អង្គភាពជនរងគ្រោះកំពុងធ្វើការពន្យាពេលម៉ោងធ្វើការរបស់ខ្លួន ក្នុងគោលបំណងជួយសម្រួលដល់បុគ្គល គ្រប់រូប ដែលប្រាថ្នាចង់ដាក់ពាក្យសុំធ្វើជាដើមបណ្តឹងរដ្ឋប្បវេណីក្នុងសំណុំរឿង០០២ ដែលធ្វើការចោទប្រកាន់ ប្រឆាំងនឹង អៀង សារី អៀង ធីរិទ្ធ នួន ជា ខៀវ សំផន និង កាំង ហ្កេកអ៊ាវ។
ខណៈដែលសហចៅក្រមស៊ើបអង្កេតជូនដំណឹងនៅថ្ងៃនេះអំពីការបញ្ចប់កិច្ចស៊ើបអង្កេត ដូច្នេះថ្ងៃផុតកំណត់ នៃការទទួលពាក្យសុំធ្វើជាដើមបណ្តឹងរដ្ឋប្បវេណីគឺ ម៉ោង៧.០០ល្ងាច ថ្ងៃសុក្រ ទី២៩ ខែមករា ឆ្នាំ២០១០។ នេះជាថ្ងៃផុតកំណត់ចុងក្រោយ ហើយដែលមិនអាចពន្យាពេលទៀតបានឡើយ។
ដើម្បីទទួលបាននូវឳកាសអតិបរិមាសម្រាប់បុគ្គលគ្រប់រូប ដែលប្រាថ្នាចង់ដាក់ពាក្យសុំធ្វើជាដើមបណ្តឹង រដ្ឋប្បវេណី ឬសុំការពន្យល់បកស្រាយ ឬជំនួយផ្សេងៗ ចាប់ពីថ្ងៃនេះតទៅទល់នឹងថ្ងៃទី២៩ ខែមករា ឆ្នាំ២០១០ អង្គភាពជនរងគ្រោះនឹងដំណើរការតាមម៉ោងធ្វើការដូចខាងក្រោម៖
ថ្ងៃច័ន្ទ-ថ្ងៃសុក្រ: ម៉ោង 8:00 ព្រឹក - 7:00 ល្ងាច
ថ្ងៃសៅរ៍ និងថ្ងៃអាទិត្យ: ម៉ោង 8:00 ព្រឹក - 5:00 ល្ងាចអង្គភាពជនរងគ្រោះមានទីតាំងនៅផ្ទះលេខ៦អា ផ្លូវ២១ សង្កាត់ទន្លេបាសាក់ ខណ្ឌចំការមន រាជធានីភ្នំពេញជារៀងរាល់ថ្ងៃ គឺចាប់ពីម៉ោង 8:00 ព្រឹក - 8:00 ល្ងាច លោក-អ្នកអាចទាក់ទងទូរស័ព្ទជំនួយរបស់អង្គភាពជនរងគ្រោះបាន តាមរយៈលេខ 012 842861, 097 7424218 ឬ 023 214 291
អ៊ីម៉ែលអង្គភាពជនរងគ្រោះ: victimsunit@eccc.gov.kh