អត្ថបទព័ត៌មាន
សៀវភៅសាលក្រម ឌុច ត្រូវបានចែកជូនដល់និស្សិតសាលាភូមិន្ទរដ្ឋបាល
ថ្នាក់ដឹកនាំនៃអង្គជំនុំជម្រះវិសាមញ្ញបាននាំយកសៀវភៅសាលក្រម ឌុច ពេញលេញចំនួន ៣៥០ ច្បាប់ និងសង្ខេប ៣៥០ច្បាប់ ទៅចែកជូនដល់ថ្នាក់ដឹកនាំនិងនិស្សិតសាលាភូមិន្ទរដ្ឋបាលនៅព្រឹកថ្ងៃទី១៤ ខែកញ្ញា នេះ តាមសំណើសុំរបស់កម្មសិក្សាការីនិងនិស្សិតនៃសាលាភូមិន្ទរដ្ឋបាលចំនួន៣២៨នាក់ ក្នុងនោះមាន កម្មសិក្សាការីមធ្យមនិងជាន់ខ្ពស់ចំនួន ១៨២នាក់ និស្សិតមន្ត្រីជាន់ខ្ពស់ចំនួន ៥០នាក់ និងនិស្សិតមន្ត្រីក្រមការចំនួន ៩៦នាក់។
សវនាការបញ្ចប់ការពិភាក្សារដេញដោលក្នុងការជំនុំជម្រះក្ដី “ឌុច” ត្រូវបានកំនត់ពីថ្ងៃទី២៣-២៧ វិច្ឆិកា ២០០៩
អង្គជំនុំជម្រះសាលាដំបូង បានកំនត់ពេលវេលាសវនាការបញ្ចប់ការពិភាក្សាដេញ
ដោលក្នុងសំណុំរឿង ០០១ ប្រឆាំងទៅលើលោក កាំង ហ្កេចអ៊ាវ ចាប់ផ្ដើមនៅ ថ្ងៃ
ច័ន្ទ ទី២៣ ខែវិច្ឆិកា។ សវនាការនេះ នឹងបូកសរុបបញ្ចប់នៅ ថ្ងៃ សុក្រ ទី២៧ ខែវិច្ឆិកា ហើយត្រូវបានកំណត់កាលវិភាគដូចតទៅៈ
ថ្ងៃ ច័ន្ទ ទី២៣ វិច្ឆិកា ២០០៩
សវនាការបញ្ចប់ការពិភាក្សាដេញដោលជាមួយភាគីដើមបណ្ដឹងរដ្ឋប្បវេណី តាមរយៈ
មេធាវីរបស់ពួកគេ មានរយៈវេលា៥ម៉ោង។
ថ្ងៃ អង្គារ ទី២៤ ខែវិច្ឆិកា ២០០៩
សវនាការបញ្ចប់ការពិភាក្សាដេញដោល ជាមួយសហព្រះរាជអាជ្ញា មានរយៈពេល
៥ម៉ោង។
សិស្សានុសិស្ស និងលោកគ្រូ អ្នកគ្រូ ចំនួនជាង ៧០០០ នាក់ បានទទួលព័ត៌មានពី“ដំណើរការវិវត្តន៍របស់តុលាការខ្មែរក្រហម”
សិស្សានុសិស្ស និងលោកគ្រូ អ្នកគ្រូ ចំនួនជាង ៧០០០នាក់នៅវិទ្យាល័យបាក់ទូក ក្នុងទីក្រុងភ្នំពេញ បានទទួលព័ត៌មានពី ដំណើរការវិវត្តន៍របស់តុលាការខ្មែរក្រហម ដែលបានផ្សព្វផ្សាយជូន ដោយមន្រ្តីរបស់អង្គជំនុំជម្រះ វិសាមញ្ញក្នុងតុលាការកម្ពុជា(អ.វ.ត.ក) នាថ្ងៃទី ០១ ខែ មីនា ឆ្នាំ ២០១០។ ការផ្សព្វផ្សាយនៅវិទ្យាល័យនេះគឺជាផ្នែកមួយនៃកម្មវិធីផ្សព្វផ្សាយទូទាំងប្រទេស ដែលមន្រ្តីរបស់សាលាក្តី ត្រូវធ្វើដំណើរទស្សនៈកិច្ចទៅកាន់ភូមិនានា និងសាលារៀនទាំងអស់នៅក្នុងប្រទេសកម្ពុជា។គោលបំណងសំខាន់នៃកម្មវិធីផ្សព្វផ្សាយនេះ គឺដើម្បីលើកកម្ពស់ការយល់ដឹងបន្ថែមពីដំណើរការវិវត្តន៍របស់ អង្គជំនុំជម្រះវិសាមញ្ញក្នុងតុលាការកម្ពុជា ទៅកាន់ប្រជាជនកម្ពុជាទាំងអស់។