។ ខ្សែវីដេអូ​នៃ​សុន្ទរកថាទាំង​ស្រុង​របស់​លោក​ជំទាវឯក​អគ្គរដ្ឋទូត VAN SCHAACK ​មាន​នៅ​លើគេហ​ទំព័រ​យូធូប​របស់ អ...ក នៅ​៖​ https://youtu.be/8PW14gKl_WY

បន្ទាប់​ពី​ខ្សែ​វីដេអូ​នេះហើយ គឺមានការ​ណែនាំឱ្យ​លោក​ស្រី យឹម សុទ្ធារី ឡើងថ្លែងសុន្ទរកថា​គន្លឹះបើក​កម្មវិធី​សិក្ខាសាលា។​ លោកស្រី យឹម សុទ្ធារី គឺជា​គ្រូពេទ្យ​ចិត្ត​សាស្ត្រ ជា​អ្នក​ផ្តល់​ប្រឹក្សា​លើ​បញ្ហា​ជម្លោះ​ និង​សន្តិភាព និង​ជាស្ថាបនិក និងជា​អគ្គនាយក​ប្រតិបត្តិ​មជ្ឈមណ្ឌល​ស្នេហា ដែល​ផ្តល់​បទបង្ហាញ​អំពី​បទពិសោធរបស់​លោក​ស្រី ក្នុង​ការ​បំពេញ​ការងារ​ដោយ​ផ្ទាល់ ជាមួយ​អ្នក​នៅ​រស់រាន​មាន​ជីវិត ពី​របបខ្មែរ​ក្រហម នៅ​ក្នុង​រយៈ​ពេល​ជា​ង ១៨ឆ្នាំ​ចុង​ក្រោយ​នេះ។ លោក​ស្រី​បាន​ថ្លែង​អំពី​សារៈ​សំខាន់​នៃការ​យក​ចិត្ត​ទុក​ដាក់ ទៅលើ​ការ​ព្យាបាល និងការ​បង្កើត​ឧបករណ៍​ថ្មី ព្រម​ទាំង​វិធីសាស្ត្រ ក្នុង​ការ​ពិភាក្សា​អំពីអតីតកាល ជាមួយ​ជន​រង​គ្រោះ អ្នក​នៅ​រស់​រាន​មាន​ជីវិត ដែល​អាច​ទទួល​រង​ការ​ឈឺចាប់ ពីការ​ប៉ះទង្គិច​ផ្លូវ​ចិត្ត ដោយ​សារ​តែ​បទ​ពិសោធពីអតី​តកាល​របស់​ពួក​គាត់។ លោកស្រី​បាន​ពន្យល់​ថា បន្ទាប់​ពី​បាន​ស្តាប់​រឿង​រ៉ាវ​អវិជ្ជមាន​ជា​ច្រើនពីអតីតកាល​មក លោក​ស្រី​ចាប់​ផ្តើម​សួរ​នូវ​សំណួរ​ថ្មី​ៗមួយ​ចំនួន ទៅ​កាន់​អ្នក​នៅ​រស់​រាន​មាន​ជីវិត ដូច​ជា៖ «តើពួកគាត់​អាច​នៅ​រស់បាន​ដោយ​សារ​អ្វី? តើ​ពួក​គាត់​​រកកម្លាំងមក​ពី​ណា​ ដើម្បី​សម្រប​ខ្លួន​ជាមួយ​ស្ថាន​ភាព​នេះ? តើ​ពួក​គាត់​មាន​ក្តី​សុបិន្ត​អ្វី​ខ្លះ?»

នៅ​ក្នុង​កម្មវិធី​នា​ពេល​រសៀល​ម្សិលមិញ អ្នក​ចូល​រួម​ប្រមាណ ៩០ នាក់ រួម​មាន ដើម​បណ្តឹងរដ្ឋប្បវេណី មេធាវី និង​ភាគី​នានា​នៃ ...ក តំណាង​របស់​អង្គការ​មិន​មែន​រដ្ឋាភិបាល អង្គ​ការអន្តរជាតិ និង​អ្នកសិក្សា​ស្រាវ​ជ្រាវ ដែល​ត្រូវ​បាន​បែងចែក​ជា​ប្រាំបី​ក្រុមពិភាក្សា ដោយ​ផ្តោត​ទៅ​លើ​ផ្នែក​ផ្សេង​ៗគ្នា​នៃ​បញ្ហា រួមជាមួយ​ឱកាស​ក្នុង​ការ​បង្កើត និង​ពង្រឹង​ទៅលើ​កម្មវិធី ដែល​ផ្តោត​សំខាន់​លើ​ជន​រង​គ្រោះ។

អ្នក​ចូល​រួម​ក៏មាន​កត្តិយស​បាន​ស្តាប់​វាគ្មិន​សំខាន់​ទីពីរគឺលោក Karim A.A. KHAN QC ជា​ប្រធានរដ្ឋអាជ្ញា នៃ​តុលាការ​ព្រហ្មទណ្ឌ​អន្តរជាតិ។ លោក​រដ្ឋអាជ្ញា​បាន​ថ្លែង​អំពីបទពិសោធរបស់​គាត់ ក្នុង​នាម​ជា​មេធាវី​តំណាង​ដើម​បណ្តឹង​រដ្ឋប្បវេណី ដែល​ធ្វើ​ការ​ក្នុង​នាម​ជន​រង​គ្រោះ​នៃ​សំណុំ​រឿង​ ០០១ នៅ អ...ក។ គាត់​បាន​បង្ហាញ​យ៉ាង​លម្អិត អំពី​ការ​ភ្ញាក់​ផ្អើល ​និង​មេរៀន​ដែល​គាត់​ទទួល​បាន ពី​ការ​ធ្វើការជាមួយ​ជន​រង​គ្រោះ ក្នុង​នាម​ជា​អ្នក​ចូល​រួម​ដោយ​ផ្ទាល់ នៅ​ក្នុង​កិច្ច​ដំណើរការ​នីតិវិធី ដោយ​រំឮក​ឡើង​វិញ​ពី​ការចងចាំ ដូច​ជា ដើម​បណ្តឹង​រដ្ឋប្បវេណី នេត ផល្លី ដែល​បាន​ចែក​រំលែក​រូប​ថត​បងប្រុស​របស់​គាត់ ដែល​បាន​ស្លាប់​ទៅហើយនិងការ​និយាយ​រៀបរាប់​ជាមួយ​ព្រលឹង​បងប្រុស​គាត់ ពី​កន្លែង​អង្គុយ​ជាសាក្សី។ លោក​រដ្ឋអាជ្ញា​បាន​សង្កត់​ធ្ងន់​ អំពី​សារៈសំខាន់​នៃការ​បញ្ចូល និងគិត​គូរ​ដល់​សម្លេង​របស់​ជន​រង​គ្រោះ នៅ​ក្នុង​កិច្ច​ដំណើរការ​នីតិវិធី​ជំនុំ​ជម្រះ និង​នៅ​ក្នុងមុខងារ​នៅសេសសល់ក្នុងពេលឆាប់ៗខាងមុខនេះរបស់ អ...ក។

ព្រឹត្តិការណ៍​នេះ​នឹង​បន្តនា​ព្រឹក​នេះ ដោយ​មានវាគ្មិន​សំខាន់ៗ និងកម្មវិធី​ពិភាក្សា​បន្ថែម​ទៀត។

Most read