អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) មានកិត្តយសសូមគោរពអញ្ជើញសាធារណជន មន្រ្តីការទូត និងតំណាងសារព័ត៌មានជាតិនិងអន្តរជាតិ ចូលរួមសវនាការសាធារណៈលើបណ្តឹងសាទុក្ខ ក្នុងសំណុំរឿង០០១ ប្រឆាំងនឹង កាំង ហ្កេកអ៊ាវ ហៅ ឌុច ដែលត្រូវចោទប្រកាន់ពាក់ព័ន្ធនឹងឧក្រិដ្ឋកម្ម ដែលកើតឡើងនៅមន្ទីរ ស-២១ (ទួលស្លែង) និងនៅទីកន្លែងផ្សេងទៀតដែលទាក់ទងគ្នា។
សវនាការសាធារណៈនឹងចាប់ផ្តើមពីថ្ងៃច័ន្ទ ទី២៨ ខែកក្កដា ឆ្នាំ២០១១ ហើយនឹងបន្តទៅថ្ងៃអង្គារ ទី២៩ និងថ្ងៃពុធ ទី៣០ ខែមីនា ចាប់ពីម៉ោង ៩:០០ព្រឹក ដល់ម៉ោង ៤:៣០ រសៀល។ ប្រសិនបើសវនាការពុំអាច បញ្ចប់បានក្នុងអំឡុងពេលបីថ្ងៃនេះ សវនាការនឹងបន្តនៅថ្ងៃព្រហស្បតិ៍ ទី៣១ ខែមីនា។ អ.វ.ត.ក ផ្តល់ការ បកប្រែប្រដេញអំពីដំណើរការសវនាការ ជាបីភាសា គឺភាសាខ្មែរ អង់គ្លេស និងបារាំង។
ដើម្បីធានាបាននូវសណ្តាប់ធ្នាប់និងរបៀបរៀបរយនៅក្នុងសាលសវនាការ សាធារណជនទាំងអស់ត្រូវតែ ចូលអង្គុយក្នុងសាលសវនាការយឺតបំផុតត្រឹមម៉ោង ៨:៤៥ ព្រឹក។ សាធារណជនគួរតែមកដល់ អ.វ.ត.ក នៅចន្លោះពីម៉ោង ៧:៣០ ដល់ម៉ោង ៨:០០ ព្រឹក ដើម្បីឲ្យមានពេលវេលាគ្រប់គ្រាន់សម្រាប់ការត្រួតពិនិត្យ ផ្នែកសន្តិសុខ និងចែកប័ណ្ណសម្រាប់ចូល។
សាធារណជនដែលចង់ចូលរួមស្តាប់សវនាការនេះនៅក្នុងសាលសវនាការរបស់ អ.វ.ត.ក ត្រូវតែបង្ហាញ អត្តសញ្ញាណប័ណ្ណដែលមានបិទរូបថត និងឆ្លងកាត់ការត្រួតពិនិត្យសន្តិសុខ។ សាធារណជនត្រូវតែមាន អាកប្បកិរិយាថ្លៃថ្នូរនិងសមរម្យគ្រប់ពេលវេលា និងត្រូវមានសម្លៀកបំពាក់សមរម្យ។ មិនត្រូវប្រើ សម្លៀកបំពាក់ដែលមានពាក្យស្លោកដែលបង្ហាញការគាំទ្រឬការមាក់ងាយដល់ភាគីណាមួយនៃដំណើរការ ឡើយ។ សូមកត់សម្គាល់ថា អ្នកដែលមានអាយុក្រោម១៦ឆ្នាំនឹងមិនត្រូវបានអនុញ្ញាតឲ្យចូលរួមឡើយ ហើយអ្នកដែលមានអាយុចន្លោះពី ១៦ដល់១៨ឆ្នាំ អាចចូលបានលុះត្រាតែមានមនុស្សចាស់មកជាមួយ។ មិនអនុញ្ញាតឲ្យយកទូរស័ព្ទដៃ ម៉ាស៊ីនថតរូប កុំព្យូទ័រយួរដៃ ឧបករណ៍ថតសំឡេង កាបូបធំៗ អាហារឬភេសជ្ជៈ ចូលក្នុងសាលសវនាការឡើយ។
អ.វ.ត.ក មានទីតាំងនៅសង្កាត់ចោមចៅ ចម្ងាយ១៦ គីឡូម៉ែត្រពីរាជធានីភ្នំពេញ ខាងឆ្វេងផ្លូវជាតិលេខ៤។ សាធារណជននិងតំណាងសារព័ត៌មានសូមអញ្ជើញចូលតាមច្រកសម្រាប់ភ្ញៀវដែលស្ថិតនៅផ្នែកខាងកើត នៃ អ.វ.ត.ក។
សាធារណជនដែលមកចូលរួមសវនាការអាចចតយានយន្តនៅចំណតយានយន្តដែល អ.វ.ត.ក រៀបចំជូន។ អ.វ.ត.ក ក៏ផ្តល់កៅអីរុញនិងជំនួយផ្សេងៗសម្រាប់ជនពិការដែលចង់ចូលរួមផងដែរ។
កន្លែងអង្គុយនៅក្នុងសាលសវនាការសាធារណៈ ត្រូវបានរៀបចំដូចខាងក្រោម៖
១. ភាគីដើមបណ្តឹងរដ្ឋប្បវេណី (រួមទាំងអ្នកដែលបានដាក់ពាក្យបណ្តឹងសាទុក្ខ) ៖ ៩០ កៅអី
ក្នុងករណីដែលកន្លែងអង្គុយទាំងនោះនៅសល់ទំនេររហូតដល់ម៉ោង ៩:០០ ព្រឹក នៃថ្ងៃសវនាការ កន្លែងអង្គុយទាំងនោះនឹងត្រូវរៀបចំសម្រាប់សាធារណជនទូទៅ។
២. សាធារណជនដែលមកជាក្រុម ៖ ២៣០ កៅអី
ក្រុមនេះរួមមាន ប្រជាពលរដ្ឋ សិស្ស និស្សិត និងព្រះសង្ឃ ដែលរៀបចំដោយផ្នែកកិច្ចការ សាធារណៈនៃ អ.វ.ត.ក។ ក្នុងករណីដែលកន្លែងអង្គុយទាំងនោះនៅសល់ទំនេររហូតដល់ម៉ោង ៩:០០ ព្រឹក នៃថ្ងៃសវនាការ កន្លែងអង្គុយទាំងនោះនឹងត្រូវរៀបចំសម្រាប់សាធារណជនទូទៅ។
៣. សាធារណជនទូទៅ ៖ ៥០ កៅអី
សាធារណជនដែលមានបំណងចូលរួមស្តាប់សវនាការសាធារណៈជាបុគ្គល សូមចុះឈ្មោះជាមុន ដើម្បីទទួលបានកន្លែងអង្គុយក្នុងសាលសវនាការ។ គោលការណ៍នៃការបែងចែកកៅអីសម្រាប់ផ្នែកនេះគឺ អ្នកណាមកមុននឹងទទួលបានកន្លែងអង្គុយមុន។
៤. តំណាងអង្គការក្រៅរដ្ឋាភិបាល ៖ ៣០ កៅអី ត្រៀមបម្រុងសម្រាប់តំណាងអង្គការជាតិនិងអន្តរជាតិ ដែលមានកម្មវិធីពាក់ព័ន្ធនឹង អ.វ.ត.ក។ ក្នុងករណីដែលកន្លែងអង្គុយទាំងនោះនៅសល់ទំនេររហូតដល់ម៉ោង ៩:០០ ព្រឹក នៃថ្ងៃសវនាការ កន្លែងអង្គុយទាំងនោះនឹងត្រូវរៀបចំសម្រាប់សាធារណជនទូទៅ។
៥. មន្រ្តីការទូត និង មន្រ្តីផ្សេងទៀត ៖ ៦០ កៅអី សម្រាប់មន្រ្តីការទូតមកពីប្រទេសជាមិត្តរបស់ អ.វ.ត.ក រួមទាំងតំណាងប្រទេសម្ចាស់ជំនួយ មន្រ្តីរាជរដ្ឋាភិបាលកម្ពុជា និងអ្នកជំនាញដែលសិក្សាស្រាវជ្រាវអំពី អ.វ.ត.ក។ អ្នកទាំងនោះត្រូវតែចុះឈ្មោះជាមុន។ កាលបរិច្ឆេទចុងក្រោយសម្រាប់ការចុះឈ្មោះគឺ ថ្ងៃពុធ ទី២៣ ខែមីនា ឆ្នាំ២០១១ វេលាម៉ោង ៤:០០ រសៀល។ ក្នុងករណីដែលកន្លែងអង្គុយទាំងនោះនៅសល់ទំនេររហូតដល់ម៉ោង ៩:០០ ព្រឹក នៃថ្ងៃសវនាការ កន្លែងអង្គុយទាំងនោះនឹងត្រូវបានរៀបចំសម្រាប់សាធារណជនទូទៅ។
៦. តំណាងសារព័ត៌មាន ៖ ២០ កៅអី (ត្រូវតែចុះឈ្មោះជាមុន)
អាទិភាពសម្រាប់តំណាងសារព័ត៌មានដែលអង្គុយនៅក្នុងសាលសវនាការគឺ អ្នកសារព័ត៌មានផ្នែកបោះពុម្ព។ តំណាងសារព័ត៌មានដទៃទៀត នឹងត្រូវរៀបចំជូនកន្លែងអង្គុយក្នុងបន្ទប់សារព័ត៌មាននៅជាន់ផ្ទាល់ដី។ តំណាងសារព័ត៌មានដែលមានបំណងទទួលបានកន្លែងអង្គុយក្នុងសាលសវនាការ ត្រូវធ្វើសំណើសុំកន្លែង អង្គុយ ព្រមទាំងចុះឈ្មោះសម្រាប់ការចូលរួមស្តាប់សវនាការផង (សូមមើលព័ត៌មានបន្ថែមខាងក្រោម)។
ដើម្បីចុះឈ្មោះសុំកន្លែងអង្គុយ សូមទាក់ទងលោក ចិន ហែមវិចិត្រ តាមរយៈ ៖
សារអេឡិកត្រូនិកៈ pas@eccc.gov.kh
ទូរស័ព្ទៈ ០២៣ ២១៩ ៨១៤ លេខបន្ត ៦០៦៥
ឬទូរស័ព្ទដៃៈ ០១២ ៦៩៦ ២២០
ទូរសារៈ ០២៣ ២១៩ ៨៤១
ការអនុញ្ញាតជាផ្លូវការដល់តំំណាងសារព័ត៌មាននៅថ្ងៃទី ២៨-៣០ ខែមីនា៖
តំណាងសារព័ត៌មានទាំងអស់ដែលមានបំណងចូលរួមក្នុងសវនាការសាធារណៈពីថ្ងៃទី២៨ ដល់ថ្ងៃទី៣០ ខែមីនា ឆ្នាំ២០១១ ត្រូវតែចុះឈ្មោះនិងសុំប័ណ្ណព័ត៌មានជាមុន។ នីតិវិធីខាងក្រោមនេះនឹងត្រូវអនុវត្តចំពោះអ្នកសារព័ត៌មានដែលមានបំណងចូលរួមយកព័ត៌មាននៅក្នុងសវនាការលើបណ្តឹងសាទុក្ខ ៖
ក) អ្នកសារព័ត៌មានដែលបច្ចុប្បន្នកាន់ប័ណ្ណព័ត៌មានមានសុពលភាពជាផ្លូវការរបស់អ.វ.ត.ក ត្រូវចុះឈ្មោះនៅផ្នែកកិច្ចការសាធារណៈតាមរយៈការផ្ញើសារអេឡិចត្រូនិចទៅកាន់ PAS@ECCC.GOV.KH។
ខ) អ្នកសារព័ត៌មានដែលបច្ចុប្បន្នកាន់ប័ណ្ណព័ត៌មានជាផ្លូវការរបស់ អ.វ.ត.ក តែផុតកំណត់ ត្រូវបំពេញ ទម្រង់បែបបទសុំប័ណ្ណព័ត៌មានសាជាថ្មី ដោយទាញយកពី (http://www.eccc.gov.kh/english/cabinet/fileUpload/26/ECCC_Accreditation Media_Application_Form.docជាមួយនឹងសំណើសុំចុះឈ្មោះតាមរយៈសារអេឡិចត្រូនិច PAS@ECCC.GOV.KH ។ សូមកុំភ្លេចបញ្ជាក់លេខប័ណ្ណចាស់ដែលផុតកំណត់។
គ)អ្នកសារព័ត៌មានដែលមិនទាន់ទទួលការអនុញ្ញាតជាផ្លូវការពី អ.វ.ត.ក ត្រូវបំពេញនិងដាក់ទម្រង់បែបបទសុំការអនុញ្ញាតជាផ្លូវការសម្រាប់អ្នកសារព័ត៌មានដោយអាចទាញយកពី (http://www.eccc.gov.kh/english/cabinet/fileUpload/26/ECCC_Accreditation_Media_Application_Form.doc) ភ្ជាប់រូបថតទម្រង់ jpg មួយសន្លឹក និងសំណើសុំចុះឈ្មោះតាមរយៈ សារអេឡិចត្រូនិច រួចផ្ញើមក PAS@ECCC.GOV.KH។
ថ្ងៃផុតកំណត់សម្រាប់ការចុះឈ្មោះអ្នកសារព័ត៌មាន៖ ថ្ងៃទី២៣ ខែមីនា ឆ្នាំ២០១១ វេលាម៉ោង ៤ រសៀល