បន្ទាប់ពីត្រូវបានតែងតាំងដោយអគលេខាធិកាអង្គការសហប្រជាជាតិ ឯកឧត្តម បាន គីមូន និងបន្ទាប់ពីទទួលបានការអនុម័តយល់ព្រមពីឧត្តមក្រុមប្រឹក្សានៃអង្គចៅក្រម ព្រះមហាក្សត្រនរោត្តមសីហមុនី បានឡាយព្រះហស្ថលេខាតែងតាំង លោក អាន់ឌ្រូ ធី ខេលៃ (Andrew T. Cayley) មកពីចក្រភពអង់គ្លេសជាសហព្រះរាជអាជ្ញា អន្តរជាតិថ្មី សម្រាប់អង្គជំនុំជម្រះវិសាមញ្ញក្នុងតុលាការកម្ពុជានិងលោក នីកូឡាស គុមចាញ (Nicholas Koumjian) មកពីសហរដ្ឋ អាមេរិក ជាសហព្រះរាជអាជ្ញាអន្តរជាតិបំរុង។
ក្នុងរយៈពេលពីរឆ្នាំកន្លងទៅនេះ លោក ខេលៃ បានធ្វើជាមេធាវីការពារក្តីឯកជនឲ្យលោក ឆាល ធេល័រ ( Charles Taylor) នៅតុលាការពិសេសសម្រាប់ប្រទេសសេរ៉ា លីអូន និងលោក អ៊ី វ៉ាន ឃឺ ម៉ាក់ ( Ivan Cermak) នៅតុលាការឧក្រិដ្ឋកម្ម អន្តរជាតិនៅអតីតប្រទេស យូហ្គោ ស្លាវី។
ពីឆ្នាំ ២០០៥ ដល់ ២០០៧ គាត់បានធ្វើជា អ្នកពិគ្រោះយោបល់ជាន់ខ្ពស់ ឲ្យតុលាការ ឧក្រិដ្ឋកម្មសង្រ្គាម (ICC) ក្នុងនាមជាកំរិតទទួលខុសត្រូវលើការស៊ើបអង្កេតនៅទីក្រុង ដា ហ្វ័រ និងជាបន្តបន្ទាប់ ការស៊ើបអង្កេត សំនុំរឿងលើកដំបូងនៅទីក្រុងដា ហ្វ័រ ប្រឆាំនឹង លោក អាម៉ាត់ ហារុន ( Amhmed Harun) និងលោក អាលី ខាសសៃ ( Aly Kushayb)។
ពីឆ្នាំ ២០០១ ដល់ ២០០៥ គាត់ធ្វើជាអ្នកប្រឹក្សាជាន់ខ្ពស់ឲ្យព្រះរាជអាជ្ញានៅតុលាការឧក្រដ្ឋកម្មអន្តរជាតិ សម្រាប់អតីតប្រទេស យូ ហ្គូ ស្លាវី ។ នៅទីនោះគាត់ទទួលខុសត្រូវសម្រាប់ការស៊ើបអង្កេតបន្តប្រឆាំនឹង ឧត្តមសេនីយ៏ រ៉ាត់ កូ ម្លាឌីក (Ratko Mladic) និងធ្លាប់បានដឹកនាំធ្វើការចោទប្រកាន់ជាអន្តរជាតិ លើកដំបូងទៅលើសមាជិកកងទ័ពទំដោះ កូស សូវូ ។
លើសពីនេះទៅទៀត គាត់ធ្លាប់បំរើការងារជាអ្នក ផ្តល់ប្រឹក្សាយោបល់ឲ្យព្រះរាជអាជ្ញា នៅតុលាការឧក្រដ្ឋកម្មអន្តរជាតិ សម្រាប់អតីត ប្រទេស យូ ហ្គូ ស្លាវី ពីឆ្នាំ១៩៩៥ ដល់ ២០០១ ហើយនៅក្នុងរយៈពេល៣ឆ្នាំដំបូង គាត់ធ្លាប់ជាមនុស្សទី២ របស់កងទ័ព អង់គ្លេស ក្រោមការិយាល័យកិច្ចការបរទេស និងប្រទេសរណប នៅ តុលាការឧក្រដ្ឋកម្មអន្តរជាតិ សម្រាប់អតីតប្រទេស យូ ហ្គូ ស្លាវី។ ជាបន្តបន្ទាប់គាត់ត្រូវបានគេជ្រើសរើសជាមនុស្សអចិន្រ្តៃយ៍ ប្រចាំនៅតុលាការ ឧក្រិដ្ឋកម្មអន្តរជាតិ សម្រាប់អតីតប្រទេស យូ ហ្គូ ស្លាវី ក្នុងឆ្នាំ ១៩៩៨ ហើយនិង ធ្វើ ជាអ្នកប្រឹក្សាឲ្យព្រះរាជអាជ្ញា ក្នុងសវនាការចំនួន៥ ក្នុងរយៈ៦ឆ្នាំ ដោយរួមទាំង តុលាការលើកទី១ ទាក់ទងនឹងព្រឹត្តិការណ៍ក្នុងទីក្រុង ស៊្រី ប្រឹនីកា ( Srebrenica) នៅខែ កក្កដា ឆ្នាំ ១៩៩៥។ លោក ខេលៃ មានសញ្ញាប័ត្របរិញ្ញាប័ត្រ និងអនុបណ្ឌិត ពីសាកលវិទ្យាល័យ ទីក្រុងឡុង និងជាមន្រ្តីជំនាញដែលមានសញ្ញាប័ត្រមកពី សាលាបណ្ឌិតសភា យោធា សែនឌឹសនៃប្រទេសអង់គ្លេស។
សេចក្តីប្រកាសព័ត៌មាន-ស្តីពីការតែងតាំងលោក អាន់ឌ្រូ ធី ខេលៃ ជាសហព្រះរាជអាជ្ញាអន្តរជាតិថ្មី
Most read
- បុគ្គលិក អ.វ.ត.ក ចូលរួមបកប្រែសាលដីកាទាក់ទងសំណុំរឿងព្រះវិហារដល់ពលរដ្ឋខ្មែរ
នៅពេលដែលតុលាការយុត្តិធម៌អន្តរជាតិ (ICJ) ប្រកាសសេចក្តីសម្រេចរបស់ខ្លួនទាក់ទងនឹងសំណុំរឿងប្រាសាទព្រះវិហារនៅទីក្រុងឡាអេ កាលពីថ្ងៃច័ន្ទ ទី១២ ខែវិច្ឆិកា ឆ្នាំ ២០១៣ អ្នកបកប្រែភាសា ៤រូបមកពីអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) ក៏បានបកប្រែ…
- វីដេអូឯកសារទាក់ទងនឹងសំណុំរឿង ០០២/០១
ឯកសារវីដេអូថ្មីរយៈពេល ២៥ នាទីបានផលិតឡើងដោយផ្នែកកិច្ចការសាធារណៈជាបណ្តុំនៃសម្រង់ផ្សេងៗចេញពីការជំនុំជម្រះក្តីលើសំណុំរឿង ០០២/០១ ប្រឆាំងនឹងជនជាប់ចោទ ខៀវ សំផន និងនួន ជា។
- សហព្រះរាជអាជ្ញាស្នើឲ្យផ្តន្ទាទោសដាក់ពន្ធនាគារមួយជីវិតចំពោះជនជាប់ចោទ ខៀវ សំផន និងនួន ជា
នៅពេលបញ្ចប់ការធ្វើសេចក្តីសន្និដ្ឋានបញ្ចប់របស់ខ្លួន ថ្ងៃទី២១ ខែតុលា ឆ្នាំ ២០១៣ សហព្រះរាជអជ្ញាជាតិ លោកជំទាវ ជា លាង បានស្នើសុំអង្គជំនុំជម្រះសាលាដំបូង ដាក់ទោសទណ្ឌចំពោះជនជាប់ចោទ ខៀវ សំផន និង នួន ជា ចំពោះការចោទប្រកាន់ពីឧក្រិដ្ឋកម្មប្រឆាំងនឹងមនុស្សជាតិ…
- សហព្រះរាជអាជ្ញាស្នើសុំឲ្យមានការដាក់ទណ្ឌកម្មលើក្រុមមេធាវីការពារក្តីជនជាប់ចោទ ខៀវ សំផន
នៅក្នុងអំឡុងពេលសវនាការនៅថ្ងៃទី១៨ ខែកក្កដា ឆ្នាំ ២០១៣ តំណាងសហព្រះរាជអាជ្ញាបានស្នើសុំអង្គជំនុំជម្រះសាលដំបូងដាក់ទណ្ឌកម្មលើក្រុមមេធាវីការពារក្តីឲ្យ ជនជាប់ចោទ ខៀវ សំផន ចំពោះការបង្ហាញដែលពួកគេបានធ្វើឡើងនៅក្នុងលិខិតជូនការីនិពន្ធចុះផ្សាយនៅក្នុងកាសែត ភ្នំពេញ…